تصبح وتمسي وترقد دون تسمعنـي
عودت قلبك على هجري ونسيانــي
انت تعمدت بغيابك تقاطعنـــــــــــي
وانت تسببت في همي واحزانـــــي
صبرت بس الصبر ماكان ينفعنــــي
ومليت مل انتظار وبعدك اشقانــــي
ياماتمنيت شوفك وانت تمنعنــــــــي
وانت تجاهلت احاسييسي ووجدانـي
لاتعتذر في العذر ماعاد يقنـعنـــــــي
من عقب ماذقت من صد وحـرمانـي
انا اتحداك اذا تقدر ترجعنـــــــــــي
اوا نت تقدر على بعدي وهجرانــي
ماعاد لك اي دافع شوق يدفعنـــــي
من عقب ماانت تبيع بارخص اثماني
بالحيل عانيت من بعدك ولوعنـــي
جرب عذاب الفراق ويمكن تعاني
لالا تحاول وابعد روح وطاوعنـي
ولاتفكر انك تعود لدنيتي ثانـــــــي
ماعاد حبك ولاشوفك يولعنـــــــي
انا نسيتك واطلب منك تنسانـــــــي