من / الفجـر البعيـد
السؤال الأول / ياسـر وش سالفة المصري اللي كان يشتغل عندكم ايام زمان اللي قلت له
رح شب الضوء وقال يا ابني انا ما فهمت الاولى علشان افهم الثانيه ههههههههههههه
نبي تقول لنا هالذكرى الجميله عليك .. !
ياسر / السالفه .. عند اخوي عبدالكريم .. المصري كان توه جاي ولا يعرف
يشب الضو ولا يشب النار .. واحرق علينـا كهرب البيت ..
السؤال الثاني .. / ياسر صراحه انا ودي احرجك شوي ابي اكشف هل انت شاعر
زي ما يتردد بوسائل الاعلام المقروءهوالمختلفه .. أو لا ..
ما شاء الله عليك حتى مجلة شاعر المليون
ما سلمت منك .. وضعوك بمقارنة مع الشبرمي خخخخخ
ياسر / اول شي انا ماشفت المجله بالنسبه لأني شاعر ولا مب شاعر ..
انا شاعر بالملعب .. واذا كنت شاعر فماراح اصرح بالشي هذا ..
من / ابو ملاك
س1 / أجمل هدف في حياه [ ياسر القحطاني ]
الكرويه إلى يومنا هذا سوا في المنتخب أو مع الهلال ؟..
ياسر / والله كل لاعب تسأله هالسؤال اهدافه كلها حلوه .. فيه اهداف حلوه بتوقيتها وزمانها ومكانها
الهدف اللي احسه فني .. وبوقت مهم هو هدفي الاول بالطائي ..
س2 / في حوار سابق لأخوك الكبيرعبدالحكيم [ أبو ود ] في موقع القناص
وأتضح فيه بإنه مهاري وفنان وطلب اللعبفي صفوف الهلال من قبل [ يوسف الثنيان ]
ولكن جاء الرفض من والده - حفظه الله -
وذلك لإداره أعمال .. السؤال /هل كنت تتمنى بإن يكون عبدالحكيم
المهاجم الثاني في الهلال وبجانبك ..؟!
ياسر / بالنسبه لعبدالحكيم صراحتن .. اللي يشوف ياسر لعيب
عبد الحكيم كان افضل مني .. بس عبدالحكيم البكر عند ابوي تجاربه وتضحياته هو اخذها
الله ماكتب له التوفيق بالكوره .. عبدالحكيم لو لعب كان بيكون بالجيل اللي قبلي ..
كنت اتمنى انه يكون بالاعلام الكوري ..
من / سارا 20
سـ / تعودنا من الكابتن [ ياسر ] حركة معينة بعد تسجيله
لبعض الاهداف وهي حركة [ القنص ] ..!لكن باللقاء الاخير [ النهائي ] شفنا حركة ثانية اشبه بحركة ..
[ البازوكة ] .. ؟
في سبـب معين او لأنها مباراة قوية ولشدة سعادتك ..؟
ياسر / والله مباراة الاتفاق كنت مخطط .. موب اشبه بالبازوكه .. هي بازوكه ..
وكانت مقصوده .. الاتفاق اسمه كومندوز .. والكامندوز مايطيحه سهم يطيحه بازوكه ..
والحمدلله قدرت تسوي شي البازوكه ..
سـ / مشـآعر واستعدادت [ ياسر ] النفسية
للتصفيات الآسيوية ..؟
شي طبيعي .. حماس وروح ..
وخاصة اننا جيل جديد على المنتخب مع اعتزال اكثر من لاعب محلي .. او دولي
وان شاء الله جيلنا يكمل انجازات .. احنا علينا مسؤليه كبيره قبل لا نعتزل ..
من / ملك روحي
*في يوم رداءة الحظ لازمتك .. ولم يكن الحظ حليفكـ
أجلس أحلامك بجوارك على الرصيف .
ومارس شقاوة الحرف في بضع كلمات ,,
يا ترى ماذا ستكون ... ؟؟
ياسر / استغفر الله .. رب الكون ..
( وخربط بالايه ) ليـن ذكرهـا روبن ..
*برأيك .. يا سيـــدي متى يكون السقوط للأســـفــل مجداً .. نتباهى به .. ؟؟
ياسر / عمر السقوط للأسفل نتفخر به ..
من / بريق الماس
أسئلتي لك
س1 : ماذا يعني لـ ياسر حمل شارة قيادة المنتخب تكليف أم تشريف؟
وماهو تأثيرها على آداء وأسلوب ياسر سواء داخل أو خارج الملعب؟
ياسر / حمل الشاره تشريف لأنها مهمه كبيره , واتشرف بحمل شارة القياده ..
تأثيرها تزيدني حماس .. ومسؤليه ..
س2 : شاهدنا لياسر العديد من الأهداف الجميلة والتي وَصف بعضها بالخرافي أوالخيالي
سؤالي
هدف شاهدهـ ياسر وأعجب به لدرجة تمنى أن يكون هو من سجل ذلك الهدف ؟
ياسر / والله اهداف كثيره سواء محليا او عالميا ..
بس الهدف اللي تمنيته .. هدف سامي عام 1418 نهائي مع الشباب
من ناحية توقيت وكانت مباراه نهائيه ..
من / الكاسر
والدك حفضه الله .. هل كان له علاقة بالكرة قبل ظهورك وبالاخص نادي الهـلال ؟!
