+ بداية الحلقة الأخيرة .. البنات ومعهم موزة طالعات من الشاليه يجرون يروحون يشوفون ازواجهم يحسبونهم مسوين حادث وخايفين طايحة قلوبهم طلعوا ناس غيرهم اللي مسوين الحادث ، + جده موزه مع الصبيان وتحكي لهم قصة ، ومع كل جزء كل واحد يتذكر موقف بين أبوه وأمه ، ثنيان أمينه يتذكر ويقول أمي تزف أبوي وما تحبه ، أمينه بغرفتها تبكي وتذكر سعود بكلامه لولدهم وانها تموووت قهر ودموع ، تقول 8 سنين عمري ما سمعت منك كلمة . . . سعود: أحبك أحبك ، هي مو كلمة تنقال وبس هي احساس ، وجلس يحكي لها شـ قد فقدها ونقص يوم فارقها ، وجلس يثبت لها انه يعرفها وعدد لها الاغراض اللي بشنطتها كلينكس / حلاو / ماي / شنطة المبرد والملقط ، أمينه شعورها واحساسها تلخبط ، قال أنام هنا ولا عند ام نصيب ؟ قالت لا نام هنا ، + ثنيان تسنيم يتذكر يوم امه ترفض ان احمد يروح معاها لبيت اهلها بتروح بيت اهلها وما تبيه يوصلها ولا تعتمد عليه احمد جلس عند شنطتها ويشوف ملابسها واغراضها ويذكرها بسالفة كل واحد فيهم العطر / العباية / الفوط قال لها يهون عليك ما تذكرين ايامنا الحلوة ؟ انا ذاكرك لدرجة ان زوجتي اتمنى تصير شيء يشبهك صوت واطئ / حجاب / عباية / رمشة عيون ، + ثنيان دلال يتذكر أبوه ما يقدر يمشي وبيسوي عملية ، بغرفتهم مرزوق يقول لدلال يبي يسوي عملية تحت التجربة ، وانا ظلمتك وشكيت فيك وايد ومابيك تتعبين وانا بهالحالة دلال تترجاه ما يسوي العميلة وتقول انا عيونك اللي تشوف ، وانا اللي ادفك ، أنا أحبـــــــــك خذ العلاج وبتطيب ، لو لي خاطر لا تسوي العملية ، ووافق ما يسوي العميلة وقال لها انه وله عليها وااااايد ، وهي دخلت التواليت تغير لـ زوز ، وقال لثنيان يروح يقفل عليها باب التواليت وما يفتحه لها مهما كان الا بعد عشر دقايق وبدأ يوصيه على أخته وأمه ويبكي ، يقول اللي عنده ولد حلو مثلك وما لحق يلعبه يبكي ، اللي عنده مرة حلوة ولا يقول لها احبك يبكي ، اللي عنده بنية صغيرة ما يقدر يحطها على كتفه يبكي ، دلال بالتواليت تنادي مرزوق وزوز معها تبكي ، وهو تم يوصيها ويستسمحها ويطلب دعائها ، + عز بالحديقة مع زوز يهاوشها ويذكرها بفضل امه عليها بكل شيء لبس / سيارة / جوال راحة بال / طلبات تتنفذ يذكرها بكل عمرها ، زوز تقول انا عشت طول عمري اتحسر على شيء عندكم وما عندي مثله ، عندك ام وابو يحضرون مجلس الاباء عندك ام وابو و و و ، عز: وينهم كل واحد بعيد عن الثاني بسببك انتي وامك ، زوز: امي ؟ امي صح تعيش لمصلحتها انا غلطانة لاني عشت علشان واحد تافه وجبان مثلك عز ، وطقها بطرااق ومشت من عنده ، + فيصل يشكي لزينه ما يبيها تعيش معه وهو بهالضعف ما عنده الا معاشه وضايع روحي معاه والله يوفقك ، زينة تقول انها جابت ورقة تقارن بين الاشياء الحلوة بين فيصل واديب ، اديب خريج حقوق / ربى خواته / يحبني / مستعد يربي بنتي / عنده بيت ، انت ما قدرت اكتب شيء بس شيء واحد كتبته اني احبك ، وقالت له انها يوم وافقت على اديب لانها شافته تبيه يجرب الخيانة وتطفي نارها وتم يبكي ويعتذر لها لانه طلقها !! ، + مرزوق طلع من البيت وما احد شافه وما يدرون شلون طلع ومشى بالسيارة وشايلين همه ، + ثنيان في البيت العود مع نادية وتعبان ، يقول انه بالصباح بيروح لاخوه عبد العزيز يسمعه كلام يتعبه بينهم وبين أربع جدران ولا ينفضح في الجريدة ويوقفون التعامل معه إلى ما تخلص قضية الورث ، وجلس يتحسر على عياله وكيف سمى كل واحد على شيء يعني له ويتفاخر به ، سعود عـ اسم أبوه / مرزوق عـ اسم أبو موزه / فيصل عـ اسم لاعب الأزيرق فيصل الدخيل / عز يحمل اسم العايلة ، رافعين قضية عليه وصارت معاملات الشركة غير موثوق فيها إلى ما تخلص القضية ، وقال بيعطي اخوه نصف الحلال وعياله ما بياخذون ولا فللس ، + زوز طقت الباب وفتحت لها امها ، قالت: يمه كل مرة اجي اوقف هنا انحاش منك واجي لموزه هالمرة انا منحاش منها وجايك لا ترديني ، ضمتها ودخلتها البيت وقالت الصبيان كلهم يقطون علي كلام وما يبون يشوفوني ، وتمت بحضن امها وهي تحكي لها عن طفولتها ومراهقتها وش تخاف منه وشقاوتها ويضحكون وذكرت بموقف يوم أمها سوت لها توكيل باسمها ، زوز في بالها تقول اقدر ابيع البيت لخالتي موزه بالتوكيل وتقول انها اخر مرة تنام فيها بحضن امها ، + مرزوق شايلينه على السرير بيدخل غرفة العمليات ، ويمشي معه اخوانه وامه وزوجته ويوصون الدكتور عليه ، أحمد يقول لامه يبلغون أبوهم بتعب مرزوق بس هو رفض ، زوز جات لهم واعطت موزه التوكيل وقالت الحين نقدر نرد البيت ، موزه قالت لا مابيه وباخذ البيت واتكلم مع د. سعود لانه له حق فيه وبتشوفون ، + العيال والبنات وسعود الدكتور عند باب البيت يقنعون موزه تدخل البيت ، وهي رافضة تقول ما ادخل لين يطلعون من البيت مابي اشوفهم ما اقدر اشوفه ويدها بيده وهو طالع من بيتنا عشرة 40 سنة ، ولا تخلونه يشوفكم مابيه ينكسر ، + ثنيان ونادية طلعوا من البيت وتم ثنيان يشوف موزه من بعيد إلى ما ركب السيارة وطلعوا العيال ينادون موزه تدخل البيت خلاص ، بس موزة ما ترد عليهم ، موزة ما ترد ، موزة ما ترد مووووووووووزة مااااااااااااااااااااااااااااااااااااااتت ، ماتت وما شافت البيت بعد ثنيان ، + بعد فترة ، الصبيان الثنيانين يتذكرون ويقولون ماتت جده موزه وصارت عندنا زوارة يسمونها زوارة الخميس ، وجابوا لقطة للعايلة وهم على الغداء ، وزوز كانت حامل من عز واتصلوا على الاسعاف لانه بتولد ، وهيييييك انتهى المسلسل العيال مع زوجاتهم الدكتور سعود مع شاهة عز أخيرًا مع زووز ثنيان مع نادية لوحدهم سالم وموزة أطيب اثنين ماتووا + وبنهاية الحلقة أتمنى أكون وفقت في النقل والعذر ع القصور