بسم الله الرحمن الرحيم

السلام عليكم ورحمة الله وبركاته ،،

صبحتم / ومسيتم بالخير ياقناصين

أخباركم ، ازيكم عاملين أيه اشتقت لكم وحشتوووووني كثييييييروربي ماتتصورون قد أيش أحبكم

زمااان عن المواضيع بالمنتدى والليله مدري وش صاير فيني صايبني نشاط بسم الله علي

يااااقدمي مافيه أحد الحين يكتب بالمنتديات كل الناس تطورت وراحت تويتر وانستقرام الا أنا

أحب المنتديات زي الكبار اللي يحبون الراديو >> اخلصي علينا

المهم ماهو هذا موضوعنا بما اني ماعندي شي الليله والمنتدى شبه نايم قلت فرصه أسولف هنا

بتكلم عن أشياء شايفتها بالمجتمع ممكن اكون ابالغ او اني حساسه زياده عن اللزوم ( كثري منها )

هالشي انه للأسف فيه ناس كثييرحوالينا يتغيرون والمحزن انه يكون هالتغيير للأسوأ

لكن الشيء اللي يقهر ليش نهتم فيهم وهم ما أهتموا فينا ...

وليش ننتظر منهم الاهتمام وهم فاقدينه ...

يعني نادرأ نشوف ناس تهتم ببعضها حتى الاقارب اغلبهم ما يطيق الثاني خصوصاً بمجالس النساء الله يهدينا ويهديهم

اللي مايحبونها ياكلونها حش وغيبه والا اللي تكون بسيطه مااحد يزورها

والشي الثاني اغلب الناس صار همها نفسها ويعيش تحت قانون ( أنا ومن بعدي الطوفان )

والبعض مايهمه لا عادات ولا تقاليد ولا قوانين وبعضهم حتى الدين يتساهل فيه

اللي ابغى اوصله أننا فقدنا ميزة البساطه كمجتمع .. !!؟

جميل الانسان يعيش ببساطه ويحب كل اللي حواليه ويهتم فيهم ويشيل من باله فكرة التكبر

ويتمنى للناس اللي يتمناه لنفسه ...حلوه الحياه بالحب والتضحيه والإيثار

يمكن أكون خلطت مواضيع مع بعضها ( كوكتيل سوالف )

بس شي يقهر ليش كذا أخرتنا حفره ( الله يحسن خواتمنا ) وأحنا مجتمع مسلم

وين راحت دراستنا وتربية أهلنا ..

فيه اشياء كثيره غير اللي ذكرتها ممكن تشاركوني فيها >>هذا اذا احد عطاك وجه والا ماانحذف موضوعك

طبعا ماأعمم ويمكن قليل هالشي بس نستغربه لأنه شي مانحبه ولا نرضاه .

وبس هذا موضوعي بصراحه ماادري كيف كتبته ومافكرت فيه قبل بس مسكت الكيبورد وكتبت...

شاركوني وفضفضوا >> محذوف مافيها كلام



.

وعليكم السلام ورحمة الله وبركاتة ...

صباح الوردات ...

عن جد منورة كتييير .. وحشتينا بالزاف ^_^

نرجع للموضوع ...

من الآخر اللي مايهتم فيك لاتهتمي في ...

عادي الدنيا صاير فيها كتيير مرضى نفسيين ﻵ تستغربي
يجي منهم آكثر o_O

اممم عن جد البساطة مافي احلى منها الحمدلله عايشاها ببساطة وعفوية
ومتوكلة ع الله ومايهمني احد ثاني ...

يعطيك العافية ع الموضوع "الكيووت" ...

O

*




وعليكم السلام ورحمة الله وبركاته
صباحك جميل ي جميله

اشتقت لايامنا هنا

وأنا بعد فاضيه وبمسك الكيبورد < وحده عندها اوف لحد يكلمها
صحيح الكل تغير وللأسوء للأسف . شئ طبيعي انه الشخص يجي يوم وظروفه تغيره
بس البعض للافضل والبعض للأسوء يعني انا مثلا شفت موقف من وحده ماعجبني اغير اسلوبي معها ومع غيرها .
هذا شئ غلط ايش ذنب الناس الي طيبين معنا نغير اسلوبنا معهم عشان موقف من وحده
بالعكس خلونا على ما احنا عليه مثل ماعرفونا الناس
اهتموا للي يهتم لكم والي م يهتم حاولوا انتم تبدون بالاهتمام وشوفوا ردت فعلهم يمكن يتغير
من اهتمامكم له ويحس انه فيه احد يتذكره .
وبعض الناس للأسف يحسب الاهتمام مصلحه
انا شفت ناس كانوا وصاروا . مو بس تغير اسلوبهم ولاحتى معاملتهم
وصلوا لقلة الأدب
مثل م قلتي وين تربية اهلنا وين ايامنا قبل
مهما تصير نيتكم زينه تلقون ناس نفوسهم شينه هذا صحيح
بس يبقى شئ واحد ( على نياتكم ترزقون )

اي موقف ما عجبك بسرعه انسيه بسرعه لاتشيل همه ولاتزعلين
ولو زعلتي يوم يومين بيكبر همك وبتندمين

شئ حلو لما تعيشين ببساطه وتحبين كل الي حواليك وتتمنين لهم الخير
فيه ناس للحين فيها خخير < شوية ناس

والحمد لله
شكرا ي جميله على هالموضوع