المطاووعه وتحجر المفاهيم.. الى متى؟؟
المطاوعه وتحجر المفاهيم ...الى متى؟؟
بسم الله الرحمن الرحيم هذا موضوع حبيت افتحه عن فئه من الناس متشددين بالدين يلقبون بالمطاوعه انا ماراح اتكلم عنهم بشكل عام لانه بالعكس فيه الكثير والكثير منهم تاج على عيوننا وروسنا جميعا ولا احد يتجراء اصلا يقول حرف واحد على حماة الدين الله يديم عزهم. يعني اوكي حنا عارفين قدرهم وحامدين ربنا كثير على النعمه اللي معطينا اياها لان كثير من المجتمعات تتمنى نص اللي عند السعوديه من المطاوعه وعارفين وش اثرهم على المجتمع ووش حنا لولاهم بس المشكله فيه قله منهم لاحشا مو كلهم فيهم عادات وطابيع ماادري وش تبي فيجيك واحد متحجر يشوف العالم كله غلط وهو الصراط المستقيم شكاك في كل شي..و كل شي عنده حرام وغلط واللي هو يسويه بس صح والامثله كثـــــــــــــــير عد واغلط واكثر الفئه في بعض رجال الهيئه >>لاحظ اني قلت بعض او قله شديده يعني انا متعقده من هم من يوم انا بسنه اولى ابتدائي اذكرواحد من عيال جيراننا مطوع <عضو في الهيئه>> مره سمعت صوت صياح وصراخ يخووف من بعيد على فكره هالجيران بيننا وبينهم شارع واروح اقول لامي قالت اييه ياماما عادي هذي مشاكل بكل البيوت المشكله استمر الصوت فتره طويله امي خافت عليهم اتصلت على امهم تدرون وش صارت المشكله والله العظيم انها بس لقى عند اخته سماعات اغاني!!! سماعات اغاني اللي ابوي كان يجيبه لنا من البقاله اذا طلبناه..<<انا ماجاء ببالي الا سؤال واحد يعني ابوي كافر!! اخته المسكينه جلدها لييين قالت العيد باكر... اوكي الاغاني حرام وكويس انك لقيت مشكله تخص الدين عشان تثبت عمق الصلاح والحب المخلص للاسلام وتثبت انك سويت انجاز للدفاع عن الاسلام والمسلمين وو.......>>ترى كل هالافكار تتراود عقلية ذاك الشخص اذا لقى مشكله دينيه هاوش عاقب بس موعشرين ساعه وبالضرب المبرح.. فيه الف والف طريقه من دون ماتفضح صوت اختك عند العالم... يعني هالاخت تابت اقسم بالله انقلبت عناد وكرهت واستغفر الله الدين واهله سالفه ثانيه حصلت لي شخصيا يوم كنت بثاني ماادري باولى متوسط كنا رايحيين لسوبر ماركت انا وامي واختي بالليل امي واختي تركوني عند المجلات وهم عند المواد الغذائيه والمركز كان فاضي نسبيا شوي ويدخل واحد مستعجل لابس ثوب و شماغ ومعاه ورقه طلبات ويشري اغراض واحد ورا الثاني شوي ويدخل واحد ثاني< من الفئه اللي سبق ذكرها وبهدوء ونظرات ثاقبه لا وكان لابس نظاره اقوى للنظر للبحث عن المشاكل قصدي المفاسد ويطالع بي ويطالع بالولد ::: طبعا جته الف فكره وفكره اهلي بعيدين وشاب وفتاه الوقت متأخر واكبر مصيبه انا عند المجلات >>ياعمري انا ادور صور ياسر والولد معاه ورقه ويسلااام كل هالمبررات اللي فوق تشفع له يستعرض هواياته بســـــــــــوء الظن وبدا الرجال يحرقني بنظراته اللي تخوف انا بزر وخوافه عشان كذا قلت ويــــــــــن امــــــي وافر عند امي واصير معه بلا ابوسعيد بلا كلام فاضي عـــاد هو جا دوره خافت اها اكيد في شي مادري على كبر نظارته ماشاف طولي والا نظراتي البريئه والا قوطي البيبسي اللي معي بالله هالبزر وجه مغازل والا عاد الولد المسكين والله لو احلف انه حتى ماانتبه لي مسكين ماشي سيـــدا..