بسم الله الرحمن الرحيم

السلام عليكم ورحمة الله وبركاته

قبل اي شي

كلمة حق واقولها من اعماق قلبي الف مبروك للأتحاد
فعلا كان يستحق الكأس عطفا على ماقدمه في الشوط الثاني خاصه0 كذلك باعتبار وصوله لثالث نهائي هذا الموسم



أعود بالحديث لعشقي الأول والأخير الـــزعـــيــــم

ماذ أقول وماذا أقول وماذا عساي أن اقول

هل ابكي على ضياع البطوله
ام ابكي على حسرة سامي
ام ابكي على وداع تفاريس
ام ابكي على فراق ابو سلطان
ام انوح واصيح على تخبطات باكيتا


الاغلبيه تقول راح اللي راح وانسوا ماكان وفكروا في القادم

نعم0 انا معهم في التفكير في القادم لكن لن يصلح القادم مالم يصلح الحالي وينظر له نظره صادقه من كل غيور ومحب وحريص على هذا الكيان الشامخ الذي لن يتأثر ان شاء الله بوجود رجال مخلصين حريصين عليه سواء اعضاء شرف او لاعبين اوجماهير لاتؤثر فيها خساره مباراه او بطوله او غيرها

فمهما فعلنا لن نوفيك يا هلالنا حقك
ومهما فعلنا لن نرد جزءا من دينك علينا
فثق تماما اننا لن نتخلى عنك في السراء والضراء في الأفراح وفي الأتراح

ولكن من حبنا وحرصنا لابد ان ننتقد نقد هادف وبناء وان نطرح اراءنا وان نقول للمحسن احسنت وللمسئ اسأت


فبعد مباراة امس والله ماكنت انوي اكتب اي شي واغلب الاعضاء سواء في هذا المنتدى او المنتديات الاخرى كفو ووفو واختصروا علي الشي الكثير
لكن بعد ما رأيت بعض الأقلام الدخيله التي لاتمت للهلال أو حتى الاتحاد بأي صلة بدأت تكتب وتنتقد وتعلق واحيانا اخرى تجرح

قلت لابد من طرح موضوع ولكن نقد بناء يخدم في المقام الأول نادينا الهلال وفي المقام الثاني المنتخب السعودي بالاضافه الى جعل مثل هؤلاء الدخلاء او بالعمايه ( الملاقيف ) يخرسون ولايكون لهم اي كلمة بعد ذلك0
==================================================
الزعيم

منذ رحيل باكيتا للمنتخب بدأ الهلال في نزول تعاقب عليه مدربين كثر امثال بسيرو و سيريزو وغيرهم لاتحضرني اسماءهم حاليا لكن الواضح ان كل مدرب يجي يصلح مثل اللي قبله

اجزم واحلف بأن ماوصل اليه الهلال من بطولة اسيا ومن نهائي كاس دوري خادم الحرمين الشريفين -اطال الله في عمره- هو مجهودات ذاتيه من اللاعبين

يااخواني لنتكلم بمصداقيه اين اللاعبين الناشئين والشباب؟؟؟
خط الهجوم لن اتكلم عنه فلله الحمد مهاجمينا كثر
لكن!!!!!!!!!!!!
من متى ووسط الهلال بهذا الضعف( صانع العاب سعودي حاليا غير نواف مافيه) واقصد بصانع العاب لاعب خلف المهاجمين فقد يقول البعض الشلهوب ولكن الشلهوب جناح ايسر0 اين يوسف الثنيان اين خالد التيماوي اين صفوق التمياط اين فيصل ابو اثنين 0 نص وسطنا محاور عمر الغامدي خالد عزيز عبداللطيف الغنام سلطان البرقان حتى الهليل يلعبونه محور0
[ اعطو الفرصه لأحمد الحربي صدقوني راح يكون مشابه للثنيان لكن اعطوه الفرصه بعد الاصابه]

خلونا من خط الوسط ونرجع للدفاع ابي مدافع هلالي صريح (يعني تدرج من مدارس الهلال ) باستثناء المفرج قولوا لي من؟؟
ليتانا وعبدالله سليمان وعبدالله الشريده واحمدخليل وتفاريس وغيرهم وكلهم ناخذهم رجل بالقبر ورجل بالأرض ويالله حسن الخاتمه
لا انتقص من حقهم فسوف اكون ظالم لنفسي قبل ان اظلمهم لو قلت ما صلحو شي للهلال0

