الحقيقه والواقع في بعض الأوقات تجرح ..
ولكن اللي قاله الأمير عبدالله بن مساعد كلام واقعي وحقيقي وحاصل مع ياسر حاليا
ياسر القحطاني من الموسم اللي فات وهو منخفض مستواه بشكل مخيف
ماهوب ياسر اللي نعرفه احنا
ياسر قبل كان لما يمسك الكوره يسحب له اثنين ولا ثلاثه .. ويصنع اأهداف
ويسجل أهداف خرافيه بمجهوده ..
حاليا ياسر القحطاني مشتت داخل الملعب .. يستسلم للرقابه بشك سريع
اذا استلم الكوره يعطي ظهره للمدافع بعدين يناولها بشكل سريع المهم انه يتخلص من الكوره بأسرع وقت ممكن
نبي ياسر يرجع لـ مستواه المعروف عنه .. نبي ياسر اللي يحسبون له الأنديه الف حساب
ياسر مستواه منخفض وهالشيء حاصل لكن بعض الجماهير ماتبي تعترف بهالشيء
بالعكس متى مااقتنعنا ان ياسر منخفض مستواه وقلناه لـ ياسر صدقوني راح يبذل قصارى جهده
علشان يثبت للجماهير انه مازال موجود
عبدالله بن مساعد ماقال شيء خطأ .. وكلامه واقعي وجاء بوقت ممتاز
ان شاء الله ان الكابتن ياسر سمع هالتصريح وراح يعطيه دافع معنوي علشان يثبت للأمير عبدالله
ولـ غيره انه مازال موجود وان الكبير يضل كبير مهما انخفض مستواه
ومساله انه يوضع بدكة الاحتياط فـ هذي ماهيب عيب ولا هيب حرام ..
قبله محمد الشلهوب وقبله نجوم كبار قعدوا بالدكّه .. ورجعوا لـ مستوياتهم لما حسوا ان مركزهم الاساسي فقدوه
وهالشيء حاصل حاليا مع الكابتن ياسر
متى ماحس ان مركزه راح ينوخذ منه .. راح يبدع أكثر وأكثر
متفائله بـ عوده قويه لـ ياسر لكن متى ..
الله أعلم
بالتوفيق لـ كابتنا