.
.
.
ياميه مرحبا ومسهلا بكل اللي دشو الموضوع
نورتوا موضوعي بتواجدكم
قد يكون العنوان ملفت للانتباه خصوصاً ان فيه خبث واغراء
ويالهوووي على الاغراء وخصوصا اغراء نانسي واليسا:o
يقولون ماصارت ظهور شبابنا منحنيه مثل شيابنا الا من نانسي وطقتها :o
وانا اقول لاتلومونا اليسـا اللي يشوفها يقول كنها زبده سايحتن في قدر
<<== الله ابو من علمك التشبيه :D
ماعليكم من نانسي واليسـا وماجر غصنهم ..
الحين طلع في سعوديتنا مثلهم :o .. لااحد يبقق لي عيونه ايه هذا الصدز:rolleyes:
بس اغراء على خفيف .. يعني بعد كم سنه عسى الله لايقوله بنشوف
نانسي السعوديه بسروال سنه تغنى على الجسر المعلق :D
كل هالكلام اللي فوق عشان اخش في الموضوع الرئيسي
الا وهو قصه صارت لي في دولتنا المملكه وبالتحديد بالرياض
وبالتحديد عن بنك الراجحي الواقع على طريق العليا العام
وحصل هذا الموقف يوم الاربعاء 28/1/1426 الســ 9 ص ــاعه < ياحركتات :D
يعني قبل سنه تقريباً الا 27 يوم :D
كنت رايح للبنك ازين لي بعض الشغلات البسيطه <= الله يقطعك انت وشغلاتك
اصلا دليل انك منتب وجه بنوك يوم وقعت على اورقاهم قالوا التوقيع مختلف
هذا دليل انك مقطع البنوك :D
ايووووه وش كنا نقول .. ايه تذكرت !
قبل ماادخل البنك كنت كاشخ ومرسم وطاق لي شراب العايله من ابوريالين
ومادها لين وصلت ركبي من زود الكشخه :D وطاق لي نظارات شمسيه
يعني طالع بيوتفل < الله ابو من علمك الانقليزيه :D
وصلت للباب .. واسمع صوت نااااعم جاني من بعيد اسمعه يهمس ويقول
لو سمحت اخوي ؟
قمت ناظرت وراي وعلى يميني ويساري مالقيت الا انا
قمت واشرت على نفسي قلت انا :eek:
قالت ايه انت:o
قلت ياهلاااااا والله <= ترى قلتها في نفسي :D
لوكم شايفينها كان تقوطرت سعابيلكم من زينن فيها ومن لبسن يغري
اجل تصدقون لابسه لثمه ومكحله عيونها وطاقه العطر اللي يشق الخشم :rolleyes:
يحق لي اخق معها صح :o
قلت امري وش بغيتي ؟
قالت وش رايك نبعد عن باب البنك شوي ؟
في هذه اللحظه بدت تجي وتروح الافكـار ..
قلت لا ذي وراها بلى وشكل هالصبحيه بتكون اكشن ;)
قلت ياله تعالي ونبعد شوي عن البنك
قالت انا منقطعه وماعندي احد هنا وداخله على الله ثم عليك
عاد انا ضاع عقلي مع عيونها وانخرمت على ريحه طيبها
حتى من الخرمه شوي وارقد على كتفها :D
قلت طيب والمطلوب مني وشو ؟
قالت ابي اروح لديرتي "الخرج" وماعندي احد ..
عاد انا سويت فيها ابو الفهامه قلت ولو اوديك لو تبين ديرتنا القرينه:D
قالت لا ماابي اكلف عليك انت وراك مشاغل واشغال
قلت لا ماوراي شئ ابد وهذا موتري ياله اركبـي <عجل ابي كل شئ بسرعه :p
قالت وين موترك ؟ قلت ذا .. يوم شافته مغبر وماجاز لها < ياقوي عينها :mad:
قالت تعال كلم امي وشف وش تبي ؟
قلت هلااا والله الام بعد معك .. والله كملت فرحتنا :o
قلت لها اللي يبيني يجيـني :cool: << ياثقل :D
قامت الام وجت وقالت ياوليدي حنا ...... الخ < مالكم بالطويله
قلت تبون اوديكم ابشروا .. قالت وقف لموزين وبنروح معه
وانا اكلمهم لمحت لموزين ووقفته !
قلت توصل للخرج ؟
قال لا مافيه ادخل قرج ممنوع ادخل بس سعودي ادخل < هو يتكلم تسذا :D
قمت والتفت عليهم ولقيت البنت تكلم بالجوال :o
يوم وصلت لمهم قامت البنيه وقفلت الجوال !
قلت يقول مايوصـ... ماأمداني اكمل كلامي الا تأشر البنت هذا لموزين
قلت زين واروح لمه ويفتح لي الدريشه .. طلع باكستاني
قلت توصل للخرج قال مافيه مشكـله !
قلت بكم قال بـ 200 ريال قلت ليه الخرج قريبه !
قال وين خرج 180 كيلو .. قلت تنصب على بزر انت < اخس ياكبير :D
قلت توكل ماابيك .. والتفت يمين والقى العجيز وبنيتها مشخصين معه راكبين :eek:
قلت خير وين رايحين ؟
قالوا ياولدي ادفع له حنا مستعجلين ..!
قلت والله مشكلتكم انا ماجاز لي راعي هاللموزين
بعدين مااحب احد يستغفلني !
خش اللموزين عرض وقال خلاص عشان انت ولد كويس 100 ريال
قلت ياشيخ لو تقول بـ 10 مادفعت لك :p
نقزت الام وقالت انت ادفع اللي عندك وحنا نكمل الباقي
قلت انزلوا ولو تبون استاجر لكم هيلكوبتر بـ1000 ريال وتوصلكم للخرج ماعندي مانع
بس هاللموزين ماخش مزاجي ولا هضمته ..! << الله من الحتسي :p
نزلوا وجتني مكالمه جلست اكلم دقيقه ونسيتهم
يوم خلصت والتفت يمين ويسـار ماحصلتهم ..
لفيت على البنك ابدورهم اشوف وينهم ماحصلتهم ..
قلت لخشمي هماك تو منصرع على ريحه عطرها دلني عليها
قال ظف وجهك الريحه بعد مادخلت نص وجهك في موتر اللموزين انعدمت :D
عاد دخلت البنك ونسيتهم وخلصت شغلي
وطلعت من البنك ولاشفت لهم لاحس ولا خبر
.
.
.
.
مايستفــاد من القصــه ../
1/ القصه حقيقه وغيره مبهره :D .. والله على مااقول شهيـد :cool:
2/هل وصل التسول الى درجه الاغراء .. واستخدام اساليب الحرام لكسب المال !
3/قصص بنات الاغراء والتسول تكثر عند البنوك ووقت الرواتب ولمن اراد ان يعيش
الاثـاره فماعليها لا التواجد تلك الايام .!
والله يعين اللي قلبه رهيف بيروح راتبه اول مايطلع من الصراف ;)
4/مهوب كل بنت غير محتشمه تجيك وتبادرك بالكلام تكون خاقه مع شكلك
يمكنها خاقه مع الـ 500 ريال اللي تطل من مخباتك :D
5/ اين مكافحه التسول عنهم .. او أن مسؤوليتهم اقتصرت على الاشارات والمساجد فقط !
سلامو
31-01-2006, 04:47 AM
التسول الحديث .. بطريقه .. الأغـراء الخبيث !
العرض الشجري