والله العظيم فرحنا ببروز نجم مثل ماجد المرشدي لكن للأسف الشغله كلها تحطيم في تحطيم
اما الآظهره فوالله ما استفدنا منهم فمنذ رحيل الدوخي والباك اليمين عندنا صفر وبالنسبه للخثران فكيف الحال !!!!!!!!
يكفي اهداف الاتحاد امس كلها من جهته والسؤال الأبرز من البديل له في حالة حدوث اي طارئ لاسمح الله؟؟؟؟

كمان نرجع ورا ونعود لمركز الحراسة لو قدر الله فقدنا الدعيع واصبح العتيبي حارس؟؟؟ منو راح يكون بديل العتيبي في الاحتياط؟؟؟؟


الكلام يطول عن الازرق واذا علي ماراح اوقف كتابه لانه لازال بقلبي الكثير والكثير
( لكن خلوها بالقلب تجرح وماتطلع لبرا وتفضح )


==================================================
السواق
ازعجتنا يا باكيتا بالسواق حقك (ردريقوا مدري الفان مدري فرناندز ) حتى اسمه مثل وجهه
والله العظيم حرام مثل هاللأشكال تاخذ رواتب وتاخذ فلوس
ما انكر حسم لنا مباريات وسجل اهداف يكفي انه هداف الهلال في الاسيويه لكن ماله فضل تجيه جاهزه على طبق من ذهب لو اجيب بزر سجلها

في مباراة البارحه جلست اراقبه والله العظيم مامرر ولا كوره صح

والسؤال هل هو باقي معنا في الاسيويه ؟؟؟؟ لو بقي صدقوني انها تحرم علينا البطوله

( صحنا من الكاتو جاء للكاتو ولد ) <<<<< لاتقولون لي عاد ماتعرفون الكاتو؟؟؟؟
================================================== =
باكيتا
ما املك الا اني اقول حسبنا الله عليك حرمتنا نشوف ذئبنا يتلاعب بالنمور

وبعدين تعال

المباراه في ارضك وبين جمهورك وتلعب لي بثلاث محاور والتمياط والصويلح وسامي بالاحتياط وتلعب لي الغنام والعنبر

والعنقري ايضا انا من وجهة نظري الياس افضل منه بكثير لاعب يغطي خانته صح وبالاول والاخير لاعب فدائي جدا جدا جدا

================================================== ==
سامي عبدالله الجابر
ما اقدر اقول اي شي فتاريخك هو من سيتحدث نيابة عني
لكن طلبي الوحيد
تكفى يابوعبدالله لاتتركنا في الاسيويه واذا كان ولابد من الرحيل فدعها هي اخر مشوارك الكروي

================================================== ===
الأمير محمد بن فيصل

اعذرني يابو سلطان تركتك في الاخير وكان بقلبي كلام كثير لك لكن بعد ماسمعت تصريحك امس عرفت انك هالمره معزم عالرحيل
ومانملك الا اننا نقول بيض الله وجهك وماقصرت ودفعت الغالي والنفيس من مال ومن جهد ومن عرق لرفع سمعة الهلال فجزاك الله عنا خير الجزاء وكثر الله من امثالك

------------------------------------------------------------------------------


اخواني : اسف عالاطاله
واسف على دمج الفصحى بالعاميه


تقبلوا مني اطيب المنى ولكم جل احترامي وتقديري

غاليتي هلاليه وافتخر
الف شكر على مرورك وتعليقك
واسعدني جدا ابداء وجهة نظرك

لكي مني كل الحب والتقدير

...مشكور على موضوعك المميز بس كلامك على رودريغو مب صحيح جاب 10 اقوال في 11 مباراة ياخي اصبرو علية شوي

انا مع maf_boy رودريقو لازم نصبر شوي عليه

مرحبا اخوي العسيري....


بصراحه والله مانستاهل الفوز امس يعني اشوف المباراة بعد اليوم الضهر والله تقول الاتحاد قاعد يلعب مع الخليج او الحزم مع احتراامي لكل الفرق والسبب .... باكيتاا

يعني لو نرجع شوي لوراا ونشوف البطولة اللي اخذناه قدام الشباب والله لو ماجانا ذاك الفاول ماذقنا طعمه...

يعني مدرب يلعب بثلاااث محاور في مباراة نهائيه والله ماصار ت طاعون ناضر مبارتنا معهم

بدوري... وش سوينا فيهم... ليش يخاف منهم ويلعب على مجهود لاعبينه..

مثل ماقلت اخوي الاسيويه اذا جلس باكيتا والله ما نشم ريحته!!!!

