البارت التاسـع..


( في الأستراحـه):

طلال: تهقى فعلاً استقالت وإلا هم أقالوها..
ماجد: مايبي لها أكيد أقالوها يعني كل شيء
واضح..
طلال: طيب وش سالفه نواف..؟؟؟؟!
ماجد: هذا اللي محيرني بس يمكن قصده لما
أقالوها..
طلال: ايه بس هو قالي غير كذا اللي فهمته أن
نواف كان معاها مب ضدها..
ماجد: طيب هذي خطتنا وفشلت قبل البدايه.؟
طلال: مب فشل لكن كيف بنإصل لرانيا.؟؟؟!
ماجد: أندري قالها بتنهـد..!
طلال: طيب مانروح نسأل عنها صديقاتها..
ماجد: لاوين البنت ناقصه مشاكل؟
طلال: قلت نسأل صديقاتها ماقلت نسأل العالم!
ماجد: نفس الشيء هالحين أقولك نواف قالي كلنا
وقفنا ضدها يعني نفس الشيء!
طلال: أووووهـ تكفى لاتقفلها بوجهي!
ماجد: قيلك هي مقفلـه مقفلـه الله يكون بالعون!
طلال: خلنا نفكر بشيء ثاني أكيد هنا حل!







( في بيت رانيا)..
أم رانيا وعيالها كانوا على الغداء مجتمعين ماعدا
رانيا اللي محبوسه بظلام الغرفـه..
أم رانيا: ريووووف نادي لي رانيا يابنيتي خليها
تجي تغدى.
فهد: خييييييييير تغدى هناك منب ناقص قرف
على هالغداء ياربي لك الحمد..
رانيا في غرفتها سمعت هالكلمه زي السهم
في جوفها ونزلت رأسها بين رجولها الصغيره
ثم صرحت داخلياً: ليش وش فيني أنا.؟؟؟؟؟
محمد ناظرهم بشيء غير معروف وكمل أكل..
ريوف ماكان ودها رانيا تسمع وقالت بسرعه: خلاص نتغدى أنا وياها داخل بالغرفـه..
أم رانيا بإنكسار: براحتكم أجل..








( في غرفـه رانيا)
كانت رانيا تصارع العالم كله في داخلها تعيش
شيء يمزق أحشائها دموع وإلم وظلم ومجهود
سنوات يضيـع..
ريوف: رنو حبيبتي جبت الغداءنتغدى سوى..
رانيا رفعت رأسها وجهها يحكي معاناهـ مريره
وكله دموع وأهات: بس مابي شيء..
ريوف شافت الموت يأكل في أختها ووجهها المليان
بالدموع والألم والذبلان..
ريوف: رانيا حرام عليك اذا هم ظلموك ليش أنتي
تظلمين نفسك وأنتي متعلمه ومثقفـه....
قاطعته رانيا: بس انا أنسانـه..
ريوف: رانيا وكتمت عبرتها ثم كملت: ماعيك من فهد هذا هو من عرفناه وهو كذا..
رانيا: تحملت ظلم الغريب كيف ماأتحمل ولد أمي
وابوي..
ريوف صدت عن رانيا وقامت علشان ماتنفجر
من الألم..





( في بيت أبونواف)..
أبونواف مجتمع مع عياله على الغداء..
فدوى: يبه اليوم نطلع للسوق أنا وذكرى..
عبودي: وأنا بعد..
ابونواف: أوكي اذا أحتجوا شيء قولوا لي..
سلطان: خوذوا أمل معكم بنت عمي..
ذكرى تذكرت تغير بنت عمها وأنزعت وكملت
أكل وقالت فدوى بسرعه: اوكي نقولها..
عبودي: لاتنسون تأخذوني بس مب تروحون من
وراي زي دايم..
سلطان: خخخخخخخخخخـ كشفكم..
فدوى: ياملحك بس خخخـ





( في إيطاليا)..
نواف في الفندق: يمه أنا بطلع لواحد بالسفاره
بسلم عليه وأنتي تعالي أنزلك لجدتي..
أمه: أوكي..
نواف كان لابس الثوب السعودي والشماغ وكان
واضح عليه إنه سعودي غني ومليان..
أمه: خلاص نواف أنت روح أنا أكمل..
نواف: لاوين تبين أبوي يذبحني تراه موصيني عليك
أم نواف: خخخخخخخخخـ هذي ديرتي..
نواف: غمز عينه ثم قال ديرتك ديره عيالك ياميمتي..
أم نواف: أوكي ولاتزعل بس مافيه خوف هنا..
نواف: أوكي أجل أنا بروح وبخلي السواق والحارس معاك وأنا أخذ تاكسي..
أمه: لااااااا وش تاكسي تعال معانا..
نواف: لاخلاص يمه قلت لك أروح مع تاكســي!
أمه: أوكي براحتك..






