ليتني أملك تعديل حال
أو اصلاح شي ..
توجيه .. نصح .. أي شي جيد !
لبذلت و ما رجيت عوضاً .. 
لكن كل ما كتب مجرد
( لفت نظر )
ما جيت متمردهـ
و لا جيت بعكس التيار
حملت حروفي واقع تجاهله الكثير ..
أو لم يعشه غيري
و قله أمثالي .. !!
كلمات كادت تدخل نظام اليوميه
عيب
ممنوع
حرام ..!
بلا أسباب !!
طلب .. أمر .. فرض .. !
بدون اقتناع !
من غطا الوجه
لأذكار الصباح و المساء ..
ربي الذي لا إله إلا هـو
نزلت بعض أحكامه متدرجه لتقـبل
و بعضها لقصص و وقائع لتنفـع
و بعضها لحكم مذكورة لتـردع ..!
في المقابل هناك من يستخدم صيغه الأمر
رب عمل ، رب مدرسه ، و حتى رب الأسرة
لتقبل بلا استيعاب
و لا فهم !
ولا حتى محاولة شرح !
مافهمت !!
أول القصه ( عـمّـي )
كنت معه في السيارهـ
كنّا رايحين زياره :
قالي بحدّهـ : { متى بتتغطين ! ماتشوفين طولك صرتي مره !
سحبت طرف طرحتي ( الشيله ) خوف منه
و حطيتها على وجهي }
ابوي ماعرف بالموضوع إلا بعد شهر أو اثنين لما نزلت معه السوق !
يومها ابتسم و قال : انتي باقي صغيره لا تتغطين !
ما كان عندي اي رد
على الأول و لا الثاني
لا جواب و لا حتى سؤال
لا اقتناع و لا حتى سبب !
ممنوع الرد عالتلفون ..
ممنوع الالتفات خارج السيارة
ممنوع زيارة الصديقات
ممنوع حضور المناسبات !
ممنوع ارد على رجل غاضب و لو قلت حق !
حرام الكذب ..
و السرقه ..
و النظر في بيت الجيران
ممكن أقبل كل الممنوعات
لكن
ابغى سبب !
كل التفاصيل الصغيره و الكبيره كانت بلا اسباب
كان علي اسمع و انفذ
كنت كذا فعلا ..!
وكانت إحدى النتايـج :
{ قبل كم سنه كنت واقفه عند فرع نسائي لأحد البنوك انتظر اخوي
عند آخر الدرج شايب تقريبا في أواخر الستينات
وقف و سألني : يا بنتي فرع النساء مفتوح و لا مقفل !
طالعت فيه و ما رديت !
عاد السؤال و يأشر مفتوح و لا مقفل !
كنت خايفه جدا ..
و محتاره اكثر ..!
كنت اتمنى ادق على امي و اسألها اقدر ارد عليه و لا ممنوع !
كان ودي أقولها تراه شايب
كان ودي اشرح ان شكله محترم و ملتزم و بريء !
للي يبغى يعرف
تراني هزيت راسي له بالجواب ببطئ شديد << يمكنها رجفه بعد 
أحتاج أفهم عشان اصير أقوى !
عشان أقدر أنصح !
اقوى احاجج !
أثبت .. أصوّب .. أعاتب .. ابحث !
احتسب الأجر
و اقـتـنـع بكل تفاصيلي و تصرفاتي
آمنت إن الشخص لازم يبحث في كل خطوة قبل التقدم ..
يقولون المصاريه
اللي ماله كبير يشتري له كبير .. !
¤ كتابة ماضي قد يكون بلا هدف في نظر قلة .. !
لكن أجيااال جايه في ايديكم
لو انتبه شخص واحد بعد كل ما كتبت و الله لكفاني ..
هو خوف أو احترام !
فيه أحد مثلي !
أو فعلاً هي لقلة أمثالي !
هل التبرير واجب في كل الأمور !
ام في نظركم .. البعض فقط يستحق !
انثروا ما في قلوبكم من تلك القصص
التي يخجل البعض من طرحها
دعوا الموضوع
متنفس لها ..
أو محاولة ..
أو بداية أفضل ..
دمتـم باستيعاب أكبــر
¤ تنفس الموضوع بعد سنه من آخر جيه للمجلس 
23-03-2010, 08:38 PM
يـا { قـلــب } ياللـي ورثك جروح و آلـآم ..( بليـتنـي ) ما هـو أنـا اللي بليتكـ / ..
العرض الشجري