الحل....

نيبوشااا شوفوا وش سوا في الاهلي ... وما ابغا اتكلم .... تسع لاعبين في المنتخب من الاهلي...


ابوسلطان ...

محمد بن فيصل توقع هذا وقته تعلن لنا انك قررت الاستقاله ....

يعني مايكفي صدمت النهائي تجي تقولنا خلاااص قررت استقيل ...

يعطيكــ الف عافيه يالعسيري
كلامكــ في مكا نــــــــــــــــــه

سامي عبدالله الجابر
ما اقدر اقول اي شي فتاريخك هو من سيتحدث نيابة عني
لكن طلبي الوحيد
تكفى يابوعبدالله لاتتركنا في الاسيويه واذا كان ولابد من الرحيل فدعها هي اخر مشوارك الكروي

نعم تاريخك ياسامي سوف يحكي عنك

MAF_boy
&
مجنونه الهلال
شاكر لكم مروركم وتعليقكم وطرح وجهة نظركم
اما من ناحية نصبر على ردريقو فمن وجهة نظري صبرنا عليه كثير
لاعب مايملك مقومات اللاعب المحترف حتى كنترول ع الكوره مافيه يمسك الكوره وينطلق يبي يعدي باللي في الملعب كلهم ومايرفع راسه ابد واذا تكرم الاخ ومرر تمريراته مثل وجهه
وبالنسبه لي بعد مباراه الاهلي في اياب كأس ولي العهد وبعد رفع الضغط اللي جابه لي وانا غاسل يدي منه



ـيـا ـهـا ـجـر ـي
انا معك بكل كلمه قلتها
ومن ناحية ابوسلطان والله ما الومه
يعني لعب يرفع الضغط ومدرب مروح وكمل عليها بعض اعضاء الشرف


طعسه
يعافيك ربي واشكرك لك مرورك


مرعب الحراس سامي
شاكر لك مرورك وتعليقك

اقتراحات التصحيح واضحه ومن اولويات التصحيح البحث عن مدرب بطموح الزعيم وحالا لكي يتسنى الاستعداد الامثل للبطوله الاسيويه
التجديد لتفاريس والتايب
استمرار الامير محمد بن فيصل وان تعذر ذلك وهذا مالا نرجوه
يجب المبادره لتولي الرئاسه لرئيس اخر

معك بكل اللي ذكرتك

اما من ناحية تفاريس ما اتوقع راح يستمر
ومن وجهة نظري الشخصيه اللاعب الاجنبي اذا جلس اكثر من موسمين صدقني ماعاد ينفع صح تفاريس هذا الموسم الثالث له لكن اذا فيه غيره وافضل منه يكون احسن

شاكر لك مرورك وطرح وجهة نظرك ورأيك

تغير باكيتا


تغير العنقري بسبب عدم وجود اي مهام الظهير وحسب معلوماتي البسيطه ان من مهام الظهير مساندة الهجمه


تغير الفان

سامي عبدالله الجابر
ما اقدر اقول اي شي فتاريخك هو من سيتحدث نيابة عني
لكن طلبي الوحيد
تكفى يابوعبدالله لاتتركنا في الاسيويه واذا كان ولابد من الرحيل فدعها هي اخر مشوارك الكروي

نعم تاريخك ياسامي سوف يحكي عنك

الكحه شعر المدخن


شاكر لك مرورك وهذي مطالبك ومطالب الاغلبيه من جمهور الزعيم


بس حبيت اعلق فقط عالنكنيم تبعك ( مو كل من يكح معناها يتتن )
ذكرتني بأول كان اذا نزل الواحد من السياره وريحته عطر قالو على طول انه يتتن والمسكين حتى مايعرف يمسك سيجاره



هلالي الدلم

مشكور عالمرور بس كنت اتمنى لو تطرح وجهة نظرك ومطالبك لكي يبقى الهلال شامخ وسيبقى كذلك باذن الله

احترم كل كلامك يا غالي بس مهما يكون الفان ما قصر في الاسيويه ويكفي لمساته السحريه اللي يقدمها ومهاراته الفرديه وابداع منه اللي قدمه في مباراة الاتحاد اول مباراة له وهذا مستواه اصبروا عليه وبتشوفون واذا ما جدد الهلال للتايب سلمولي لانه فريق كامل التايب بصراحه بالتوفيق للزعيم وانشاءالله ما نسمع الا اللي يسر ويعطيك العافيه على كلامك ................