( في شقه نوال ومي)..
نوال: مي وش فيك من جينا هنا وأنتي متضايقه
وبصدرك شيء وش فيك.؟ حنا جايين نستأنس وإلا
نتضايق.؟
مي: مافيني شيء..
نوال: مي وش اللي مافيك شيء..
مي خنقتها العبره وماقدرت تكلم..
نوال: مي وش فيك..؟
مي والعبره خانقتها وتتكلم مثل المخنوقـه: نوال أنا
مابيدي شيء بس نوال صورته مب قادره تفارق بالي عجزت كل يوم أناظر بورقته اللي معاي وأشم عطرها أحس بشيء فيني غريب..
نوال: من تقصدين لايكون نواف.؟
مي: وهو في غيرهـ اللي كلا عقلـي..
نوال: هههههههههههه الحمدلله الى هالحين فاكره أنتي حاجرتنا هنا علشان تفكرين فيه الحمدلله بس خلاص نبي نستأنس هالسفره ولابالأحلام ولاهي حاصله مره ثانيـه.!
مي: نوال ثم بكت ورفعت رأسها مره ثانيه : وش فيك انتي ماتفهمين أقولك عجزت كل شيء متعبني يانوال أنا أحس أني أعرفه من زمان أحس أني أحبه!
نوال: أييه بس فكري فيه برده فعلـه بموقفـه صعبه
يامي والله صعبه حنا على قد حالنا ابوي يكرف ليل
نهار علشان 3500 ريال بالشهر لعائله كامله!
وهو وش هالألف عنـدهـ!.؟
مي: نووووووووال أدري بس مااقدر صدري تعبت وربي احس أني مخنوقـه ودي فيـه ودي بحنانه!
نوال:أقول لاأسطرك بالله فكينا..
مي: إااااااهـ بس!






( نواف وهو في الكفي اللي مواعد فيه
صديقـه اللي بالسفاره)..
رن جوالـه برساله وفتحها وهو يشرب القهوه
الأيطاليـه:
الرسـالـه:
صورتك في داخل العين لاماتفارقها..
كيفك أن شاء الله تمام.؟
نواف وفي داخله تعجب: وش عندها مرسلـه ذي!
منب راد عليها منب فاضي.!
شوي وإلا ياصلـه مسج ثاني:
ليت الصدر مخلوق لك شفاف..
حتى تشوف مكانتك بالقلب وينها.؟
نواف بإستغراب مصاحب لأبتسامه: غريبـه!
شوي ويوصل صديق نواف العزيز اللي درس معاه بنفس الجامعه بإبريطانيا لكن ظروف العمل خلته يسكن إيطاليا..
نواف: هلا هلا هلا والله..
حاتم: هلا فيك يابعدي ويسلمون على بعض..
نواف: أخبارك وعلومك.؟
حاتم: الحمدلله بخير أنت وشلونك.؟
نواف: بخير يامال الخير..
حاتم: أخيراً شفناك عساك جاي أنت والعروسـه بس شهر عسل..خخخـ
نواف: ههههههههههههههههههههههه تصور بس!
حاتم: ليه ماتصور والله اني أفكر أتزوج تعبت بلحالي هنا..
نواف: ماعندك احد.؟
حاتم: إلا فيه 2 معاي بنفس الشقه لكن بيتزوجون قريب وبيستقرون بإنفسهم والظاهر ابلحقهم أنا.؟
نواف: ههههههههههه أجل اببعد عنكم أخاف أتزوج!






