مسائكم خير يمطركم رحمة من الله وبركةً منه وعفى الله عمـا سلف ! هاردلك زعمائنـا مباراة اصبحت من الماضي ولو كانت تجرح وتؤلم جماهيرنـا العريقه ( كفيتوا ووفيتوا ) ساندنـا فريقنـا وحضرنا لكن ! قدر الله وماشاء الله فعل . كنت متوقع ومستعد لـ صدمة هالمباراة ب نسبة 80% رغم تفائلي الزائد ب رجالات فريقنا والسبب الاول والاخير اللي ترك اغلب الجماهير تتفائل ب شر في هالمباراة هي تعاقداتنا السيئة في هالموسم لكن للاسف تكرر سيناريو تعاقدات الموسم الماضي السيئه ولم تستفد ادارة بن مساعد من اخطائها والله يعدي هالموسم على خير !! مانقول غير الحمدلله على كل حال طبعا الكل بعد المباراة كان في حالة من الغضب والبعض او الاغلب مايدري وش كان يقول لـ درجة ان الجماهير والرابطه قلبت 180 درجة على الفريق من رمي الاحذيه (عزكم الله) وترشيق بـ قوارير المياه والتصفيق والتشجيع لـ الفريق الكوري _ محد ينلآم ! _ لكن بحكم اننا كنا كلنا في حالة غضب اجلت حديثي عن المباراة الى هاللحظة وبحكم اني قريب جدا من بعض امور النادي واللي خلت الفريق يرتدي ثوب مهزله هالموسم ف هناك نقاط متفرقه حبيت اطرحها ( بعيد عن العاطفه ) واشوف انها بتفيدنا كثثثير في مشوارنا القادم واتمنى من كل قلبي ان الادارة تتدارك اخطائها وتعجل ب فرض هالاوامر على وجه السرعه ! 1 - تنسيق كلً من .. محمد نامي , ماجد المرشدي , عبدالله الزوري , حسن العتيبي من النادي او وضعهم على قائمة الانتقال 2 - طرد جميييع لعيبتنا الاجانب ماعدا ويسلي ! 3 - تغير الجهاز الفني كامل عن بكرة ابيه 4 - استمرار ادارة بن مساعد وتغير الاوضاع هالموسم فقط ! ومن ثم ترك كرسي الرئاسه واتاحة الفرصه لـ جهاز اداري جديد يعلم مايريده الجماهير ! 5 - سرعة التعاقدات وجلب لعيبة محليين في الانتقالات الشتوية ولاسيما ( اجانبنا ) 6 - الجماااااهييييييررر لاابد اننا نقف وقفة الرجل الصارم الغيور على ناديه ولاننسى افراحنا مع هلالنا كثير ونقف على معايير هالمباراة , ف الوقفه الجماهيريه في هالفتره ي زعماء مطلوبه بشكل كبيييير جدا حصلت حادثه في حضوري للمباراة كان ياسر القحطاني يبكي بعد الهدف الثالث ونزل لـ الملعب وكان يبي يخش لكن الامن منعه ومن شدة حب ياسر وغيرته على الفريق تمشكل مع الامن عشان يبي بس الامن منعه وكان محمد الشلهوب يهديه ( عجبني هالمنظر الشجاع من ياسر وغيرته على الفريق ) ونعم الوفي ي ياسر اجزم لو كل واحد فيكم شاف هالمنظر وشوفة ياسر يحترق لـ اجل الهلاال راح يزيل همه على العموم الحمدلله على كل حال وهاردلك مباراة وانتهت لازم نفكر ف الجاي وننسى اللي راح ونهتم ب مستقبل نادينا يمكن مارتبت موضوعي بشكل كويس لكن كتبته بشكل سريع وعشوائي اتمنى اني ماثقلت عليكم بـ موضوعي والله ولي التوفيق حبآيب قلبي والسلام خير الختام ..