.. على وزن شـر النفـوس ..نحـن نعيش ( شـر الطقــوس )..! - شبكة القناص

**حــ سعودي ــلاها** · 09-10-2008, 08:31 AM

صبــاح الـخيـر والآحساس والطيبـه..~
صبـاح مايليق إلا فيكم..

مدخــل:
{صبــاح يمحـو الآحـزان..
... أشعـه شمس تبـث حيـاه جديدهـ ..

ملل..شيء غير طبيعي..
كسـل..خمول..قل نــوم..
من الاخيــر : ( أفتقــد النظام في هاليومين )..
أنا وأعوذ بالله من كلمه أنا من عشاق النظام وأعتقد
بل ومتأكده بأني لو أفتقد النظام شهرين سأمـوت,,
تعـودت مثلاً أصحى الصبـاح أتحمم وأشرب قهوه وأطلع الجامعه
اذا عندي محاضره بدري وبعد ماأرجع من الجامعه اذا طلعت الظهر
أتغدى أنام وأصحى العصـر أو قريب المغرب مثلاً وأجلس مع أهلي
أو أطلع اذا عندي مشـوار أرجع عقب صلاه العشاء أجلس على النت
أو أتابع مباراه للهلال أو أذاكر اذا عندي شيء وعلى الساعه 9 تقريباً
أتعشــى ومع أمي وأهلي والنت ومقالاتي لين12 وقبل أنام أمسك لي
كتاب أقراه لين أنـااااااام..
وهكذا أصحى بدري من بكرا وعلى هالمـوال..
طبعاً بينها الصـلوات ماأنســاها بس ماحبيت أذكرها لانها مسلم فيها بدون
ذكر آن شاء الله..
هـذا طبعاً جدولي بشكل عـام وأكيد يتغير اذا فيه أختبارات أو ظروف
أو غيره بس بشكل عـام النظام شيء مهم في حيـاتي..
في الجامعـه برضـو وفي العمل وحتى في النت النظام شيء مهم في
حياتي كذا ماحب شيء بدون نظـام لأني أشوف النظام مثل البيت اللي
يضم كل شيء في حياتك..

بس من تالي تغيـر شيء عندي وخصـوصاً بعـد رمضـان..:/
صرت ماأصحى إلا عقب المغرب وماأنام إلا الضحـى يعني مر علي
أسبـوع تصوروا ماشفت الظهر .. : |
ولاحتى تغديــت مع خوالي في هالأيام الحلــوه..:/
ولاجلست معهم الجلسـه العائليـه في العصــر..:/
صـرت أنام وأصحى أأكل وأجلس على النت وأرجع أنام وهكذا حتى صار
مالي خلق أجلس مع أحد أو أتابع شيء..:/
مباراه الهلال ونجـران ماشفتـها :/ مع أني مستحيل تمر مباراه للهلال
وماشوفها وأنا أقدر أشوفهـا..:(
صـار في غـداء عند خوالي وكواجب أجتماعي المفروض أني صحيت ونزلت
ولاصحيت ولانزلت ولاشيء نوم × نوم ..
حتى الكتب اللي هي عشقي أمسك الكتاب أقرأ صفحتين وأرميـه..
طيب والحــل..؟

الحـل ( النظــام ) ولاغيـره..!
أنا متأكده 100% أن السبب في كل ذا أني كارهه العيشـه ذي..
ماحب هالعيشه نوم الصدفه وأكل الصدفه وجلسه الصدفـه..
بس مادري كيف عشتـها وعجزت أغيرها وأتأقلم معها..
المهم أني أبي نظامي ذاك الأولي :(
أبي أنام وقت مالله سبحانه وتعالى أمرنا بالنوم ووقت مالجسم يكون
فعلاً محتاج للنـوم وأبي أكل مع أمي وأبوي وأخواني وأبي أجلس
العصـر مع العالم وأبي أشوف التفي وأقرأ كتب وأرجع لحياتي صح..:(
تصـدقون اذا قلت لكم أني أنمرضت نفسياً والسبب ذا العيشـه..؟
أحس أني ماأقدر أكل ولاأقدر أنام ولاأقدر حتى أناظر للناس..:( :(

~

الزبـده من كلامي:
أن النظام شيء أساسي في حياتنا مانشعر فيه إلا لما نفقـده..
يمكن أنا أكون أكبر المتضررين من هالحاله الغريبه اللي مرت علي بس
أنا أجزم أن الكل يتعب لما يعيش بدون نظـام :(
بس أنا مستغربه شيء واحد دايم يقهرني..
أغلب الشعب السعودي يقولون لي نكره النظام ونحب الحريه..؟
طيب أحد قالك النظام مافيه حريـه..؟
النظام ترتيب جدوله تنسيق وقت تعيش فيه مع العالم بحريتك..
ليش ماتحبون النظام طيب وراه ماتنمرضون مثلي..؟ :(
صدقوني جربوا تحطون جدول وتعيشون فيه نظام ترتبون في أوقاتكم بتلقون
في وقت كبير ماكان موجود عندكم في الآساس..
النظــام فطره الله سبحانه وتعالى جعل الأرض والفلك تدور وفق نظام ودوره
معينـه في السنه والشهر واليـوم وحتى في الساعه..

