صباح / مساء الخير



يامنتخب ليه عكرت أجوائي؟

تعادلك ممزوج بطعم الخساره

فرحت فينا إيران وعلي دائي

تعادله بارضك يعني انتصاره



جمهور حاضر , والكل مؤازر , مالذي ينقص منتخبنا ليحقق فوزاً يستحقه الجمهور

؟!! , وفي نتيجة أشبه بالخساره تعادل منتخبنا الوطني الأخضر أمام منتخب إيران

وكان لعلي دائي ورفاقه ماأراد , بكل أمانه لم يكن المنتخب مقنعاً على الإطلاق , حالة لم

يخرج منها الصقور الخضر منذ مده "حالة يرثى لها" ... من يريد التقليل من مرارة التعادل

ويقول ماذا خسرنا ؟ هذا الصوت فقط من مَن لايدرك خطورة وضعنا وسوء النتيجه المريره

التي خرجنا بها ...




مستوى نوعاً ما مقنع بالشوط الأول فقط وعلى مضض أيضاً ,,,لكن فلسفة ناصر الجوهر

في بعض الأمور كانت مساعده في خطف فرحة الفوز من منتخبنا ,,, صراحة خيبة أمل

لايختلف عليها إلا من يوهم نفسه ,,, نحن مع منتخبنا في الفوز والهزيمة والتعادل على حد

سواء ولكن ماحدث اليوم ماهو إلا نتاج لأمور عديده تحدثنا عنها سابقاً ...





وفي أول تصريح لمسؤولي المنتخب على المباراه للأسف , جعلوا من الحكم اليد التي تنتشل

فشل منتخبنا في هذه المباراه , نعم الحكم ساعد بشكل أو باّخر ولكن المنتخب السعودي

منتخب محترف لديه 90 دقيقه يستطيع الخروج منها بنتيجة الثلاث نقاط ولكن لأننا لم نكن

بالموعد ولأننا لانستحق أكثر من التعادل كان هذا نصيبنا ... أشيد بتميز لاعب الشباب

والمنتخب فيصل السطان في المباراه , لاعب مميز فعلاً ولايحمله فشل المنتخب اليوم إلا من

هو " جاهل " ,,, اللاعب أدى واجتهد ولم يكن محظوظاً , وعندما نريد أن نبحث عن كبش

فداء فليكن من يستحق وليس المغلوب على أمره " فيصل السلطان " ... اليوم روح "

الذابح " سعد الحارثي ظهرت بشكل يندى له جبين الفخر وليس ذلك لأنه من سجل الهدف

ولكن لأن هذا هو واقع الحال وروعته التي شاهدناه عليها بمباراة اليوم ...




على السيد ناصر الجوهر أن يدرك أن لامجال لفلسفته المتأرجحه , هو يملك زمام الأمور

بمنتخب اّسيوي كبير تأهل بفضل الله أربع مرات لكأس العالم هو المنتخب السعودي ,,,

على المسؤولين عن المنتخب والللاعبين أن يدركوا أنهم لم يعطوا مالديهم ولن نرضى بهذه

الحال ولا هذا العطاء السلبي المحرج ... نحن نريد التأهل لكأس العالم للمرة الخامس وهو

حقنا وليس إنجازاً , إن أراد الله كان , وإن لم يشأ فلا حول ولاقوة إلا به , ولكن لن

نرضى أن يكونواً سبباً لحرماننا من هذا الحق ...




بقلم / جنوبيه كووول

آهلين جنوبيه ,

بالعكس ليش تقولين خسرنآ

(مايعجبكم العجب) !

ماقصروآ صرآحه

لعب مره ممتآز ,

وجآ هدفهم بالحظ وليته مآجآ .

وان شاء الله يبدعون الاربعآء

تقبلي تحيآتي ..

..


اهلا جنوبيه ..

اعتقد ان المنتخب اليوم ظهر بمستوى جيد نوعا ما ..
برأيي سوء التحكيم والتبديلات الغير موفقه من المدرب هي سبب التعآدل ..

يعني الشلهوب مثلاً ماكان لازم يطلعه !!
برضو يآسر اقل شي كان المفروض يلعب من بدآية الشوط الثآني !!

عموما مازال فيه أمل .. بالتوفيق للأخضر في المباراة الجايه

شكرا جنوبيه كوول ..


..