ياسر / الوالد الله يحفظه له علاقه واحنا صغار كان يفقع علينا الكور ..
لأننا كنا نكسر البيت ونترك الدراسه ..
ما هي افضل مبارة لعبتها , اما مع الهلال او القادسية او المنتخب السعودي ؟!
ياسر / والله صعبه احصرها لأنها مباريات كثيره
سواء مع الهلال او القادسيه او المنتخب
من / القناص الهلالي الصغير
س / ياسر دائما ما يطربنا بأهداف وبمهاراته وبلعباتـه
طيب هالمره نبي ياسر يطربنا ( بصوتـه )
فيا ليت تسمعنا شئ بسيـط من أغنية يحبها قلبك
ياسر / ( ضحك ) ..
اول شي صوتي مب زين .. " رحم الله امرء عرف قدر نفسه
لو يقولي دق دق بالكوره ادقدق .. بيت شعر ممكن .. اما اغني لا ..
فيه بيت لسعد بن علوش .. هو شاعر غير شعراء جيله ..
الشطر اللي احبه : من الذكاء انك تسوي نفسك احيانا غبي
لكن الغباء ان تذكي لك على ناس اذكياء
س1/ بصرآحه آوصف لنـآ شعوركـ بعد تسجيل الهدف في الآتفـآق ؟؟
ياسر / شعوري صراحةً عظيم ..
من / C,RONA7LDO
سـ1 ,/ كيف كان شعورك عندما رحل سامي ؟!
ياسر / واللهِ .. ماينوصف لأن ابو عبدالله قبل مايكون لاعبي المفضل فهو صديق ..
وصراحتن كان حزن وفراق وقد قلت له .. " ان سامي رحل وباقي له سنتين قدام يقدر يعطي "
سـ2 ,/ هل كانت حركتك " البازوكـة " صدفة أم أنك مخطط لها من زمان ؟!
ياسر / ايه والله مخطط
من / مميز
* من بداية انضمامك للزعيم من اكثر مدرب تحس انه كان يملك فكر تدريبي افضل من غيره ..
يعني كان ياسر يرتاح مع هـ المدرب بـ شكل غريب ..
يعني بـ اختصار منهو المدرب الي تحسفت انه راح من الهلال .. ؟
ياسر / بدون ادنى شك بسيرو ..
* الكلام الكثير الي يتداول حالياً في الاعلام حول استمرار محمد بن فيصل او تغير الادار
من الموسم القادم ..
هل يؤثر عليكم كـ لاعبين خصوصاً اننا في مرحله حاسمه من الدوري ,
وكم تعطي للهلال نسبة للفوز بـ الدوري ؟
ياسر / اكيد ابو سلطان ودعمنا مهم وخصوصا بالوقت هذا .. وان شاء الله انه مب مخلينـا
وبالنسبه لنسبة الفوز نسبتنا 100% .. لكن النسبه للفرق الثانيه
من / توksaتي
1/ ما هو اغرب موقف مر عليك مع الجمااهير ...؟؟؟
ياسر / والله كثير .. موقف طريف .. كنت مسافر الصيفيع وجاني ولد صغير ..
ابغاك توقع بس شوي راح ورجع ابغى اصور .. شوي راح ورجع ابغاك توقع على الفنيله .. يوم وقعت له ثلاث مرات واخذ صورتين
شوي قالي من انت ؟ وانا تفجأت .. قلت له انا عمرو دياب
2/ماهو اطرف موقف مر عليك مع احد الاعبين ...؟؟؟
ياسر / موقف اخر مباراه لسامي يوم الاعتزال .. فيه كوره انلعبت كنت اقدر اسجل بس
سامي مباراة اعتزاله وتكريم ..
فلعبتها لسامي عشان يلعبها هـد .. راحت الكوره وجاني سامي .. قال "
الكوره هاذي العبها العام اقدر انقز "
من / جنوبيه كووول
ياسر مين مهاجمك الأفضل عالمياً ؟؟
ياسر / رونالدوا - روماريوا ..
اهم شي كلهم حرف الراء ..
من / نوره القحطاني
وش الفرق لما تكون تلعب مع تشكيله المنتخب او تشكيله الهلال ووين تحس نفسك منسجم اكثر؟
ياسر / انسجم مع التشكيلتين .. لأنهم كلهم نجوم صراحه ..
من / انين المشاعر
السؤال الاول :
ماهو شع ــورك يوم جبت هدف في مانشستر يونايتد ..!؟ .
ياسر / وش شعورهم هم يوم سجلت انا بمانشستر يونايتد ؟
اولا كنت ادعي اننا نفوز على مانشتر .. لسببين :
اولا عتزال سامي الجابر .. وثانيه لأنها اعظم مهرجانات الاعتزالات
ويبقى مرتبط ذكر اعتزال سامي وفوز الهلال على مانشستر سيتي ..السؤال الثاني :
تعتقد بأنك انت ولاعبي المنتخب في مونديال 2010
بتقدمون مستوى افضل من مستوى 2006..
ياسر / والله اول شي .. ان شاء الله نوصل لـ 2010 ..
واملنا كبير ان شاء الله ..
و2006 ماقدمنا مستوى .. ان شاء الله نقدم مستوى افضل ..
او موازي لـ 94
من / الناعمه 20
سؤالي الأول //..فيه ناس تعصب يوم أحد يفتح جواله بدون مايدري ..