~

بأختصــار:
الشعب السعودي مب مايحب النظام لإنه يحب الحريه لا..
الشعب السعودي يحب يأخذ كل شيء أكثر من اللزوم وهذا شيء
عدو للنظــام..
يعني يحب ينام أكثر من الوقت اللأزم ومع ذلك يصحى ماشبع نوم
وذا شيء طبيعي ماحد يشبع من الراحـه..
يآخر وقت أكله ويقدمـه على حسب مزاجـه وظروفـه ولايرحم جسمه
اللي تعود على نظـام معين ويتعب من الجوع أو الشبعـه ..
يحب يشتغل بكيفه ويرتاح بكيفه بس الدنيا ماتجي كذا ..؟
تشتغل يوم كامل كرف كرف كرف وإلا تشتغل كل يوم بقدر معين
ومضبوط أكيد بتقول الثاني نظرياً بس ماتطبقـه لأنك ترتاح أسبوع
وفي يوم واحد من هالأسبوع تضغط على نفسك بكل أشغالك..:(
لاحرام ياعالم كذا..:(
من شخص مجرب خذوها مني أنـا جربوا النظام عيشوا لذتـه..
والله العيشه اللي أعيشها ذا اليومين ماتنطاق أبد قسم بالله أنها
هلاااااااااك..
أنا شخصيه متعوده على الشغل والنظام وأحب نظامي ولاعمري كرهته
بس مادري وش جاني هاليومين ومجرد ماعشت اللي هالعالم يعيشونه
كرهت اليوم اللي أنولدت فيه..:/
تصـدقون أني حتى كارهه أناظر التفي ولاأبي أعيش أحس أني
أقتل نفسي كذا..:/
مالومكم لو قلتوا طفش ملل زهق ياأكثر الشباب والبنات..:/
قسم بالله عقب هالعيشه اللي عشتها هاليومين مالومكم أبد أنتم تعيشون
شيء عمره ماينطـاق أبد..:|
طيب جربتـوا تعيشتون النظـام..؟
لاتخلون النظام مدرسـه وجامعه ودوام وبس.. كذا بتكرهونه أكيد
لإنه شيء أجباري والأنسان مايحب ينجبر على شيء في طبيعته
في عيشـوه كرغبه في العيش صح..
عش النظام في أكلك ونومك وزياراتك وعملك ودارستك قسم بالله
تذوق طعم الحياه صح..
كذا أنتم محروميــن..:/

|| ||

بتقـول لي صعـب.. ماأقدر.. مرتاح كذا.. ماأحب أغير..
طبيعتـي..شيء خيالي..
لاأنت خل عندك أراده طـور ذاتك ترى بدايه تطوير الذات هو
أنك تعيش صح تبني ذاتك على قاعده صح ومن خلال هاليومين
قسم بالله أن الصح في جهه واللي عشتـه ويعيشونه معظم الشعب
جهه ثانيـه..
تدرون وش المشكلـه..؟
يسألوني العالم بالمسـن وش فيك حلاها الحياه حلـوه..:|
طيب الحيـاه كيف حلـوه وأنتم أصلاً ماعشتوها صح..؟
مستغربين أني كارهه نظــام الراحـه..؟ بالله عليكم ذا نظام
راحـه ذا نظام تعذيب والعيـاذ بالله..
طيب معقـوله ولاواحد منكم سآل نفسـه في يوم:
ليش الملوك والوزراء والشخصيات الكبيره عايشه بنظام وتصحى بدري
ولها مواعيد ودوامات وحاله ومع ذلك عايشين حياه صح..؟
طيب رجال الاعمال خلوا الملوك رجال الاعمال والمسؤولين الكبار
اللي يداومون بدري ويعيشون النظام معقوله كلهم مايذوقون طعم الراحه..؟
طيب جربت تعيش مثلهم..؟
المشكله أن الشعب فاهم الراحـه غلـط..:/
تدرون ( الله يلعن اللي مفهم العالم أن الراحـه بالسيبـه )..
أنا ترى مرتاحـه ماأقول أني ماتجيني حالات يتلخبط نظام نومي لا بس عمري
ماعشت اللي أنا أعيشـه الآن وهو اللي يعيشـه معظم الشعب..:|
يالله معقـوله في عالم تصبـر وتآكل وتنام بوسط هالنظــام..؟
أبسألكم بالله عليكم ماتشتـاقون لوقت العصريـه..؟ والظهريه..؟ والغداء
مع أهلكم..؟

|| ||

ماأقـدر أشرح بزيـاده أكثر بس اللي بقـوله قبل ماأختم..
أن الحيــاه فعلاً حلوه بس التسيـب فعلاً حيــاه بهائم أعزكم الله..
تخيلوا أنك تنام بالصدفـه..:/
وتآكل وبالصدفـه وتشوف أمك وأبوك بالصدفـه..:/
يعني والعيـاذ بالله صاروا هاللي يعيشـون النظام مثل اللي يعبدون
الصدفـه..:|
كل شيء يجي بظروفـه في هالعالم أكل أو نوم أو شغل أو
دارسـه مافيه شيء أسمـه مهم أبد أبد..
ياعالم أرجعـوا لصوابكم تكفى..
تراني راحمـه الحكومه تصرف مستشفيات ومدارس وجامعات على
عالم يعيشون حياه مثل ذي..:/
ولإول مره أرحم الحكومـه بعد..

