شابين نقاشات لاحق عليكم بعدين بكب عليكم تحليلي اول انجلترا والباراغواي ماتابعت غير الشوط الثاني للاسف لاسباب انجلترا كانت ناوية تكتسح الباراغواي بس الحارس الاحتياطي أبدع بشكل خيالي شفنا عمود الكهرب الخبل الناقة الدلخ العاهة :D ينبرش وياخذ بطاقات ويرفس المدافعين بشكل بايخ p8 انت مهاجم لاتنبرش في نصف الملعب يا غبي يعني يا روني مكانك فاضي p3 انجلترا بغياب روني اللي كان يخفي مصايب اوين ومستواه الهابط اعتمدوا عالوسط وشفنا تسديدات من لامبارد والباقين مع محاولات للناقة واوين لكن سيئة لهم كمهاجمين.. انجلترا ماتابعتها زين يعني ماهنا ذاك الزود ماودي نظلم عمود الكهرب ولا احد ثاني [line] المطش الثاني والخيالي لترينداد وتوباغو p9 ضد السويد :D محاولات من السويديين لاقتناص هدف مبكر مع بعض الاستهتار في بعض الهجمات ولسان حالهم يقول نعوضها درزن عقب هالفرصة مع اقتراب نهاية الشوط الاول السويديين حسوا بخوف من النتيجة وصاروا اكثر جدية لكن الدفاع التريندادي واقف لهم بكل جدارة برايفت لورنس: يازينك يالاطخم انت وخنافسك p9 برايفت هاسلوب: اجل انت متألق علشان دعاء الوالدين؟ حسبي الله عليك يالغول :( مع طرد جونز ظهير ترينداد المتألق p9 مدرب ترينداد الخبل المجنون المغامر هاجم وبغى يسجل هدف من خلال اللاعب البديل اللي سحب مدافع او محور على ما اظن p8 لاعب ناقص والنقص ماوضح أبدا من هالتألق التريندادي ترينداد وهـ بس انتم منتخبي الثالث عقب السعودية وايطاليا p9 هاسلوب رجل الجولة بكبرها ماقصر الرجال [line] الفاينل مطش لليوم كان حذر للغاية من التانغو وامتصوا حماس العاجيين المستلجين بقوة والارجنتين بالشوط الاول مع الهدف الملغى كل هجمة هدف يعني كل هجمة لسعة..!! خبرة التانغو انتصرت بدهاء بيكرمان اللي اول مرة اقتنع به خاصة بعد زجه لغونزاليس لمحاولة الثبات على الفوز لكن العاجيين استنزلوا آخر ربع ساعة وسجلوا هدف ولو اسعفهم الوقت تعادلوا لكن عقب وش؟ ساحل العاج أداءهم سيئ جدا استلم الكورة وسحب واجدع خشم هذا وذاك لين تنقطع منك وش ذا اللعب؟ ولا يصرفونها برفعة بايخة p8 مهارة عالية جدا لساحل العاج لكن أداء جماعي باهت ودروغبا مهوب كل الفريق وكل واحد يقدر يسجل لكن اضاعة الفرص السهلة خاصة لكيتا اليوم شيئ عجيب ريكيلمي p9 رجل المباراة وصنع الهدفين وهدفين ملغيين الاول صحيح 100% ويكفي صناعته الاحترافية للهدف الثاني وأيضا ذكاء وفطنة سافيولا وتحركه المباغت واقتناصه الهدف برايفت بيكرمان: يا عاهة كيف تفضل العاهة بورديسو على خافيير زانيتي؟