( في الفندق )..
نوال: مي بلاهبال والله تلقينه ناسي ابو السالفه!
مي: بس انا مانسيتـه!
نوال: أجل الله يعينك على العذاب اللي بتشوفينه
توك مرسله له رسايل مارد ولاعطاك وجه!
مي:يانوال مب على كيفي هذا قلبي وش تبيني
أسوي فيه.؟!
نوال: أنسي وقطعي رقمه وخلاص!
مي: لو على جنازتي!
نوال: أجل تحملي!
مي ملت من أنتظار الرد على رسايلها لكن نواف
مارد ولاشيء فقررت تسوي شيء ثاني!






( في الكفي)..
رن جوال نواف:
حاتم: أخس منت بهين على بإيطاليا جوالك مايسكت!
نواف: ههههههههه أذكر الله..
نواف ناظر بالرقم صحيح كان معاه رقم البنت لكن
بنفس الوقت أستغرب وده يرد يمكن محتاجين شيء ووده مايرد علشان ماوده يترك حاتم..
نواف: حاتم دقيقه بالله..
حاتم: ايه يابعدي خذ راحتك..
نواف وهو يمشي بعيد عن الطاوله: هلا..
مي بهمس: نوال رد رد!
مي: هلاوالله..
نواف: هلا فيك..
مي: كيفك وش اخبارك.؟
نواف: الحمدلله تمام أنتي بشريني عنك.؟
مي: أنا بخيـر دامك بخيـر..
نواف أبتســم..!
مي: نواف..
نواف: لبيـه..
مي: أنا مي اللي ذاك اليوم بالطايره تذكرني!
نواف: ايه عارف يابعدي!
مي ابتسمت في داخلها لأنه مانسها ثم قالت بضعف: كيف إيطاليا معاك..
نواف: الحمدلله..
مي: أجل أناضايق خلقي..
نواف: ليه عسى ماشر!
مي: تعرف مانعرف شيء ولانطلع لمكان ولاعندنا
أحد يودينا ويجيبنا وبس بالفندق!
نواف: اهاااا.. ماحب يطول لانه شاف حاتم وكذا فرد بسرعه طيب مي انا مشغول الأن عندي واحد
ومستعجل والله..
مي بإنهزاميه وألـم: أوكي حبيبي!
نواف طارت عيونه وكل شيء فيـه جمد! حبيبـي!
من ذي اللي تقولـه حبيبي ووش تبي! وليش حس بضعف لما سمع هالكلمه!
مي حست بنفسها شوي ثم قالت: سوري ماقصدي!
نواف والحيره فيه والشعور المختلط: أوكي.. يلا
فمان الله..
مي: أنتبه لنفسك.. فمان الله..







( في الأستراحه بالليل)..
ماجد: طلال أنا تعبت من التفكير خلاص أنسى
السالفه مابيدينا شيء..
طلال: والله أني راحم هالمسكين الضعيف..
ماجد بضعف: لاتكسر قلبي عليه هذا تؤأم روحي
وأحس بالموت وانا اشوفه يتعذب ولابيدي شيء!
طلال بإنكسار ناظره ثم قال: الشكوى على الله..
طلال: ماااااااااااااااااااااااجد!
ماجد: هلا..
طلال: جتني فكره ملعونه خيـر!
ماجد عدل جلسته لما شاف علامات الرضاء على
وجه طلال ثم قال: وووووش!
طلال: نستغل المدير!
ماجد: كيـف.؟
طلال: مب هو علباله أنا من طرف نواف !
ماجد: إلا.. بس وش عرفنا وش بينه هو ونواف!
طلال: مب لازم ندري اروح له أنا وأخذ رقم رانيا منه أكيد دكتوره عنده بيعرف ارقامها وإرقام أهلها..
ماجد: بس وش نقول!.؟
طلال: أقولك نستغل خوفه من نواف!
ماجد: تصدق فكره!
طلال: واذا خذينا الرقم نقدر ذيك الساعه نوصل
لرانيا!
ماجد وكأنه تذكر شيء ثم حزن وقال: بس تهقى معاه أرقام وتيلفون بعد السالفه!
طلال: نحاول ليش لا..خل الأمل بالله كبيـر..
ماجد: خلاص تـم..
طلال: بكرا الصبح بروح!
ماجد: أوكي وقلي وش يصيـر لك..
طلال: أكييييييييييييييد بس لازم نخلص هالسالفه قبل
لايرجع نواف من السفـر..
ماجد: وهذا هو البلاء ماعاد فيه وقت نواف كلها
يومين وراجع!
طلال: الله يعينـا..







