اهلين وسهلين بمشاهدي شبكه { القناص ..
نحيكم ونرحب بكم في تغطيتنا الحيه لديربي العاصمه
من هنا ومن خلال استديواتنا المباشره وعبر النقل المميز ..
والبعد عن الطابع التقليدي ..

نحن معكم من طعس التحدي بالثمامه
و اول برنامج من نوعه لأنه المذيعين هم نفسهم اللي يحللون..
كيفنا عاد احنا وبرنامجنا
لا احد يرد الين نقول طبو

دوتس المايك حمادي بيك ..
رحبي زين لا تفشلينا ..

7
7

و

الكابتنه فيصليه ابو اثنين }

كلن يتحمس .. جرايد وقنوات .. حريم وبزران ويمكن شغالات ليش لا !!
اغلب المتعصبين .. من هالفرق يتوعد بعشاء لا فاز فريقه وانا اولهم
وابشرو بالسحبه على من خسر ..

صحيح هي 90 د .. بس ننتظرها من ايام واسابيع ..وقبل لا ينزل جدول الدوري
وش فيكم الهلال والنصر ذولا .. }
.
.

{ طبعا بنغير الشخصيات ..
انا خالد العرافه ..
وهي عمار باحكيم خخخخخخخخخخخخخـ
طيب عبدالله العضيبي يالله ..
...}

عبدالله من آخر الشارع معاه مجموعه ابضايات تفضل عبدالله ..
.
.

الاجواء البناتيه المصاحبه للحدث رهيبه
التواجد في هذا الشارع موب طبيعي ..

.
.

النصر صار يخوف من حضر ويلتون ..تتوقعين يسبب مشاكل بالوسط والدفاع الهلالي بما انه متخلخل حاليآ
وفجواته كبيره وتودي لدواهي بب داهيه ..!!

ايلتون في مباراة الاهلي والنصر كان مقدم مستوى رهيـــب
صنع هدفين وسجل هدف ..
ما يعطى مساحة ابدا صغير وقصير وحركته خفيفه (احذر كل قريب من الارض ) ..
من مساحات ضيقة يقدر يصنع وهذا ما ينفع مع دفاعنا ابدا ...
بس سمعت ان اخوه جاه في الرياض ان شاء الله يشغله عنا ولا يلعب زين ..

لاعب ودك تجيبينه لمنطقه ضعف بالهلال .. !! تسرقينه تغتالينه اهم شي يجي من تختارين !!
نبي أسمه ومركزه ..

اول شيء وشلون نسرقة ..
وين يااوووب صاحيه نغتال فيه..تراهـ لاعب يعني نشتري عقده وبس
حسيت بسؤالك اننا مجرمين
أمممم الود ودي أي لاعب يكون ممتاز ولعبه حلو
يكوون للهلال
الهلال مشكلته الدفاع ..يعني لو يرجع الدوخي لاعبنا السابق
كان الهلال اللحين عال العال ...على الاقل راح تشوفين الدفاع الصح ..
المهم تراي مشتاقة للدوخي والكرات اللي من جهته..يعني يادوخي والله قهر رحت
وتركتنا لو انك مع الهلال اصرف لك واريح لنا ,..
وبعد قلب الدفاع الهوساوي مبدع ليته في الهلال
يكفيك بس دفاعه وضخامته ماشاءالله

سوير يقالتس بترشينا وتبين سؤال سهل .. هـ‘ــع ( )
قال ايش قال أسألوني من تشجعين .. نسيتي نكبتس للهلال وتشجيعتس للحزم ..!
وشسمه تخيلي نواف جا للحزم تركين الهلال يالخاينه

هههههههههههههههههههههههههههههههههههههههههههه

وأنا وش يدريني بالله ما اعرف أحلل ومدري ايش
ولا مانسيتها أحد ينسى الحزم
يا ختي لو أنتِ بـ مكاني كان ماتلومينن هذا الحزم وش فيك
<- جايك جايك الجلد

سعالك سويروص ..
نواف متوهج حاليآ.. تتوقعين انه ورقه رابحه يلعب بها كوزمين .. ام ان الكلثم والشلهوب والتايب يسدون ..
...}

هـاهـ لالا مايسدون نوااف وبس
بعدين وشو كوزمين والكلثم أول مرهـ أسمع بهم ذولا

المهم جاوبي تبين نواف يلعب ولا يكثر .. !
وش عاجبتس بنواف تكفين .. !
...}

هههههههههههههههههههههههههههههههههههههه
هههههههههههههههههههههههههههههههههههههههه
أفاا عليك وهذا سؤال
وش عاجبتس بنواف تكفين .. ! !!

