من أكثر من شهر وأنا أسولف والحكي ما بات . . . من أكثر من شهر وأنا تركت الدمع في بيته
من أكثر من شهر وأنا اسولف والحكي يقتات . . . من الأوجاع في صدري وأنا والله ما اعطيته
وجي أركض على صدر المسافه وأنثر الآهات . . .على نفس الطريق اللي قبل جرحين مريته
أجي كني مباسم والفرح طفل يتمتم هات) . . . من أول ما لمحته جيت باشواقي وضميته
لقاني شخص في صدره ينام الشعر والأبيات . . . كثر ماكان يضحكني!!قسيت وقمت بكيته!!
تركني خرفي المتعب بكا واذكر أنا اللي(مات) . . .بكيته لين مااخضرت يباس حروف(ياليته)
حبيبي ليه تبغاني اعيش العمر في حسرات؟! . . .حبيبي شوف عين الجرح رمدا..يوم خليته؟
حبيبي ليمتى ساكت وعشقي ما يعرف اسكات؟! . ..تكلم..كل عطرك في الرسايل أمس شميته
تصدق؟!مرني طيفك يداعبني وانا اشتات. . .تجاهلته! بزعم اني ابا جافي ولميته
تخيلتك تسولف لي أثاريني بلايا شفات ::: احاول اشرح الشوق الذي في الجوف كنيته
سألته عنّك بصمتي ولين الوقت كله فات ::: يردد هـ المكان اللي جمعنا..(كم تمنيته)؟!
اسولف للصور قصة غيابك وانتثر دمعات ::: ادق باب الصبر كلت متون الشوق/ناديته
وتتثاوب على الجدران عمري آخر الساعات ::: وانا أسأل هالزمن وبكي أمانه وين وديته
جثيت ابعزه اشواقي ولا عندي سوى كلمات . . حبيبي راح يرجع لي؟! تصدقني ترجيته!!
صرخ في وجه لفة انتضاري قال لي:هيهات. . . تبي يرجع؟! وليه اصلا من الأول تناسيته؟!
يناظر ساعته يضحك تخيلت الاماني جات ::: فتح درج الفراق بصدري يوم حاكيته
من أكثر من شهر وأنت تسولف والحكي مابات . . . من أكثر من شهر وأنته تركت الدمع في بيته
وتو الحين تسألني بعد ما مات من هو مات . .. تسربلت بطرف ثوبه قسم بالله شديته
تركني..حشرجه. . غصه. .ألم. .حرقه. . بكا. .ونات . . .تركني شي ما يذكر ولا أدري ويش سميته
أنا/والدمع/واشواقي على صدر الشعر أموات