( في بيت ام رانيا)..
ريوف: رااااااااااااااااااااانيا
رانيا: هلا وش فيك.؟
ريوف: تذكرين أم علي جارتنا!
رانيا: ايه وش فيها.؟
ريوف: عند أمي هالحين بالغرفـه..
رانيا: طيب وش المشكله.؟
ريوف: وش وش المشكله أنتي ناسيه أن
ولدها سعد ميت فيك قبل!
رانيا: يوووووووووووهـ تذكرونها خخخخخخـ..
ريوف: يالخبلا أنا سمعتها تقول لأمي أنو
أبوعلي فرح لما سمعنا أنو رانيا تركت الشغل
وبغينها لسعد..
رانيا تغير لون وجهها وتذكرت الألم والشغل وأشتاقت لشغلها وقومتها الصباح والمستوصف والممرضات وزميلاتها ثم قالت: واذا طيب!
ريوف: وش فيك أنتي اقولك تخطبك!.؟
رانيا:.......!
ريوف: ياويلك ترفضيـن هذي فرصتك سعد الف
بنت تمناه جمال ودين وأخلاق وماعليه ويحبك وهذا
أهم شيء وبينسيك الشقى اللي شفتيه من فهد ونوافوه!
رانيا رفعت رأسها وأبتسمت أبتسامه رضـاء لاختها
الفرحانه....,.!



انتهى البارت التاســع..

يعطيك ربي العافيه حلاها على هالبارتيين الحلوويين ..

بــ انتظار البارت العاشر

\


حلااااااااااااااااااااااااااااااهااا ..

ياربي .. متى تكمّلين القصة ؟!

it's very interesting ..

I'm waiting ..

حلااااااااهاااااا

تسلمييين والله
الله لايخلينااااا

وربي يوم شفت البارت التاسع بعد
قلت ياملحهااااااا

حبيت اسالك ياحلاها سعودي كم بارت القصه لان القصه روعه وودي اشوف النهايه

السلام
ياربي وش ذي مي ما تستحي ودي اعطيها كف وامعط شعرهاا <
<< متحسه لال تكفيين اخر مره ارحمينااا

مشكوره حلاها ولا تطولين علينا

اي صح نسيت كم بار ت القصه ؟؟؟

لازلت متابع

ومتأثر !




9

متابع وبقوة

والله القصه فله

تسلمين ياحلاها سعودي وننتظر البارتات الجاية

تحياتي

صرااحه قصتك مرررره روووعه

واااصلي حبيبتي

لي عوده بعد قراءة البارت الثامن والتاسع

وننتظر منك البارت العاشر

.
.
.


متابعة

.
.
.


CC

البارت العاشـر:



( في الجامعه):
أشواق: أمل نادي ذكرى تجلس معانا..
أمل: لابراحتها يمكن مشغوله..
اشواق بينها وبين نفسها يكون خير..!





( في المستشفى):
طلال: السلام عليكم..
المدير: وعليييييييكم السلام بخوف وأرتباك كبير..
طلال: كيف الحال.؟
المدير: بخير الحمدلله طمنا عنك..
طلال: أنا جايك بموضوع رانيا مايحتاج مقدمات
ولاكلام وشرح!
المدير: أكييييييد طال عمرك!
طلال: لذلك عطني أرقامها وعنواينها بهدؤء تام وسريه..
المدير: منين لي ارقامها.؟!
طلال: لاتسوي ذكي علي أنت المدير وعندك كل
شيء هات المعلومات وانت ساكت ومعك 10 دقايق بس!
المدير: سم طال عمرك!
طلال يخفي بصدره ضحكه بسبب خوف المدير منه!
المدير: تفضل هذا رقم أخوها وعنوان بيتهم.
طلال بعصبيـه: ووووووووش أبي برقم اخوها أسمع لاتستهبل لي منب رايق لك ابد عطني الرقم وخلني أمشي أحسن لك دام النفس عليك طيبه!
المدير: هذا الرقم!
طلال: عطني رقم رانيا!
المدير: للأسف مفصول عن الخدمه حاولت قبلك يمكن اهلها منعوها من الجوال لكن اتذكر فيه رقم لجوال أختها الصغيـره!
طلال والفرحه عليه: هاااااات هاااات!
المدير وهو يحوس بالملفات والأوراق: اييييييه تفضل هذا رقم وعليه اسم اختها!
طلال خذا الورقه وكان مكتوب ريوف ورقم جوالها!
طلال: أوكي شكراً ولو اشوف وإلا أسمع بالحلم بس ان اللي صار طلع لأحد لاتلوم إلا نفسك!
المدير: أبشر طال عمرك!