اهلين جنوبيه
تقولين وش ينقص المنتخب اقولك
وش ينقص الي ينقص كان الحظ بس
و لاعبين المنتخب اليوم ماقصروا
مستوى اليوم مقنع
بس تبديلات الجوهر اليوم ما كانت موافقه
المفروض الشلهوب والسطان ما طلعوا
لان هم الي مشغلين الدفاع
بس ما اقول الا حسبي الله على الحكم

الصرااحه تعادل بطعم الخساره

هم قدمووو الي يقدرون عليه بس الحظ آآه يا الحظ




جنوبيه يعطيك الف عااافيه

والله بكل صراحه
كلامك مو منطقي ابد .. المنتخب قدم كل الي عليه ولا قصروا الشباب
الشوط الاول الايرانين ماعاد يعرفون اليمين من اليسار
يمكن الشوط الثاني نزل المستوى شوي وسبب التعادل بسبب غلطه
اما المنتخب بمستواه كان 10 على 10

مو عشانهم تعادلوا نظلم حقهم
اللاعبين قدموا الي عليهم من كل شيء .. وجتنا اكثر من فرصة
لكن يا انها تضيع .. ولا يطب الحكم ويخربها مثل ضربة جزاء فيصل السلطان

..

جنوبيه كوول

المنتخب اليوم قدم مباره كبيره والكل يشهد له لكن الحظ ما وقف معه اكثر الهجمات ضاعت وشفنا فيصل كيف الحظ ما وقف معه

الحكم زاد الطين بله

كيف ما يحسب البلنتي وهو واضح وضوح الشمس وما يبيلها كلام

والحكم ذا ضد السعوديه في كل مباره يحكم عليها والكل يعرف


والجوهر ما قصر وعمل الشي الازم منه تذكروا انجوس وشوفوا الفرق بينه وبين الجوهر وكيف كان مستواء المنتخب مع الجوهر ومع انجوس


والف مبروك لسعد نجوميه المباره ويستاهلها ابو مشعل

والله يوفق المنتخب يوم الاربعاء

امام الامارات مع ان المباره بتكون صعبه لان الامارات خسر والله يوفق المنتخب السعودي


جنوبيه كوول


موضوع رائع وتقبلي مروري

مع احترامي الشديد لاّراءكم :

ماودنا نضحك على أنفسنا ونقول مستوى منتخب جيد , وقت التصفيات ,وقت الجد

كلام " ماقصرتوا " وتربيت على الكتف و" تعوضوها " هذي ماتوكل عيش ...

(( بصريح العباره المنتخب سيء , وفلسفة ناصر الجوهر واللي

يوجهه ويوجه قراراته أسوأ ))...

الحين مالنا إلا نكون مع منتخبنا بكل حالاته , بس نصارح ونواجه بالأخطاء , وإلا ماراح

يبكي غيرنا بالاّخر , وبالنسبه لإيران , إلاَّ ونص علي دائي فعل ماقال , وش أكثر من انك

تاخذ نقطه من المنتخب السعودي بأرضه وبين جمهوره ؟ لتكون خساره لإيران وفوز لنا

وانا ماادري ؟ والا ليكون هذا طموحكم , ؟


ومو حارق دمي إلا اللي حط " فيصل السلطان " و " الحكم " السبب الرئيسي في النتيجه

,,, فيصل السلطان جداً مميز والحمد لله أنه بصفوف الأخضر وهو مكسب حقيقي ,

بالنسبه للحكم حتى وان أخطأ إلا أن سياسة المنتخبات المحترفه تعرف تتجاوز هالإشكال

بقوتها وكلمتها بأرض الملعب ...


اللي يستر بس من الجاي .

تفآءلوا بالـ خ ـير تجدوهـ

غآليتي .. لن ولم نفقد الآمل بـ ع ـد

فقد قدمنآ مستوى جيد جدآ

لكن الحظ اوقفنآ .. واخطآء بسيطه جدآ ضيعتنآ

فنجومنآ .. ابدعوآ .. ما قصروا وسوو اللي عليهم

والقآدم افضل في المباريآت الجايه

كل التوفيـــــق لصقورالمنتخب

والله المنتخب اليوم كان مبدع
بس الحظ ماكان معنا
وان شاء نعوض في الامارات
وبأذن الله نتأهل

انا اوفق الكاتبه
كان منتخبنا ليس منتخبنا اليوم
قدم مستوى جيد ولكن بالشوط الاول
الشوط الثاني كان منتخب متشتت وفرص تضيع وفاع ضعيف وكم عنانينا من الخصم لن دفاعنا لم يكن بمستوهم
مشكله منتخبنا كبير وهذا لايعني بعدم الوقوف معاه كان الملعب لا يجود اي مكان لن جمهوره حضر بمجرد منادته
يجود عناصر افضل من ذالك ولكن لا يتم اختيارهم لا ادري لماذا ؟؟؟؟؟؟؟؟؟