اولا بسم الله الرحمن الرحيم
ثانيا:السلام عليكم ورحمة الله وبركاته
ثالثا:كيف الحال؟
رابعا:نرجع للموضوع
هذي القصه واقعيه وليست من نسج الخيال ولا حلوم ليل
ابطالها احياء هم ابوي وامي وانا واخوي واختي والشغاله رقيه نور العيون طمطم...(( اسم الشغاله)):D
كنا جالسين في الصاله الي يشرب شاهي واللي يأكل فصفص واللي يلعب كوره قدم (( ملعب ماهو صاله )) كل لمباتنا مكسره من تشويت اخواني الصغار p3
واللي جالس يتفرج على التلفزيون واللي منبطح على الارض
وأمي جالسه تسولف مع الشغاله سوالف خاثره ... تعرفون وش تسولف فيه عن
زواج بنت خالتي (( ودي اعرف وش دخل الشغاله رقيه نور العيون طمطم بالسالفه :D :D :D
وجالسه امي تسولف عن العرس فلانه جت وفلانه راحت وفلانه لابسه ذهب وياشين لبس فلانه والشغاله تهز رأسها كنها فاهمه شي :D
المهم وانا جالسه اتفرج على التلفزيون والا اسمع صراخ ابوي
واجي اركض من الخوف
لقيت اخوي الصغير شايت الكوره على ابوي وهو ماسك بيالة الشاهي وكان الشاهي حار p21 وانكب الشاهي على خشت ابوي
وجالس يطامر من الحراره
قامت امي وراحت تركض وتروح تجيب صلصه ((( الاولين يحطون الصلصه على الحروق ))p3
المهم جلست تحط على خشت ابوي صلصه وصار وجهه احمر اول ما شفته احسب وجهه صحن مكرونه:D
المهم ركد الوضع وهداء الجو من الصيحه
وماهي الا دقائق الا هبت علينا ذيك الريحه اللي سدحتنا من قويها كن راشينا بكيماويp17
جلسنا ندور عن مصدر الريحه لقيناها ريحة المكيف الصحراوي
وانتم عارفين ان المكيف الصحراوي يسحب الريحه الخارجيه ويدخلها للبيت
يعني كل يوم لبيتنا ريحه
يوم ريحة مشوي ويوم ريحة ملوخيه وجيرانا دوافير جميع انوع الريحه اللي تحوم الكبد ويم ريح زباله ويوم ريح قار ومن كبر بيتنا
مكون من دورين الدور الاول صاله ومطبخ وحمام
واللي فوق سطح وغرفة شغاله وحبل غسيل ولمبه وحده
وإنا ننوم في الحوش ((( غنم))
من كثر الريحه صار صدر ابوي يوجعه
واحد من اخوني دخل المستشفي عنده حساسيه من السمك من ريحة السمك اللي طلعت من المكيف
المهم جلس ابوي وامي يفكرون وش يسوون
قالت أمي وش رايك نكب في المكيف الصحراوي ((( كومفورت)) مطهر الملابس
جازت الفكره لبوي
المهم راح للبقاله وجاب عشر قوارير كومفورت
راح للمكيف وكبها في المكيف
جلسنا ربع ساعه وطلعت علينا ريحه الكومفورت والله حسيت اني جالسه في مغسلة ملابسp10
وعقبها وريحة بيتنا تفتح النفس
وكل ماقضى الكومفورت راح ابوي يجيب
وبعدها عشنا في سعاده غامره
حتى اخواني صارو مؤدبيين صارو يلعبون الكوره في في المطبخ من الادب :D
وأمي تغيرت على الشغاله صارت ثقيله