هلا والله فيك أخوي قدساوي وحياك الله
بالنسبه للأشياء اللي جذبتني في المنتدى وجود المواضيع المميزه التي فعلا تتعلم منها أشياء جديده مواضيع جديده دائما مواضيع فعلا اذا قرأتها تحس انك تطلع منها بشئ أيضا من أهم الأشياء وجود الأعضاء المميزين فعلا تجدهم يتمتعون بخلق راقي وعقليات واعيه أيضا تكاتفهم مع بعضهم فعلا تحس أنهم أسره واحده وأيضا حبهم للتناصح وتقديم العون يعني فيه أشياء كثيره يمكن ماشفتها في المنتديات الثانيه أيضا وجود الروح المرحه بينهم وخوفهم على بعضهم كل واحد يسأل عن الثاني أيضا وجود الجديه بينهم والصراحه والله لو أتكلم ماراح أقدر أقول كل الأشياء اللي شفتها وأعجبتني


بالنسبه للمدرسه والمدرسين صراحه أنا أحب الدراسه والمدرسه يكفي أنك قاعد تحس نفسك تسوي شئ مفيد أحسن من القعده من دون شغل وتحس بطول الوقت والطفش لكن الدراسه يروح الوقت بسرعه يكفي انك تتواصل مع أصدقاءك يكفي انك كل يوم تتعلم شئ جديد ماأكذب عليك وأقولك اني مبسوطه على طول لكن الواحد مرات تجيه حالات يحس بالطفش من الدراسه يعني اذا زاد عليه الضغوط بكثرة الواجبات ووجود الامتحانات لكن في النهايه الدراسه متعه ولها ثمره تحس بحلاوتها وطعمها هذي وجهة نظري يمكن البعض ماتعجبه

بالنسبه للمنتديات اللي مشتركه فيها والله كثيره بس يمكن منتدى القناص هو من اكثر المنتديات اللي ادخلها

بالنسبه شنو تمثلي هذه الكلمات

الحب هو الحياة هو فن التعامل مع الآخرين هو لغة الحوار لغة التفاهم هو شريان الحياة تخيل الحياة من دون حب تجدها جافه قاسيه تسودها الكراهيه والحقد في النهايه لاتستطيع التعامل مع من هو حولك وانت لاتمتلك هذه اللغة لكن أهم شئ هو طريقة التعبير طريقة الاتقان الاستخدام الصحيح لهذه الكلمه والحفاظ عليها وعدم تشويهها


الخيانه ؟؟؟؟؟؟ ماذا يمكن أن أقول شئ واحد أطلقه عليها هي أبشع شئ وجد على هذه الأرض ومن يتصف بها أعلم أنه لآيمكن ان تقول أنه انسان ولايمكن أن يكون عنده مشاعر


التلفزيون سلاح ذو حدين وأنت من يحكمه


الجمس ههههههه صراحه شئ واحد أعرفه أنها نوع من أنواع السيارات


الــــــــــــــــــــســـــــــــعـــــــــــــــ ـــوديــــــــــــــة أرضي وسماي ونبضي وأحساسي بيتي امي ابوي اهلي دنيتي فرحي وحزني أموت بها وهي كل شئ في حياتي الله يحفظها من كل شر