بسم الله الرحمن الرحيم ...
السلاام عليكم ...
كيف الحال يا حلوين ويا حلوات ... منتدى القنــاص
الله يسعد مساء هالخشش الحلوه ... معكم احلى هلالي (عالمي) وبرشلوني في الوجود ...
انا جايكم اليوم وابي اقول لكم قصتي مع هيفاء وهبي ... ( الجزء الأول )
انا عارف انتوا مادخلتوا الموضوع يا التماسيح الا يوم انكم شفتوا اسم هيفاء وهبي معلق في الموضوع ... ههههههههه :D
القصة .... تتكون من 3 اجزاء ... :009:
ونبدأ على بركة الله ...
~~~
( الفصل الأول ) ...
في يوم من الأيام .. كان يا زمان ... <<< اموت على المقدمة ... اركد يا مريم الغضبان في المسلسل اللي تقول فيه القصص ... هههههههاااي :D
تو النور مشقشق ... والصباح في اوله ... وكنت قايم من النوم نشيط ... وابي اطلع ماكنت ابي افتح المنتدى ذاك اليوم عشاني كنت متهاوش مع الوالد... :o
ورحت لـــ الوالد ... مسوي اني براضيــه ... مدري ذاك اليوم كنت مطفـر مافي فلووس با العربي مافي دراهــم... قلت له تبي شيء من برى ... قالي لا ... قلت اجل السواق وين بيروح قالي ... بيروح سوق الخضار يجيب لنا اغراض ... قلت اها
طيب خلاص انا بروح سوق الخضار وبجيب اللي تبيه من هناك ...
المهم ...
وانا طالع ... قلت ابي واحد من الشباب يروح معي ... قلت تدري بدق على أزهلها لأنه ماينام الصبح وذلك لأسباب خاصة مااقدر اصرح عنها علما بأن قبلها بيومين انقذت حياته كان بينتحر ... وقلت له انتبه ترى بعدين تموت ... وفكر بكلامي ... وتراجع ولا انتحر
وادق عليه ... قلت له : هلا يا الدب ...
قالي : هلا ياتايسون ...
(( تايسون هذا اقوى ملاكم في العالم ))
قلت له : تروح معي سوق الخضار ..
قالي : وش عندك هناك ؟
قلت له : يعني بروح سوق الخضار ... وش بسوي اروح احلق مثلا ؟؟؟ اكيد بروح اشتري خضار ... :D
قالي طيب لاترفع صوتك ... يلله تعال مرني ...
ويركب معي ازهلها ...
ومشينا بالسيارة ... اشوووي ويقوولي ازهلها وش رايك ناخذ معنا كم
عضوو من المنتدى ... قلت له اوكي ما طلبت شي ... قلت له من تبينا
ناخذه معنا قال انا ودي يجون معنا ثلاثه ونا بجيب الرابــع من عندي
بس على شررط ماني رايــح بسيارتي لان سيارتي ما تكفي قلتله حرك
الجمــس حقك قال اوكي ... طبعا جمس ازهلها موديله 88 لونه احمــر
مزعج الحاره بصووته تخيلو اذا مرني البيت على طول بدون ما يدق جوال
اطلع له لان عارف صووتــ الجمــس حقــه )) :D
المهم ... رحنـا لكل عضوو الي بيرحون معنا بيتــه ... طبعا الاعضــاء هم
عمـر الرياض ...زعيــم هلالي ... نحبك يا هلال ... الحلم الازررق
ملاحظـه (( ازهلها يومه يقــول دق على ثلاثه اعضــاء من المنتدى ما
عرفتـو قصــده با العربي ازهلها راعي مشاكل راعي هوشــات وخايف
انه يتهاوش معه مجموعه عشان كذا جاب الثلاثه ونا من عندي الرابـع
يعني با العربي اذا تهاوش الا الاعضااء فزعه معه طبعا انا عاقل مو
راعي مشــاكل )) :D
ملاحظة ((عمر الرياض ... نحبك يا هلال ... الحلم الازرق... زعيم هلالي في القصة معروفين .... انهم راعين بنات .... مشبكين نص بنات الشرقيه وبنات الريــاض )) الا انا وازهلها معه انا احلى منهم << واثق :rolleyes:
وحنا بالطريق ... يقول عمر الرياض : امس خويتي عطتني دبدوب مكتوب عليه احبك للأبد ...