وفيه ناس تعصب لما يقرى أحد دفتر مذكراته...//
أبــي أعرف ايش الشي الوحيـد الي يعصب وينرفز ياســـر .. وليه !!
ياسر / انا اعصب يوم احد يفتح جوالي .. او ياخذ نظارتي الشمسيه ..
ممكن اني اتطاق معاه ..
اما سؤالي الثانــي ..// وش الأغنيــه الي دايم تغنيـــها ...!!
ياسر / انا الاغنيه اللي ارددها الآن اغنية " وينها عيونك حبيبي " ..
حقت عباس ابراهيم
من / ابراهيم عاشق الزعيم
سـ / الجميع لاحظ المستوى الرائع للمنتخب السعودي خلال أمم آسيا
وظهور العديد من الوجيه الشابة , كابتن ياسر بصراحة قبل الخوض في غمار تلك البطولة
هل راودكم شعور بالوصول إلى نهائي أمم آسيا .. ؟!
خصوصاً بعد الضجيج الاعلامي والصخب الجماهيري الكبيرين
وأهمها عدم ضم نور واستبعاد أربعة أسماء من القائمة .. !!
ياسر / راودنا حلم .. وكحقيقه مالمسناه الا بالبطوله بكل صراحه ..
كنا نقدم كل مانملك عشان نوصل للنهائي .. لكن اننا كنا واثقين 100%
مع اننا كنا مهيأين ..
سـ / هناك تصرفات بادر بها مدافعي المنتخب العراقي خلال النهائي الآسيوي
والجميع لاحظ استفزازهم لأغلب اللاعبين السعوديين خصوصاً أنت يا كابتن
ياسر والنجم مالك معاذ
هل هناك صحة لما ذكر أن العراقيين قاموا بشتم اللاعبين السعوديين أم
مجرد حديث اعلامي على الهامش ؟!
ياسر / واللهِ اولا ماحب اتكلم على المباراه كثير لأنها ذكرى ترفع الضغط ..
لكن اعتقد انه داخل الملعب تصير اشياء كثيره .. مشروعه وغير مشروعه وانا دايم اقول
من حصل شي يستاهله سواء مشروع او غير مشروع .. احب اكتفي بالتعليق هذا ..
من / هلاليه فووق فووق
* وشي اجمل مباراه لعبتها بكأس آسيا وحسيت انك استمتعت فيها وخرج
منها راضي على آدائك وآداء زملائك اللاعبين كل الرضا ؟
ياسر / مباراه اليابان .. كانت مباراه تكتيكيه بحته ,
* قبل صافرة الحكم بثواني في نهائي ولي العهد وش الشي الي كان يدور في
>ذهنك ونويت تسويه بعد ماتسمع الصافره ؟
ياسر / اول شي فكرته اني احمد ربي .. لكن شي ثاني اني " اخمخم اخوياي " ..
من / alrashid 20
س1 : ممكن أعرف من وين تشتري أغراضك الكرويه ؟
ياسر / واللهِ مافي محل معين
س2: أصعب لحظه مرت عليك مع الهلال والمنتخب وأفظل لحظه وابي
اطلب طلب ان اي ضبة جزاء انت اللي تشوتها الله يعافيك
ياسر / اصعب لحظه مع الهلال : النهائي الدوري مع الاتحاد
اصعب لحظه مع المنتخب : النهائي كأس اسيا
افضل لحظه مع الهلال : هالسنه النهائي مع الهلال
افضل لحظه مع المنتخب : يوم تأهلنا لـ كأس العالم 2006
من / القنـاصـ 20
والـسؤال وش قــصة المصــري اللي قـلت لـه ( خلاص بـئـه ) ؟ ؟
ياسر / هذاك نشب لي .. اصلن هو مب حلاقي .. وكان عندي موعد ..
وكان جنب بيتي فنزلت له وقلت ان شاء الله انه زين ..
واشقاءنا المصريين وسيعين صدر .. وقال ابصورك وصار يصور كل شي ..
وانا اجاريه اخاف يقطع وجهي فمشكله صراحه .. لين طفشت وقلت له " خـلاص بئـه " ..
من / الجبري
نعرف ان معظم الاعبيـن يحترفون وهم صغار السن في اوربا ويتدرجون من
الانديه الصغيره الى الكبيره
هل ياسر سيسيرعلى هذا النهج وخاصه هالنهـج سياخذ من عمرك اكثر
والان عمرك على ما اعتقد دخل الـ25يعني احس انها صعبه ...
ام مباشره الى نادي كبير في اوروبا وهذا اللي اتوقعــه
ياسر / واللهي .. انا اجلت مشروع الاحتراف الخارجي لنهاية الموسم هذا ..
عشان يكون التفكير اعمق وبدراسه .. لكل حادث حديث بالنسبه للأحتراف الان ..
وانا مع التدرج في الاحتراف .. لأنه هذا الدارج وهذا يعطي الاعب فرصه اكبر ..
من / نوا11ف
س / لاحظت على ياسر في بعض المباريات عندما تحاول قطع الكوره من الخصم تحتك مع الخصم
بشكل قوي وخشن نوعا ما .. هل هي نرفزه منك ام حماس زائد .. ؟
ياسر / انا طبعي كذا بالاحتكاكات .. انه بشده يعني شديد
الحمدلله مااحتكيت بلاعب وطلع بأصابه .. اقصى حد ان الحكم يحسب فاول .. اشوف انه احتكاك مشروع ,
من / ملاك الهلال
?السؤال الأول ..
