نسمع دايما ان الهلال نادي اعلامي...و هذا كلام يقوله البعض اذا بغى يحش في الهلال...لكن هي في الحقيقة كلمة حلوة....و تدل على الامتداد الطبيعي لجماهرية الهلال اللي تشمل صحفيين و اعلاميين
لكن اللي مو كويس في الموضوع..انه يكون الهلال نادي اعلامي بمعنى ان الاعلام يمشيه..سواء بشكل واضح..او بأسلوب غير مباشر...مثل إثارة المشاكل و التدخل في الشئون الادارية و الفنية و محاولة إثارة الجمهور على الرئيس/المدرب/اللاعب
...الاتحاد مثلا..في فترة سابقة كانت الصحافة هي اللي تمشيه..ايام صلاح المولد و عبدالله فوال و هاني كتوري و عبدالله جابر
...كانوا الصحفيين مثل عبدالعزيز شرقي عندهم قدرة عجيبة في التأثير على الادارات الاتحادية و طبعا على الجمهور اللي ما يدري وين الله حاطه
عندنا للاسف الوضع مشابة للفترة الاتحادية السوداء...كانت الرياض و الجزيرة تتنافس على الوصاية على الهلال...و كان التفوق في النهاية للجزيرة...مو تفوق منها بقدر ما كان برغبة من الرياض انها تكون ( اعقل) و اكبر من أنها تمارس اساليب (طفولية) قديمة..فتركت المجال للجزيرة اللي للاسف مستمرة إلى اليوم بشكل (بجيح)
تدعي هالجريدة انها تدافع عن حقوق الهلال...و يقول الجمهور الهلالي انها المدافعة الاولى عن الهلال
و هالشي خلاها تتمادى في التدخل في الشئون الفنية و الادارية و الخاصة باللاعبين
...و الواقع يقول انها جريدة هلالية تهاجم كل ما هو غير هلالي..و اذا مالقت شي قلبت على الهلال
..تدعي انها فاهمة كل الامور الخاصة بالنادي و ان كتابها و محرريها و (مبزرتها) قادرين على إدارة الهلال
تدخلاتها زادت عن الحد المعقول و المطلوب....في وقت بندر بن محمد صارت لها مشكلة كبيرة معه...و كردة فعل منه صار يميز الرياض بالاخبار الجديدة..مثل تعاقده مع جاسم الهويدي
...و في عهد سعود بن تركي..طلعت على حقيقتها لما حاولت ان تكون لاعب اساسي في النادي..و لكن الرجال ما رضى بهالشي..و طالبها بأن تدير النادي بعد ما يمشي
..فحطت حرتها على فهد المصيبيح اللي كل ذنبه انه ما عطاهم وجه..لانه مو فاضي لمجاملاتهم و سخافاتهم
...من بعد هالشي صار فهد المصيبيح همها الاول..و صار عادي ان تقرأ لكتابها و زواياها ان كل صغيرة و كبيرة مسئول عنها فهد ( راعي الحليب)
...و صارت تدور على أي (واوي) عشان يتكلم عنه...و بعد ما ( حرقهم) بجلوسه اكثر من سنتين...نجحوا انهم يشيلونه بواسطة فواز المسعد
..بعد ما حاربوا عبدالله بن مساعد لاسباب كثيرة ابرزها فهد المصيبيح
راح الرجال مع المنتخب و قلنا انتهى الموضوع...لكن اللي في بطنه ريح ما يستريح...صاروا يدورون اي شي عليه..حتى جاء موضوع محمد الدعيع الاخير..و لقوها فرصة لنفض الغبار عن بعض اوراقهم..فطلعوا لنا ناس كانت ( زي قلتها) و بدوا يتكلمون عن اكتشفاتهم الخطيرة عن فهد و تصرفاته و ذمته المالية و عقليته...و من قرا الجزيرة اليوم اكيد شاف مقابلتها مع عضو مجلس الادارة السابق اللي للاسف طاح من عيون ناس كثيرة( اكثر مما هو طايح اساسا
) بكلماته و تصريحاته و تبريراته لسكوته ذاك الوقت عن تصرفات فهد( اذا ماشيناه هو و الجزيرة في حملتهم)
....سهل جدا ان فهد ( او اي واحد منصف) يرد عليه و على غيره..خصوصا ان كلامه كان ركيك...لكن لانه عارف ان فهد مع المنتخب و ماراح يخش في مشاكل مع الاندية...خذ راحته الاخ و بدا يتحفنا بالدرر من بؤه
...و لو لاحظنا ان الحملة الجديدة مركزة...مع اننا لو دققنا في السبب المزعوم( موضوع محمد الدعيع) بنلقى انه ما يستاهل..و خصوصا انه مو اول مرة تحصل مثل هالمواقف...سواء مع الهلال..او مع غيره
جريدة الجزيرة....كلمة اخيرة....شلة عبدالكريم الجاسر و احمد العجلان و صالح السليمان..بيكرهون الهلاليين في الهلال..بعد ما كرهوا غير الهلاليين فيه