( في بيت رانيا)
أم رانيا: ياوليدي أم علي جايه تخطبك لسعد
هاه وش قلتي.؟
رانيا: يمه عارفه انتي نظرتي له يعني هالحين
يبوني!
ريوف: رانيا زمان كان شغلك مانعك منهم الان
وش العذر.؟
رانيا: بس أنا متمسكه بشغلي وأبييييييييييه!
ريوف: يعني القعده عندنا ترجعك للشغل!
أم رانيا: يارانيا الولد ماينرد وأنتي أدرى بحالك وأخوانك هذاك تشوفينهم وودي أتطمئن عليكم..
رانيا: ولو يمه انا اذا تحررت من اخواني ابي ارجع لعملي وشهادتي اللي ضحيت بكل شيء علشانها..
ريوف: رانيا!
رانيا: بليز يمه ولاتقولين لأخواني تدرين بيزوجوني غصب اذا عرفوا تكفين يمه!
أمها بضعف: ان شاء الله يابنيتي براحتك والله يعينك!
ريوف بإلم وبينها وبين نفسـها: ليييييييييش!






( في الأستراحه):
ماجد: والله إنك كفو ياطلال رجال من ظهر رجال!
طلال: أيه اعجبك هذا الرقم وجبناه يالله دق لي على نواف!
ماجد: خيييييييير وش تبي فيه!
طلال: وش وش أبي فيه أبعطيه رقم رانيا!
ماجد: أنهبلت أنت.؟
طلال: ماجد لاتعقد السالفه أكثر وأكثر رانيا لو عرفت اننا من نواف مب راده علينا طول العمر خل نواف يدق ويتفاهم بنفسـه!
ماجد: بس!
طلال: لابس ولاشيء كفايه معقده بقوه لاتزيدها أنت بعد!
ماجد: أجل خذ كلمه!
طلال: وإلا تدري خل أرسله مسج من جوال أخوي الصغير علشان مايعرف الرقم ولانتوهق ولايزعل ولاشيء!
ماجد وهو يعدل جلسته مستأنس: عز الله أنك جبتها!
طلال: قدااااااااااااااااااااام أجل..







( في إيطاليا)..
نواف كان منسدح في غرفته بالفندق ويفكر بمي
معقولـه حبته وإلاتلعب وياترى ليش مب حاس تجاهها بإي أحساس معقوله كل ذا حب لرانيا قطع حبل أفكاره صوت نغمه جواله لرساله جديده..
نواف بينه وبين نفسـه: أكيد هي!

الرسـاله:
نواف هذا رقم ريوف أخت رانيا (.........)!

نواف طارت عيونه وتجمد الدم بعروقه ونشف ريقه طاح الجوال من يده لاشعورياً ورجع شاله من جديد وقلبه ينبض بقوه حاول يركز ماقدر وحس الكون يلف فيه مابين شوق وحب ومابين صدمه من الامر!
نواف بتنهد عميق يسحبه من صدره الرياضي: ااااااااااااااااه معقوله طيب من المرسل وش يبي !
لا مستحيل انا بحلم والله! يالله معقوله ربي راحمني وعارف الشوق اللي بصدري!
نواف: ياربي ياربي سهلها علي ياربي وش أسوي بس! اعوذ بالله من الشيطان الرجيم! يالله فرحه والم وكل شيء وش سويتي فيني يابنت الاجواد!