مين شاعرك المفضل .. او مين الشعراء اللي تحبهم .. ؟؟?
ياسر / فيه كذا شاعر
سعد علوش - ابن الذيب - محمد بن ساقان - علي بن حمري - ضيدان
فيصل اليامي - بدر السيف - الامير عبدالرحمن بن مساعد - ناصر الفراعنه - فهد المساعد -
الامير عبدالرحمن بن مساعد ..
?السؤال الثاني ..
انتا تحب الأكلات الشعبية (الجنوبية) وإذا انتا تحب
المبثوثة تعرف تصلحها ولا لا ..؟؟?
ياسر / والله ماعرف اسوي ولا اكله .. بيض واخربط فيه
من / توته11
بصفتك لاعب محترف هل فعلا الارهاق سبب حقيقي او هو (تصريفه) ...؟!!
ياسر / يختلف .. اللي يقول الخبراء صحيح .. الا اذا كان شهر كامل كل 72 ساعه
تلعب مباراه
مستحيل ان الاعب يكفيه ياخذ 72 ساعه عشان يرتاح هذا الكلام اذا كان
عندك بالاسبوع مباريتين ..
اما اذا كان بالاسبوع 3 مباريات وبالشهر 5 فمستحيل , فالارهاق
سبب حقيقي لأرهاق الاعب ..
ثانيا //هوايات الكابتن ياسر غير كرة القدم ؟!
ياسر / والله انا احب السفر .. والشعر .. والقراءة
وفيه كتاب انصح بقراءته .. هو كتاب الشيخ " عايض القرني " .. لاتحـزن
من / الدلوعه
لما عرف ياسر القحطاني قرار الاتحاد بان ماتزيد ارقام اللعيبه عن 18 ايش كان احساسك
وهل تاثرت انك بتفقد رقم عشرين بالمنتخب ..
ياسر / واللهِ 20 عزيز علي لأني بديت به .. يمكن ياسر صار مربوط بـ 20
لكن القرار حق الفيفا .. بس لـ 6 مباريات وبيرجع 20 ..
20 يمكن انه مرهق .. يرتاح شوي ويرجع ..
من / هلالي مقهور
1/ يـاسر بإمــانــه شــارة المــنتخـب هــل أثــارت بــينكـ وبيـن المدافـع الصـخرهـ
حمـد المــنتشــري أي مــشاكل مــثل مــاسمــعنـا من الإعلامـ ..؟؟
ياسر / لا ابدا مافيه اي مشاكل ..
2/ وش النــادي والاعـب المــفضل عــندكـ أوروبيــا ؟؟
ياسر / نادي تشلسي وبرشلونه .. الاعب : زيزو
من / سعـد
س/ أكيـد أن ياآســر متاآبـع لـ دوري أبطـاآل أوروبـاآ ... وش شعـورك
بـعـد خروج العمـلاآقيـن [ رياآل مدريـد .. إي سي ميـلاآن ] ...
وهـل تتوقع تشيلسي يجيبهـاآ وإلا لاآ ...
ياسر / هذا اولا خروج الريال واي سي ميلان .. هذا درس لجماهيرنا ..
عشان يقتنعون ان الكبار يطلعون ......... ,
وتشلسي ان شاء الله يجيبها ..
س/ بـعـد كـل مباآراة أكيـد أنـك تستقبـل مكالمات ... مـن الـي
يحـرص ياآسر على سماآع رأيـه بـعـد المباآراة ..
ياسر / انا مااستقبل مكالمات على طول .. 24 ساعه محول ,
احرص على الوالدين صراحه ,
من / &&& خـالد &&&
س_ كابـتـننا المحبوب ياسر الكاسر كما نعلم جميعا بأن زعيمنا مرشح
وبقوة لتكرار موسم 1425 ...
هل انتم كـلاعبين مـستعدين لمباريات الدوري خصوصا أننا سنواجة الشباب (مرتين) ..
وكذلك جميع الخصوم الذين سنواجههم أخرجهم الزعيم من بطولة ولي العهد
الامر اللي يجعلهم يفكرون في رد الدين ..كيف سيكون تعاملكم مع
هذهـ المباريات (المصيرية جميعها) .؟
ياسر / الهلال دايم يحب يدين .. مايحب يكون مديون ..
ان شاء الله المباريات صحيح انها صعبه وكل مباراه اصعب من الثانيه ..
بس حنا لها
>من / big deal
1\هَلْ تُؤيدِ دُخُوْل الِبنَـــــــــــاتْ للَمِلاَعِب ْ؟
ياسر / لا غير مؤيد ..
مب انه تحيز .. لمصلحة المرأه .. لأنه عادات وتقليد وشرع
من / هلالكو
/ كم عدد المسجات التي وصلتك بعد الفوز بالبطولة ؟ ومن أول من أرسلك ؟!
ياسر / وصلتني مسجات كثيييييييييير كثيييييييير والله ,
اول مسج والله مااذكر
من /جود الغلا
علاقتك بسعد الحارثي وهل صحيح ما يقال بوجود مشاكل بينكم ؟؟
ياسر / واللهِ شف الجمهور خلاني انا وسعد .. زي تامر حسني ومحمد حماقي
حبايب الاثنين وحطوا بينهم مشاكل .. بالعكس سعد اخو عزيز وحبيب ..
