هلا بك اختي ..

انا بس احب اعلق على بعض النقاط لان الاخوان ماشاء الله كفو ووفو ..


هشام الراشد, ذلك الفتى الذيّ ولد في السعودية و نشئ فيها و
شرب من الحليب الدنمارك كـ باقيّ أبنائها, و لأنهُ أنحرف نتيجة شباب السعودية -الشرفاء

معليش اختي بس هشـام اذا نحرف انحرف بسبب الافكار الغربيه اللي كان ضعيف امامها وانقاد وراءهـا ..

لاتحطين اللوم على الشباب السعودي الشباب ماقالوا له خلك بنيه وشـاذ وحتى لو قالوا له ..

وين عقله ماعنده عقل يفكر يعرف الصح من الخطأ ..

بعدين احنا نشوف الشباب لكن اللي مثل هشام نادرا" ماتشوفينهم ..

وهذا اكبر دليل ان الشخص اذا يبي ينحرف ينحرف نتيجة الافكـار اللي هو مقتنع فيهـا موبسبب الاشخـاص ..


تم تكفيره و جعله ليس ذو أصل,

مين كفرة ماسمعت ان احد كفره واذا في اشخـاص كفروه موسعوديين ..

وانتي ابخص ..


و لأن السعودية مركز الشرف في العالم.


من قال ان السعوديه مركز الشرف ..

من وين جبتيها هذي ..

طيب واذا مركز الشرف بالعكس افتخر ان وطني مركز الشرف في العالــــم ..


عبدالله القصيمي
محمد القنيبط

والله مابعد حصلي الشرف وعرفتهم بس ماشاء الله عليك متابعه للشائعات اللي تطلع عنهم ..


هل هو الإعلام الموجه, الذيّ ينتهجهُ الاعلام السعودي.
لـ إيهام الشعب بـ أنهم في جنه,

وربي كاسـر خاطري هالاعـلام كل ماصار شي قالوا الاعـلام ..

بعدين اختي انتي قاعده تتكلمين عن شعب موعن مجموعة الات يسيروهم الكتاب مثل مايبون ..

احنا ادميين عندنـا عقول نفكر فيهـا موكل ماينكتب نصدقه ..


تلخص لكم كلمة ( سعودي )
الزيّ السعودي هو زيّ المسلمين, و من لا يرتديه فـ هو مخالف للشرع.



والله اني اول مره اسمع فيهـا ..

عشان كذا : : لاتعليــــق : :


أن السعودية هي أرض الإسلام,

خير ان شاء الله ايه السعوديه هي ارض الاسلام والعالـــم كله عارف هالشي ..

فمو معقوله نجي احنا السعوديين ونختلف عليها ..

يعني بالعربي هذا شي مفروغ منه ..


أن الحرية حرام, و أنما هيّ من وسوسة الشيطان.

اومااااااا عاد ..

هذي المقولــه ترجع لتفكير الشخص نفسه او يمكن صاحب المقولــه اهله كانوا معقدين به ..

فحب انه يعقد بخلق الله ..

ولاراح اتكلم كثير عن هالنقطه لان روبن ماشاء الله ماقصر ..


أنهم شعب الله المختار,

لاخلاص ماعاد يمدي راحت علينا ..

الله يهديك اختي خليتينا مثل اليهود اللي فعلا مقتنعين والى الان انهم شعب الله المختـار ..

بعدين مثل ماقال الاخ جابـر ماقد شفت سعوديين قالوا احنا شعب الله المختـار ..


يعتقدون أن “البداوة” و “الحضارة” شئ يأتيّ مع الولادة,
و أنهُ لا يمكن تغييره, متغافلين أن البداوة و الحضارة إسلوب حياة ليس إلا.

مين اللي يعتقد بالشي هذا ..

الكل عارف انها اسلوب حيـاة الا يمكن يمكن مو اكــيد قلــــه ..


أن منتخبهم أفضل منتخب في العالم,






: : لاتعليـــــق : :


أرفع راسك أنت سعودي ..!

والله مااشوف فيهـا شي بعدين كل شخص يفتخر انه ينتمي لوطنه ..

وكل شخص له الحريه في التعبير عن هذا الانتمـاء ..


اقسم انهم مواطنوووون !!

ايه هين ..


أبها, منتجع يفتح بوابهُ من السادسة صباحًا حتى السادسة مساءً,
و من ثم يتحول إلى جبالٍ باردةٍ مُقفرة, ليس فيها ما يمتع العين و لا يُسلي القلب,
باستثناء حفلات الطرب الهابطة, و المسرحيات البالية. لا شيء فيها يستحق أن يسمى سياحة,
فعندما يستيقظ الشخص في الصباح, يقضي ساعاتٍ بحثًا عن مكانٍ يبيع قهوةً مُحترمة,
حتى يُجبر بالنهاية على شراء قهوةٍ جاهزة مخلوطةٍ بحليب (وادي فاطمة).

اللي وصفت لك ابها خانـها التعبير ..

اومااااا السادسه مساء خير ان شاء الله ..

بعدين ماحد مجبر انه يروح لهـا اللي ربي منعم عليه ويقدر يطير لاوروبـا يطير وش راده ..

لكن اللي ماعندهم استطاعه وش يسون ينحبسون في بيوتهم ..

بعدين العبره بتغير الجـو ..


وجود مطاعم الوجبات السريعة نادر جدًا .


اكثر المطاعم الموجودة وجبات سريعه ..

تعبت وانا اقول : : لاتعليـــق : :


أما أنا فأقـول “يموت وطني و أعيش أنا, ما قيمةُ وطني من دوني؟!”

ليه هالاجحاف والنكران بحق الوطن ..


الوطن راحةُ بالٍ و طيب عيش .. حتى لو في المريخ

راحة بال وطيب عيش لن تجديهـا الا هنـا بالسعوديه ..


لأني في أول بادرة لـ أختلال الأمن .. سأبحث عن وطنٍ جديد.


مع كـامل احترامي لك ..

ولكنك تصفين نفسك بالنذالـه صح ولا انا غلطانـه ..


فئ الراشد ..

موضوعك من وجهة نظري ليس له اي وجه حقيقي ..

او هذا مااعتقد ..


اعتذر عن الاطالــه ..