ياعالم تراكم تسرقون جهد غيركم بـ كلّ بساطة !
والله اذا عجبك الموضوع كـ فكرة ممكن تعيد صياغته بأسلوبكـ بـ كذا تكون نفعت نفسكـ وشفت
قدرتك على التعبير ,
* مواضيع الألعاب ممنوعه ,
* هذا قسم مجلس ’ يختص بـ كلّ المواضيع اللي ماتندرج تحت أي قسم من الاقسام ,
يعني بـ معنى اوضح يجي عضو مفحّط ويكتب : ياسر بـ يلعب اليوم ولاّ لأ ؟!
او يجي مسوي له ذاك التصميم ويعرضه هنا او حتى مصوّر خشش بزارين العائلة وجاي يسدحهـا
فيذا نحب نقول لهـ خذ لك لفة الله يعافيك على اقسام المنتدى كلهـا وشف اللي يناسب موضوعكـ
واطرحهـ فيه !
* لقطت لك صورة ومستانس بـ تعلّق عليها ولاّ شي غريب وتبي العالم تشوفه
الله لايهينك ماتفتح موضوع فيه صور تكون اقلّ من ثلاث مع التعليق
حلو اننا نشوف تعليقك ياصاحب الموضوع قبل البقية
* عندكـ شخصية بارزة وتحكّك يدك ودك تسوي معـهـ لقاء أياً كان
لا تخيط وتفصّل من عندك ’ راسل (المشرفين) أول يساعدونكـ وينسّقون موضوعكـ بكل اريحية وتعاون وأي لقاء بدون تنسيق مع المشرفين ومراقب القسم لن يتبناه القسم .
* جاي جديد بقراطيسك وش حليلك تضغط على زرّ موضوع جديد تبي
تعلّم العالم انك جيت ’ يؤسفنا اننا بنغلق موضوعكـ ’ مجرّد تسجيلك في المنتدى وقبولك هذا يعتبر ترحيب بـ حدّ ذاته بتواجدك
* تجي مدرعمـ ودّك تمدح أحد من المنتدى بدون مناسبة نحب نقول لكـ
ممنوع ’ امدحهـ رسايل خاصة لو بغيت
* المواضيع نمونة \ رحنا اليوم وتعشينا برى وخالتي عزمتنا ولاّ رحت انا والشباب الاستراحة
وصوّرت لكم ولاّ شفت ياسر على سيارته ولقطت لكم صورة , هذي ممنوعة !
عندكـ هـ الموضوع ممكن تشارك فيه هنـــا
الشي الثاني \ تقرا الجريدة وجذبكـ خبر او موضوع أيّاً كان لا تفتح موضوع وتكتب عنه
عندنـا موضوع خاص بـ الاخبار المحلية والعالمية هنـــا
تفضّل واكتب ماتبي
يعني مالكم عذر ابد !
* تبي تنتقد المشرفين أو مسوّي قوي و تدقّ في الادارة هذا ممنوع ’
كلّ شخص مسؤول عن كلامه حتى لو جيت ولمّحت وفهمنا التلميح غلط
راح يحرّر الرد ويحاسب صاحبهـ
* الصـور غير اللائقة وروابط الأغاني الله يعافيكم ممنوعة ’
* أي موضوع ترى إدارة القسم أنه راح يضر بمنهجية القسم وألفة أعضائه حتى لو كان نقاش
راح تقوم الإداره بالتصرف اللي تراه مناسب سواء حذف , إغلاق , كرت احمر
للموضوع نفسه أو للردود .
بإختصار اي موضوع يطرح عندنا أصبح ملك لمجلسنا ولسياسة إدارة القسم.
* الرجـاء إلتزام الأدب في الردود ومناقشة الموضوع او عدم الردّ افضل , يعني الموضوع ماعجبك
ترى مب شرط تردّ حنا نشوف ردود احيان خارجة عن الأدب ترى اختلاف الرأي لايفسد للودّ قضية !
وكون ان العضو يكتب موضوع ويجتهد فيه ومصادر واشياء وتردّ بـ مشكور يعطيك العافية هذا تراهـ
اجحاف وانت نفسك لو كتبت موضوع وردّ عليك احد كذا بـ تزعل !
بـ اختصار : الردود المراد بها زيادة عدد المشاركات مانحبّهـا
حنا مانفرض عليكم شي ابد , عضوياتكم وانتم حرّين فيها , ردّوا وشاركوا وسوّوا اللي يعجبكم مادام في حدود
المعقول , ومايقع من ضمن الممنوع عندنـا !
* عندكـ اعتراض , شكوى , اقتراح مهوب تروح الله يجزاك خير وتسدحهـ بالمجلس بإمكانك مراسلتنا
حنا في الخدمة دائماً وابداً ونردّ على أي رسالة من أي عضو كان ’
أخيراً وليس آخراً ,
نتمنى منكم التقيّد بـما ذكر أعلاهـ وتأكدوا أننا راغبون في رفعة هذا المنتدى رقيّهـ
لـكم منّـا كل الشكر ’