وسعد من اللعيبه خلقاً و ولعبـاً ..
من /AL-qanas9
س1 بعد محطة المان سيتي ومادار فيها.. اين ياسر ,, من اوروبا ..
كون مستواك ][ماشاء الله ][
يشفع لك للعب مع اقوى وافضل الاندية الاوربية ,, بالمختصر
هل سنرى ياسر قريبا في
الدوري الاوربي ؟
ياسر / تكلمنا على موضوع الاحتراف .. ان شاء الله
س2- سمعنا عن نية الكابتن ياسر عن الغاء عقد وكيل اعماله تركي المقيرن ,,, ما صحة هذا الخبر ,,.؟
ياسر / واللهِ اذا الجمهور الغى محبته للهلال انا بلغي عقدي مع تركي المقيرين ..
من / احلى امنيه
1\ الاحظ من دخولي للموقـ ع كان تواصلك معنا بشكل أكثر وأكبر وكان
شي يفرحنا كثير وكان دخولك بشكل متواصل أما الفترهـ الاخيرهـ نلاحظ
نوع من العزله مع الاعضاء
وحنا أعضاء لموقعك الرسمي لك ويكون تواصلك مع الاداري فقط لاغير ؟!!
ليه قل تواصلك مع الاعضاء ؟ واتمنى نشوف كتباتك هنا بالموقع الرسمي لك ؟ ..
ياسر / والله انا بورط محمد وابراهيم وعبدالرحمن احد قال تحطون يوزري مخفي ..
انا حطيته مخفي .. وماعرفت ارجعه ..
2\ وش ردة فعلك يوم
شفت الكللام اللي كاتبه الكابتن تفاريس عن الاعب المعتزل سامي الجابر
وهذي مو أول مره يسويها تفاريس
سواها قبل يوم يكتب عن الاعب المرحوم أن شالله سعد الدوسري ؟
ياسر / تفاريس .. كتبها بخط يده كتبها بغرفة الملابس .. وحنا كنا نشد الفلينه عشان يسويها
هذا تفاريس ابن من ابناء النادي .. وحنا نحاول نجدد له 50 سنه قادمه ..
من / جينيفر
1 :: وش اكثر شي يعجبك بمصر ؟
ياسر / مصر كلها .. يمكن شعبها
2 :: لو جتك فرصه ياكابتن تقضي (( 24 )) ساعه كشخص عادي
اي غير معروف وغير مشهور ماهي الاشياء اللي بنفسك
تسويها خلال هالمده وحرمتك منها الشهره .. ؟
ياسر / ابي اتمشى بالاسواق .. انا انسان ماحب الكتمه احب اكون وسط الناس
الشهره منعتني من هالشي .. بروح الممشى والاسواق بحضر مبارايات بروح الكورنيش
من / اثير 20
- أحد الأعلاميين القطريين سئـُل عن رأيـه بـ ياسر القحطاني .. وكـآن هذآ جوابـه //
( ياسر لاعب غني عن التعريف .. و أنا مش على مستوى أن أقيــم لاعب مثله
بس رأيي فيه إنه لاعب ممتاز و هو الأفضل في الخليج حالياً ..
بس أتمنى أنه يحترف برا حتى يتطور أكثر و أكثر )
و لاعب النصر ( المرداسي ) سألـه المذيـع عن أخطر المهاجميـن السعوديـن
فـ جاوب قبل ماينتهي السؤال إنـه ياسر .!
سؤالـي ،، وش تمثـل لكـ مثل هالأراء ؟
وهـل تعتبـرهـآ لـ أي لاعب آخـر إيـجآبيـه أو سلبيـه .؟
ياسر / هاذي ايجابيه .. والاشاده اجابيه ولمصلحة الاعب ..
من /هلاليه سديراويه
س1ماهي العبارهـ التي ترددها دومآآ.؟
ياسر / لا اله الا الله
من / احمد 999
سـ2/ من هو آفضــل معلــق تحـب ان تشاهده في المباريات الاوربيه او مباريات
(( الزعيـم )) وخصوصآ اذا كنت مسجل [[هـدف]] ..؟
ياسر / رؤوف خليف
من / بنت الحميضي
السؤال 1:
السؤال هذا من أمي .. متى الكابتن ياسر يكمل درااسته ؟؟
ياسر / انا وراها وراها والزمن طويل ..
حتى لو اعتزلت ,
السؤال2
دائما نضع ايدينا على قلوبنا عندما نرى الكابتن ياسر وقد استطاع
المنافسين استثارته ..
متى ياتي اليوم الذي يمتلك فيه الكابتن اعصاب كاالحديد
بحيث يطمئن عليه محبيه ؟؟
ياسر / لما اركب حديد ..
هو كله حماس .. اكثر من عصبيه ..
من / اسيرة الازرق
سـ1\ بأرجع بقوووووه وباسألك عن نهائي كأس الدوري العام الماضي واتمنى
انك تجاوب بصراحه
ليش كان باكيتا متحامل على الهلال الى هاذي الدرجه ودمرنا تدمير لدرجة
حرمانه لسامي
من المشاركه وقتله لخط الهجوم اللي سبب راحه تامه للاتحاد لدرجة ان اهدافهم
كلها من مدافعين وفي الاخير (هروبه من التتويج) ؟؟
ياسر / واللهِ نفس السؤال وانا مقهور اكثر منها .. وابي اوجّه السؤال واعرف السبب ..