~

قبـل الختــام:

/ أنت نظــامي وإلا لا..؟ قل الصـدق وقلنا كيف تعيش سواء
كذا وإلا كـذا..؟

/ كيف تحس بطعم الحياه اذا منتم عايش بوسط نظام..؟ تظن
لك أهميـه بالحياه كذا..؟

/ متى آخر مره صحيت ونمت وأكلت بوقت صح مثل العالم..؟

/ ( السؤال ذا لي ) برأيكم وش اللي صابني ليش صرت
كذا بين يوم وليلـه..:/ ياحبني لي من قبل..:/
طيب ماودكم تجربون عيشتي بالنظـام وتعيشون أشخاص نظاميين في
كل شيء في حياتكم..؟

,
,

{ مخــرج..
ضغـط العمل قاتل..
......وكثره الراحــه سم..
( وكان الأنســان أكثر شيء جدلاً)..

حـ سعودي ـلاها..

{.. Z ـ Cــلية الجــور ~ · 09-10-2008, 08:52 AM

.

يسـعد صبآحك

حجزت أول رد عنآدك فيك ونتي تعرفين ليش

وثآني شي أحب أكون الأول بكل شي

موضوعك كـ القرصه بالنسبه لي ,,

لأني من ركائز النظام لكن مجتمعنا للأسف هو الهادم

<- كل تبن كبر رأسك

أقتباس
أنت نظــامي وإلا لا..؟ قل الصـدق وقلنا كيف تعيش سواء
كذا وإلا كـذا..؟

النظام .. النظام .. النظام

وما أدراك ما النظام

أخبر أول أيام المتوسطه كنت في جماعه النظام

وبعد حطوني رئيس النظام في عهد تلك الايام الزاهيه

يآني كنت أوقف الطلاب واللي يتأخر عن الطابور الصبآحي

أوديه للمدير مازن البسام

أويلي يا مازن البسام .. أخاف منه أكثر من أبوي

وقسم تجيني قشعرينيه منه
" روبن هـود " أذا شفت ردي هذا
أبيه تعقب عنه بأختصار .. وبالامآنه قد عطآك مجلس تأديبي ولا

^
طبعاً السالفه ماله دخل بس تذكرت جماعه النظام حقتي <- حقتي أجل

نووخش بالعميق

- والله ياحلاها أذا بغيتي الجـد فـ أنا أعشق شي أسمه النظا م
يعني أقربها حزام الامان في السياره ؟
الكل يعرف أنه شي من ضروريات السلامه في القياده
لكن اذا لبسته وركبو معي العيال يقومون يضحكون ويتريقون
يعني بربك عالم زي ذولي كيف يعيش النظام معهم ؟
ونا عارف أني الصح وهم الغلط !!

أو أذا جيت أوقف عند خطوط المشاه في الشارع
عشان أسمح للواقفين بالمرور
يقولون سواقتك سواقت شيبان ؟
يعني النظام أبد في مجتمعنا معدوم أذا هو عندهم ضحك وهزل !!

- وتقريباً أيآم الثانويه كنت ما أمشي إلا بالدقيقه
أول شي ضحيت بالنت وطلقته بالثلاث لأجل مستقبلي : )

كنت أعشق شي أسمه أوراق وأكتب على هذي وأكتب على ذيك
كنت أحط نوته في جيبي وأن الموعد الفلاني عندي شغل أو طلعه وهيك شي
من زود النظام عندي ههههه كنت أعلق ورا الباب حقي وأكتب أيأم الأسبوع
وكل يوم وش أسوي فيها من أعمال
والأعمال اللي ما خلصتها أحط لها ورق ثانيه ويلااا
وكل شي أخلص أعقب عليه " بصح " وأكتب ملاحظالاتي عن كل طآري !!

الوالد الله يعطيه العافيه يشغتل بـ أرامكور السعوديه !!
ومتعودين عن الثآنيه يعني مب دقيقه ولاساعه !!
وعكس الشي هذا على حياتنا اليوميه فـ أستفدتنا كثييير
وقلايل من يعطي الوقت أهميه ,,,

- بس للأسف !!
حالياً كل شي عندي متلخبط !!
صرت ما أوعي أي شي
وحبي للنظام فقدته كثيير !!
والسبب
آسف مقدر أقوله !!!

