هلا وغلا .. مرحبا بك ياحاج .. < مهدده بالطلاق ض1 بما اني اطيب وحدة في حريمك اللي هي أمينة بقولك شيء عن سي السيد .. أنا بصراحة بديت من قبل كم سنة تقريبا الاحظ وبشدة الفروقات بين المرأة والرجل وهالفروقات او الاختلافات هي اللي تسبب هالسلطنة وحب التفرد بالقرارات .. ليش ؟! لأن غالبا غالبا المرأة تفكيرها انو الرجل يسوي اشياء بإعتقادها انو هالاشياء يسويها عشان يغيضها او تفسرها بالشيء اللي لو كانت هي مكانه كان سوته .. وللأسف الشديد تلقين الفكرة اللي براس الرجل بعيده اشد البعد عن تفكير المرأة .. وهذي الاختلافات سبب لأغلب مشاكل المجتمعات العائلية .. فالمرأة تحاول تقتحم قرارات الرجل والرجل وقتها تشتد غيرته على رجولته فيبدأ يتسلطن ويفرض شخصية اخرى لاتمثله .. وربما يستمر وتروق له هالشخصية .. بس صدقيني لو انا يالمجتمع السعودي بالذات نتفهم الاختلافات اللي مابينا كان كثير من مشاكلنا ماصارت .. ولو أن المرأة استغنت عن تفكيرها السيء دايما بالرجل واصدار تأويلات نابعة من وضعها بنفس الموقف لرآق لكثير من الرجال الاستناد على رأي المرأة .. مع كذا اقولك انو فيه قلة من الرجال ممن يكون تحت ولايته عدد من النساء لكن هو في الحقيقة لايستطيع التعامل معهن ولاتفهمهن الا بالطريقة التي تروق لجنابه وهي السيطرة وتهميش الاراء الاخرى .. دون مرعاة لوجهات النظر الاخرى .. مشكلتنا ودائما ارددها انو الرجل والمرأة للأسف للحين ماوصلوا لقدر كافي من فهم نمط شخصياتهم .. سديم .. احس اني صدعت وانا اتفلسف وش ذا .. صدق متى بتنحل هالعقد في الطرفين .. موضوعتس روووعه طبعا بوجودي .. وآسفه ع التأخير بس خبرتس اشغال وهاكا .. كثري زيارات مثل اول .. سلام ياحآج اما اروح اعملك الفطار بتاعك تكفين سلكي ماواجهتي