الا قولي وش اللي ماعجبني : $
تحلفين انه ايطالي <- صدز عاد لا يكثر

يعجبني بـ أخلاقه وتواضعه هدوئه .. وعدم انجرافه مع الشهرهـ

ولان معدن نواف ( ذهبي ) أصيل لم يتأثر بـ الحمله الشنيعه الي انشنت عليه !!
عـآد وعآد بـ قوهـ .. فـ هنيئا لنا بـ هذا النجم الكبير ..
( نواف ) مكسب الزعيم بك أكبر من البطولات

خخخخخخخخخخخخخخخخخخخخخخخخخخخخخخخـ
ياعمري هي مليت محادثتنا هالفيس ..
رأيي في اداء المفرج مثل راي أي هلالي اللاعب لا يقدم مستويات مقنعه ..
بس رأيي انا ما يهم لأنه والظاهر امامنا انه يثبت نفسه قدام المدربين ..

آخر مباراة رحمته ..
حسيت خلاص ..
يعني موب كل بلوى نقول " المفرج " ..الدعيع يتحمل نص المصايب ..
والباقي مقسم بين عناصر الدفاع كلهم ..
المفرج مشكلته انه مندفع ويتحمس ..ومره اندفاعه ينكبه .. ومره يحسب له
آخر مباراة رد كوره مرتين ورى بعض ببطنه !!
متخيلين الالم ..!
والله لو انها دخلت في المرمى كان انا بنفسي باسوي حمله ضد الدعيع
آلمني مره منظره المفرج ..
وعورني بطني من مشهد التمزيع الي تعرض له .. حسيته يحب الهلال صدق ..

يعني بالعقل ..
تتوقعون انه يتقصد ..
الحظ مثل ماهو خاذل الهلال ذا الايام .. خاذل المفرج كذلك ..
الله يفرجها على الهلال ..وعلى كل هلالي ..
مثل ما فرجها على ريال مدريد بالخمسه

باقول لكم شي
في ناس منشبيني بالمفرج خخخخخخـ
مدري وش جوهم وربي ..
بس صدق المفرج انسان خلوق جداً ..
وجدير بالاحترام جداً ..
لقاءه في القناة الرياضيه كان حلو .. وكشف اشياء حلوه في الكابتن كانت مستخبيه
اكتب كلامي هذا ..
وبطني يتقطع من الالم ..
الظاهر اني تأثرت واجد بمشهد التمزيع خخخخـ
لو ننهزم فترى انتم يا محاسبه و اووبه السبب

عرفناتس مهايطيه \ .. حتى بالتشجيع آخر مباراه نسيتي الهلال وصرتي حزماويه
يعني ممتكن تكونين نصراويه لو نقلو عفشهم النصر للرس !
لاحول ولا قوه الا بالله .. !!
تبين ادعستس بهدد

هلا أوبــه .. ( وجـه حاقد ع رسالتك الشخصيه )
للمعلوميه أنا حزمــآويه منذو نعومة أظافري ..
واللي مب عاجبه ينتحر
مب حب بالحزم
بس ارحمهم وارحم خالد البلطان اللي يصرف عليهم بالليل والنهار
بس بدون فايدهـ .. أنا ماقطّع قلبي الا الشباب تقل انهم مكلوفين بالحزم . . <- قلبت عليهم
إيه المباراة اللي راحت غصبن علي شجعت الحزم ونسيت الهلال عشان وشسمه عمّي .. <- أبوتس يالتصريفه
لكن اني أشجــع النصر هذي اللي من سابع المستحيلات
والله لو يجون يلعبون بالبرحه اللي قدام بيتنا أم عمودين وبلكّه ماشجعهم
..
يختي ادعسين واذبحين همــاااو بهدد بس خ4خ4خ4

الله الله يالديربي
بحسب قرائتي للكف ( اللي ماتخيب أبدا ) أقول إن النصر بيفوزون لامحاله
<-- ودكم تصفقونها