أقتباس
/ كيف تحس بطعم الحياه اذا منتم عايش بوسط نظام..؟ تظن
لك أهميـه بالحياه كذا..؟

ذكريتي بقصه أخو نسيبي يقوول كان في اليابان وتعرفين اليابان أكثر وحده تحرص على النظام !!
يقول أمشي بينهم زي الدلخ هههه
اللي يتأخر عندهم ثآنيه مخصوم من راتبه
اللي مايتبع الأرشادات الاعلانيه يخالف ويحجز
وطعباً في دستور اليابان محُرم التدخين في الامكان العامه
وأكتفو بنهايه كل شارع مكان مخصص للمدخنين !!
ويحكي ويقوول أشياء ما تصدق العقل !!
يقوول والله أني أمشي معهم وعلى الله وبله
يقوول ما عرفت أعيش معهم
نظامهم صعب
نوم بالموعد أكل بالموعد شغل بالموعد لعب بالموعد !!
ويحلف أنه الحمام بالموعد بعد !!
زي هذا النظام معصي على السعوديين أن يطبق !! ض1
بس للأسف نطبق من نظام العالم أقل من 3 %
من وجهه نظري !!

- وبالنسبه لي أنا أذا عشت بمكان يملاه النظام يعمه الانظباط بتعود عليهم بكل أكييد !!
بس لما يكون كل شي ع القانون والنظام !!
هذا التعب بعينه ومن هنا يمكن الواحد يبدآ بالتخبط !!
يعني أنا آخذ من التخبط حاجه ومن الانظابط حاجه !!
يعني العباطه شي ملصوق فيني ض1

أقتباس/ متى آخر مره صحيت ونمت وأكلت بوقت صح مثل العالم..؟

تقربياً قبل سنتين وعليها بشوي
وتحديدٍ أيام الثانويه

أقتباس
( السؤال ذا لي ) برأيكم وش اللي صابني ليش صرت
كذا بين يوم وليلـه..:/ ياحبني لي من قبل..:/

يمكن العامل النفسي !!
أهتمامك بـ أشياء جعلتك تفقدين الأهم !!
كثره الفراغ والتفكير !!
الوسوسه ض1

أقتباس
طيب ماودكم تجربون عيشتي بالنظـام وتعيشون أشخاص نظاميين في
كل شيء في حياتكم..؟

جمعتها مع الفقره الأولى

-
أشكرك صراحه

وأول مره أحس أني أتهاوش مع الكيبورد حقي

وبعدين ليه تحطين بالعنوان شر النفوس ؟

وربي دخلت ونا مشحون مليون

أول شي أبي أفضفض عن قهري من محمود وأمه

ومن سيف أن ما جلدهم يوم فكو السحر عنه

يلااا أنا كثير قرقر وما أنعطى وجه خخخخ

آسف على الاطاله

.

**O X Y G E N** · 09-10-2008, 08:56 AM

حلاهآ سعودي

موضوعك بالصميم يآبعدي

وربي كلنا نعاني منه

واحسني مثلك

انا شخصيه ماكنت كذا ابد

اللحين أصبح وقتي كله نوم ونت
اهلي وهم أهلي تضايقو من هالشيء
جايبين بنت ومايشوفونها بالله هذا واقع اعيشه انا

حاولت كثير ارجع لنظامي وحياتي الطبيعيه ولاجدوى فيها ابد
اول ماحس بتعب وقرف مثل اللي احسه هالفتره
حتى اني ادخل النت مافيه شيء احيانا بس مع ذلك مااطلع

ابي ارجع لوضعي الأول جلسه مع اهلي
حتى صديقاتي صرت مقاطعتهم مو مثل اول

الكل لاحظ هالتغير فيني .!
نفسي انظم وقتي وكل شيء اعطيه حقه من الوقت
عشان اسعد بحياتي

صح الحياة حلوه لكن من يفهمها كووننا اخذنا طابع سلبي عليها

والله ياحلاها انك ماقصرتي بسرد شر الطقوس

اللي بجد عجزت اوفيك بوصف اللي اعيشه مقارب للي تعيشينه بكثير

أنت نظــامي وإلا لا..؟ قل الصـدق وقلنا كيف تعيش سواء
كذا وإلا كـذا..؟

قبل كنت نظاميه
اللحين الله يخلف علي النظام معدوم
اعيش والله بتعب إرهاق لانهايه
افتقد من حولي .. جلسه .. فرحه .. طلعه
والسبب عدم تنظيم وقت

/ كيف تحس بطعم الحياه اذا منتم عايش بوسط نظام..؟ تظن
لك أهميـه بالحياه كذا..؟

ابد عدم اهميه لي
مدري ليش عايشين .!
بس احس لو بيكون فيه نظام بتكون اهميتي كبيره

/ متى آخر مره صحيت ونمت وأكلت بوقت صح مثل العالم..؟

اووووووووووووف ماتصدقين زمان
حتى اني قلت يازين هاليوم
ان شاءالله يعود

/ ( السؤال ذا لي ) برأيكم وش اللي صابني ليش صرت
كذا بين يوم وليلـه..:/ ياحبني لي من قبل..:/
طيب ماودكم تجربون عيشتي بالنظـام وتعيشون أشخاص نظاميين في
كل شيء في حياتكم..؟

حلاها الشيء اللي صار لك شيء معقول يصير لكل وحده فينا
بس تعرفين جو الإجازه ورمضان مره مختلف وهو يقلب النظام بدون إحساس
وصدقيني لو كانت فيه دراسه راح يتغير نظامك 90%
لأن الدراسه تشغلك وتاخذ جزء من يومك وترجعك لنظامك شوي

