[QUOTE=Yasser 20]JEEN ALMAL3B DAILY NEWS
جريدة رياضيه خاصه في فريقنا تصدر كل يوم من بيتنا
الثلاثاء8 محرم 1427 هـ 7 فبراير 2006 م
المانيه في حفل تسليم الزي الرسمي لفريق جن الملاعب
Yasser 20 : دائمــا نخطــف التميـــز ونترك للباقين يقشمـــــون فصـــفــص
حوار : شارع بن سكه
امس عقب صلاة العشاء استلم كابتن فريق جن الملاعب ثيابهم الجديده وفنايلهم واللي سوتها لهم شركه ( المانيه )
لتفصيل المرايل والملابس الرياضية ويقولن ان هالفنايل مسوينها من حبال سفينه عشان اذا انسحب اللاعب مع فنيلته ماتنقطع .
وفي نفس الشان قال ياسر 20 انه فريقنا اول فريق يسوي هالحركه وقال بالخط العريض يابو نايف انت وروبن
خلو عنكم الفنايل اللي من البطحا لاعبيتكم جاهم جرب
:eek: :D
================================================== =================================
أبو نايــف قاعــد يزرط ويبدو خلفه لاعبين من فريقـــه
كفايــــة مؤامــــــــرات يا ابو نايــف ترا لاعبيــنا فاهمينم الطبخــــــــــة ابو صلوووح في اول تصريح له مع
جن الملاعب
ذيب ممصوع - العاذريه
قام الدب ابو نايف بحركه نص كم :eek: مع لاعب فريقنا سعودي ويلوموني امس بحيث ناداه لبيته وقال له
وش رايك ترا بنكشت في العاذريه وفله وسعه صدر وحرضه انه يسحب جوازه من النادي عشان يكشت مع البرميل :eek:
ابو نايف :D
لكن العيال في النادي فاهمينها وقالوا له تراه بيخطفك عشان ماتلعب قدام فريقه :p عاد اخر شي قام ابو صلوح
وفـــــــش كفرات سيارة ابو نايف
================================================== =============================
محترفين الدجـــة اللي جابهم روبن في صورة لهم بعيد راس السنه اللي طاف
مصادر مطلعه تؤكـــد : روبن هـــــود شوهـــد في مطـــار القنـــاص برفقــة محترفين هنود اثنين:D
دقت علينا مراسلتنا حصيصه الثرما امس تالي الليل من المطار (( رايحتن تجيب شغالته امه من المطار )) وقالت لنا
شفت روبن هود بعيوني طاقن الفرقه ويمشي ويهز راسه ومعه اثنين هنود معهم كورة جاين على متن رحلة
بومبي :D
وسمعته يكلم بجواله ويقول ها !!! وين تبون اوديهم للنادي والا سكن العمــــال :eek:
مير وتقوم حصيصه وتصرخ باعلى صوت وتقول (( الرخيــــــــــــــص مخيـــــــــــــس ياروبـــــــــن :D ))
================================================== ============================
المحلل الريــاضي الشهيـــر (( مضاد حيوي )) : الزعيـــم الأسيـــوي & جـــن الملاعـــب اقوى فرق البطولـــة
خالد لحســه
رشح الخبير الدولي والمحلل الرياضي المعتمد من الفيفا ان المباراه النهائية راح تكون بين فريقنا وفريق الزعيم الاسيوي لانهم اقوى الفرق والا الباقين ماحولك احد <<== تراه من عنده قالها تسذا :D
عاد هو ماقالها عبث ... علمنا ليه اختار هالفريقين فقـــال
((جن الملاعب))
في الهجوم : أقـــوى هجــوم في البطــولة
Yasser 20 : مهاجم مايـــرده الا الشبكه حقت الباب وعليه رجل بلكـــــه
أبو صلوووح : لاعب عليه مخ ياباني ورجليه طول ويركب فاولات بالمسطره
في الوسط
سعودي ويلوموني : ماقدر خبرته ناول كورة خطــا (( اهب عليه :eek: ))
احلى امنيه : تمسك الجنااح ومايردها الا علم الزاويه :p
الدفاع
نجمة المنتدى : تطق للمفرج اصبع كل كورة تجيها بوز قداااااااااااااااام :D
((الزعيم الاسيوي))
الهجوم : هجومه ماهوب شين بس مو مثل حق جن الملاعب
Om_JaFaR: اخطر وحده راعية مانستشر فيها من بوهة روني شوي :D
التميميه : راعيه مهارات وتسحيب عن الباب لكن يبي لها مهاجم جلف يالكورة يارجالها :p
الوسط
عــ20ــاشــق يــ20ــاســر: ابد لا شفته كنكـ شايف الدوخي نفس لعبه
أنا سعوديه: خليفـــة الشلهـــوب :D
الدفاع
زعيم هلالي : صخــرة الدفاع شكله يذكرني بستــــام حق هولندا :D
واخيرا ... انشالله نلقكم بعدد بكرا وهذا عددين في عدد واحد