لا أنا بفمهكم ليش قبل ماتعصبون وبقرالكم الكف حبه حبه <-- أبو كاس تحبه
أولا هالمباراة كلن ينتظرها ومتحمس لها
وخصوصا أنها بين أكبر فريقين للأندية السعودية ككل
الهلال X النصر
والحين بقرالكم كف أوووب صاحيـة والوعد الثلاثاء إن شاء الله
<-- يابت هاتي كفك
وترى كل شي يصير في المباراة حطوه براسها .. انا مالي دخل هذا كفها
كف أوووبـه يقول إن النصر بيفوزون .. ليش؟ أنا بقولكم..
على حسب التضاريس والخطوط اللي بيدها <-- حشى عجوز
تدل على أن سعد الحارثي بيصير حديث المباراة بتهديف ( المدرجــات )
بيجلس يبربس له ساعه بذي الكوره واخر شي يسددها براس واحد من الجمهور
والفريق الهلالي مقدرين أنه متحمس ومخلينه ياخذ راحته
[ الحارثي.. أحبك يالسبهه انت وقذلتك ]
ومن ناحيه ثانيه طارق التايب بيشعلل المباراه بالـ ( التخميـس )
لين مسك الكره بيجلس يفرفر على كل لاعبين النصر ويدوخهم لما يشوفون العنز تيس <
همن اخر شي بتضيع منه الكوره وهو جالسن يستعرض قدام خلق الله
[ التايب.. ياخي مزعت قلوبنا يا أخيس خلق الله ]
وطبعا بتستمر بربسة الحارثي إلى أجل غير مسمى.. وفجـأه ..!! <-- أحبن وأنا أسوي أكشنات
يدخل الموهوب بدون مايدرون عنه و( يكوفنهم ) كل أبوهم ومايهون أبو صويلح .. وبيوقف المسلسل الهندي حق الحارثي
[ الشلهوب والصويلح.. وووهـ بس ]
<-- على قولة أبوي..هالموهوب بقطه وداهيـه
طبعا من البربره والحتسي ذا كلن بيقول إن الهلال بيفوز..
بس تراني قلتلكم كف أووب صاحيه يقول العالمي بيفوووز فوزا ساحقا وداعسا للهلاليين
( أوبه والله ورحتي فيها )..
للمعلوميـة: ترى أنا فالحه بقراية الكف.. بس لو صار شي غير اللي قلته
ترى كله من كف اووبه.. تحاسبوا انتم وياها عاد
ملاحظـه: تراني وقسم هلاليــه وبــ ظل هلاليــه
مب مثل بعض الهلاليين يوم فاز العراق قلبوا عراقيين
<-- فيس مايطالع ميس بلو أبد
( توتة سمعت أنهم طلعوا لتس جنسية عراقيه )
وووووبــس
يالله عاد أبي الحساب ترى القرايه مب ببلاش
أوووبه وحسبسب
يالمخيسات أعشقكن

سؤالك اكيد عن الياس ما فيها شك ولا تطريز ..
الأغلبيه متفقين ان الياس ضعيف في الهجوم جيد جدآ في الدفاع ..
وش السبب .. !
...}
اوووووووووووبه غصبن عليتس اصلن تسالينن عن الياس
الياس انسان حماسي وبطل واللي يسبه مايفهم بالكورهـ
مع انه يبتعد عن المباريات الرسميه الا انه يرجع بكل حماس
صح انه مارجع لمستواهـ الصدقي p10 بس ماينلام سافهينه وساحبين عليهم وراهـ

* الياس افضل من العبدالسلام المراوغ والعنقري البطئ ..ولا هم افضل .. !
بغض النظر عن الأعجاب لأسطرتس .. ! < تسأل ونفسها بخشمها

...}
طبعآ هو افضل من العنقري والعبدالسلام ومافي مجال للمقارنه اسلن
بعدين تعالي سطرين يالشينه احتريتس مسويه قويه هاهـ
هذا بدال ماتحمدين ربتس ان طاري الياس نور مقابلتنا

{ ..
من ناحية اتحمس ايـه اتحمس وحماسي
شين الله يكفيني شرهـ ..
يوم مقابلة ياسر في الرياضيه , فاتتني الليل
او با الأحرى ما دريت عنها
الا اشووفها بكرهـ الظهـر
وأول ما رجعت من الجامعه اجييك طايره على التلفزيون
ويقالي مستانسه ما بعد بدت مقابلته مدري اتصاله
الا واتلفلف في عباتي بس بحتريه
ما دريت الاوهوو يذن العصر . اثري ما خذهـ لي غطه
يعني حمااس وحظن شين
شـوفي نجي للتشكيله
تشكيلتهم عاجبتني تقريباُ بـس لو يمسك روحـه المفرج ولا يوهقنا
صراحه عليه خماات مدري وش تبي
وودي اطلعه من التشكيله اللي بأحطها بس رحمته
يوم جا في كل الرياضه , نحطه احتياط < تـرفقي بس
مدري هاالأدمي متى بيعقل و يستفيد من تفاريس مدامه معه
هـه ذي التشكيله ..
الدعيع
الدوسـري ’ تفاريـس ’ الخثران ’ المرشدي
’ الغـامدي ’ الغنام ’ البرقــان
الشلهوب ............’..... التايب ....’ .... التمياط
ياسر الـقحطاني ’ احـمد الصويلـح

< - كوزمين بيـك
والله لو ينفذون خطتي ان يفوزون وهـم مغمضين
...

كم كرت تتوقعين بالمباراه ..
أحمر واصفر .. واذا تبين موف ما عليه بس جاوبي بسرعه .. !
ونشوف تصيب ولا لا .. !

الله يعطيكم العافيه على هيك موزوع
ندرعم على الأ سئلة ..
.
.. ،’ توقّعي ،’ ..
.
.. //الكروت الحمر // ..
الكروت بتكون كثيره شوي ..

خصوصي لاتقدم الهلال ..
.