واللي تعانينه انا اعانيه مثلك
يمكني جاوبتك ولاعرفت اجاوب نفسي ليش انا كذا او نظامي كذا
لأن السبب مايبقى واحد كثير والله

وان شاءالله ياحلاها ان وضعك بيرجع مثل أول بنتظام واحلى

اعذريني على ردي البسيط
كان بودي اكثر

بس دخلته اقراء وكنت ناويه ارجع بعدين ولاقدرت موضوعك حيل جذبني وجبرني ارد عالسريع

لقلبك يانقيه

**MeSh3aL ~ 20** · 09-10-2008, 09:20 AM

*

*

هلا و غلا بـ ( حــلاهـا ) ..

/

موضـوع جميـل جـدا ً يحكى واقع نظامي
لابد من الجميع التعايش معـاه وخصوصا ً الفتره المقبلـه ..

الحيـاه من دون نظـام , كـ الأكل من دون ملـح
هي تفسيرهـا ع السريع كذا , لإنك ما بتعيش
طعمهـا وتتذوقهـا صح لما تكون مع الأكثريه
من النـاس اللي ماشين ( على خط مستقيم ) في نظام يجمع
وقت الصلـوات والوجبـات والجمعـات
في وقت معيـن ومحدد , ووقت للراحـه وهو ليـلا ً ..

/ أنت نظــامي وإلا لا..؟ قل الصـدق وقلنا كيف تعيش سواء
كذا وإلا كـذا..؟

بصراحـه , أي نظامي يمكن بس بدايه العطله
كان الجدول ( متلخبط ) بس قدرت أعدلـه ..
يعني نومي من الليل إلى الصباح أجلس أفطر
مع الـوالد والـوالده مرات بروحنـا مرات مع اللي ( نظامين )
بالبيت ..

ووقت الغداء ووقت تخليص الأشغال وأيضا ً العشاء والطلعه
مع الشباب , يعني كل شئ يكون مضبوط معـاك ..

/ كيف تحس بطعم الحياه اذا منتم عايش بوسط نظام..؟ تظن
لك أهميـه بالحياه كذا..؟

لا .. يعني وش فايـده اللي يصحى بالليل وينام الصباح
طول وقته بالبيت ولا يفيد بشئ ..

/ متى آخر مره صحيت ونمت وأكلت بوقت صح مثل العالم..؟

اليـوم ..

/ ( السؤال ذا لي ) برأيكم وش اللي صابني ليش صرت
كذا بين يوم وليلـه..:/ ياحبني لي من قبل..:/
طيب ماودكم تجربون عيشتي بالنظـام وتعيشون أشخاص نظاميين في
كل شيء في حياتكم..؟

أممممممممم , يمكن العطله لها تأثير كبير
وأكيد عشتي أو جربتي الجلسه مع ناس غير ( نظاميين )
يعني من خلال جلسه وحده جلستوا سهرتـوا نمتوا الصبـاح
صحيتـوا المغرب أو بالليـل , هنا تلخبط الجـدول خلاص ..

.. { حـلاهـا ..

/

إذا ما زلتي غير نظاميه , واصلي لبعد صلاه العشاء
وجربي النظام صح ..

موضوع أبطل البطليـن ..

**سُموّ الأَميرَة ،..|’** · 09-10-2008, 09:28 AM

*

*

حــلاها انتي امي قايلتلك شيء عني!!
قسم بالله جبتي الموضوع عالصميم ..
ورب البيت عيشتي بتذبحني ...
امي طفشت مني حيل حيل والمشكلة كاسرة خاطري
بس احسني ادمنت على اللي انا فيه قسم بالله احس اني مب عايشة<<ايه ادري انك ميشو

تخيلي رحت يجي خمس مرات المستشفى بالصيف وعندي موعد هالاسبوع<<دعواتكم
وزني قبل الصيف كان 54 والاحظ الناس كل من شافني قال خير سلآمات
الاخت بروفسورة !! شهالجسم !! تحطمت قلت اوزن طلع وزني 47للأسف
يعني صحتي من سئ الى اسوأ للأسف..
كله من هالعيشة اللي اعيشها .. خربانه بالصيف وبغيره حتى بالجامعه..
نوم واكل ودوام بس..

والنت اخذ هالصيف بالذات حيز كبير من وقتي ولا فحياتي دخلت نت
بهالكثره

ماابي اطول بوصف حالتي المشينة بس ربي يعين ...
بدخل بأسئلتك ..

أقتباس/ أنت نظــامي وإلا لا..؟ قل الصـدق وقلنا كيف تعيش سواء
كذا وإلا كـذا..؟

اوما نظامية .. نظامية وانا للحين مانمت
للأسف النظام بوادي وانا بوادي ثاني خاصة هالصيف..
طبعا وصفت حالتي فوق ماابي اكرر لأني وربي شوي واصيح

أقتباس/ كيف تحس بطعم الحياه اذا منتم عايش بوسط نظام..؟ تظن
لك أهميـه بالحياه كذا..؟

وش اهميته وهذي عيشتي !!احس الناس تطلع تجي تروح ...
وانا هذي حالتي ملل وقلة حيلة ...
الحياة ابدا ابدا مالها طعم ...

