يسعد صباحك السامي كسمو الهلال .. ,,
وجهة نظري نعم .. وان كان الظاهر لنا غير كذا ..
لماذا ..؟؟!!
جميل ان تجد مانفسك فيه .. حتى ولو كان عند احد المتسولين بـ أحد الشوارع..
ولكن ان لم تجد مانفسك فيه او ماتبحث عنه .. بـ الرغم من هذا العالم الكبير
وهذه الثقافات المختلفه .. عندها تكون الخيارات او البدائل صعبه جداً وعليك
الرضوخ لها وان لم تكن مقنعه لك .. ,,
انتا لما كتبت هـ العباره كأنك توصف عقليات بـ مجتمعنا وكتبت عن صنفين
من الناس فقط ولم تكتب عن الصنف الثالث .. هو الصنف المتفاهم ..
لانه فيه اشخاص متعطشين لـ المرأه بـ شكل ومن دون أي احترام لها ولماذا خلقت
وهـ الأشخاص بـ النسبه لي اعتبرهم منحليين فكرياَ ومريضين نفسياً .. عندهم المرأه
تجاره .. وسيله للهو .. مافي لها احترام ..... الخ
وفي اشخاص لـ الأسف متخلفين المرأه عندهم مالها أي حقوق ويعاملونها ع انه
ماعندها احساس مايسير تدرس مايسير تطلع برا البيت مايكون عندها عمل يعني
عندهم ترسبات نفسيه ضد المرأه وفيهم من الجاهليه كثير ..
الأشخاص اللي متفاهمين وهما قليل بـ مجتمعنا لأنه في فرق بين المتفاهم والمنفتح
هـ الأشخاص لما تتناقش معهم تحس بـ راحه تحس انك قاعد تكلم فكر راقي فكر
راح تطلع بـ فائده من خلال حديثك معه.. نص ساعه نقاش مفيد مع شخص متفاهم
ولا مليون ساعه نقاش عقيم مع شخص غير متفاهم ..,,
كل الناس بـ النهايه يرجعون لـ تربيتهم مهما كان مدى تفكيرهم او طريقة عيشتهم..,,
صعب لما تكون عندك فكره ويساء فهمك .. في اشخاص يفهمونك خطأ بس
يسكتون .. لكن اللي يفهمونك خطأ ويجادلونك جدال مستميت .. طيب
بـ الأول افهم السالفه زين بعدين تعال ناقشني ولكل واحد وجهة نظره يعني
مهما اختلفت وجهات نظرنا علينا احترامها .. بعدين تسير تسكت ماتتكلم
علشان مايتفسر كلامك غير اللي قلت..,,
اكثر وسيلة لـ جذب المشاهد هي المرأه ..وليس لها فلسفه اعلاميه الوسيله
الوحيده هي جمالها او بمعنى اصح جسدها ..,,
مع الاسف نعم ..
نظرتي لـ لإعلام .. مع احترامي لـ كل اللي يشتغلون بـ الإعلام..,,
ايه صح ..,,
اتوقع خرج الامر عن السيطره الكل سار يتبع نفس الطريقه وهي اتخاذ
المرأه وسيله اساسيه لـ الربح و لـ جذب اكبر شريحه من المشاهدين و ....
و..... و..... امور كثيره اصبح الاعلام مثل ماقلت مستنقع شر بـ أغلب
ما يحتويه ماراح اقول كل لأنه أي مجتمع مهما وصل به الفكر المنحرف
نجد فيه من لديهم فكر راقي وانساني .. ماراح اظلم الاعلام كله ..,,
بـ النهايه موضوعك مره مره حلو ..وهـ الشي مو غريب من كاتب كبير
مثلك لأنك معودنا دايماً ع الإبداع .. بس كنت ابي اقول يمكن في حد يختلف
معي بـ وجهات النظر .. لانه العقليات بـ مجتمعنا بينها تفاوت بـ شكل كبير
بـ تفكيرها ..,,
ع فكره السامي توقيعك مره مره حلو .. بالذات هـ العباره ..