والحلم الازرق يقــول .خويتي سددت فاتورتي حق شهرين ... قيمة الفاتورة اكثر من الفين ريال ...
زعيم هلالي ..وريم قالت لي ابي اشوفك هالأسبوع ...
نبحك يا هلال يقــول ... خويتي من امس وهي تدق ونا مشكل فيها << مسوي ثقيل
وحنا جالسين نسمعهم انا وأزهلها ونقول محق فزعه وحاط رجلي على البانزين ... ابي نوصل عشان يوقف سوالف لأن قلبي يحترق ... خطفت اشارتين حمراء ... :D
وهم جالسين يسولفون عن خويااتهم طبعا كل واحد منهم يقول الزود عندي
في المبالغه في الكــلامـ :D
الا رن جوال الأخ الحلم الازرقـ ... نغمة عيضة المنهال ... (( يا ابوي انا سهراااان .. ))
قلت له : من هذا ...
قالي : لاحول ... تعال شف من اللي يتصل ...
وانقز على شاشة جواله ... واشوف النشبه يتصل بك .. قلت له : من هذا النشبه ...
قالي : خويتي ... هذي في اليوم ترسل لي عشرطعشر رسالة ... وتكلمني وماتقفل المكالمة الا اذا قلت لها انا خلاص اذني احترقت ...
قالي ماني راد ... قلت له احسن .. وانا منقهر لأنه هو مضبط وانا مااعرف ولا بنت مع اني احلى منه ...
قالي :وجــه سهــامــك ... قلت له : لبيه ... قالي : لا هنت وقف عند البقالة خلنا نشتري لنا شيء نشربه ...
وقفنا ... ونزل ... قال : وش تبوون من البقاله ... قلت له : ولاشيء ... سلامتك
قال ازهلها وش تبي ... طبعا ازهلها يموت في شي اسمه كتكات قال جب
واحد كتكاتـ
قال عمر الرياض وش تبي قال جب لي كرتون خيــار لاهنتـ ماسكه اسووي
تبــوولــه يبي خيــار من البقاله وحنا رايحين سوق الخضــار شوفو المسكه
قال زعيم وش تبي قال ابد ايسكريــم بو اربــعــه الي في داخله اربع ايسكريمات
قال نبحك يا هلال وش تبي قال ابي حلق وعقد ومناكير وعطر نسأئي
ابي اهدي خويتي والتفت عليه قلت على فكره هذي بقاله ولاا وش رايك
تجيب لخويتك عباة الفراشــه المهم التفت وهو يضحك قال اسكت خلني اخف
في الحلم طبعا الحلم مصدق ايوه متجاوب معهم يحب هذا الاشياء موجوده
في البقــاله ههههههههههههههههههاااي
قالي : لازم اجيب لك شيء يا وجه سهامك_20 ... قلت له : خلاص جيب لي اي شيء ...
ونزل ... شوي الا نغمة عيضه ... وانا ظر...الا اشوفه جوال الحلم الازرق
واشوف النشبة يتصل بك ...
وجلست افكر والشيطان يعلب براسي .. يقولي اسمع الصوت العسل ... وسو نفسك اخوه الكبير وقل دنجر مو موجود ... اسمع الصوت الحنان ...
قلت برد على جوال ... انا ماعمري سمعت صوت نسائي الا مرتين ... امي اذا قامت تدعي علي ليه كسرت الصالة بالكوره وطلعت ... وخدمتنا اذا جات تقولي ... جب شماغك عشان اكويه هههههههههههههههااي :D
وارد ... واحط الجوال بأذني واغطس بالسيت واقول بصوت نااااعم ...
الووووووووووووه ...
ويرد على صوت ... قاسي ... مكر مفر مقبل مدبر معا <<< لاتخافون مو دعاية كت كات ..
كاجلمود صخر حطه السيل من علي ...
قالي ... يا قليل الأدب ... انا جالس انتظرك بالمستشفى يا الدب وانت سافطني ... (( صوت ابوه ))
اصلا الجوال طاح من يدي بالحاله ... خخخخخخ
واقفل بوجهه ...
رجع الحلم الازررقـ ... وعطاني مسطره ...