أقتباس/ متى آخر مره صحيت ونمت وأكلت بوقت صح مثل العالم..؟

قسم بالله ناسية متى بس اكيد من زماااااااااااااااااان

أقتباس/ ( السؤال ذا لي ) برأيكم وش اللي صابني ليش صرت
كذا بين يوم وليلـه..:/ ياحبني لي من قبل..:/
طيب ماودكم تجربون عيشتي بالنظـام وتعيشون أشخاص نظاميين في
كل شيء في حياتكم..؟

عآد وش اللي صآبك اتمنى تكون كبوة جوآد نفس الهلال
لأنه مب ازين لك هالعيشه..<<منحاسة

ورب البيت ودي اجرب النظام بس محد بيخليني انظم نفسي الا الجامعه
حتى مب ذاك النظام نص ونص..

حـــ سعودي ــــلاها

شتبين فينا تفتحين جروح
والله موضوعك على الجرح
احسك دكتورة نفسانية واحد معطيك اسمي

تسلم يدينك يالغلا على هيك موضوع ...
بس داخلة على الله ثم عليك اذا لقيتي لك حل لاتنسيني..<<مصيبة

**متيمة الهلال** · 09-10-2008, 09:46 AM

<-- فيس متحطــّم

صبحـك ِ بالخير و الرضى و السرور ...
ع الجــرح احد قالك ..

جد وقت النظام غير صدق والله تحسين شسمه يجيك وقت فااااضي ماعندك شيء ..
بس وقت الزحمه هيك وع ..
اقسم بالله ماش وقت المشكله مافي شيء تسوينه بس هيك الساعات تمشي تمشي
يضيع وقتي بالنوم وبس .. لا اكل مع هلي لا طلعات لا اشوف احد
والله اقولكم ابوي اوقات مااشوفه الا صدف ..

نظامي تقريبا ً يشبه نظامك .. :/
انام 10 الصبح اصحى 9 الليل .. :| <-- لا عصر لا مغرب لا عشاء !
و آكل معهم بالعشاء <-- واوقات ماالحق عليهم ..
بعدين شوف وين اروح يا نت يا تيفي يا شسمه ارجع انااام .. :/

بس ايام الدوامات قسم بالله روعه روعه روعه ...
الصبح دوام الظهـر نرجع انا وهلي و ش زيننا نتغداء مع بعض ..
و انا من النوع اللي ماينام العصر اجلس ع النت ساعتين هيك
اقوم اتصفح الجرايد كانهم جابوا و احب اقرا شعـر من الكتب اللي عندي ..
شسمه مايجي العشاء الا وانا قاضيه من اشغالي وخلاص 9.30 او 10 اكون نمت ..
وناسه هيييك فاضيه والله ..

أقتباس/ أنت نظــامي وإلا لا..؟ قل الصـدق وقلنا كيف تعيش سواء
كذا وإلا كـذا..؟

الحمد لله انتمي للنظاميين ..
قلت فوق وعاد شوفي الفرق بس ..

أقتباس/ كيف تحس بطعم الحياه اذا منتم عايش بوسط نظام..؟ تظن
لك أهميـه بالحياه كذا..؟

وش حياته تخيلي بس طول الوقت نوم نووم نوووم وين الحياه بالله بالنووم !!
لا طبعا ً ماش حياه بدون نظام حتى لو قالوا تعوّدنا وصار عادي
بس تحسين طول الوقت مزحومين الوقت يمشي يمشي يمشي
على غير سنع .. !!
عكس المنظمين يقضون اشغالهم و كل شيء ويحسون للحين فيه فراغ وقتها للتسليه
هيك الناس الصــح ..
لنفسك عليك حق مو تهلكها وارهاق وهيك والله حراام ..
المشكله لو الفوضويين يجربون النظام كان حنــّا وهم بخير ..

أقتباس/ متى آخر مره صحيت ونمت وأكلت بوقت صح مثل العالم..؟

آخـر يوم بالدوامات شهـر 6 ..
جد والله رمضان لخبط ابوحياتي اصحى بس اوقات الصلاه والباقي نايمه !
ماحسيت به مثل كل مره .. الله يعوده
والعيد عيّدنا اصلا ً .. ؟! ماشفت عمامي الا مره بس اول يوم والباقي سحبات
ان شاء الله افي بوعدي واروح لهم ..

أقتباسبرأيكم وش اللي صابني ليش صرت
كذا بين يوم وليلـه..:/ ياحبني لي من قبل..:/
طيب ماودكم تجربون عيشتي بالنظـام وتعيشون أشخاص نظاميين في
كل شيء في حياتكم..؟

لأن جسمك و نفسيتك توّدت على نظام معيّن و مرتب فجـاءه
انقلب الوضع انتي ما استحملتي وعشان هيك تحسين بإرهاق و تعب نفسي ..
بس ماعليك ان شاء الله مايجي السبت الا كل الامور زااابطه ..

