نحمدالله على التأهل ، بصراحة مبارة امس ترفع الضغط حتى ماعرفنا نفرح ! الشوط الأول // الثقة المفرطة من اللاعبين افقدتهم تركيزهم وكان واضح على الكل واللي زاد الطين بله ، هدف في أول دقيقتين ، شوط سيء جدا جدا للهلال ماأدري (جيرتس) وش كان يفكر فيه ! لعب بأسلوب غريب وكأن الغرافة فريق درجة أولى ! أول أخطائة التشكيله اللي لعب فيها 4-1-3-2 فتح الملعب بشكل غريب .. وياليت راس الحربه الثاني مهاجم صريح الصدمه كان (ويلي) من متى (ويلي) يلعب راس حربه ؟! فقد فعاليته تماما في شوط الاول .. دخول (الفريدي) من بداية المبارة أكبر غلطه مبارة راح يغلب عليها الرتم السريع يحتاج له لاعب مقاتل سريع مو (الفريدي) اللي يعيب عليه البطء كثير والبرود في بعض الاحيان معروف عنه يجيد اللعب في الاماكن الضيقة وفعاليته تكون كبيره اذا كان الفريق مقفل ملعبه ، للاسف (الفريدي) كان ضايع امس (الشلهوب نيفيز الفريدي) .. كانوا يلعبون على خط واحد للاسف من باص ينضربون ، (الغنام) كان لوحده وراهم بالله وش يسوي لحاله ، هذا اللي جعل الوسط الهلالي الشوط الأول شوارع ! الهدف الثالث الفاول كان المتسبب فيه محورهم (العساس) اللي اعاقه الغنام هذا يدل على الشوارع اللي كانت موجوده يعني محور ينطلق من نصف الملعب بهجمة مرتدة ، شي غريب حتى (لي) حاول يساند (الغنام وخيرات) هذا اللي ساعد على انكشاف منطقته اللي كانوا شغالين عليها عن طريق ظهيرهم الأيمن ، للاسف (لي) ماقدر على تفعيل دوره الهجومي ولا حتى الدفاعي ضايع في الملعب ! الشوط الثاني // رجع (ويلي) لوضعه الطبيعي طرف يمين هنا بانت خطورته وبدا الهلال يمتلك وسط الملعب مع خروج (الفريدي) ودخول (العابد) رجعت فعالية الوسط الهلالي واللعب السريع دون خطورة ، لكن بعد مابدا الغرافة يقفل ويعلب على المرتد خصوصا انه جاب ثلاث اهداف .. خطورة الغرافة واضحه مع كل هجمة كان يحتاج نلعب بمحور ثاني خصوصا ان (الغنام) مايقدر يأمن منطقة الوسط لوحده وكان واضح عليه الأرهاق ، دخول (البرقان) كان افضل من (الغنام) ، دخول (المحياني) اثر كثير على ناحية الهلال الهجوميه واضاف الكثير للفريق .. النتيجة خرج الهلال من هالشوط بدون فايدة فرص محققة ضاعت وكانت بين ايدينا .. الاشواط الاضافية // الشوط الاضافي الاول مثل الشوط الثاني امتلاك الهلال الكرة بدون فعاليه اخطاء ما تتوقعها من فريق له خبرته عرف الغرافه كيف يتعامل مع المبارة حافظ على المناطق الخلفيه و ولعب على مرتدات جا منها هدفه الرابع الشوط الاضافي الثاني شوط دعاء الوالدين هدف من (ياسر) قتل الغرافه وشفنا كيف ضاعوا بعد الهدف .. بعدها رجل المباراة (المحياني) توج جهوده بهدف ينهي المباراة بتأهل جاء بشق الانفس .. وليته هالتأهل الصعب جا بسبب ظروف مباريات ! لا جا بسبب اللاعبين و المدرب هم اللي عقدوها على أنفسهم وهي ما تستاهل هالتعقيد ابد . زبدة الحكي كان لعبت (البرقان) مع (الغنام) ولعبت (ويلي) طرف يمين بجوار (نيفيز والشهلوب) و (ياسر) امامهم من البداية .. امن منطقتك وألعب على المرتد ليه الفلسفة مع انه كل اللي كنا نحتاجه هدف واحد يقضي على امال الغرافة ، الموضوع مايحتاج له تكتيك واستراجيات فريق خسران بالثلاث اكيد راح يدخل المبارة بانتحاريه !