قلت له : ليش هذي المسطره ... قالي : مو انت قايل لي جب لي أي شيء ... شريت دخان وببسي ... وشريت لشبااب وباقي نص ريال لي عنده قلت اجيب لك فيه شي بنص ... شفت المسطره سألته بكم قالي بنص وجبتها لك ... :D
قلت له: على العموم ... ترى رديت على الناشبة خوويتـكـ
قالي : وشو ؟ قلت له : اللي سمعته ...
وطالعني بنظرات احتقار وقالي انا اعلمك يا زامبروتا انت وزلوفك ...
(( زامبروتا لاعب فريق يوفتنس الأيطالي ... زلوفه ( عوارضه ) طوال ))
وفجأه ... وصلنا سوق الخضار ...
~~~
(( الفصل الثاني )) ...
دخلنا سوق الخضار ... الا وشــوف هــمــر اســود فيه اربــع بنــاتــ كــل
وحـده تقــول الزود عنديـ با العرربي مزيونـــاتــ كل وحده داقـه اللثمــه
طبعا ملاحظه (( وجه سهامك اهم شي عنده في البنت البرررقــع وخصوصا
البرقــع الكويتـــي )) المهم ... قمت اقوول في بالي يا وجه سهامك رح شف
حضك معه البنات ما تدرري يمكن تشبك معه وحده منهم كل اخوياك عندهم
خويات الا انت هذا ونت احلاهــم <<< وااثــق زوج زينب العسكري الي في
مسلسل عذاري على غفله ههههههههههههههههههاااااي :D
المهم .,. اشووي وتردد قلت خلاص ماني رايــح طبعا انا معرووف با الثقل
وبيني وبينكم خايف ان البنـات يذبون عليه كلمه تجرحني ... المهم اشوي
ويجيني عمر الرياض ويا زعيم هلالي يشوفوني افكــر قالو شو فيك يا
حامد زيد تفكر تبي تقول قصيده قلت شووفوا المزيونا ت مو خوياتكم
الخنافـر الي كل وحده تقول خنفرتها كــوخ هــايــدي هههههههههههههاااي
المهم قالو عن الغلط ... اشووي ويقوولون رح يا وجه سهامك تراهم
ينااظرونك ونا مدرري على نياتي قلت يعني ارووح قالو توكل على الله
المهم خرشو لي صح يا ذيبان ومن هل الكلام وصدقتـ عمــري ورحــتـ
وياليتني مارحــت ... اثاري الي في الــهــمــر اربع بنات من المنتدى
الا وهما ... بنوته 11 ... هلاليه مثاليه ... صمت اليالي ...وراون القحطاني
المهم وجي ونا امشي ويا راسي اتميلح عليهم وحاط الجوال في اليد طبعا
انا تفكيري اني كااشخ الحين با الجوال المدمــر وحاط له اغلاف احمــــر
اثاري البنات كلهم عندهم بو كامرتين الشيطان ههههههههههههههاااي :D
وحــاطـ جل في شــعــري مســوي سباايــكــي المهم وحركتــاتــ
وجي الا وشووفهم بنات المنتدى طبعا انا خفت ليه قلت على طوول بيسوون
موضووع في المنتدى يخصني ... اشووي وشوف هلاليه تناظرني بنص عين
وتوته 11 مطلعه العجــره وروان القحطاني طلعه يدها من النافذه تقول وش
عندك هنا الا صمت الليالي تناظرني وتتبســم وتتميلح علي وتقول يا وجه
سهامك هلابك هلا اسفررت ونورت يا وجه سهامك ونا مسووي ثقيل وفي
نفس الووقت خاايف من عجره توته 11 المهم اشوي ورجع وشف عجره
توته11 في راس صمت عشانها رحبت فيني من جد حقدت على توته 11
قلت في بالي حتى يوم صار عندي حض معه صمت خربتي على يا الدبــه
المهم... رحــــت ادوور اخوياي وشوفهم ...
وااقفين عند البسطه حقت الخضار ... الحلم شرى بقدونس ... وازهلها شرى وجرجير ... وزعيم شرى وخس ... ونحبك شرىملوخيــه... وعمر الرياض شرى طماط ... وجح ( رقيه ) <<< للي مايعرفون الجح ... ونا شريتـ خيار ... عشاني انا احب البشاميل مع الخيار ... <<< مدري وش دخلهم ببعض ... لا احد يسألني ... :D
وانا جالس اشتري الىيناديني ازهلها ... قال : وجه سهامك_20
قلت له : نعم ؟ قالي : التفت وشوف الغزال اللي بيمشي جمبنا ...