حــلاها ..
تدرين لو انه انمسح من جديد كان رديت بمشكوره ..
<-- تنسيق عشان
جد موضوع حلوو و ع الجـرح واعتقد كلنا عانينا هالشيء
تسلم دياتك يا عسل

هي إلك
خذيها جنب كوب القهوه <-- آووت

فريد زماني · 09-10-2008, 10:07 AM

:

..

( الحياه حلوه بس نفهمها )

أقتباس/ أنت نظــامي وإلا لا..؟ قل الصـدق وقلنا كيف تعيش سواء
كذا وإلا كـذا..؟

لا و الله حاليا مو نظامي .. بس جربت النظام في الحياه و بصراحه ما فيه أحلىآ من النظام ..

أقتباس/ كيف تحس بطعم الحياه اذا منتم عايش بوسط نظام..؟ تظن
لك أهميـه بالحياه كذا..؟

لا و الله أحس إني علىآ هامش الحياه

أقتباس/ متى آخر مره صحيت ونمت وأكلت بوقت صح مثل العالم..؟

في الأيـآم الأخيره هذي عشان انظم نومي للكليه ..

حلاها سعودي

تشكرات علىآ هذا الإبداع في الطرح

سي يو

**p r i d e** · 09-10-2008, 10:17 AM

حلاها طرحتى الموضوع بوقته

والله تذكرينى بكلامك عن النظام واهميته بالوالده

تهاوشنى على طريقه نومى ، موعاجبتها

تقول مبحياه ذى نوم ونت حتى الناس متقابيلنهم

بس كنت اطفش كثير بس ذا كله عشان احس بطعم الاجازه

واكسر حاجز نظام الدراسه ....

لايكثر كلامى اجاوبتس على اسئلتك سلمك الله

أقتباس/ أنت نظــامي وإلا لا..؟ قل الصـدق وقلنا كيف تعيش سواء
كذا وإلا كـذا..؟

لا والله ماعندى نظام ،يعنى على حسب مزاجى بحكم انى مزاجيه الطبع

وبما انى تونى انهيت مسيرتى التعليميه ولله الحمد غيرت طريقه نومى الى في لاجازه

صرت انام في العصر وطبعا اقوم اوقات الصلاه واصحصح على الساعه 10 ليلاً بتوقيت السعوديه
احلفي انك بالسعوديه

واجلس الى العصر الثانى ،يعنى بذا النوم اول مره في حياتى اسويه بس عشان احس بالاجازه الامنتهيه

يحزنون الطلاب والطالبات الله يقويكم على الدوام السبت ان شاء الله مستعدين ::

داخله عرض بس اقهرهم شوي يداومون وانا فاضيه

أقتباس/ كيف تحس بطعم الحياه اذا منتم عايش بوسط نظام..؟ تظن
لك أهميـه بالحياه كذا..؟

والله مللل وطفش وكثير احس انى بلا اهميه

من زمان انتظر لحظه تخرجى عشان مااروح الجامعه لكن الحين اتمنى ارجع ادرس

صح انى تونى خريجه ومامضى على التخرج الا اربعه شهور لكن قسم بالله طفش

أقتباس/ متى آخر مره صحيت ونمت وأكلت بوقت صح مثل العالم..؟

ماافتكر

لكن قريب اعتقد

حلاهــــــــ

ــــا
شكر لك تقبلى مرورى

تــرف ! · 09-10-2008, 11:56 AM

حلاها،،،

والله موضوعك يجذب ولااااااابد من التعمق فيه

بس إعذريني أنا جيت على عجالة عشان أسجل إعجااابي بموضوعك وقلمك ،،،

ولي رجعة مع نشرة مفصلة إن شاء الله،،،

عوااااااااافي،،

والله إنك خطييييييييييييرة يا..{نظامية...

لي رجعة بإذن الله،،،

هلال وافتخر · 09-10-2008, 02:36 PM

انا ماعندي نضام والله مدري اشلون اعيش

الشرقيه · 09-10-2008, 03:46 PM

اول شي موضوع حلو مثلكCC

/ أنت نظــامي وإلا لا..؟ قل الصـدق وقلنا كيف تعيش سواء
كذا وإلا كـذا..؟

انا بصراحه من عشااااق النظام حتى في البيت
والبيت اللي مافيه نظام فيه فتور في علاقتهم مع بعض..