أهقا .. ان النصر بينصك بكرتين ..
الا ودي بعد .. نقول يارب ..!
.. ’’ نصيب الكروت ,, ..
لـ التون .. وان شاء الله من بداية المباراة يطلع
.. والثاني اتوقع .. للمرداسي ..
.
.. //اما الكروت الصفرا // ..

3 اصفر <- حشى عسكريم
وواحد .. للهلال .. نصيب .. المفرج .. :/
.
.

وان شاء الله الفوز من نصيبنا ..
.
,’, يمال العافيه ياحلوات ,’,
| |
.. ..
،

.

اتواجد حاليا في بداية الشارع وعدي كم
خشه تعجبكم ..

ما ادري ليه احس انك حاسه باحساس وهالاحساس حاس بنتيجه المباراة .. كم حرف حاء قلت
قصدي كم كم يا حساسه

{ ...
امم اتوقعها 2-1 قولوا ليه ؟
لان احساسي يقول ان الهلال ما راح يلعب في مستواه مدري ليه ..
و بيفتتح النصر التسجيل .. و بتضيق صدورنا .. و بعض الناس بتغير ميولها ..
همن بيجي قول التعادل .. همن عاد بيجي هدف الفوز بإذن الله يمكن من بلنتي بعض الناس فيهم جفاسه ما تطلع الا اذا باروا الهلال ..
بالتوفيق للزعيم لو ما يفوز الا بـ 1 - 0 احنا معه ..

بنسألتس عن التحكيم ..
تشوفين ان الأجنبي فك عقده قديمه بين الفريقين .. ولا المحلي افضل .. !
تتوقعين بيصير ترجيم ونعال وشوارع زي العام .. ولا عقلو الجماهير وكبرو ..

{ ...
أول شئ أعجبتن بنسألتس عن التحكيمـ حسيت اني ابو زندهـ مدري ولاعه
نجي للزبدهـ أنتي سألتي وش احسن يعني الأجنبي والا المحلي ..
الحين حنا هماو لا بغينا نشري خلاقين على وزن ملابس مب ننحر الماركات ونشري
أنتي قد شفتي ماركه سعوديه
لو فرضنا ان بوهـ ماركه سعوديه شئ طبيعي بنضرنا بتطلع خايسه
وبنقعد نسب فيها .. مثل التحكيم لو هو محلي كان بيقعدون يسبون فيه لين يعض الأرض .. حتى لو هو تمام ( لأننا شعب شايفين أنفسنا )
بس لو هو أجنبي بيدرون ان لو تكلموا والا ما تكلموا مب داري عنهم .. وترا المسألة مو مسألة انه افضل بس هم يتجنبون ذا الب ويكسبون أجر بالجماهير
<- يا كثر قرقتس
وبخصوص الترجيم والترجيف .. ما ظنتي شباب الرياض تتطوروا يعني مازال فيه عقدهـ بين ذا الفريقين الله حسبي على من طلعه
وجهة نظر يعني .. وآعتذر ع الإطالة <- برا بس

...}
شوفي مح مح هذا من المستحيلات طبعا
ان الواحد مايتوقع
خصوصا بمثل هالمباريات نبصم بالعشره
من قبل نشوفها بوجود كروتات حمرا ..
يعني تعرفين ودنا نشم ريحة هالشي الاحمر في غيرنا
وتعرفين فوائدهـ زيادهـ الحماس
والتهبيل بالعبيه وهيك يعني ..<- حشى صار كريم مهوب كرت
وبالتوفيئ للحلوين""..

تتوقعينها بارده وممله ولا لا .. ولا اقولك توكلي على الله ذبي توقع هنا.. !!

...}
اتوقعها نار يا حيببي نااار خ4 ..
من كثر النار نشوف دخان بالشاشه <-لايكثر بس
واللي بيزيد هالنار إن شاءالله اذا سجل الهلال
وعساها ماتنخمد بهدف "مطافي" اقصد نصراوي
الله لايقوله يعني بعيد الشر تفو تفو ..
والله يوفئ الجميع

تقييمك لتصميم دفاع الهلال في ظل تواجد اللير تفاريس ومستواه الحالي !! <- عشان تفهم السؤال ..

{ ...