والتفت ... واتفاجأ ... واشوف
بنت .... موووووووووووووووووووووووت
تذبح .... جرح ...
بنت حلوه ... مخصره العبايه ... تخسي زوجة بباي في خصرها ...
والعابايه مرسوم عليها ودناديش وحركات ... طبعا العباه الفراشــه
انا الى الحين .. مو مستوعب ... ايش جاب هذا القمر سوق الخضار ؟
ومتكشخه البنت ... ومعلقة الجوال على رقبتها بخيط وردي ... هذا القمــر
مفرووض اشووفها في مجمع السيتي سنتــر
وصار اللي ماكنت ابيه يصير ...
انا جلست اطالعها ... والبنت تبادلني النظرات ... لوووووووووووول :p
انا مو مصدق ... وجالس ارجع على ورى .. وامشي على ورى وارجع ... من هول الموقف ... الا ضربت صندوق الطماط المليان ... واطيح على الشايب اللي يبيع الخضار ...
قامت البنت تضحك علي ...
انا استأنست اني طحت ... قلت بروح اطيح مره ثانيه ...
قلت صدق الشاعر اللي قال ...
مرحوم يا ضبٍ على الخط مدعوس ** له سبعة أيامٍ ومحدن درى به .... :D
اشوي وقالي عمر الرياض : يالوح اثقل اشوي واسمعني ...
قلت له : هلا .. وش تبي بعد انت ؟
قالي : البنت يا وجه سهامك جالسة تطالعك ... قلت له: وش قصدك ؟
قالي يعني البنت تبيك ... البنت لك ... رح الحقها وعطها الرقم
قلت له .... لا انا مااقدر ... انا ولا عمري سويت مثل هذا الشيء ... لااني
سوويته معه الهمــر الاســود وطلعو بنات المنتدى الحين اسويه معه هذي
البنت تطلع بنت جيرانه ونا مو فااضــي
اشووي ويجي زعيم عاد انتوو عارفين زعيم من القصه السابقه مغزلجي ... قال انا بروح اكتب لها رقمي واشبكها .... توه بيروح قلت له : وقف تعال ... قالي : ها وش قلت ... قلت وش فيك طياره اركد اشووي
قلت له : خلاص انا بروح بلحقها ...
قالي : صح يا ذيبان انت بطل الحاره وبطل المنتدى ... وانت قبل امس انقذت حياتي ... ماتقدر تلحق وحده ..
واطق على صدري واقول ... وانا ولد ابوي ... والله الحقها
ويطلع لي نبحك يا هلال مصاص بو ربع ريال ... هو يعرف اني احبه ...
ويجيك ازهلها ... وياخذ القرطاس حق المصاص ... ويعطيني اياه ... قالي : اكتب فيه الرقم ... وعطها القرطاس ..
واكتب الرقم واسمي مدحت ... والحقها ...
واروح واشوفها عند البسطه اللي جمبنا ...
وارمي عليها الرقم ... وانحاش وازهلها والحلم وعمر وزعيم ونحبك انحاشو وراي ... اثاريهم لاحقيني يحسبون البنت بتفشلني داري عنهم يبون الشماته ونركب السيارة بسرعة ... وتركنا الأغراض الطماط والخيار والخس ...
وركبنا السيارة ... الله لو تشوفون اشكالنا انا معه الاعضاء تموتون من
الضحك ... :D
اكيد الحين ... تتسألون وتقولون وش دخل هيفاء وهبي ...
بس لا تستعجلون ... ( لو صبر القاتل على المقتول ... صار كلام ثاني ) <<< احفظ المثل عدل بعدين تكلم ...
رجعت البيت .. وانتظرت يومين ... والبنت مادقت
قلت اكيد انها خلت الرقم على الأرض ماشالته ...
وفي اليوم الثالث ... الساعة 3 الفجر ... دق جوالي ... نغمة خالد عبدالرحمن ... ( مديونه ... وقل منك العطاء مديونه ولا رديتي الجميل )
وارد ... واتفاجأ ... واسمع ذاك الصوت
يذوب الحديد ... صوت حنااااااااااااااااااان
وتقولي ...
الو ... قلت : يا بعد الألو كله انتي ...