ولا كان شكله فاضي ماغير خشيشته بهالمعلبات يابعد حيي ويوم جا اخوي اشوى ان اخوي يعرفن والا كان رحت فيها جاء الاخ السابق ذكره وفتح محاضرهـ طويله عريضه لويسمعه السديس>> السوكرره خلها خطبه ليوم الجمعه بدا ب(اتقو الله....) وانتهى ب(اختك تجدع اوراق على هالولد وهالولد معطيها رقمه) وطبعا ماقصر حط بهارات تشبه اللي تجي مع الاندومي لين قال بس على السالفه,,, اخوي طير عيونه عاد عسى ميب النوري اللي تغازل هز راسه وقال ايه مشكور ومشى الزبون الولد شكله محترم عشان كذا مارضى بهالكلااام وقعد يهاوش انا جاي اخذ اغراض لاهلي وماادري ايش:: ووصله للشرطه انتهت انه الضابط قال فتشوه ان كان معه اوراق او ارقام ومالقو شي وكل واحد صلح سيارته وانتهت السالفه. والمواقف كثييرررررر يصعب حصره سواء لي او لغيري. حتى المشاهير ماسلمو اذكر ياسر قال مره بمقابله انه راح للسوق الراشد الصباح بيشري غرض وجو الهيئه وقالو له اطلع لان صار فيه تجمع شوي واصر انه مايطلع الا اخذ اغراضه نشر بجريدة الجزيره قبل فتره وصف لهؤولا برسم تخطيطي للمخ عندهم عن طريق وضع ثلاث ارباعه ظن سيء وربع بسيط ظن حسن والمشكله انه اكثرهم اساس الفساد استغفر الله يعني لااهلهم مرتاحين ولا زوجاتهم فيه مثل عند الرجال يقول لاتاخذ السياره ولا المره عقب مطوع عاد ماادري وش السبب.. واحد من القرابه من هالنوع اخذ كل ذهب زوجته وباعه وبفلوسه تزوج عليها وواحد عندنا معروف بالقصيم انتشر له مقطع بلوتوث اكيد نصكم شايفينه مصورته زوجته وهو يخونها مع الشغاله ونشرت المقطع وكتبت شوفو مطوعكم وواحد ثاني اعرفه شخصيا يمنع بنته ام 4 سنين تروح تلعب مع بنت اخوه وجاره بنفس الوقت لاحظو معي.. بس بحجة ان عندهم عيال عاد الله واكبر ياهالعيال واحد بثاني ابتدائي وواحد باولى وواحد اصغر من البنت نفسه بالله وش تسمونه هذا؟ اذا شوي عليه متخلف ومعقد روحه وبنته انا مو ضد التطوع بالعكس فيه مطاوعه ودك تاكلهم وماودك يسكتون من جمال اسلوبهم واحبهم كثيرر مثل امام مسجدنا الله يطول بعمره يذكرني بالشيخ العريفي بس فيه ناس منهم مااقول الا الله يهديهم وعندي نقاط احب اقولهل لهم 1-ليش الواحد منكم اذا شاف خطا ماينصح بهدوء ولطف ولين مو كاانه مايصدق على الله يلقى شي يهاوش عليه يمكن انت مسوي اعظم من اللي بتهاوش عليه ياجماعه والله نص الشباب منحرفين بسبتكم يشوفونكم وجه الدين فيعافون الدين واهله وتجيهم مفاهيم ان الدين كله كذا معقد الله سبحانه وتعالى وش يقول( ولو كنت فضا غليظ القلب لاانفضوا من حولك) 2-اذا شفت خطاء عالجه بتدرج مثل ماالله سبحانه يوم امر بتحريم الخمر اول شي قال (لاتقربوها وانتم سكرى) يقصد الصلاه بعدين قال (يسئلونك عن الخمر قل فيهما اثم كبير)بعدين قال بما معنا الايه ماحفظتها زين ان الخمر والميسركبائر فاجتنبوها ان كنتم مؤمنين 3-الظن السيء (ياايها الذين امنو اجتنبوا كثيرا من الظن ان بعض الظن اثم) قبل ماتحس ان الولد داخل المجمع عشان يغازل قل داخله عشان يشري اغراض ضروريه 4-اذا صرت دين وماشاءالله لاتعمل بقول ياناس شوفوني الله غني عنك اذا بتماري 5- واهم شي ترى الدين يسر والله غفور رحيم يعني ماله داعي هالتشدد والنظره القاصره للمجتمع والتشدد اللي يمكن يؤدي للغلو والارهاب ومااشبه ذلك والعياذ بالله واخيرا لكل من يقرا:لازم تجاوب .. وشرايك بهالفئه من الناس؟؟ اذكر لنا موقف حصل لك او لغيرك نصيحه توجهها لهم 4- هذا الزامي مره عاد تحب خالد عبد الرحمن؟ P9 :d |