الدفاع الهلالي ككل يحتاج الى اعادة نظر بتواجد المفرج و هبوط مستوى تفاريس وشروده الذهني بعض الاوقات
للأسف الشديد لا تجديد في خط الدفاع الموسم الفائت عانينا الكثير و الكثير و فقدنا بطولات بسبب ضعف ارتداد لاعبي الدفاع و ضعف التغطيه
نشاهد بعض الاوقات ارتفاع مستوى تفاريس و ثباته في حين يحطم هذا الارتفاع شرود ذهن المفرج !!
آخر مباراتين شاهدنا المفرج يبدع و يستبسل في الدفاع في حين تراجع غريب في مستوى تفاريس ..
لا نقول أن تفاريس لم يعد يستبسل او يمتع و يبدع بل العكس تماماً كل لاعب يمر بفترات ينخفض فيها المستوى و يعود و يرتفع
و كما نعلم ان تفاريس هو المحارب المستبسل في الدفاع عندما كنا نعاني من هفوات المفرج المتكرره
بالمختصر المفيد .. الدفاع الهلالي يحتاج الى ترميم و اعادة نظر كما ان تفاريس يحتاج اعادة مستواه السابق و المعروف
فـ استبسال المفرج مع صحوته الذهنيه و عودة تيفو زمان ستكون دعم قوي للدفاع الهلالي .. و اخشى عدم استمرار صحوة المفرج !!
هذا من ناحية قلبيّ الدفاع اما دفاع الاظهره فللأسف لدينا ظهير ايمن اما يؤدي مهمته الهجوميه بنجاح او يفشل في الدفاعيه
و الظهير الايسر نشاهد تقدمه هجوميا ً مع تغطيه من لاعبي الوسط و العوده لتغطية المنطقه الدفاعيه
صحوة الدفاع الهلالي ستكون قريبه ان شاء الله مع قليل من تجديد الدماء
.
.

يا طول الرد اويلاااااو .. اهم شي السؤال عن تيفو
عجزت ابربس مهنا بربسه ..
بعيد عن السؤال .. تيفو " ابو مطلق " تراك اكووس نفر

نشوفتس مطيحه عند ديربينا .. وراتس ماطيحتي عند الأتهاد والأهلي يا ابويا
وش اللي يميز ديربينا عن ديربيهم <- اتحداك تقولينها عشر مرات

{ ...
مدري ليش احس هالمرة ( النصر) بيلعب زيـن الله يستر من هالديربي ..
وبعدين حرام عليك مافيه مقارنه وش جاب ديربي الغربيه لديربي الوسطى ..
اصلن انا مااحب اللون الاخضر عشان كذا ما اشوف ديربي الغريبه <- برا ..
ولا واشوف تشاديين يلعبون بملعب .. اروح لجنب " المسجد "واشوف اخواني يلعبون اصرف خخخ
تبيني اتابع الديربي الغربي ..والخليج والعرب يتابعون الهلال والنصر
وبعدين لو تلاحظين محد يشوف ديربي الغربيه من الاخـلاق الزينه من الفريقين سوى " الاتهاد ولا الأهلي "..

تخيلي جاك طلب ماشي مليون الف دينار
انتي تمسكين مكان محمد بن فيصل .. الحينوفي هالظروف ..

جماهير تبيك وجماهير ماتبيك ..
مره معك ومراااااات عليك ..

::
/



أنا أمسك الهلال ...
تخيلي عاد ...
دائما اتخيل اني احكم امريكا ..
بس الهلال ولا مره والله جا على بالي ..
عاد لو امسك الهلال بيزيد حلاه حلى
بس اول شي بزيد لون زياده بخليه
ازرق وابيض وبينك ..
وش بعد ايه ..
في كل مباراة بخلي نص الجماهير قيرلات طبعا مكان يكون مغلق ويكون عاكس ..
احب ارضي جميع عشاق النادي أوب بس الاولاد ..

تصدقين والله يوم عطيتيني السؤال الفجر ونمت على طول حلمت ان فيه مقابله لمحمد بن فيصل
ولا فيه غميزه بعد
فيس يناظر ريمو عشان حمودي ..
وعشان الغميزه ..

الحين انا محمد بن فيصل ..
لا أكيد راح اكمل واكون واثقه لانه محد عارف مصلحة الهلال مثلي ..
ماخطيت ابدن .. <- ترى انا محمد بن فيصل ..
بس يمكن احيانا نتهاون في بعض المبارايات وتكون ثقتنا زايده بانفسنا والدليل احيانا ناكل الخساره من بعض الفرق الصاعده ..

اخطاء الجماهير قلتي لي ..
"والله الجماهير هدفنا كااداره ارضائهم"
بس عاد لايتبيثرون يعني هذي كوره والكوره فوز وخساره كااي لعبه
يعني اذا فزنا صرنا ولا برشلونه واذا خسرنا صرنا كاننا خسرتونه والله مشكله
وش اسوي يعني انهبل اصيح ..
ودي ااكب عليهم عصير سن توب عشان يخيسون ..
بعدين اذا صارت مباراة اوب مهمه مايحضر كثير
واما اذا قلنا دخول مجاني شوي وينكبون من الاستاد وش ذا عيب والله ..
"بس حكم القوي على الضعيف"

سامي أحبك <- فاهمه غلط ..
الهلال/ دمت فائزا دمت منتصرا ..
الجماهير / حضوركم سر الابداع ..
لحظه قبل مايخلص دوري /
أحب اوجه شكر لمحمد بن فيصل ..
على كل شي قدمه للهلال ..
وشسمه وانه يوسع صدورنا على تعليقاته الجامده والواثقه ..
واحلى شي انها تنصب على راس ريمو ..
وشكرن بعد انك جبت ياسر "ياسر ماره تجنن"
<-ابد ماتحتك في الصغنونين
وشكرن على انك ماتركت النادي وتركتنا
<-فيس يناظر ريمو ويقول وش اقول بعد
وبس ..

