قبل لا أبدا أمنا عضو جديد وأبي ترحيب


ندخل في صلب الموضوع<-------ياشيح طس بس



_ _ _-----------------------------_ _



أبليس وفرعون في النار ..
فرعون يقول لأبليس :
عليك لعنة الله يا أبليس .. والله ما جابنا في هالمكان الا أنت يا الملعون ..

يرد أبليس : أسكت .. أسكت ..
علي الطلاق أني يوم سمعتك تقول ( أنا ربكم الأعلى ) أن شعر رأسي وقف !!!!


( والله أني بوسط الناس كنــّـي خلاوي
من يلوم المفارق عقب فرقى خويـّـه )

بعد قضائي لاجازة رائعة ( داخلية وخارجية ) .. صار لي موقف خرّب علي أم الاجازة
وذك عندما عدت الى الرياض ..
واليكم التفاصيل كاملة :
أتفقت مع واحد من الشباب أنه يستقبلني في مطار الملك خالد الدولي بالرياض .. وذلك بعد اصرار شديد منه ( الله يجزاه خير ) ..
وصلت الرياض .. وبحثت عن خوينا .. وما لقيته ..
دقيت عليه جوال .. مقفل
طنشت الموضوع .. وركبت ليموزين ..
كانت سيارتي واقفة بجوار بيت خالتي ..
نزلني الليموزين عند سيارتي ..
نزلت شنطتي .. وحطيتها بجوار شنطة السيارة .. وركبت سيارتي .. وقلت خليني أول شيء أحمـّـي السيارة وبعدين أركب الشنطة ..
أول ما شغلت موتري .. جاني أتصال .. وجلست أسولف .. ونسيت شنطتي في الشارع
وصلت بيتنا .. وكنت مرهق للغاية .. نزلت من السيارة .. نمت على طول ..
قمت الصباح .. رحت العمل بنفس ملابسي في السفر ..
خرجت من العمل العصر .. رجعت البيت .. وجيت أبي أنزل شنطتي من السيارة .. وأكتشفت وقتها الخبر المفجع
رحت بيت خالتي على امل ألاقي الشنطة في الشارع
سئلت خالتي وعيالها وسواقهم وشغالتهم وجيرانهم عن شنطتي
والجميع أعلن عدم مشاهدتها
رحت أقرب مركز شرطة
قال لي المقدم : يا ولدي الله يعوّضك خير ..
قلت له تكفى يا أبوفلان دوروا شنطتي .. ترى لونها كحلي .. وفيها ملابسي ومحمولي وعطوري وأوراق مهمة ( << ايه هيّن )
والبومات صور وافلام ما تحمضت وكاميرا ديجتال
قال خلاص و لايهمك

يا حبني لهم رجال الأمن في بلادي .. يسهرون على راحة المواطن


على العموم أخواني واخواتي .. شنطتي لازم تلقونها
يرضيكم أعيش في هالدنيا بدون ملابسي وأغراضي اللي جمعتني بهم عشرة عمر


(( ماجد أفضل من سامي ))

مباراة الهلال والنصر الأخيرة اللي مسحناهم بهدفين ..
كنت أتابعها في أم الدنيا ..
وكان المكان مزدحم بالسياح العرب وغير العرب
وكنت أتناقش انا وناس جنبي عن سامي وماجد ..
وأرتفعت أصواتنا .. واقنعتهم أن سمسم أفضل من ماجد ( الله يحسن لنا وأياه الخاتمة ) ..
طبعاً كنت أتناقش وأنا في كامل قواي العقلية وكان معنا في النقاش ناس الله بالخير