رد: المطاووعه وتحجر المفاهيم.. الى متى؟؟
. . اشكرك على الموضوع الرائع الذي تطرق على فئه من مجتمعنا . انا بسنبه لي اشتشغل في مستشفي وجاني مطوع يقول لي اترك عمل المختلط عشان النساء الي معك ورح دور لك وظيفه ثانيه . انا فني تخدير وين اشتغل غير المستشفيات قال اشتغل في اي مركز صحي . وشرايك بهالفئه من الناس؟؟ المطاوعه بعضهم ترتاح لهم كذا اول ماتشوفه وبعضهم ودك تظحي فيه ماعنده تفاهم تقبلي تحاتي وردي وشكراً لكي (F) |
رد: المطاووعه وتحجر المفاهيم.. الى متى؟؟
هلا فيج باريس لكل مجتهد نصيب وانما الاعمال بالنيات وكل انسان له طريقه تعبير عن توجهاته لا تقتصر المسئله على المطاوعه لكن المجتمع يركز كل التركيز عليهم ولامر بالمعروف والنهي عن المنكر من اسباب الرحمه للمجتمعات فهولاء اشخاص لهم ثقلهم بالجتمع وان بدر منهم اخطاء فهذا ليس بمستغرب فالكل يخطي وهم بشر ليسو ملائكه منزلين حمزه |
رد: المطاووعه وتحجر المفاهيم.. الى متى؟؟
مشكورة على الموضوع بس
والله الدين منهم بريئ الكل قرا نسبة اللي عندهم من الهيئه شهادة الأبتدائي وغير كذا وش كانو بزمانهم والله العظيم انهم كانو يتسلوطون عند مدرستنا وهات ياسب وشتم وحتى يلحقون السواق ويمر من عندهم شاب يفحط ولا كأنهم يشوفونه لدرجة مره كان بنات يزينون الفصل وكانو ينظفون شبابيك الفصل من داخل والله اتصلو على المديره يقولون طلعو البنات هاوشتهم وقفلت الخط وبالأسواق حدث ولا حرج نمشي محتشمين مايخلونا بحالنا وتمر وحده متبرجه ينزل راسه ناس متشددين على الباطل شوفو طول ثوب أي واحد منهم الرسول قال حد الكعب شوف كيف يفضحون العالم والأسلام أمر بأستر مو يشوهون الأسلام بهالطريقه p7 |
رد: المطاووعه وتحجر المفاهيم.. الى متى؟؟
مشالله عليك باريس قلم مميز ونموذجي تقلبي مروري
|
رد: المطاووعه وتحجر المفاهيم.. الى متى؟؟
يا ما اشارك باراء واحط وجهات نظر بكل موضوع ارد عليه الا ذا
(لاتعليق)زي ما يقولون حدث ولا حرج منا لين بكره ما يمك احد تقبلي مروري |
رد: المطاووعه وتحجر المفاهيم.. الى متى؟؟
ابو نجوى السهلي شكرا للمرور
اما حكاية المطوع اللي عندكـ ماله حل بس ليش ماجاوبت باقي الاسئله |
رد: المطاووعه وتحجر المفاهيم.. الى متى؟؟
ابو نجوى السهلي شكرا للمرور
اما حكاية المطوع اللي عندكـ ماله حل بس ليش ماجاوبت باقي الاسئله |
رد: المطاووعه وتحجر المفاهيم.. الى متى؟؟
اقتباس:
|
رد: المطاووعه وتحجر المفاهيم.. الى متى؟؟
فجر ... شكرا للمرور وسالفة المدارس هذي موضع لحاله
سطام الحربي ....مشكور للمرور بس زي ماقلت انا بنت باريس وشكرا على كلامك الرائع بس تمنيت انك شاركت بالموضوع |
رد: المطاووعه وتحجر المفاهيم.. الى متى؟؟