::
/

{ انا سعودية ..

تخيلي نفسك كوزمين ..!!
وعندك ورقه سامي وورقه الصويلح من بتحطين مع ياسر اذا كنتي تبين الفوز ..!!

...}
طبعا سامي اكييييييييييد
السبب مدري بس أحس سامي وياسر كانهم كابتن
ماجد وياسين , خخخخخـ
ثنائي روعه وفله تخيلوا معي سامي الجابر وياسر القحطاني
داخلين الملعب والله انواع الحماس لا في اللعب ولا الجمهور ,
شوفي مثلا لو انا الحارس وشفت سامي لحاله والا ياسر لحاله
باخذ حذري وبقوه بعد , وشلون لا صاروا مع بعض خطر
اطلع من المباراه لاني بعرف اني حتى لو صديت كم كوره
مب قادر على الباقيات ,
الخلاصه اني بختار سامي وانا مغمضه ,
أحمد الصويلح خبرته مو كافيه الحق ينقال لمساته على الكوره
مجنونه ,
بس ماتقارن بـ سامي الجابر ..!
<- روحي ذاكري بس

{ رؤوله ..

وش يميز ديربينا عن ديربيكم .. !!

{ ...
اممممم
مافي اختلاف تقريبا
يعني مثل الجو ..
مثل الحماس .. الفريقين اللي أنا معهم أحبهم
والفريقين اللي أنا ضدهم أكرههم مع احترامي القليل لهم
وترى أمس كان ديربي الكويت وفاز القادسيه والاسبوع الجاي
ديربي السعوديه وعقبال الهلال
يمكن اللي يميز ديربي السعوديه عن الكويت ان الجماهير اكثر وأنا الصراحه
شبه قانون
كلما زادت الجماهير كلما تحمست
وكلما قلت الجماهير كلما نمت قبل انتهاء وقت المباراة
هالكلام مايمنع اني اعشق جمهور القادسيه ولو كانوا خمسه < وش دخل القادسيه اللحين
القادسيه الهلال
أحبكم وقسم لاجت الديربيات < اسفهوها

يقولون اسم طارق مسب ازمه بينك وبين وحده هنا .. على طاري طارق ..
تتوقعين يجيب هدف من ركله ثابته .. ! او يسوي أكشن !!

{ ...
اييييييييييييييه
تاااااارق
اوووب صاحيه
تكفين لاعاد نفكر بواحد اسمه طارق هذانا نفكرنا بالتويجري وراح وخلانا
ورجاءا خل نبعد عن طارق التايب علشان المصلحه العامه
أما توقعاتي لطارق .. فاللي اتوقعه يسوي أكشن ويمرر لياسر بكل حرفنه
كل مامرر طارق يكبر بعيني
على فكره طارق نبيه يمشي واجد .. قولولي ليه
ليه .. ..!
لان في ناس يخافون منه
بمجرد مرورهـ وطلته البهيه
ويخافون من اي حركه يسويها .. يراقبون كعبه اكثر شي
عرفتوا اللحين فوائد تاااارق
ان شاء الله هالمباراة تكون مباراة العمر لتااارق
اللي نعتبرهـ أنا واوووب صاحبه اخونا بالاسلام < خايفين انه يروح من الهلال
وبس

{ روحي تحبك ..

بما ان الأنوثه متبريه منتس .. اعتبرني نفسك بتروحين للملعب ..
عطيني وصف للملعب دقيق ومختصر .. المهم وصفي وانتي ساكته ..