سـ2\ وش رايك باللي يقول ان الامير محمد بن فيصل راح معاك للمانشسستر سيتي عشان يبطل الصفقه ويرجعك للهلال ؟؟؟؟
ياسر / اعتقد انه كلام غير صحيح .. وكان يقدر يلغي الصفقه وهو بمكتبه بالرياض .. ليه يتعب نفسه ..
من / خليفة ياسر بالكره
س1/ياسر هل كنت تتوقع في بداية عمرك أنك ستصبح لاعب كوره
بهذه الشهره والمحبه والشعبيه الجارفه؟؟
ياسر / ابداً .. كان عندي امنيه بس توقعت لا
س2/هل تتوقع تأهل المنتخب السعودي لكاس العالم القادم ..
وما التشكيله المثأليه التى يراها ياسر؟؟
ياسر / ان اشاء الله
اي تشكيله يضعهـا المدرب .. فهي مثاليه
من / لمـى
متى تبدون حملة صلينا ؟
ياسر / والله ان شاء الله قريب .. نشوف الجدول وفضاوتنا انا ومحمد ..
من / @ تميم @
ســـ1 / بطبع فرحتنا بالكاس لاتوصف كجمهور ولكن سرعان ماتبخر بعد قرارت النجمين
المبدع الدعيع والخلوق المحبوب الشلهوب فما مدى تاثيره عليكم كلاعبين ؟
ياسر / طبيعي .. انا كنت مرتاح نفسيا لأنه مستحيل نترك الدعيع والشلهوب يتركونا بها الفتره
من / زهـور الريف
عندي سؤال خفيف: ماذا تقول عن اللاعب فهد المبارك..... ؟
ياسر / لاعب له مستقبل كبير .. وكل ماينزل يؤثر وان شاء الله يستمر
من / الهنوف الساميه
- كثير قالوا ياسر مو لاعب حسم ، ياسر ولا مره حسم لنا مباراة ... إلخ
أقوال مالهــــاا أصل من الصحة بكل تأكيد لكن
ياسر ماردة فعلك تجاه هالأمر ؟! خصوصاً إنك كل مرة تثبت العكس .. !
ياسر / سألني عبدالرحمن وجاوبت ..
2 - رحل المعلم سامي !
كابتن ياسر في نهائي كأس ولي العهد أكيد ذكرته وقتهـــاا وش تمنيت ؟!
ياسر / تمنيت ان سامي موجود معنا بها اللحظه ..
من / هلالي لأخر زفره
سـ(1) لاشك ان الموسم قآرب على الانتهآء يلي هذا فترة انتقالات
كبيره اوربيه او محليه لا يعنينا..)
لكن يبقى السوال ...[ يآسر ليش مو رآضي يحترف الطلب بالتأكيد في طلب
اعضاء الشرف علمنا بـ تدخلاتهم كانت ايجابيه او سلبيه
لكن يبقى الخيآر الاخير لك انت ....[ فـ لماذا كل هذهـ المعمعه
ياسر / انا اجلت الفكره لنهاية الموسم ..
سـ(2) همآ اسمآن فمآذا يكونو لـ يآسر القحطاني
..( محمد الشلهوب .. اللي بصراحه نشوف علاقتك به مره قويه
فـ ماهو السر
..( سعد الحارثي .. بـ حكم جلوسي مع هذا اللاعب كثيرا
اشوف فيه عاشق لـ يآسر قبل ان يكون زميلا بالمنتخب...)
فـ من هو سعد لـ يآسر
ياسر / الشهلوب : اخ وصديق ونجم وخلوق
سعد : نفس الحكايه اخ وصديق ونجم
من / ريـا
1/وش رآيك بالتـنس الأرضي وقد لعبتها من قبل؟
ياسر / ممتع ومتعب ..
/ وإذا كنت تتابع أحيانآ بطـولات التنس من تحب من اللاعبين نـادال وإالا فيـدرر؟
ياسر / نادال يعجبني لعبه فيه مهاره
من / ضوء القمـر
- ماهي الأمنية الي أتمناها الكابتن ياسر في حياته العامة ولم تتحقق؟؟ وهل
أتمنيت في يوم انك تكون إنسان عادي بعيد عن الشهرة ولعب كرة القدم؟؟
ياسر / الامنيـه : الحمدلله للأن راضي للي ربي اعطاني اياه ..
انا انسان عادي والشهره من كرة القدم وهي فتره محدوده ..
ياسر ان لم تـكن لاعب كرة قدم ماذا كنت تتمنى ان تصبح ؟؟؟
ياسر / طـيار ..
من / اوكسجين
من هو الاعب اللذي سجل اهدافآ في جميع الدقائق التسعين في المبارايآت اللتي لعبهآ ؟!
ياسر / والله مدري .. اذا اشتغلت بالرياضيه قلت لكم ..
سمعت بتاريخ زواجك سؤالي اللحين هل بيكون الزواج في الرياض ام الشرقيه ؟
ياسر / الى الان ماتحدد صراحه
من / رف رف 20
1-عطرك المفضل والذي تستخدمه حاليا؟
ياسر / العطر : ربيرتو كافالي
2- ماهو الفيلم العربي الذي اعجب ياسر ؟
ياسر / مطب صناعي
من / شلهوب سدير
ماسر علاقتك بالنجم الموهوب محمد الشلهوب ولماذا دائما ً يصير بينكم رموز ؟؟
ياسر / لأن علاقتي محمد قويه بيننا شفرات ..