[quote=هلاااااااااالي;2169953]يا ما اشارك باراء واحط وجهات نظر بكل موضوع ارد عليه الا ذا
(لاتعليق)زي ما يقولون حدث ولا حرج منا لين بكره ما يمك احد تقبلي مروري لالا تعال هلاااالي قل رايك وتكلم ماابي لاتعليق:$ |
رد: المطاووعه وتحجر المفاهيم.. الى متى؟؟
شوفي يا حبيبتي هذولي فئه كثرت عندنا وكثر كلامهم .. وأذكر لك حديث عن الرسول صلى الله عليه وسلم :(هلك المتنطعون).. والمتنطعون هم المتشددون بالعباده .. فيكفي قول الرسول بأنهم هالكون .. يعطيك العافيه (F). |
رد: المطاووعه وتحجر المفاهيم.. الى متى؟؟
سلمت أناملك P9P9P9P9
مبدعـــــــــــــــــــــــــــه كعادتك p18p18p18 موضوع في قمة الروعه والجمال p13p13p13 لا تحرمينا من مواضيعك الجميله p30p30p30 مرة اخرى مليووووووووووووون شـــــــــــكر |
رد: المطاووعه وتحجر المفاهيم.. الى متى؟؟
[quote=بنت باريس نجد;2169300]المطاوعه وتحجر المفاهيم ...الى متى؟؟
لكن اختي هنا عممتي بالعنوان والمطاوعة هم رجال الدين والمطوع اللي شافك مع الولد اقصد بجنب الولد خاف عليك لكن تخيلي قال انا ماعلي منها وانتي لاقدر الله ومحشومة لانك بنت ناس فرضا حاول يجرك لشيء وماكان رجل الهيئة موجود كان تتمنين ان كل السوق هيئة p30P9ماااردp30P9 |
رد: المطاووعه وتحجر المفاهيم.. الى متى؟؟
لولاهم كان شفت الدجه والهجه خلك ساكت احسلك
|
رد: المطاووعه وتحجر المفاهيم.. الى متى؟؟
[quote=مااارد;2170870]
اقتباس:
يخاف علي يروح يتهمني عند اخوي ويتهم الرجال ويشكك بشرفنا هذا تسميه خوف على الاقل كان تأكد من الموضوع بالاول:(: مو وينكـ يالمشكله بغيتكـ من اللهp7 اسعدني مرورك(F) |
رد: المطاووعه وتحجر المفاهيم.. الى متى؟؟
اقتباس:
رايكـ سكوتي احسن:TN؟؟ شكرا للمرور وتمنيت انك جاوبت على الاسئله |
رد: المطاووعه وتحجر المفاهيم.. الى متى؟؟
فيه واحد ببالي يارب يرد
|
رد: المطاووعه وتحجر المفاهيم.. الى متى؟؟
اقتباس:
لكن هذا رائيي لا يمنع ان كان على خلاف قناعاتج حمزه |
رد: المطاووعه وتحجر المفاهيم.. الى متى؟؟
مشكور على الموووضووووع
|
رد: المطاووعه وتحجر المفاهيم.. الى متى؟؟
بصراااااااااااحه موضووووووووع اكثر من رائع تسلم ادينك بنت باريس نجد
وانا متابعه مواضيعك واشوف انك صاحبت قلم رفيع المستوى رغم محاولت شخص انه يحرمناا من ابداعاتك اما من جهة الموضوع فانتي صادقه بكل كلمه قلتيهاااااااا ولفئه موجوده للأ سف يكونون متعصبين بدين وعلى بالهم انه هذاا هو الدين الصحيح ودايم يظنون بلخلق ظن سوواء والاسلوب دايم يكون زفت والي قال كل وااحد له طريقته بتعبير اوكي انا معااه كل وااحد له طريقه بتعبير بس مو معناته ان هذا يعطيه الاحقيه انه يتعامل مع الخلق بهطريقه وهلاسلوب ومشكووووووووووووووووووووووووووره قلبوووووووو على الطرح الرائع ومن ابداع لابداع ونتظر جديدك:$ |
رد: المطاووعه وتحجر المفاهيم.. الى متى؟؟
اقتباس:
منهو اجيبه لك :d |
رد: المطاووعه وتحجر المفاهيم.. الى متى؟؟
هلا والله اجمل انسانه نورتي المنتدى والله
تسلمين يالغاليه على كلامك الرائع نورتي موضوعي ويشرفني كلامك لاتروحين بعيد |
