، أهـلا ً أهلا ً بأجمل الغــيد . . بخصوص النكبات واااجد يا كـثر ما نكبت لي ناس وياكثر ما نكبوني ناس بس على فكراا اني برئ جدا ً يعني ما أكون قاصد بعفويه أذكر مره حنا مجموعه بالدوام وكان مسؤول عنا مشرف على هالمجموعه وكان فيه مباراة للهلال مهمه اتفقوا الشباب مانحضر هذاك اليوم ومشرفنا كان بإجازه وكنت ماسك مكانه لين يرجع بالسلامه المهم كل المجموعه عددهم 7 وكلهم هلالين زعماء قلت اوكي كلكم لحد يحضر بحضركم يالله قدامي الملعب < - - بديل زاااحف المهم اليوم الثاني جاء المدير العام يسولف على الشباب قال غريبه وين مجموعة المشرف خالد كلهم أمس ما حضروا وش السالفه ؟ واحد من المجموعه تلقف .. وقال تركي قال لا تحضرون بحضركم ونكبني ونكب خالد وهو بإجازاته وونكب نفسه ونكب المجموعه كلهاااا . . الموقف الثاني مع الوااالده .. من زماااااان كنت بأول متوسط برمضان امي جالسه تجهز للفطور والوالد لسى صاحي العصر راح يصلي وتركي بالمطبخ يأكل مفطر مخربهااا أمي قالت استح على وجهك ترى ابوك بيجي من الصلاه بيشوفك تأكل وراح يهاوشك .. خلاص قم هناك لين يأذن باقي ساعتين تحمل قدامه تركي قام حزين وراح عند الوالد أبوي سحبني بالكلام وقال وش ريحة الأكل الحلوه هذي انا لا شعوريا ً جبت العيد قلت توي جاي من عند امي بالمطبخ والله يا هو أكل يحبه قلبك .. أصبر شوي ويأذن المغرب وبتذوقه وبتشكريني يبه قال ليش اشكرك ؟ أنت مأكل منه يومك تمدحه .. قلت افا عليك انا شفت امي تأكل أكلت معاهاااا <- - أحس اني بريء جبت عيدالفطر والأضحى بوقت واحد عاد هو قال على الفطور لأمي ما شاء الله فطرتي تروك اليوم وأمي حقدت علي يوم طلع ابوي طاحت فيني تهزيء .. ومن بعدها ضيعت طريق المطبخ لليوم و و وبس أجمل الغـيد .. موضوع رائع وجميل كجمال يوزرك الخرااافي تقبلي تحياتي وتقديري .. ولا عاد تكبين الشآي مره ثانيه ،