أهلاً فيكم

ياجماعه أنا قريت هالقصيده

وأعجبتني وضحكتني بصراحه روووووووووووعه

عاد أنتم أقرأوها وعطوني رايكم إذا أعجبتكم أو لا






%%% تـــــكـــفـــى تــــرى تــــــكـــفــــى تـــهـــز الـــرجـــاجــيــل %%%

--------------------------------------------------------------------------------



تكفى ترى تكفا تهـز الرجاجيـل لو ما ظروف الوقت ما قلت تكفـا

هذي طبوعي كل ما عسعس الليل أصلّـح الدلـة وأجـر اللحـــــــونـي

بريـةٍ موزونـة البـنّ والهـيـــــــــل والماء بوزن وحيّ هاك الوزونـي

منهـا تكيّفنـي ثلاثـة فناجـيـل وأرتاح ويطير السهر من عيونـي

وأراجع الذكرى وأجرّ المواويـل والذكريات بكـلّ شكـلٍ ولونـي

البعض منها يشرح الصدر بالحيل والبعض لا والله يجـدد طعـونـي

وأرجع وأفكّر في الليال المقابيـل لعل وقتـي مـا يخيّـب ظنونـي

وأدخل على الله من حياة الغرابيل حيث إن همّي ما تشيلـه متونـي

كنّك مفصّل فوقي الهـمّ تفصيـل لين إلتبسني مثل لبـس الجنونـي

حالي كما حال القلوب المشاغيـل اللي من أطرف شيء يتأثّرونـي

لو يشتكون الغبن والجور والميـل للغيظ وسط صدورهـم يكتمونـي

فكّرت الا الموضوع يحتاج تحليل وفنّ الدراسة واحـدٍ مـن فنونـي

عرفت وش عكّر مزاج المشاكيـل يوم إنهم مـن وقتهـم يشتكونـي

أول سبب: نقالـة القـال والقيـل الطغمة اللـي جعلهـم يذهبونـي

قلوبهـم بالحقـد سـودٍ مغاليـل ومن طبعهم بالمشكلـة يفرحونـي

وثاني سبب: ناسٍ على مثل ما قيل لا يقطعـون الشّـر ولا ينفعونـي

والله ما يرفع ضغطك إلا المهابيل العالم اللي في النحـر ينشبونـي

وثالث سبب: ناسٍ سوات المخاييل على سلوم الطّيب ما يحرصونـي

خلّو سلوم أجدادهم رغو مع سيـل وفي عالم التقليد جو يركضونـي

طشّوا عمايمهم ولبسـوا بناطيـل والموس فال أشنابهـم والدقونـي

وأرقابهم ما سلمت من السلاسيـل تطبّعوا بطبـوع هيـم البطونـي

في ذمتي ماعاد باقـي رجاجيـل إلا القليـل وجعلـهـم يثبتـونـي

صفّة بعد صفّة وجيلٍ بعـد جيـل كلٍ من اللي قبله أنقـص وأدونـي

هذي هي الأسباب من دون تفصيل شرحت روس أقلام بس أعذروني

واللي يبي تفصيل بالحيل بالحيـل يقـدر يكلمنـي علـى تيلفونـي




الشاعر : وصل العطياني

وهذي القصيده معروووووووووووفه ومشهوره


المصدر من قراءات وسونه من الكتب