رد: المطاووعه وتحجر المفاهيم.. الى متى؟؟
اقتباس:
هــــــــــــــــــــــــــــــــــلا والله بشيخة المطاوعه::D اخيرا شرفتي موضوع لي:d بس ياليت شاركتي او حساس بالنسبه لك>>براسي حرش::D بيلسان لو اقولك من هو تروحين تجيبينه؟:(: |
رد: المطاووعه وتحجر المفاهيم.. الى متى؟؟
اقتباس:
هههههههههههههههههههههههه اما شيخة المطاوعه pp13 لا موب حساس :d ايه ابد اجيبه لك p13 |
رد: المطاووعه وتحجر المفاهيم.. الى متى؟؟
اقتباس:
يالله روحي جري ابو النخااع مع اذانه الله يهديكم حطيتوهـ مشرف كبر راسه:(: تراك وعدتيني تجيبينه |
رد: المطاووعه وتحجر المفاهيم.. الى متى؟؟
راجع لك
|
رد: المطاووعه وتحجر المفاهيم.. الى متى؟؟
المتشددين هذه فئة مراهقة وايضا فئة استعصى فيها التشدد
نعم لابد من اجتثاث الفكر المتشدد الذي هدم بيوت ودمر بشر |
رد: المطاووعه وتحجر المفاهيم.. الى متى؟؟
هلالي للصميم وانا بنتظارك
اقتباس:
شرفني مروروك،، باريس |
رد: المطاووعه وتحجر المفاهيم.. الى متى؟؟
صراحه موضوع فى مكانه انا اذكر موقف صار معنا
كنا راجعين من المدرسه على بيتنا انا وصديقاتي والله ماشين حالنا بحال نفسنا المهم وشوي وسيارة الهيئه قدمنا حنا طبعا ستغربنا قال هذاك الولد الواقف وش عطاكم طبعا انا رديت قلت حنا ماشفنا احد قال بسرعه وش عطاكم وليش هو واقف هناك وطبعا طنشنا الموضوع ومشينا وطبعا هو عصب على باله نكذب عليه والله مابلغ في شي شوي ولأهم عند باب بيتنا يطلبون ابوي وابوي طلع لهم مستغرب وش عندهم قالو له بنتك دخلت من الباب اللى وراء وكان وراها سياره(للملاحظه بيتنا له بابين) مليانه شباب والله والله ماكان ورانا احد ابوي رد عليه شكرا وجا سالني قلت كذاب ابوي لازم يصدقني عارف من انا ولو كان فيه شباب وراي صح كان زمان يغمي علي من الخوف وطبعا وقفتهم قدام بيتنا حدها احراج قدام الجيران ونعرف مطوع مايخلي بناته يلبسون مثل الخلق ولا تلفزيون ولا شي ولا تلبس شنطه ملون غير سودا وبيضا بس وغيره كثير لا هالفئه غيرة الصوره الحلو عن الدين تسلمين على الموضوع واسفه على الاطاله تقبلي مروري |
رد: المطاووعه وتحجر المفاهيم.. الى متى؟؟
يالله حيها وينك ياشيخه
اوووووف صراحه قصتك ترفع الضغط اما اللي مايخلي بناته يلبسون الا شناط سود والله ياهو مريض الحمدلله والشكر شاكره مرورك لاعدمتك |
رد: المطاووعه وتحجر المفاهيم.. الى متى؟؟
مع احترامي . ..احس الموضوع سار الى طريق مسدود الحين الكل جاب سلبيات المطوع ..... لاماهوب كذا ابداً ناس تلف وتتدور وبالاخير تبغى توصل للناس انه المطوع ولا شيء p7 وماننسى انه الله حذر من سب اهل الدين لان اعراضهم مسمومه وكلاً يخطيء في هذي الدنيا ... ليش ملائكة على غفلة p18 وانما الاعمال بالنيات ...(F) |
رد: المطاووعه وتحجر المفاهيم.. الى متى؟؟
مشكوره بنت باريس
والموضوع بصراحه فعَال ولكن أبشرك ان هذه الفئه انتهت ولله الحمد 0 |
رد: المطاووعه وتحجر المفاهيم.. الى متى؟؟
اقتباس:
شكرا للمرور |
رد: المطاووعه وتحجر المفاهيم.. الى متى؟؟
