زوااج المسياار !! عطنا رايك؟! - شبكة القناص

بنت باريس نجد · 08-03-2009, 08:56 PM


	يافتااح ياعليم يارزاق ياكريم السلااام عليكم داار قوم مؤمنين وشلونكم يااهل المجلس؟ وشلون اللي يعز عليكم ؟>>اخلصي سمعتوا بزواج المسياار؟ الزواج العرفي؟ زواج المسيااح؟ زواج مسفاار؟ زواج المصيااف؟ تعددت الاسمااء والهدف هوهو >>(يعني واحد) تعددت الاسمااء والمعنى هوهو>>(مثل اللي قبل) طيب: عرف زواج المسياار؟ لو يجيك هالسؤال بالامتحان وش تقول >>بدت المصااله تجاوب كالاتي: يعني يجي المعرس المحروس وياخذله وحده بليله لامنشااف ولا من دري بزواج رسمي شرعي من ناحية الشروط والاركاان بس تقريبا سري غير معلن لاسباب خاصه تتعلق بالعروسين!!يعني مثلا هو متزوج وخايف زوجته الاولى تفضحه بين الله وخلقه والا هي مطلقه او ارمله وعنده خيشه بزارين مشاءالله والمعااريس مهنااش انقرضوا فتاخذ واحد يكد عليه وعلى بزارينه والمقابل انه يستمتع هو بالحلال وسكتم بكتم بعد>>اكتر من كده اييه يعني نقدر نقوول ان ايجابياته تدور حول هالمحور هذا طيب سلبيااته؟ اول شي واهم شي بالنسبه للزوج هو الطعن بظهر زوجته الاولى يعني لو يحط نفسه مكانهاا لو الدين محلل لنا هالشي وش بيكون موقفه هو ثاني شي الاطفال ان وجد ضمن شروط الاتفاق حتى لو لم يتفق عليهم وحملت المراءه بالغلط وش راح يكون مصير هالطفل؟!! ايظا من ضمن السلبيات مثل ابو جيرااننا>> المطوع اللي نتفت جلده موضوعي اللي رااح تصدقون مره اكبشوهـ الهيئه بعد مرااقبه استمرت ثلاث ايام وهو داخل طالع على حدى العمارات بشقه معروف ان اللي فيها امراءه مطلقه من جنسيه عربيه ويوم تبقشت الامور اثرهـ اخذهاا مسياار وصارت سيرته على كل لساان >>واولهم انا هاللحين يعني هالزواج دايم يكون مدار الشكوك ومع ذالك انا شايفه هاليومين الشباب هابين بهالعرس ورااهـ ماادري؟؟ اخوي لا شاافني اكلم وحدهـ من خويااتي ارتز عندي لين اخلص واذا خلصت يستلمن برنت كاامل عن صقيقتي واذا عجبته يفكر ياخذها رسمي واذا مادخلت مزاجه بالحيل يقولي تهقين تقبل بي مسياار >>يعني تفكيره يقوول العوض ولا القطيعه!! خاالي يدرس بلندن اكلمه قبل يومين بالمااسن اقوله وش تبي هديه اول ماترجع قال حرييم مسياار>>حريم بعد ليته وحده والطامه الكبرى ولد خالتي بالابتدائي مابعد نبتله ريش كان يكلمن يبشرني بنجاحه>>عاد هالولد بسم الله عليه اذا سألت عن نجاحه دايم الاول والظاهر انه الاول من ورى الموهم اقوله وش تبي هديه يقول ماتخبرين لي مره مسياار اعنبوك عيييب صدق الجيل التالي مايستحي ابدن ابدن الموشكله انوه>>لايتقطع حنكتس بس اوب بس الصبيان الصبايا بعضهم عاجبته الفكرهـ اذكر وحدهـ من خويااتي اياام الثانوي تقول انشاءالله اني مااتزوج الا مسياار يالله سترك عااد انا سويت بحوث وتابعت برامج عن هالقضيه وطلع معي النتائج التااليه: اجمع بعض علمـاء المملكه العربيه السعوديه على تحريم هذا النوع من الزواج المسمى بالمسياار تحريم قطعي واعتباره زنا رسمي لاختلال بعض الشروط مثل عدم وجود الولي والاشهاار والموده والرحمه بين الزوجين وما الى ذلك,, واما بعض المشائخ فقد حلل هذا الزواج اذا كان مكتمل الشروط الرسميه زبدة الحتسي: اخي الشاب اختي الشابه>>حسيت اني مذيعه برناامج توعيه هل انت مؤيد(هـ)لزوااج المسياار؟؟ وبرر اذا لا واذا ايه؟ وهل ترى انه زواج مضمون؟ عرضت هالسؤالين على مجموعه من الحلوين وش ردوا: : بحر صمتت امواجه ضد وبقووه لان سلبياته كثيرر 1-ظلم للمراءه 2-التغاضي عن اغلب حقوق المراءه 3 -فيه تغاضي كبير عن حقوق الزوج والزوجه ابسطهاا عدم اشهاار الزواج 4- هناك ضعوف نفوس يشرطون على المراءه عدم الانجاب ويحرمونها حق الامومه اما الايجابيات فمااشوف هناك ايجابيات حتى اذكرهاا تواق مؤيد لان فيه حريم عندهم احتياجاات والمسياار يلبيهاا ومناسب المسياار للي مثلناا شباب بالجامعه ومحتاجين للراحه النفسيه أ جمل انسانه ضد مايبيلهاا كلاام لان الحقوق بين الزوجين مـاتكون مضمونه ولان دايم المجتمع يناظرون له نظره شينه والظاهر انه حراام لان فيه نقص بشروط الزواج وهو الحرماان وماادري وشــو C zـــــــــليه الجور: مؤيد وبعنف اختصر على نفسي عنا المهر وعشاء ذاك اليوم >>ابو النخاع وش تحس بوه (عاد فيه نااس مؤيدين بس عيوا يشاركون يخافون ينفضحون وفيه نااس تبرو من الموضوع بتاتا البته!!) والحين اترك المايك معكم>>شربت المقلب لاحد يدخل الا مجاوب على هالاسئله اللي طرحت مسبقن>>تبين عصاا؟ واخيراا اعذروني على الاسلوب الغير منمق شوي >>بس ترى ماعرف الا هو جازلكم المجااز والا مع الشمس بخمس>> واعذروني على التميلح اللي لابد منه>>ياحبيلن وانا اتميلح بعد لكم