( ماصار لك ساعه وقلتِي تحبيني!!؟ )
توي عرفتك و قلتي لي تحبيني=وشلون قلبك يحب إنسان في ساعه
إن كان لك حاجتن عندي و جيتيني=مايشبعك لو عطيت لنفس طماعه
بس إتركيني و روحي لا تغثيني=غيرك شرى قلبي المسكين ثم باعه
مانيب ناقص رجاءً لاتزيديني=صعبه تداوين قلبن زادت أوجاعه
إخترت قبلك حبيب و ضمته عيني=والظاهر إني جهلت الحب و أنواعه
عندي سؤال أطلبك ردي و فيديني=حلم العمر لو يموت شلون مرجاعه
ماصار لك ساعه و قلتي تحبيني=والحين أبي تكرهيني في ربع ساعه