السَلام عليكم
8 أيآم ونودع [ شهر الخير ] [ شهر رمضان ]
ونأتي للعيد , وما أدراك مالعيد , للعيد تجهيزات وتحضيرات وَ روتين بععد
الحريم مايعجبهم طلعة السوق إلا في ليلة العيد , تبغى تروح فالزحمه وتداحم الناس
والأسعار ضاربه ضرب مهب صاحي , اهم شيء عندها إنها تروح في ليلة العيد
تروح بعد التراويح للسوق وتخلص الساعه 2,40 ثم تروح للمشغل وتطلع من عنده
على أذان الفجر , كذا تكون إرتاحت نفسياً وجسدياً وعقلياً بععد
بععد كل ذا التعب ترجع للبيت وتصلي , وتروح تزبط البيت وتنظفه وتزكرشه
ثم تروح تلبس هالملابس وتأخذ لها كيس اسمنت ابيض وتكبه في وجهها
وتأخذ لها 500 إكسسواره و240 شباصه وتحط على ملابسها 20 عطر
وتروح تستقبل الضيوف بوجه مشرق وبشوش وما كان ششيء صار لاتعبت ولاشيء
هذا الحريم أما الريجيل فسالفتهم سالفه ثانيه , !
تلقى الرجال مخلص أموره من يوم 24 رمضان أو ققبل بععد , وتلقاه في ليلة العيد
هلكان قصيان منتهي بشكل عام , يروح يجيب مستلزمات للبيت سواء كان بخور قهوه
حلاو ملابسس , ثم يروح ورا الحريم من سوق لسوق , ثم إذا جاء للبيت يدقون علاه
يقولون له رح جب الحلاو الفلاني من المطعم الفلاني اللي فالشارع الفلاني
وتلقاه فالعيد مرسم وكنه أمير من أمراء آل سعود
خلصنا من الريجيل نروح للعيال او البزآرين
الواحد منهم لابسس شماغ اطول من ثوبه والعقال اكبر من راسه والسروال اطول من الثوب والحاله حاله , وتلقاه يجي فبيتكم ويسحب شماغك او يصطرك مخمس قدام
الريجيل , عادي عنده , وانت ماتقدر تسوي له ششيء
ومغير تلقاه فاتحن يده تقول شحاذ ويقول [ ابغى حلاو ]
هذولي البزارين ابوهم للجنه , خلنا نشوف البنات الحيين
الوحده منهم حاطه على وجهها اسمنت ابيض وكل ماشافت بنت قامت تزايدها
انا لبسي احسن منتس وانا وجهي احسن منتس وانا اظفري اطول من اظفرتس
وإذا شافت ورع صغير راحت وشالته وتقول له انت وش اسمك , والورع يمسك
شعرها ويقرط فيه وهي طول الصبح تقول له فك فك فك , تستاهلين
انتي وش تبين به ؟
تكلمنا عن الأصناف الموجوده بالعيد
وفي موضوعنا الجاي بنتكلم عن العادات السيئه فالعيد !؟
موضوعي السابق / مذكرات سعودي عاطل ( رمضان )
http://www.alqanas.com.sa/vb/t193351/
اللي اعجبه الكلام الي فووق ^^
واللي اعجبه مواضيعي يتابع صفحتي في تويتر
https://twitter.com/fahd_aloteby