( في الجامعه)..
ريوف رن جوالها طلعت إلا رقم دولي وغريب!
ريوف: غريبـه مين أكيد غلطان منب راده!
شوي ورجع دق نفس الرقم!
ريوف: يامسكين خل أرد علشان يدري مب أنا اللي يبغاه ويصحح الرقم..
ريوف بأحترام: هلا..
نواف بإرتباك عمره ماحس فيه نواف الرجل نواف الهيبه نواف القوي لكن رانيا خلته يعيش الأرتباك: السلام عليكم..
ريوف: وعليكم السلام..
ريوف: من بغيت أخوي..
نواف بينه وبين نفسـه: يالبى قلبك وقلب ذوقك أنتي وأختك..: بغيت ريوف بنت بندر!
ريوف وعيونها طالـعه!: نعم أنا ريوف!
نواف: ريوف أسمعي أنا منب لعاب ولاراعي حركات ولاأبي منك شيء الله يستر عليك لكن أنا نواف وأكيد تعرفيني من رانيا كويس!
ريوف: الصدمه نستها كل شيء لكن أنتقام منها لأختها ومن واقع اللي شافته من اختها من الم ودموع وحزن قال: أنت ماتخاف ربك! وش تبي انا مالي كلام مع شخص مثلك!
نواف بإلم لان كلمه ريوف تكسر: أسمعي ياريوف انا عارف انك بتقفلين لكن بقولك كلمه بس وبعدها أنسي جوالي وكل شيء!
نواف: ريوف أنا أحب واعشق أختك!
ريوف وعيونها طالعه:.....................!!!!!
نواف: اقسم برب الجلاله ياريوف أختك ماخلت ليلي ليل ولانهاري نهار! بتقولين كذاب أدري لان اللي سويته مب بسيط وخنقته العبره وسكت شوي ثم قال: لكن ياريوف انا مثلها أحس أني ظالم ومظلوم بنفس الوقت ياريوف صحيح أنا أخطيت لكن يكون بعلمك أنا رجعت وصححت الخطأ وقلت للمدير لو مارجعت خلال أسبوعين بدمر المستوصف عليه!
ريوف بأبتسامه عريضـه لانو مركز نواف يساعده على فعل هالشيء: صددددددددددددددددق!
نواف: ورب العزه ياريوف! أنا ماأبي شيء لكن أنا أحب رانيا وودي تفهمني ودي تحس فيني أنا ظلمتها صحيح لكن...( خنقتـه العبره من جديد) ريوف وقالها بصعوبه والدمعه بعينـه ( أبي رانيا)..
ريوف حست بضعف نواف وخنقتها العبره على حال أختها ثم قالت: لو تحترمها ماسويت اللي سويته فمابالك بالحب!
نواف: ريووووووووووووووف ارجوك كافي أنا أحبها غصب عن الكل رانيا حبيبتي برضاء الجميع وإلا زعلهم أنا ماخذيت رأي احد ولاهمني أحد لأني أحبها أناأبغاك تساعديني علشان أنسيها كل شيء وأعيشها أحلى عيشـه!
ريوف حست بمدى معاناه نواف لكنها كابرت لأن كرامه أختها فوق ثم قالت: رانيا أنخطبت يانواااااااااااااااااااااااف..
نواف: ( بكى نواف الرجل نواف القوي نواف المركز نواف اللي اذا مر الكل يضرب له التحيه ويسلم عليه نواف اللي كل بنت تمنى مثله نواف اللي تحبه مي وهو نساها لعيون رانيا)
نواف بضياع وبإلم: الله يوفقها..تكفون بلغوها انها هنا بصدري محفور لها بوسط قلبي مكانه تكفوووووووووووووووووووون!
ريوف حست أنها تسرعت وحست فعلاً بصدق حب نواف وأنبهرت معقوله رجل وشاب بهالجمال والمركز يبكي لعب أكيد مابكى إلا لأن الشيء أكبر من المعقول..
نواف: مع السلامه..
ريوف: قبل لاتلحق نفسها وتصحح الخطأ لقت نواف مقفل الخط..!








( في الفندق)..
نواف: آااااااااااااااااااااااااااااااااااااااااااااهـ ياربي ياربي ياليتني متت ولاخذيت الرقم ولاسمعت صوت أختها ولاسمعت الخبر وإلا ليتها ماتت قبل لاتكون لواحد غيري! آاااااااااااااه بس
كانت أهات نواف تملى المكان ودموعـه وكل شيء خلاص أنتهى بصيص الامل اللي كان متعلق فيه لأن رانيا راح تكون لواحد ثاني وينتهي كل شيء خطط يصلحه ويرجعه مثل ماكان! أنكسر قلب نواف اللي يحمل كل معاني الحب وصار مثل قلب الطفل هش خفيف..
نواف: ياربي أجبر قلبي اذا كسره الحب آاااااااخ..







