.. * اليوم ماصار شي واجد .. تقريبا هروب منى من مكان للثاني هو الاكثر بالحلقه .. الحلقة الثالثه ../ اليوم المهندس حسين صار أحسن .. وبعد ماتطمن عليه الدكتور علي راح يبشر غنوهـ اللي خايفه على حسين حيل .. ويوم راح لها قعدتـ تشتكي له وتقول شوف شلون انا أحبه ولا عندي شي بحياتي مهم الا حبه واللحين هو مريض وبغى يموت علشان وحدهـ ثانيه .. وحسين بدا يتعافى اكثر وأكثر وبدا بعد يحرك ايدينه .. ويمكن الايام الجايه يطلع من المشفى .. الدكتور علي بلّغ الشرطة إن اللي ضربوا المهندس ورموهـ هم اخوان عبدالله وعيالهم وعلى طول الشرطة توجهت للضيعه واخذتهم .. ماعدا عبدالله وأمين ولدهـ وولد عمهم اللي يحب منى انحاش :| وهم بقسم الشرطة قالوا اكيد عبدالله اللي بلغ عننا .. وواحد من العيال تليقف وقال للشرطة ان المفروض تجيبون عبدالله وتحققون معاهـ لأن هو بعد رمى بنته بالنهر :| وبكذا غلط غلطه كبيرهـ .. وراحوا الشرطة يبحثون عن منى اللي متوقعين كلهم انها ماتت وبحثهم كله علشان يشوفون جثتها .. منى ونزار فكروا ان البحث هذا كله على منى لانهم عرفوا انها حيه وصاروا يهربون من مكان للثاني .. لا بيت ينامون فيه ولا ارض يثبتون فيها / بوجودهم بأحد الشاحنات علشان ينامون لين يصير الصبح اشترى نزار جريدهـ لمنى علشان تتسلى ماكان يدري انها ماتعرف تقرا المهم ان منى شافت صورة حسين وخبر وجود جثته مشوهه .. للأسف ماقدرت تعرف ليش حاطين الصورهـ .. لين جا نزار وقرا لها شوية اخبار لين وصل لخبر حسين تأثرت حيييل منى الخبر اللي وراهـ كان عن انجاب 3 توائم .. نزار احظ تغير وجه منى وجا على باله انها تأثرت من خبر التوائم .. وقعد يقول انا غبي ونسيت انك اجهضتي نزار يعرف واحد يقدر يهربهم .. وراحوا معاهـ بالشاحنه ، صادفتهم نقطة تفتيش والحمدلله مرت بسلام لان منى كان عندها هوية سرقتها من ممرضة ونزار موجودهـ هويته .. بنص الليل وبالشاحنه منى تذكرت حادث غرقها وشلون انقطع نفسها وهي تحت الماي قامت وكانت مخنوقه وتبي هوااا .. وقفت الشاحنه ونزلت تركض تركض لين مسكها نزار وهداها وكان يبكي عبدالله .. مريم .. امين تركوا البيت والضيعه وراحوا لمكان الكوخ اللي سواهـ عبدالله لبنته علشان تقعد فيه اذا انقذها الغواص نزار .. يوم وصلوا للأسف مالقوا أحد وبدوا يدورون عليها .. بالبداية فرحت امها بس حزنت وعصبت حييييل يوم مالقت احد بالكوخ وقالت بنتي لو عايشه كان رجعت للبيت :/ سريع سريع ميسون دخلت غرفة منى وتبكي تقول ياليتني ما تكلمت ولا فضحت منى ولد عم منى اللي يحبها ويبيها قاعد يدور عليها لانه وااااثق جدا انها عايشه حسين يوم فاق شوي قعد ينطق باسم منى حلقة اليوم حلوهـ بس مافيها أحداث واجد عكس الحلقتين اللي فاتوا س / تتوقون عبدالله بيلقى بنته ؟ س / نزار ومنى قاهريني وين رايحين ولوين بيبعدون بعد ? س / حسين صحى تهقون يتحرك ويسوي شي ؟ حلوا الواجب برب .. *