وماهو اجمل موقف للكابتن ياسر وهو برفقة الشلهوب ؟؟
ياسر / المواقف كثيره ..
بس محمد مشغله عندي هالايام .. كل مابغيت احجز بالمطعم بالفيصليه
دقيت عليه وحجز لي لأنه يعرف واحد شغال هناك .. طبعاً بدون راتب ..
من / جوري
سـ1\ ما رأيك بمن يُظهر لباقته وحبه واحترامه للأخرين وهو في الواقع ..
غير ذلك تماماً ..؟
ياسر / والله هاذي مشكله صراحةً .. الوجهيـن مب حلوه ..
سـ2\ لكل شخص هوايات متعددة .. تُرى ماهي هوايات ياسر القحطاني العامة والخاصة ..؟
ياسر / ذكرناها
من / مس نوف
اذكرلنا موقف محرج حصلك في حياتك الكرويه ؟!
ياسر / في مباراه اوزباكستان .. صّفر الحكم وقمت اناقز .. وطلع فاول ..
من / || خليل ||
س/ ماهو راي [ ياسر ] الشخصي في الامير [[ محمد بن فيصل ]] ، وهل ياسر يأيد استمراره ام رحيله ؟
ياسر / جاوبنـا عليه ..
س/ كلمات توجهها للاعب الشاب [[ أحمد بن محمد الفريدي ]] ؟ ..
ياسر / والله ان شاء الله يحذو حذو الاعبين اللي قبله .. ويعرف انه في نادي كبير وطالب دايم بالافضل
وهو لاعب صغير بعقليه كبيره
من / في خاطري
س/"جوال القناص " متى سيرى النور؟؟
ياسر / اصبح موبايل القناص لأني وقعت عقد مع موبايلي وراح يكون فيه موبايل للقناص
من / Touch of Pink
1- لاعب يتمنى ياسر ان ينضم الى المنتخب ؟
ياسر / من جد وجد .. وكل الاعيبه يستاهلون
2- وقت الفراغ كيف يحب ان يقضيه ياسر ؟
ياسر / جاوبنا عليه .. قراءة او سفر او لمه
من / براود
" 1 / علاقتك بالفوتو .. احس تعرف تصميم مدري ليه ؟ "
ياسر / لا والله .. اني بليد وامنيتي اتعلم ,
/ ماتلاحظ انك صرت تغيب عن الموقـع كثير مره يعني قل ؟
ياسر / جاوبنا عليـه ..
من / حمـودي
) مـاهـو فـريـقـك الـعـالـمـي الـمـفـضـل وهـل تـتـابـعـه بـاسـتـمـرار ..؟
ياسر / جاوبنا عليه
) هـل تـرى ان نـواف الـتـمـيـاط قـادر عـلـى صـبـر كـل هـالـضـغـوط وقـادر عـلـى الـعـودة ..؟
ياسر / اكيد نواف لاعب كبير .. وعمر الذهب مايصدأ
من / شمس الحقيقـه
* من المعلق العربي الذي يفضل ياسر سماعه ؟؟
ياسر / جاوبنا عليه
* مارايك بالاقلام النسائيه في الصحافه الرياضيه ؟؟
ياسر / مثل ماهناك اقلام رجاليه متميزه .. فيه اقلام نسائيه متميزه
ومجال مسموح لكافة الجنسين ,
من / السهم الهلالي
س/ بكل صراحة ما هو رأيك في مجلة ( قناص آسيا ) اللي طرحت
عددها الأول مؤخراً .. ؟
ياسر / صراحةً مجله رائعه .. اشكرك على مجهودك والقروب اللي معك
انا متأكد تمام الثقه .. انكم ماابرزتوا اللي عندكم كله .
س/ ياسر القحطاني .. نعلم أنك تفرق بين ( النقد ) وبين ( الحقد ) ..
ما هي الرسالة اللي توجهها للي يحاربون ياسر ليس الا [[ ينتقدون ]]
ياسر لأن ما فيه
لاعب بمشواره ما راح ينتقد .. رأيك الشخصي فيهم ومحاربتهم لك
أيضاُ قبل ( كأس اسيا ) ؟
ياسر / والله انا احب اقولهم .. اقتبس من سؤالك .. انقد بلا حقد ..
وانا اقبل النقد .. ولي كامل الحريه بقبول النقد وتطبيقه ..
من / Abufaisal_20
س 1 / ماذا يعني لك موقع القناص بشكل عام وكيف ترى تفاعل الجميع مع
الكابتن ياسر في توثيق مسيرتك الرياضية الحافلة ؟
ياسر / انا رأيي مو مهم .. رأي الاعضاء والجمهور .. وانا فخور باللي يصير بالموقع ..
اشكر الاداراه والمراقبين والمشرفين واعضاء وعضوات .. على المجهودات .. وكله تاج على راسي
من / hilalih_moot_20 >
س : ياسر كلنا نرى الآن الحزن بعيون الكابتن محمد الشلهوب وتمنيه
للتوقف عن الملاعب فتره..