( مي ونوال)..
مي: نوال تهقين أكمله وإلا لا.؟
نوال: مدري عنك! وش تبين فيه!
مي: أحبــه أحبه مهوب يدي أحبه والله..
نوال: مدري لاتسأليني..
مي خذت الجوال ودقت الرقم:.....!
نواف والحزن والالم يواجهه من كل زاويه رفع جواله إلا هذي مي نزل الجوال وكمل حرمان!
مي: أوووه مايرد!
نوال: أحسن ههههههههههههههههههههههههه
مي: يامصالتك بدق لين يرد!
نوال: يلا خخخخخخخخـ
مي دقت من جديد:..................!
نواف: وش تبي ذي يالله..
نزل جواله وشوي وإلا بينه وبين نفسـه يقول: كلمها يانواف البنت تحبك ورانيا اللي تركت مي علشانها مافكرت فيك! حرام تحرم هالبنت وتخليها تعيش نفس اللي عشته أنت من رانيا..
نواف ببحـه ألم ودموع: هلا..
مي بفرحه: هلا وغلا..
نواف: هلافيك يابعدي..
مي: وشلونك قلبي.؟
نواف هزت فيه قلبي شيء لكنه كان يعيش الم أكبر فقال: الحمدلله طمنيني عنك!
مي: نواف أبي أكون صريحه معاك أنا أحبك يانواف أحبك يانواف وخنقتها العبره وغصت فيها ثم شههههههههت بصوت عالي!
نواف بخوف: ممممممممممممي وش فيك!.؟
مي وهي تبكي وبصوت متقطع: نواف حرام عليك اللي أنا أمر فيه صحيح مالك ذنب لكن انا ماأنام الليل ولاأعيش النهار أنا عليك وبس عايشـه تكفى يانواف أبيك بس تقدر هالحب اذا ماتقدر تبادلني نفس الشعور أرجوووووووووووك!
نواف كسرت خاطره مي: أكذب عليك لو قلت هاك قلبي!
مي بأنكسار وألم صعبه الواحد يسمع من حبيبه أن قلبي مو ملكك والأصعب انه يشوف البرود وهو يترجى حبيبه على تقدير حبه بس..
نواف: وش فيك.؟
مي: أبييييييييييييييييييييييييييييييييييييييييييييييك!
نواف: مي أنا شرحت لك وضعي ياترى تقدرين تعيشين مع واحد مثلي!
مي بكل حب وضعف: اييييييييييه بس ارجوك لاتبعد مستعده اكون خادمه لك لكن ماتبعد اسمع صوتك وأحس بوجودك وهذا عندي والله كفايه ماني طمعانه بإكثر..
نواف حس بقيمه الحب وكيف انو مي ضحت بكل شيء علشانه وقال برحمـه وتقدير لها: أبشررري أنا معاك..
مي: يابعد قلبي والله..
نواف كسر في فكره خطوبه رانيا شيء كان مبني ومخطط له كان يحب ويعشق والى الان يعشق رانيا لكن رانيا بتكون من نصيب أنسان ثاني وفجأه وبنفس الوقت لقى الحب الكبير والصادق من مي!
نواف: مي أنا تعبااااااان ومرهق مره وودي أرقد..
مي: سلامتك والله جعلـه فيني ولافيك..
نواف: الله يسلم قلبك..
مي: طيب أنتبه على نفسك كويس وأنا منب مخليتك كل شوي بتطمئن عليك.. تأمرني بشيء.؟
نواف: تسلمين لي والله..
مي: أوكي يلا فمان اللـه
نواف: فمان الله..
مي: نووواف..
نواف: سمي..
مي: أحبــــــــك قالتها بنعومه تذوب الجليد وبحب يطعن الصخر وبإلم مليان بالدموع لأنها ماراح تلقى الرد على هالكلمه وهذا اصعب شيء على اللي يحب!
نواف:... لبى قلبك..
مي بحسرهـ: فمان الله..
نواف: فمان الله..
نواف بعد ماقفل من مي إيييييييييه يادنيا صدق لاقال:
اللي يبينا عيت النفس تبغيـه..
واللي نبيـه عيا البخت لايجيبـه..
نواف: يالله كلها كم ساعه وأرجع السعوديه وعساني
أنسى في زحمه هالشغل والأهل..