مع احترامي . ..احس الموضوع سار الى طريق مسدود الحين الكل جاب سلبيات المطوع ..... لاماهوب كذا ابداً ناس تلف وتتدور وبالاخير تبغى توصل للناس انه المطوع ولا شيء p7 وماننسى انه الله حذر من سب اهل الدين لان اعراضهم مسمومه وكلاً يخطيء في هذي الدنيا ... ليش ملائكة على غفلة p18 وانما الاعمال بالنيات ...(F) وشلون صارا لطريق مسدود تتذكر انت شنو قريت هنا نتكلم عن فئه منهم مو كلهم وياكثر المطاوعه اللى يفرضون احترمهم ويخلونك تسمع لهم وماترضى احد يتكلم عنه اما اللى حنا تناقش عنهم فئه كلهم سلبيات اي الاعمال بالنيات لما يقولون شي ماصارا وين النيات واي نيات هااذي يخطئون ايه كلنا نخطي بس مو على حساب سمعة احد رح وسال عن القصه اللى صارات بالمدينه والحادث اللى سببه الهيئه ولاتنسى بعد ان الله حذر من قذف المحصنات |
رد: المطاووعه وتحجر المفاهيم.. الى متى؟؟
اولاً متكوب في نكي HIND هند ... سبحان الله ترى السبيلنق واضح ..:(: كيف فئة كلهم سلبيات ...! تقصدين فيه فئة لهم سلبيات ... طبعاً هذا المعروف ..اجل وش قالوا لك مايخطون .. انا اعرف كثير امور من الحياة انسانه عدت فترة المراهقة p18 نفهم واقعنا كثييير حتى الانسان العادي يخطيء .... امنيتي اتزوج من شخص ملتزم :$P9 والله يكتب لنا الي فيه الخير مصدعه ولا لي شدة في الحكي اهم شيء اني عارفه من انا والله يستر على كل مسلم (F) |
رد: المطاووعه وتحجر المفاهيم.. الى متى؟؟
سبحان الله ترى السبيلنق واضح
وانا اعرف اقرا بس حيبت توضيح وشرح للعباره بس مايحتاج خلاص مايحتاج ارد عليك انا فاهمه وقاصده كل كلمه وكل حرف كبته وماعندي استعداد ازيد عدد مشاركتي بموضوع قلت راي فيه وعلى فكره انا بعد عديت سن المراهقه |
رد: المطاووعه وتحجر المفاهيم.. الى متى؟؟
انا اقول كل واحد يصلح سيارته
|
رد: المطاووعه وتحجر المفاهيم.. الى متى؟؟
. ^ أيييه كبر رأسسي وصار ما يدخل من الدرييشه pp13 لو كبر رأسي برجلي أوطيية وألعن شكله :TNP9 <- p6 طبعاً رجال الهيئه هم أصدقائي الصدوقيين :$pp13 بس علي عتب عليهم P9 أولاً ما يجيبون واحد توه عرف المطاوعه ويجي يتفلسف على رأسي :TN أوكيييه كان أرشيفه يحمل أشياء مو زينه pp13 وربي تاب علييية والله يهدينا جميع P9 ولكن منطلق المطاوعه الجدد خخخ راح يكوون متشدد إلى درجه كبيييرة : ) وأن اللي يرقـم كأنه سوى جريمه وراح يفضحه قدام الناس ؟ طيب ( ربي ) اللي أكرم مني وأكرمنه يستر على عباده وتذكرون قصه العبد اللي أذنب 40 سنـه وتاب وستر الله عليية !! أن أستشهد من الكلام هذا أن يكوون عندهم صبر وتدبر في الامور ؟ مب عشانه رفم ولا سوى أي معصيية يسسوي من الحبه قبه !! بس هو شكله أنه نسسى أن الدين يسـر وليس عسـر p18 بس كثييير جهلو النقطه هذي للأسف P9 وش كثر القصص ألي تكلمت في الجانب هذا CC2 ولد عمي شاعر وصاحب منتدى خزامى نجد الشعري المووهم مرره وقفتنا الهيئه وقاعد تفتش السياره ولقت قصه غزلييية فاحششه حبتين pp13 تصدقون أنهم خذو القصيدة وخلونا نروح لـ مركزهم وقالو بـ بالحرف الواحد p18 تم القبض وبحمد الله وبتعاون رجال الهيئه الكرام على قصيدة تحمل منكر لفظي على شخص أسمه فلان بن فلان :d وكان مدونها في درجه لكي لحد يراها ؟ طيب الكلام هذا وش أسميية بالله p7 ؟ وين النصح أذا فييه منكر ويين الارشاد أذا كانو يعرفون معنى الأرشاد !! ياناس أنا ما أعارض بس نشششوف الغلط ونسسكت ؟ طيب لييش أغلب الشباب يحبون يسمعون لـ كلام الدكتور عايض القرني و الشيخ محمد العريفي ؟ مع أنهم ينصحون الناس ويعملون كـ عمل الهيئة ولكن بطريقة مغايرة نوعاً مـا ؟ تعرفون ليش ؟ لانهم يمتلكون الأسلوب في النصح والأرشاد وللأسف 55 % من رجال الهيئة يجهلون هـ الشي : ) الله يهدينا ويهديم أن شاء الله P9 باريس فتاة نجد :dP9 مواضيع التحجير ما تنتهي أبد ض1 و أنا أحب خالد قبل 6 سنين :(: بس هذا ما يمنع أننا ما نسمع له P9 والفتره الأخيرة صرت مدمن على اغنية صغير السن CC2P9 <- من جمهور الوفى والأخلاص لـ جمهور خالد إشادة مننا p18pp13 <- غصب يغير مسار الموضوع p6:d بس خلاص (F):d . |
رد: المطاووعه وتحجر المفاهيم.. الى متى؟؟
رجعت لك والعود أحمد أول شيء أنا البرووود اللي فيني أحسن شيء خصوصا على ردك للموضوع أنا راح أكون معاك من البداية وحبة حبة عشان أوصل لك الفئة اللي تتكلمين عنها مع العلم أنه حبيب قلبو برهوم شرحها لك وقال: الفئة اللي تتكلمين عنها فئة غير متعلمة فئة فهمت الدين غلط وهناك مشايخ نفسهم ينبذون هاذي الفئة بسبب جهل العام في الدين وأخذ أساس الدين فقط والمرور السريع على أصول الدين يعني أنتي هنا تتكلمين عن شيء تناقضين فيه عمرك أول شيء واثق الخطوة يمشي ملكا دام مافيه غلط في موضوعك ليه الخوف أنا أذكر سالفة لي في بداية دخولي المرحلة الجامعة في رياض الخير والمحبة كنا طالعين زحمة شباب في جمس وجينا في شارع اللي وراء الممشى اللي عند جامعة سلطان ترى الوقت في الليل ياشباب عشان مو تقولون رايح تغازل بالعكس نتمشى ويوم خميس وفي الليل وكان قدمنا جمس فجأة لف يمين وصرنا حنا وقدمنا جمس فيه ثلاث بنات ودورية وكورلا الدورية سد الطريق اللي كانو في الكورلا نزلو علينا سريع ايش السالفة ياابن الحلال تدرون انا اذا ماسويت خطأ أحب أنزل واتهاوش دام معاي الحق سحب بطاقات الاحوال حقتنا وانا اقول حق الشباب ايش السالفة قالو لي هاذي هيئة سرية قمت قلت انا ولعنة خير ايش يبي رحت عنده افهم السالفة قام يقول انتم كنتم تتحرشون في البنات ابدا ماصار وجهي كذاp6p6p6 اي بنات ياابن الحلال قال اللي في الجمس عاد تفهم مين لو حمار يمكن فهم انك ماشفت البنات عاد أنا خلاص شوي وتفلت قام واحد من الشباب قالي محمد ترى انت مو في الشرقية هنا ترى عادي يقول لقينا عندك قطعة حشيش في السيارة وانت اصلا ماعندك شيء قمنا حنا خلينهم نبي نشوف نهاية الموضوع يوم جاء يسأل سواق البنات يقول شفت الشباب قال لا ماشفتها مو طاح وجه بس قليل الادب قليل الادب تخيلو يقول لنا يلا كل واحد ياخذ بطاقته ويتوكل اللحين أنت لطان علين وتقول لنا توكلو يلعن ابو التأسف اللي تعرفه ومن بعدها وأنا أكره هيئةالرياض كره غير طبيعي مالي خلق تنسيق بس بقولك أني ماأحب خالد رابح عشقي وبس اذا خالد رجع حق الاغاني القديمه راح اسمع له |
الساعة الآن 05:33 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
SEO by vBSEO 3.6.0