{ ...
كنت منسدحه في غرفتي واقولب في التلفزيون وتجيني الرياضيه
والاهميقولون فيه مباراه للهلال وتطقني هاك الهواجيس واقعد حلوم ياحياتي على اني احضرالديربي
المهم واقوم البس لي ثوب اصفر
واخط لي ذيك السكسوكه اللي ماهنا ازين منها واخذ معيالعود << برا حشى ماصار ملعب جلسه ذي
وقبل مااطلع ماانسى صديقتي اللي من سنين ومنين نعرف بعض << الله من الصدزماكملتوا سنه
المهم وادق عليهاواقول وش رايتس تخاويني وتسذا يعني وتقوم تفشلني
بس الشرهه مهيب عليها الشرهه علىاللي يذكرها هي وخشتها (ورده تحتضر)
هذي جزاتي بقولها عن محمد بن فيصل وتخق معه وتسذا
بس خيرنتعمل شرن تلقى
المهم همن اهديها ذيك الاغنيه حقت رابح [ الله الله الله الله الله الله ] << تقول محد بيفمها الا هي
المهم واقوم اساحرها واقردنها واقول نرفع صور معتز ونشوف طارق التويجري ونقز التايب من قريب والشله وكانها بدت توافق
المهم ونروح انا وياها للوشسمه للمدرج الجنوبي << اسمع به بس مادري وش هو
لا ومع البوابه 21 بعد ..
ودخلنا للملعب
وشسمه وكان زحمه وحر وريحه خياس تصك الراس من جميع الريح دخان ومشتقاتها وصنّقه,واباط
>> برا
المهم وتقول اوووب صاحيه تباشر علي بالفصفص والببسي وانا علي السجادهـ سارقتها من امي ..
لبست اوووب صاحيه ثوب اسود متحمسه يقالتها للشتا
وطاقيه مشخله مادري وش اسمها مخفسه ولونها رصاصي بعد خ4خ4
< تحتك بالأبضاي من بعيد لبعيد .. تحسبني ماعرف وش قصدها
وترانا لنا اسبوع هناك نحتري المباراه تبدى
2 ترانا رحنا لأستاد الملك فهد .. همن طردونا .. ث1
همن نقلوها للملز تدرون ليه ..
هو صح صيانه بس وش منه .. !!
من ريحه اوووبه ومن سعابيلي ..
لأني طول الوقت نايمه وسعابيلي تخرخر وغرقوا الناس وجا الدفاع المدني وزحمه واوك بس ..
< كذابه مافيه الا هالمسبه مرتزات يحترون المباراه ..
وترانا نقلنا للملز معهم .
.يعني تحرو ينقلون المباراه لجده .. لنفس الأسباب السابق ذكرها
وه بس تعبت من الهذره ..أجيكم بعد المباراه ..
.
.

جا دوري وخرو مناك اهوه ..
انا وهالأسم حسيت اني سوق والناس يمشون فيني .. اهم شي اني طويله ..
< بزران ... الا بزران !

صحيح النصر هبط مستواه وماصار منافس شرس للهلال
والديربي صار بيد واحد منهم في اغلب المواجهات..
بس لمباراتهم متعه بب طبيعيه ..
تحسك تناظر شي حلو مااااااره وانت مبسوط ..
<- ماودكم يخونها التعبير واجد ..

المهم انه طلقه .. واكوس شي ..
وعساها يارب نفوز وننبسط ..

صحيح هي ثلاث نقاط .. بس مع النصر غير .. < ليش جده هم ..
موقف خنفشاري لما تحتريهم يدقون الكوره في بدايه الشوط ..
والأزرق بمكانه .. والأصفر بمكانه الوان تحسها كلها عناد وضد بعض ..
وتبي الفوز من قلب قلبها ..
يماااااااه ..لو انا العب .. ببطل واترك الكوره ..
شي مرعب المباريات هاذي مع انها لا نهائي ولا هم يحزنون ..
حرب نفسيه مدمره ..

برامج خاصه .. وجرايد ..وبالبونط العرض ..
< لو مايطلع من هالموضوع الا كلمه بونط .. مايمديكم بس
بالنسبه للعناصر ومعاريس ذيك الليله ..هم الأساس ..
واللي لازم يكون اساس فيهم ويتأسس وينوجد .. < تعقيد مو جمله
هو : الراحه والبعد عن التوتر وشد الأعصاب ..

لاجاك ديربي وكله كروت صفر وحمر وهواش وجزاء وحكم ظالم ...وناصه وطعم ثااااااني ..
< تستاهل جائزه اللعب النظيف هالعضوه مدري التعليق النظيف

من اطلز المباريات اللي شفتها يوم الترجيم العالمي اللي بالملز .. يوم ينلغي هدف المشعل
تهبببببل ..يارب تكرر الثلاثاء

أحس انا اكبر مشكله عندنا ( التون ) اللي يزورق من كل مكان ..
ياسرعه .. والدفاع في حاله اغماء عندنا ..يعني رحنا وطي ..:
المرداسي بيسوي شي فينا وهــ‘ــه هاذا وجهي .. !

اهم شي احمد الخير يكون موجود ..
ويكون وجه خير على الأمه الهلاليه بأسرها

انا بصراحه ودي ..الشوط الأول ينتهي الهلال جريح او تعب من كثر الهجمات النصراويه ..
لحد يطب ببطني بقول ليش ..

لأن الهلال اذا مادخل وانتفض في الشوط الثاني .. او داخل وهو يدور الفوز بس ..
بيصير زي مباراه الأتفاق او الخساره مصيره .. !

الهلال اذا انجرح يروع ..واحنا نبيه يروعهم
نبيه يهلكهم بالهجمات .. نبيه يمرمطهم ..