( في بيت أم رانيا)..
ريوف وهي على سريرها: رانيا..
رانيا: هلا..
ريوف: بسألك بإمانه.؟
رانيا لفت صوب أختها بإنتباه وقالت: لبيه..
ريوف: لبى قلبك رانيا صدق نواف عذبك وكذا لكن انتي من كلامك وضح لي انه بعض الاحيان كان يدافع عنك خصوصاً لما كنتوا عند المدير..
رانيا: طيب وش جاب هالسيره.؟
ريوف تحاول تبسط الموضوع: لا بس كنت أفكر..
رانيا:.......!!
ريوف: محترم.؟
رانيا: تبسم أييييييه.!
ريوف: أجل ليش سوى فيك كذا.؟
رانيا: لأني رانيا الضعيفــه!
ريوف حست بإنكسار أختها: المحترم محترم.؟!
رانيا: قلت لك هو محترم والله..!
ريوف: طيب هو طيب.؟
رانيا: مدري ماعاشرته!
ريوف: من خلال هالأحداث وش لمستي منه.؟!
رانيا بتنهد يؤكد أن لنواف شيء بقلبها لكن: والله مدري أنا أحترت مع هالأنسان مره ورد وكروت وحاله ومره ضرب!
قاطعتها ريوووووووف بسررررررعه: هيه هيه اصبري وش كروت!
رانيا: الكرت اللي عطاني اياه مع الورد بالمستوصف!
ريوف: هييييييييييييييي معطيك كرت ولاتقولين من روانا رانيوووووهـ!؟
رانيا: خخخخخخخـ اوما من وراك لا بس يمكن سقط سهواً هههه..
ريوف: بارك الله بنواف اللي خلانا نشوف هالضحكه..
رانيا حست بخجل وقلبها يرجف مع طاري نواف في سالفه الحب وقالت: عن المصاله اقول خلي نواف ونامي!
ريوف: وش انام تعالي وين الكرت ووش كاتب فيه.؟
رانيا: ياليييييل تخيلي بس أتذكر وش كاتب! مدري نسيت بس شوفيه هناك بالدرج!
ريوف: الله الله عندك بعد.؟!ههههههههه
رانيا: اقول وخري بس وضمت البطانيه ونامت بشكل طفولي وشعرها متناثر على الوساده ووجهها..
ريوف فتحت الكرت وقرأت المكتوب وحست فعلاً بصدق مشاعر نواف وندمت على حركتها ولفت تشوف إلا رانيا ضامه البطانيه الصغيره وعيونها الحلوه رايحه في سبات وشعرها متناثر..
ريوف بينها وبين نفسها: أكتشفت أنك تحبينه يارانيا بس مشاعرك في حيره والحنان اللي تدورينه انا لمسته بصوت نواف وان شاء الله اقدر اساعدكم..
ريوف بهمس وهي ماسكه الكرت: بكرا أكلم نواف ان شاء الله اذا الموضوع كذا..







( في الفندق)..
نواف رن جواله برساله..
خذا جواله وفتح الرساله..
الرسـاله:
ليت التعب ساهي ولاجاك.. طمني عنك
بليز..؟
( الرساله كانت من مي)..
نواف: يالله هو كذا الحب حلاوه ليش وهي مب حبيبتي أحس بطعم الحب والأهتمام معقوله لو كانت رانيا بيكون أحلى وأحلى..
مسك جواله وكتب رد:
الحمدلله أرقدي أنتي الوقت تأخر..
ونزل الجوال عند رأسه وقال سامحيني يارانيا سامحيني ياروح نواف..




أنتهى البارت العاشـر..

وش تـبي مي ذي هاللحـين
ان شالله تتصل ريوف على نواف وتعلمه السالفه
قبل ما تتدخل هالمـي في السالـفه ..
لكن احس ان الاحداث يتكون غير لانـكم يا راعين القصص تحبون التشويق

حلاهـا
الله يعطيك العافيـه