المهم يوم جينا نطلع .. ونقابل ذاك الوحش عن بوابة الفندق ( مترين في متر )
مفتول العضلات .. عريض المنكبين .. ذكرني بسلفستر استالوني
طبعاً وكان مؤجر الدور العلوي
المهم جاء ابوالشباب ينافخ :
مين اللي جالس يقول قبل شوي ان سامي أفضل من ماجد
طبعاً أنا واخوياي كل واحد يأشر على الثاني
شوي ويمسكني من تلابيبي وصار بيننا النقاش التالي :
سلفستر : أنت اللي جالس يقول سامي أفضل من سامي
أنا : أنا ... متى ... انا ما قلت شيء
سلفستر : يعني ماجد أفضل من سامي ؟؟؟
أنا : أيه افضل وبمليون مررررررررررررررة
سلفستر : وماجد أفضل من رونالدو
أنا : أيه أفضل .. ما باقي الا أبو ضروس يكون افضل من ماجد
سلفستر : وماجد أفضل من بيليه ومارادونا ؟؟
أنا : طبعاً .. ماجد اكوس لاعب في العالم كله .. ماجد أحسن شيء
سلفستر : حلو .. شوف علي الطلاق .. لو أسمععك أو جاني خبر أو دريت أنك قلت أن سامي أفضل من ماجد أن أشرب من دمك ( موب هين دراكولا )
أنا : لا يا بعدي .. ما راح تسمع .. وحصل خير .. وكلنا سعوديين وحبايب .. ووو وش رأيك تتعشى معنا


( توم وجيري بغوا يودوني في داهية )

قبل امس كنت واقف في شارع الستين ..
وكنت أتابع شاشة كبيرررررررررة تعرض توم وجيري ( القطو والفار ) ..
طبعا انا من عشاق هذا المسلسل الدرامي الأكشن
ودائماً اتعاطف مع القطو السبيكة .. وبالذات اذا تدخل ال*** في الموضوع ...!!!
المهم فتحت الاشارة خضراء وأنا باقي منسجم مع توم وجيري ..
مشيت وعيوني على الشاشة ..
شوي وبدون مقدمات أجيب العيد في السيارة اللي قدامي ..
والسيارة اللي وراي تجيب العيد فيني ..
وانا باقي عيوني وقلبي وعقلي مع القطو والفار
طبعاً الحمد لله الحادث بسيط مررررررررررررررررة ..
بس مضحك في نفس الوقت ..
اللي وراي كان هندي .. نزل وهو معصب :
ايس هدا سديق .. ما فيه سوف .. انت ما فيه مخ ..
قلت : آآآآآآه .. اللي خذا قلبي يتهنى به

وبعدها على طوووووول على فيديو الماسة الزرقاء وأشتري خمسة افلام توم وجيري عشان ثاني مرررررة لا أصدّم خلق الله في الشارع

بس عندي سؤال لوجستي .. بس لا أحد يضحك :
الحين القطو السبيكة توم ولا جيري ؟؟؟؟


ليلة أمبارح .. ما قنيش نوم ..
وأحنا لســّى فـ أول يوم ..
ائبل ما ترميني فـ بحورك :
مش كنت تعلمــّـني العوم ...!!!

أنا كنت لوحدي .. وبحالي ..
شفتك .. ماأعرفش اللي قرالي ..
رحة البال .. راحت من بالي
ائلت لها مع الف سلام
والحيرة ائلت لها تعالي
لا ملام عليك لا ملام
عمري كوم .. والحب دا كوم :
ليلة أمبارح .. ما قنيش نوم ..



محشش لقى كنز قال :
حلو .. باقي الخريطة ....؟؟؟



تحياتي .. وأرق امنياتي .. وفي أمان الله




أخوكم: تركــــي

لووووووووووووووووووووووووووووووووووووووووووووووووو وووووووووول


مشكـــور يعطيكـ ربي الف عااافيه

صعبه أتغلى عليك

مشكور علا المرور


تركــــــــي

ههههههههههههههههههههههههههه تركي الله يرجك


وحياك ربي بالمنتدى .. منور والله..

~*¤ô§ô¤*~*¤ô§ô¤*~ إنسانـــة~*¤ô§ô¤*~*¤ô§ô¤*~


مشكورة على المرور و الله يحيك