( موج البحر عناب والعين ضامي )
يا العين .. يا اهل العين .. يانادي العين
ياكل عنابي ..سلامي ..سلامي
من وين اسلم ياجماهير من وين
من وين اسلم وسط هذا الزحامي
سلام(ن) ازكى من زهور البساتين
ياصل لكم بسطور عذب الكلامي
غالين ياشعب الامارات غالين
والعين له بالقلب قدر ومقامي
واحنا لنادي العين حاجب وجفنين
نغليه لابعد عشق لابعد هيامي
هذا شعار العشق يانادي العين
موج البحر عناب..والعين ضامي
تلعب وتحكي الفن من بين قوسين
خذت الصدارة مثل حر(ن) قطامي
هذي هي القمة ولاتاسع اثنين
مافوقها الا العين عنها يحامي
بنجوم تسكن في قلوب الملايين
ناقف لها وقفة وفا واحترامي
أيمانهم فاقت طوال الميامين
تحصد ذهب في كل موسم وعامي
ياسر وداعتكم..ترو الزين للزين
وداعة الكرمان عند الكرامي
وهذا شعار العشق يانادي العين
موج البحر عناب ..والعين ضامي
غــزيــــــر
09-09-2011, 09:16 PM
موج البحر عناب ..والعين ضامي ( مشارك )
العرض الشجري