ياسر ما رائيك بالشي هذا وهل أنت مؤيده أو لا ؟؟
ياسر / جاوبنا عليه .. انه مستحيل
من / جانكيـز خان
س 2 : بـ خصوص خدمة جوال القناص .. ياليت تعطينا تفاصيل عنها وعن
قنواتها لو عندك التفاصيل .. ومتى راح تشتغل ؟
ياسر / جاوبنا عليهـا ..
من / mayassr
س : وش الأكله اللي يحبها قلبك ؟؟
ياسر / كثير .. انا سعودي اقدّر الكبسه والمكرونه
من / شموخي عزتي
س/مارايك في المدرب خالد القروني وهل صار لك موقف معاه ؟
ياسر / ابداً .. مدرب قدير ..
من / غنـى
سؤالي:- الماادة التي كنت تفضلهاا ايام الدرااسه والماده الي تكرهااا ؟
ياسر / ولا ماده افضلها ..
من / اسومة الهلال
//من هو اللاعب اللي كنت تتمنى وانت صغير انك تشكلوا ثنائي خطييييييير؟؟<<غير سامي..
ياسر / سامي الجابر
من / ابو سعود
سؤالي ياسر هل انت قادر على تحقيق اللقب للمره الثانيه او انك اكتفيت بمره واحد ؟
ياسر / ان شاء الله .. بعد دعاء الوالدين وتوفيق من الله
السؤال الثاني :يقول الكابتن محمد الدعيع انك انت وخالد عزيز الصندوق الاسود
هل يعني انكم اقرب الناس اليه وما هو السبب الرئيسي لقرار اعتزاله !
ياسر / الكابتن محمد .. دايم يستشرينا انا وخالد عزيز
والكابتن محمد معسكرين انا وهو بالغرفه وصرح لي بالاعتزال لكن والله توقعته يمزح ,
ماراح نخليه ابو عبدالعزيز
من / النسـر الابيض
سـ 1 / تتوقع من راح يفوز بـ دوري ابطال اوروبا ؟
ياسر / اتمنى : تشلسي او البرشا .. لكن اللي يستحقها الارسنال
سـ 2 / انت مع كلام الشلهوب انه يوقف الى نهاية الموسم و لا يكمل ؟
ياسر / جاوبنـا عليه ..
من / برنسيسة ايطاليا
س1)وش رايك بتفاريس [كشخص] ؟ يعني اوصف لنا كيف يتعامل معكم؟ ,
هل يحس بالغربه ولا لأ؟,مع ميـــن عايش؟......الخ
ياسر / تيفا صار منا وفينا .. وباقي له شي واحد انه يسلم ..
واحنا وراه .. نعطيه كتب وان شاء الله يسلم ,
س2))وش رايك بعبادي الجوهر((سفير الأغنيه الحزينه)) ووش أكثر اغنيه
تعجبك من أغاني عبادي؟
ياسر / احسن اغنيه " قالوا ترى " ..
من / بندر
/ قبل بداية كل شوط يجتعمون اللاعبون في النص ابي اعرف وش تقولون هل
تقرون الفاتحه ؟ او توجيهات من الكابتن ؟
ياسر / توجيهات بينا البعض .. ونقرأ الفاتحه
2 / حركة السهم ماعاد شفناها منذ وقت . . وش السبب ؟
ياسر / ان شاء الله راح تشوفونها
من / نسمة فرح
1/لاي منا طاقه من الاحتمال والصبر..ربما بعض الاحيان نفقد سيطرتنا وينفذ صبرنا..
ومن المعروف ان لاعب كرة
القدم يتحمل الكثير من الاشياء.. هل ندمت يوما على ان اصبحت لاعب كرة قدم؟؟
ياسر / لا ابدا انا فخور ..,
/علاقتك في الكابتن الشلهوب مميزه...وظاهره للعيان ..مالذي وجدته في الشلهوب دون سواه؟؟؟
ياسر / ذبحتونا بـ محمد الشلهوب .. والله اني اغليه مره
من / ابو طلال
/ من هو اكثر مدرب اثر على ياسر القحطاني كلاعب من مدربين الهلال ؟
ياسر / بيسيرو
من / عزيز النفس
_ وش تخصصك (القسم اللي دخلته ) يوم كنت في كلية المعلمين ؟
ياسر / حاسب آلي
_ أي مرحله من مراحل الدراسه ما يمكن أنك تنساه (إبتدائي _ متوسط _ ثانوي) ؟
ياسر / كل المراحل .. بس الثانوي ..
من / العاتي
س 1 / مارأيك بالمدرب كوزمين بكل صراحه ؟
ياسر / مدرب كبير وعالمي
س 2 / مارأيك بالاعب الهوساوي اللي انظم الى صفوف الكتيبه الزرقاء ؟
ياسر / من افضل الصفقات الهلاليه ..
من / هلاليه الرس
-بصراحة كثير مالقى بالنت صور ومقاطع تسيء لك وبصراحة
مرررررررررررررة اتنرفز
ودي ادري انت تلقي بال وتأثر عليك هالاشياء والا لا؟؟؟
انا عارفة انك اكبر من هالاشياء بس ودي اعرف شعورك؟؟
ياسر / ابدا انا اقولها " واثق الخطـا يمشي ملكـاً " ...
بحكم اني من الرس..وش رايك بمدينة الرس انت زرتها
اكثر من مرة عشان تلعبون مع الحزم تحس انها كل مرة تتطور اكثر من المرة
الي قبل اولا؟؟؟
ياسر / يازين الرس ويازين اهلها ..