.
أنا لي تعليق بسيط على الأخ قحطاني الخبر .. بما إنه حظر هذا الافتتاح العظيم لهذا الصرح اللي سيكون
وبالاً علينا نحن .. " المسلمين " .!
صدقَ من قال : عش رجباً ترى عجباً !!!!
الحين صار التطور للتعليم في الاختلاط !!
هذا اللي وصلت له الدوله العربيه الاسلاميه من أجل تطوير تعليمها اللي اتفق الجميع أنه في أدنى مستوياته
للأسف إذا هذا اللي بيرفع التعليم عندنا ( مااااانبيه )
العلم مو بهذي الطريقة , ولا هذي الجامعة اللي أنشؤوها بترفع قدرنا في العالم ..!!!
اقتباس:
المشاركة الأصلية كتبت بواسطة قحطاني الخبر
من ناحية الاختلاط ؟؟
بسالك سؤال لو كانت هذه الجامعة للبنين فقط وعالميه بنفس الوقت ماتجي صح ؟؟ هل ستسكت اقلام كتابنا ولا سوف يسالون عن حقوق المرأة فيها ؟؟ وهل ستسكت الصحافه الخارجيه؟؟
هل نرى بعين واحده فقط وناخذ ما تسمونه سلبيات وهو الاختلاط ونجهل كل الصفات الايجابيه التي سوف نجنيها !!!
يعني بالعاميه لا يعجبهم العجب ولا الصيام في رجب
|
أنا بجاوب هنا اذا ممكن ...
الحين كل الجامعات وكل الأقسام تدرّس عندنا , ما انكر ان فيه فشل في التعليم ..
لا أبدا مافيه أحد يقدر ينكر هذا الشي ..
وأنا ما أرفضها كجامعة .. بالعكس الكل كان ينتظرها , لكن ما نصلح شي ونخرب شي
وماننسى : إن درء المفاسد مقدم على جلب المصالح .
والشي الأهم .. الحين اللي أنشأ هذي الجامعة ماقدر يفصل المنشأة لقسمين ويخليها قسم للبنين وقسم للبنات
والا بس يعرفون يقسمون المطاعم و المنتزهات و .... الخ .!
احنا أصبحنا إمعات للشعوب الأخرى , وليت التقليد كان في البدايات كان مافيه أي مشاكل ..
لكن .. لما الدول المتقدمة تفصل الطلاب عن الطالبات في تعليمها ..
تجي الدوله الاسلاميه السعوديه اللي تمثل الاسلام في كل مجالاتها
تجمع طلابها .. لأن ماعندها فلوس تبني فيها جدار يفصل المنشأة ويجعلها منشأتين
هذا ليس عذر يا أخي قحطاني الخبر
إحنا مو شخص واحد ولا اثنين احنا دوله بأكملها ..
تبي نرضى بشي يخالف ديننا تماماً !!!
أما كتابنا ~ لهم ألف تحية محملة بألف دعوة .. حسباناً ..!
العلمانيه فقط .. هم من يريدوننا أن نتثقف بثقافتهم ..
هم من يطالبون بكل ماهو مخالف للدين ..
أنا إمرأة .. شكراً مانبي تعليمكم اذا أنتم بتجمعون معنا أبناء ..
لن يثمر ... !!!!!
ومثل ما قال الأخ ابو طلال ..
هذه البداية , وستكون تسهيلاً لكل حقوق المرأة اللي يطالب فيها العلمانيين
اللهم أرنا فيهم مالا يرضون ولا يحبون ..
- هذا غير المهزله اللي شفتها بالفيديو .!
لا تعليق صراحه .
هذا جاهل , و ليس كفؤ أن يدخل هذه المنشأه اللي فرحانين فيها .
أخيراً ..
لا تدافع عن باطل .. لأن كل شي نقوله محاسبين عنه .
,
ألف شكر ., للي فتحت المجال وخلتنا نتكلم ونشوف الآراء .
لك ياحلوه .