حاليآ .. !
النصر تغير حاله والهلال تغير حاله ووضعه ..
المباراه مااحسها زي أي مبارته فاتت .. لأن الأوضاع جديده ومتبدله .. !
النصر للأفضل والهلال للأسوء ..
نقول سترك يارب ..

التايب وياسر .. طموحي انا متعلق هنا ..
ابي هدف مجنون ..غريب عجيب .. مالي دخل ابي
بليارود ..تمشّي .. كبري .. تسحيب .. صاروخيه ..
اهم شي نبي نضحك تكفون وما ينضحك علينا

بقول يارب التايب يجبي هدف من ركله ثابته
< الله يهديك يابونادين ..من تمنيته ما جبته ..
عاد لو تجيبه وعلى النصر بعد كملللت

ماودي اهذر واجد ..لأن للكلام بقيه < أحبني انا وبقيتي ..
بس هاذي صالحه الحمادي ازعجتني لها ساعه تسحب المايك تقل اول مره تقدم .. !
خلاص بنعطيتس اياه لا تزعجين امنا ..

ماشا الله ابدعوا القناصات معنا في ردودهم ..
ناس توقعنا انهم ميح مره بس اشوى ما خربطوا كثير ..

بالنسبة لتحليلي لوضع الفريق الهلالي ..
زي ما شفنا خلال اللقاءات الماضيه ..
حقق فوز وكسب نقاط بدون رضا عن المستوى من قبل الجميع ..

الفريق الهلالي يعاني حاليا من ضعف في الدفاع ..
خلينا نقول خلل في الوسط في كثير من اوقات المباريات ..
اعتماد على مهاجم واحد شئ مره مرهق ومره موب عاجبني ..

دفاع " تفاريس "
وسط " التايب "
هجوم " ياسر "
مع اننا خفنا على التايب ما يلعب بس جت سليمه ..

احب خطة 442 <-واشوى انها سهل حفظها ولا كان ما جابتها ..
لو كوزمين يسمع كلامي بس ..<-تحمست وتربعت على الكرسي خخخخخخ
ينزل ياسر والصويلح من بدايه المباراة ..
الصويلح لاعب نشيط ومتحمس ولو يعطى فرصه ومجال للعب اكبر
راح يفرض اسمه بقوة في الهجوم الهلالي ..
وجوده بجانب ياسر بيكون ايجابي له ولياسر نفسه ..
لان اغلب المباريات اللي لعبها ياسر وحيد تسببت له بارهاق
اضافه الى قله حيله على قولتهم
يتولونه ثلاثه من دفاع الخصم ويالله يا ياسر جب هدف ..

الوسط مع وجود التايب انا مرتاحه .. <-اهم شئ انتي
ان شا الله انه بيجيب هدف ويصلح هدف لياسر بعد ..

محمد الشلهوب في ظل تراجع مستواه ما اتوقع نزوله
ولو نزل راح يتغير في الشوط الثاني ..

نواف التمياط يمكن يكون ورقه رابحه بيد كوزمين
بس نزله من بدري ياخي ..<-مصدقه انه يسمعها

الكلثم شكّـل في مباراة الاتفاق ثنائي رهيب
بجانب التايب ..

تفاريس احس فيه شئ موب طبيعي ..
لا يكون احد مهاوشه ..<-اوت
بس يظل هو الفن عساه يسلم ويطول معنا
الين نلقى لنا مدافع يسد الشاشه مدري الخانه ..

المفرج .. ناظروا رد ريميه ..
هو صدق يتحمس وكذا ..
بس ولو ما هو حل لدفاع هلالي قوي ..
الدفاع يحتاج تجديد ..عناصر شابه و محترفه ..

الدعيع .. يقهرني تراه دايم ..
خاصه اذا فتح الباب واستسلم للامر الواقع ..
لكن ابو عبدالعزيز له ميزات وله وقفات و صدّات تنسي
الواحد كل عيوبه ..
سؤال صار يراودني كل ماشفته !!
الى متى الاعتماد عليه ..يعني بكره بيعتزل
وش بنسوي ..!!

الكلام عن الاخطاء والانتقادات يطول ..
واكيد بيكون لنا عودة نقطع جلد كوزمين بين الشوطين ..
<-مجهزة الرباط قبل الفلقه ..

زي ما قالت فيصليه ..
الهلال اذا جاب هدف من البدايه يفتر خلال الشوط الثاني
ويساعد الخصم على تعديل النتيجه واحيانا الفوز ..
يعني لو ينتهي الشوط الاول صفر صفر زين ..
والشوط الثاني يدخلون بحماس ويجيبون هدفين ونخلص ..


.
.

{ رؤوله ..
خشت جو وتنكست وموضي عشان ترد .. وردت بصرعه علينا
هني ..

كتبت جمله شنيعه ..
(( وش رايتس تكتبين كل شي انتي وتحطينه باسمي )) .. !
لا حول ولا قوه الا بالله .. ..

.
.

المجال مفتوح للجميع .. طبو


.
.