بسم الله الرحمن الرحيم
السلام عليكم ورحمة الله وبركاته
رجعت لكم بشووووق بعد غيبه طوييييييله ( طول العطله ماتواصلت معكم ) بسبب السفر والتصييف وهالخرابيط الزينه مااااااااااااره

المهم ببدا في الخبر الي فزعني لما سمعته قبل ايام في برنامج الجوله على art
بعنوان سرقة 30 مليون ريال من الهلال << والله شكلي صار مثل هذا لما قريت الخبر
بعدين ياربي وش اسمه لحظه ياربي وش قالوا بعدين
طيب والله الموضوع مهم ومحل هام جدا للنقاش والاهتمام من الاداره والجماهير
الخبـــــــــــــ ــــــــــــر <<<بعد رفعة الضغط

ان ايرادات القمصان الهلاليه المقلده في الاسواق تصل الى ( 30 مليون ريال ) ليس للهلال اي احقيه فيها ولا حتى بنسبة 1 %
وان عدد القمصان الهلاليه المقلده التي تباع سنويا تصل الى (مليون قميص هلالي )اذا لم تكن اعلى من هذا العدد
سئل ضيف الحلقه عن الحل فقال توكيل محامي يدافع عن الهلال ويجب مقاضاة من يبيع الاشياء هذه التي تخسر الهلال مبالغ كبيره يحتاج اليها النادي وسواء احتاج اليها ام لم يحتاج لها فيجب مقاضاتهم
ورد عليه مقدم البرنامج الهلالي المبدع <<<وبعدين... مااعرف اسمه ( ياليت لو احد يذكرني باسم المقدم والضيف مع خالص تقديري )
المهم قال له الهلال مهوب فاضي يدور على كل محل لتقليد قمصانه ويقاضيه وسكته
المهم اصلا لو انا في مكان الضيف كان قلت مافيه حل


لوانا لكن... انتوا يهمني رايكم ارجوا مشاركة الجميع في النقاش لايجاد حل قد يفيد الاداراه الهلاليه



تعليـــــــــــــ ــــــــــــــــقي

انه الي يبيعون هذي الاشياء المقلده لازم لما يجون بيعون مثل هذي الاشياء الي تخسر الناس فلوسهم
لازم يعرفون ان اصحاب النسخه الاصليه منها ليسوا راضين ابدا وانه فيه رب بيتحاكمون عنده يوم القيامه
الحل عند هؤلاء من يبيعونها والله اذا كل بيحط في راسه هالشي والله مااحد يرضى انه يبيعها حتى ولو حاولوا بعض الاشخاص الي ماعندهم ضمير انهم يسوقونها

الحل ....................................... عندهم هم لو كل واحد بيوعي هالشي ماخسر الهلال ولا اي نادي اخرولا اي شخص في هذي الدنيا ولا حتى ريال واحد
او............ يعطوا الهلال نصف الايرادات الي بتوصلهم وبكذا يكون فيه ولو شوية عدل الي عنده ضمير ومضطر انه يبيع هالاشياء نظرا لجماهرية الهلال الكبيره فيفعل هذا الحل وسيرضي الله ويرضي ضميره



موضوع في رايي انا انه محل للنقاش والاهتمام 30 مليون ريال ومليون قميص هلالي ( مقلد ) ليست بالارقام البسيطه اوالسهله فهي قد ترفع خزينة الهلال حتى ولو لم يكن الهلال في حاجتها فيجب ان يجد حلا لهذه المشكله ولمن يبيع او يشارك في بيع هذه الاشياء


اراكم محل اهتمامي ومروركم يسعدني

تقبلوا خالص تحياتي
شموخ انثى