هلا والله اخوي زعيم هلالي وحياك للمره مدري كم

بالنسبه للموضوع لاتخاف شكله مطول وخذ راحتك بالتفكير ألين تلقى أسئله تعجبك

بالنسبه عن رأيي في اصحاب الشعور الطويله والله اخوي شوف هي من الناحيه الشرعيه مانقدر نقول أنها محرمه لأنه في عهد الرسول وعهد الصحابه رضي الله عنهم كان وجوده شئ دارج وغير مستنكر يعني ليس محرما وليس عيبا
بالنسبه للعصر الذي نعيش فيه ماأدري شنو اللي يدفع الشباب لهذا الشئ يعني ماهي الغايه المبتغاه والله اذا كان قصده تشبه بعهد الرسول والصحابه الله يثبته على طاعته ويزيده مع أن الكل يعرف أنه من النادر أن نجد شخص يكون هذا غرضه واذا وجد فهو قليل لكن الغالبيه يقومون بهذا الشئ من باب التقليد الأعمى أو من باب جلب الانتباه بعدين في الوقت الحالي تتوقع كيف المجتمع ينظر للشاب صاحب الشعر الطويل كل ينظر له نظرة استغراب وتعجب وفي بعض الأحيان يكون مصدر للقلق يعني فيه ناس مايرتاحون في المكان اللي هو موجود بعدين يكفي أنه أمر غريب على مجتمعنا وأنا اقصد أصحاب الشعور الطويله جداً يعني لاأحد يفهم غلط يعني فيه طول معقول وفيه طول خارج عن حدود المعقول وفي النهاية تبقى الأخلاق والأدب ورزانة العقل هي المصدر الأساسي للحكم على الشخص لاشكله ومظهره

بالنسبه ايهما أفضل الرجل باللحيه أو من دونها يكفي قول الرسول عليه الصلاة والسلام ( قصوا الشوارب وأعفو اللحى ) وانا ماأقدر اقول رأيي في شئ نزل فيه دليل واضح وصريح في الشريعه يعني أعجبني أو ماأعجبني رأيي لايقدم ولا يؤخر

بالنسبه لسؤالك عن السواك اولا أخوي احب أنبهك أن السواك يطلق عليه سنه ولا يطلق عليه عاده اما بالنسبه ليش مانشوفه غير برمضان أعتقد أنه في رمضان تلاحظ الكل يحرص على فعل الخير بكل انواعه وتطبيق السنه يعني الكل يجتهد واللي مجتهد يزيد في اجتهاده ويحرصون كل الحرص عن الابتعاد عن المنكرات لكن للأسف بعد مايطلع رمضان بعض الناس يحدث لهم فتور في فعل الخيرات ويبدأ يتكاسل ومن ضمن الأشياء اللي ينسونها السواك صراحه ماأدري ليش الكل يحرص على الاجتهاد في العياده في رمضان وفي الشهور الأخرى يقل ذلك كل اللي اقدر أقوله أنه عندنا خلل في فهمنا للشريعه الصحيحه أسأل الله ان يوفق الجميع لمى يحب ويرضى

وأخيراُ أيها الأخوه والأخوات ادعو بهذا الدعاء اللهم بارك لنا في شعبان وبلغنا رمضان وكل عام والجميع بصحه وعافيه

ألف شكر اخوي زعيم هلالي على تواصلك والله يسعدك