كنك ليا رديت لي في كل يومين السلام !
احس بك فَ البيت ولا في ضواحي المزرعه

عرفٍ بعد عِرفك يجي كيلوّه بعيني غرام
ياحي حسٍ نغمته ديره وهمسه مقطعه

صوتك يذكرني المدينه ، والشوارع ، والزحام
وانا السكون يلفني نجمه واربّع مربعه

وعودك نشدني عنه عود الراك واقداني البشام
وقد قلت لو ماذي جذوره كان ماذا مطلعه !

لو خيروني في بنات الضاد ولا العم سام
فلا سواك اجزع على مجزعه وابلع مبلعه

انا اشوفك من قليلين الوصايف والعدام
وممكن تكون اقل من ذالك وشوفي مقنعه

ياحلو عذرك لاطلبتك حاجتي والحظ قام
في ضمةٍ ماتمهل " الميت " ولاهي تمنعه

يكفيني ليا قلت لي مشتاق يحرمني الحرام
يوقف شَعر راسي ويلقى الضيق فوراً مصرعه !