]اول شي ســلام لأحلى اعضاء
اعضاء منتدى القناص كــيف حــآلكم إنشاء الله كلم بــخــير وصـحـه وسـلامـه ~
هاذي اول مشاركه لي طبعآ وطبعآ اسمي مو غريب عليكم كنت اكتب بجريده الميدان وتركت الكتابه فتره لظروف كانت اقوى مني وإنشاء الله راح اظل اكتب هنا بالمنتدى والله يقدرني إنشاء الله
المهم: بخش عرض في طرح الموضوع كلنا نعرف ان الدنيا غرايب وعجايب << مآجبتي شي جديد ~
آقووول طسي لا آجي وآطس عيونك ~
المهم نكمل من ضمن عجآيب هآلدنيا البشر ومآ ادراك ماالبشر
( البشر يعني اوآدم) لتوضيح الشرح طبعا ~
من غرايب هالبشر ذيلآ انه في من يحسد ومو اي حسد اللهما يآكآفي قبل كنا نقول ان الحلو واللي عقله 100على100 بالعامي الشطور هو اللي ينحسد واللي مشآآآء الله بطرآآآن وعنده خير هم ينحسد بس امآ الباقي لا اللهمآ حسده الفقير على موتت الجمعه امآ الحين عآد وماادرآك ماالحين الحين صار الحسد في كل يحسدون الشين على صحته يحسدون فلان على قوته حتى البزر مآسلم يحسدونه إذا قام يحبو من بدري وعيآلهم ولا عيال عيآلهم مآيحبون <<حلوه يحبو هع /.../ حتى لما يقول:
ماما ولا بابا اعوذ بالله من هالناس ونكمل بعد لسنا ماخلصنآ يحسدون فلآن لاتزوج فلآنه طيب وينكم عنها يوم تزوجت صارت حلوه وقاموا يتحسفون عليها وبزيدك من الحطب يانار غير كذا لمآ يشوفوا بزر ومعاه جوال
هاك ياعيون مبققه ويجلسون يسألون هو يعرف كيف يستخدمه امك يالسؤال صار الجوال في نظرهم شهاده جامعيه في يدين بزر السؤال هنا البزر عنده عقل ولا ماعنده؟؟؟! حنآ عندنا إجابه لكن الناس؟! مــــاأظن ...
مو هذا الأسآس بالموضوع كله
الأساس هو الناس بتقولون كيف انا أقولكم وحده حلوه عندهم زواج طبعآ راح تجتهد اكبر إجتهاد حتى تحصل اللي تبغآه وتكون بالصوره اللي رسمتهآ بمخيلتها حتى تلتفت إنتباه الكل وبيوم الزواج تحاول إنها ماتنسى شي وطبعآ تنسى ان الزواج به ناس والناس اجناس وفيه من هالاجناس اصحاب العين الحمرآ اللي مآخلو احد فحآله المهم لاخلص العرس وتوكلوا ببيوتهم وصآر لهاالحلوه شي يقومون اهلها يصآيحون صآبتهآ عين طيب وينكم عنهآ مآذكرتوهآ يوم قالت اخاف انسى شي والمشكله انهم يتذكرون كل شي إلا المعوذات صدق الناس غريبين نجي لموضوع ثاني فيه ناس ضارب في مخهم وسواس وتصير الفيوزات تضرب اوهام اقرب لكم اكثر وحده سمراء ومو اي سمار ورجلها اغمق منها بكثير فطبيعي هنا ان العيال يجون سمر بحسب تكوينات صبغه البشره للأم والاب بس اللي يضحك بالموضوع لما تقلب السالفه وتقول صاروا سمر من العين ولآهم قبل كآنوا بيض ابوك يالنصب بعد لو مانعرفهم قلنا يمكن صحيح وبرضوه نكمل لما كنا ع الكورنيش بالدمام وحنا واقفين عند السياج نتفرج ع البحر كان فيه ولد صغير يقوله ابوه شوف العصفور يطير قال الولد يابابا هاذي حمامه مو عصفور فألتفتت حرمه وجلست تناظر بالولد فقلت لها ذكري الله وقولي مشاء الله شنفت وجهها (شنفت=عفست) علي وقالت مانيب حسوده ومشت حتى كلمه مشاء الله ماهي براضيه تقولها
وش تقول ووش تخلي في هالناس اعرف وحده مرت ابوهم كانت حليوه معهم بس كرهتهم وصارت ماتدانيهم بسبه ان الناس يمدحون عيال رجلها بالجمال وعيالها لا ... طيب وشدخل المساكين هذيلا ماجبروا الناس تمدحهم عشان تكرهينهم وصارت تحسدهم لين صكوا الثلاثين وماتزوجوا
وبس تعبت وانا اكتب واوعدكم بمشاركه لي احلى من كذا بس ماجا في بالي شي وغير كذا ماحب المواضيع المنقوله والمكرره كــثيــر ~
وعــســآكم عالــــــقــــوه...
15-12-2009, 04:28 AM
متى تعقل هالناس؟!!
هو يعرج اول من يوم طاح طيحة شينة بحفرة 
والحين زادت 
العرض العادي
