بــاك هلا يالمتيـم ..
خلني بأخذ معاك نقطـه نقطــه ..
:
امممم لا شوف ..
اللاعبين أفتقدوا كثييييييييير توجيهات مدربهم كوزمين أولاريو
اذا ماعلمت أن الفريق هذا أغلبه من صنعه ..
بمعنى ( هوساوي , المرشدي , نامي , الزوري , رادوي ,
ويلي , الفريدي , سيول ) ..
المجموعه ذي وهي تمثل 8 يعني نصف الفريق إلا هي من صنع
كوزمين أولاريو ..
هو من صعدهم للفريق وحط فيهم الثقه ولعب فيهم وعطاهم
تكتيك معين أو طلبهم من ديارهم بالاسم وجوا وعاشوا وتعودوا
على مدرب لما يخطأون يصرخ عليهم في نفس اللحظه يوجههم
في نفس اللحظه لما يحتارون في وضع معين تلقاه واقف على
الخط يأشر لهم ووش ممكن يسوون في هالوضع ..
فصدقني الفريق الان وضعه نفسي أكثر من أنه فني أنا عني
أشوف أن المباراه النهائيه الفريق قدم اللي عليه كفريق وكانوا
أبطال جداً اذا علمت أنهم بدون مدرب ومتأخرين بهدف ومطرود
منهم واحد ويلعبون بفرصه ومع ذلك يتعادلون وينافسون لآخر
رمق ..
أنا أشوف أذا تتكلم عن النهائي أنهم قدموا اللي عليهم بشكل
ممتاز جداً طبعاً بعض الاخطاء هي مثل ماقلت لك الشباب ذولا
كلهم عاشوا وتعودوا على مدرب معاهم خطوه خطوه وهو لسى
توهم شباب تتكلم عن ( المرشدي , الفريدي , الزوري , هوساوي , نامي ) ذولا كلهم ماتجاوز 25 يعني قل الخبره عندهم خلاهم يعيشون وضع نفسي صعب بعد فراق مدربهم ..
بس ان شاء الله بس يجي مدرب جديد فاهم ويتكيفون معه بيرجع
الوضع مثل ماكان وأفضل ..
لاااااااااااااااااا ابداً مش تهاون ..
متى تهاونوا ..
المشكله اساساً بدأت من طرد كوزمين الله يطرد رؤوسهم ..
قبل طرد كوزمين ماكان فيه اي مشاكل ونظام الدلع اللي تتكلم
عنه كان موجود برضـو وش اللي تغير ..؟!
أذن اللي تغير عليهم شيء نفسي أكثر من ماهو دلع أو تهاون
بالعكس أنا أشوف أن الهلال يعاني كله يعني لابغيت تقول
وين دور الاداره عن الوضع النفسي للاعبين لازم تدري أن الاداره تبي تعامل نفسي خاص ..
الاداره / اللاعبين / الاجهزه العامله / الجماهير ..
بالضبط مثل ماقال عبدالرحمن يبون شيء يصدمهم نفسياً علشان
ينسون الماضي حاول يجيب لهم مدرب وينسيهم بس ماش ..
أولاً الوقت قصير جداً ومايسمح له بشيء ..
ثانياً قله خبره أغلب الفريق وأنت تتكلم عن فريق فيه مالايقل
عن 8 لاعبين أغلبهم تحت سن 27 ..
ثالثاً المدرب الجديد عكس توجهات المدرب السابق تماماً وذا خلا
عندهم صعوبه في الانتقال من مرحله لاخرى ..
كوزمين كان عصبي وعلى الخطأ وصراخ ومايرضى بأي خطا ..
ذا بارد يدخل فينا قول وإلا لا مايهمه جالس والا واقف مكتف
أيدينه ولايوجه ولاشيء ..
برضو كوزمين كان نهجه دفاعي بحت بينما ذا نجهه هجومي
على خبال شفنا مباراه الاتحاد كيف ..
المهم يعني مرحله الانتقال فيها صعبه فاهمني ..؟!
يعني الفريق يبغى صدمه نفسيه بس ماش الوقت مايساعد .. :/
عليييييييييييييييك نور ..
الارهاق ثم الارهاق ثم الارهاق ..
اللاعبين مرهقييييييييييييييييييييين جداً يشاركون ناديهم ومنتخبهم
الهلال الان لو تدري لعب يوم الاحد مع الاتحاد وخسر الدوري
ويوم الجمعه لعب مع النصر والثلاثاء قدامه مشاركه خارجيه و
عقبها بيرجع يلعب مع النصـر يوم الاحد ..
تدري هالأربع مبارايات القويه جداً والجماهيريه واللي ضغط
وأعلام وبطولات كم مده فترتهـا ..؟! 15 يوم بالضبط ..
يعني لو ان اللاعبين مكاين مالعبوا 4 مبارايات خلال هالفتره ..
أنت لو تقسم 15 على 3 بيطلع لك خمسه بمعنى كل بعد خمس
أيام مباراه قويه جداً ومباراه كأس وجماهيريه وهي كذا مرهقه
جداً فما بالك لو أقولك أن القسمه مش على 3 على أربع ..
الارهاق عامل مهم جداً ..
لذلك ياليت نرحم اللاعبين شوي وبرضو نهيأهم ان هالشيء مسأله وقت ينتهي ان شاء الله والله يلعن جدوله الاتحاد الغبي ..
ان شاء الله بأذن الله ..
وماعندنا شيء غير الروح لاننا كلنا تعبانين ..
أحنا وأحنا جماهير نتعب من هاللي يصير فمابالك هم المساكين
اللي عاشوا الوضع ..
الله ينصــر الهلال يارب ..
المتيم :
رغم أني أختلفت معاك كثيراً الا أن قلمك
له أسلوب وحلاوه مذاق ..
لاهنت لاهنت ..