قالت : انت مدحت... ؟
قلت : منهو مدحت ... ايه ايه ... صح انامدحت ... نعم ؟
قالت : انا البنت اللي في سوق الخضار
قلت : يا هلا وغلا ...
قالت : وش ذا الحركة اللي انت سويتها ... ترمي الرقم وتمشي ...
قلت لها : والله يا بنت اني اول مره ارمي رقمي على وحده ... لأني مااعرف بنات ... وانتي اول بنت ارمي عليها الرقم ..
البنت استانست علي يوم اني قلت لها هالكلام ...
قلت لها ... اعيونك الحلوه ... مو اعيون اسلحة دمار شامل ...
بوش يدور اسلحة الدمار الشامل عند صدام ... والأسلحة في اعيونك ... اعيونك تذبح ... البنت استانست علي اكثر
قلت لها : اكيد هلاليه صح ؟
قالت لي : قالت اكيدين ... اوفررحتـ كثيــــــر ...
قلت لها وانا هلالي كمان ... قلت لها اي للاعب تحبينه تشووفين لعبه
قالت خلاص راح خالد التيماوي ماله طعم الهلال بس هم فريق كبير
با العربي اخذتني الغيــره ونا اخــوكـــم
قلت لها : هذا في نصراوي مات ابوه .. قال السبب من الحكم ..
خخخخخخخخخخخخخخخخخخ :D
قامت تضحك بقوه ...
البنت قالت لي يا خف دمك يا مدحت ... قلت منهو مدحت ؟؟
قالت لي تسوي نفسك ماتعرف اسمك ... والله انك خفيف دم ...
قلت لها : ايه صح ( كنت بروح فيها ) ...
قلت لها : وش اسمك ...
قالت لي : بصوت حلو .. تبطي عظم حليمة بولند تجيب مثله ... قالت ماراح اقولك ... بس اول حرف بأسمي ( هــ ) ...
قلت لها : اسمك هباب ؟؟؟ <<< اشتقيته من ( رباب )
قالت لي : هباب في عينك ... قالوا لك انا سيجاره اسمي هباب ؟
قالت لي : اسمي هيفاء .. انا اتوقعت انها هيفاء وهبي من جمال العباية والخصر ... الخ
البنت ارتاحت لي بشكل رهيب ...
وبعد ساعة ونص من الغزل وكلام الحب ...
قالت لي : ابوي الحين بيقوم لــ صلاة الفجر اكلمك بعدين ... باااااي حياتي ..
طوووووووووووووووووووط ... ( قفلت السماعة ) ...
وانا اخوكم ... مااخبي عليكم ... انا دخت ... صرت ضايع ...
دقيت على على كل عضوو الي راحو معي السووق ابي اقهرهم لا تلوموني كل يوم اذا جتمعنا قهروني بسوالفهم المهم وكلم الحلم الازرق قلت له اذا جاني شعور ... ودي اضم الوسادة ... قالي ... صرت مثلي يا بو وجه سهامك
صررت رومنســي ,,, صرت احمل معاني الحب في قلبي ... :rolleyes:
رحت قدام المرايا ... وجلست امشط قذلتي اللي جالس يهاوشني الوالد ... يقولي احلقها ولا بطردك من البيت انت وقذلتك ... وصرت انسان ثاني ... جلست اتعطر بكل العطور اللي قدامي طبعا شانيل كرستنديو الرساله احبيني ناديني جفنشي كل انواع الماركه على طاولتي في البيت ... صرت شخص ثاني
:004:
صرت ماتحمل اشوف الدجاجة تنذبح ... علما بأني كنت في عيد الأضحى انا اللي اذبخ خرفان الحارة كلهم .. :D
صرت ادق عليها بأستمرار ... صحيح ان الفاتورة تكسر ظهري ...
بس اقول في خاطري كله يهون لـــ عيون هيوف ...
صرت اغني مع ام كلثوم ... مشكلني حبك يا روح الروح مشكلني ...
صرت اغني مع فيروز اذا قالت (( لو كان دا حب ياويلي منه ... ))
=======================================
يتبع في الجزء الثاني ...
ماراح انزل الجزء الثاني .... الا اذا شفت حماس من الأعضاء ...
لووووووووووووووووووووول
راجع بس بعد مااشوف ردودكم ...
سي يو
اخـــوووكــم ... وجـــه ســهـــامــك_20 :D