النظام شي اساسي في حياتي فوق مايتصور الواحد
الوحوسه ما احبها ابد واحب كل شي مثل ما انا مرتبه له
والورقه والقلم دايم معاي واسجل كل شي منسمه

نجي لحياتي

انا الكبيره والمسؤله عن كل شي في البيت
اقوم الصبح حول الساعه 10 وافطر واسوي قهوة ابوي واجلس انا وياااه لحد صلاة الظهر وبعدها اشوف وش راح اسوي غداء وابتدي احوس فيه ويجون اخواني من المدارس ونتغداء سوا وبعدين يروحون ينامون وانا اجلس احوس في البيت اما في المطبخ او اخلص اشغال عندي وعلى اذان المغرب اسوي قهوه وحلا ونجتمع ونتقهوا سوا وبعدها نتعشى واطلع اشوف وش ناقص للبيت اجيبه وبعدها اتفرغ لحالي شوي امااقرا او ارتب لشي ابيه والنت شغال متى مالقي وقت دخلت للقناص واحب اطلع على الاخبار احيانا

/ كيف تحس بطعم الحياه اذا منتم عايش بوسط نظام..؟ تظن
لك أهميـه بالحياه كذا..؟
ما اظن للحياه اي اهميه من نظري بدون نظااام
/ متى آخر مره صحيت ونمت وأكلت بوقت صح مثل العالم..؟
انا مثل العالم
يمكن عشان انا المسؤله الظرف تجبرني اكون نظاااميه

/ ( السؤال ذا لي ) برأيكم وش اللي صابني ليش صرت
كذا بين يوم وليلـه..:/ ياحبني لي من قبل..:/
طيب ماودكم تجربون عيشتي بالنظـام وتعيشون أشخاص نظاميين في
كل شيء في حياتكم..

جاوبت عليه في الاول

هذرت وااااجد

مغيسي حلاها
موضوعك شدني حيل

HAMZAH · 09-10-2008, 05:24 PM

هلا فيج اختي

اولا بجاوب ع الاسئله

/ أنت نظــامي وإلا لا..؟ قل الصـدق وقلنا كيف تعيش سواء
كذا وإلا كـذا..؟

انا نظامي درجه اولى ولله الحمد
لكن في الاونه الاخيره اتخلبطت بسبب ظروف امر بها حاليا غيرت مجرى روتين جدولي اليومي بالكامل

/ كيف تحس بطعم الحياه اذا منتم عايش بوسط نظام..؟ تظن
لك أهميـه بالحياه كذا..؟

النظام شي مهم طبعا
لكن في حالة اصبح وسواس لا والله ارفضه ولا مانع من المرونه في تطبيقه

اما بالنسبه للاهميه لكل شخص مرحله من حياته يحس انه فقد اهميته ولكن في النهايه وساويس

/ متى آخر مره صحيت ونمت وأكلت بوقت صح مثل العالم..؟

من رمضان ومن هديت لكويت وسافرت

/ ( السؤال ذا لي ) برأيكم وش اللي صابني ليش صرت
كذا بين يوم وليلـه..:/ ياحبني لي من قبل..:/
طيب ماودكم تجربون عيشتي بالنظـام وتعيشون أشخاص نظاميين في
كل شيء في حياتكم..؟

اولا الي صار لج مرحله وتعدي
وبتردين زي اول واحسن بعد
لا تفكرين انج تخربطتي لا لا انتي بس قرري تردين وراح تردين باذن الله

في النهايه بارك الله فيج جدولج ممتاز حقيقه
حمزه

**مرعب الحراس سامي** · 09-10-2008, 06:16 PM

أقتباس/ أنت نظــامي وإلا لا..؟ قل الصـدق وقلنا كيف تعيش سواء
كذا وإلا كـذا..؟

في بعض الاحيان اصير نظامي اذا شفت انه الدعوه تستحق النظام وإذا فيه فوضى اصير فوضاوي

ايامي خلال العطله اصحي قبل صلاه العصر اتغدى ثم اقوم اللبس ملابس الكوره

العصر اروح للعب كوره مع الشباب بعد ا لمغرب ارجع للبيت اخذ شور ثم اجلس مع الوالده اسولف انا وياها لحد ماتطفش مني

ثم اصلي العشاء واطلع لشباب اخذ معهم ساعه او اكثر بعدها ارجع للبيت اشوف شنو ناقصهم من اغراض البيت وبعدها تكيه على النت لحد الساعه 6او 7 االصباح ثم نووومه وهذا جدولي خلال العطله
اما في الايام الدراسه يختلف الوضع
انه انوم الساعه 12 او 1 بليل إذا كانت عندي محاضراه بدري لكن اذا محاضرتي العصر ماانوم اللي الفجر

<< الله يهديني

أقتباس/ كيف تحس بطعم الحياه اذا منتم عايش بوسط نظام..؟ تظن
لك أهميـه بالحياه كذا..؟

النظام حلو لكن في بعض الاحيان لابد من الفوضى

والنظام ينطبق على ناس وعلى ناس ماينطبق

أقتباس/ متى آخر مره صحيت ونمت وأكلت بوقت صح مثل العالم..؟

ماني متذكر

أقتباسطيب ماودكم تجربون عيشتي بالنظـام وتعيشون أشخاص نظاميين في
كل شيء في حياتكم..؟

ودنا لكن من الصعب انه من يوم وليله يتغير كل شي يعني لابد من الفوضه CC

حــ سعودي ــلاها
موضوع في قمه الروعه

**ملك روحي** · 09-10-2008, 06:23 PM

حلاها سعودي
مساء البنفسج

طله غير
منورتنا

موضوعك على الجرح وربي

كثير تعبت من نوم النهار وسهر الليل
حاسه بـ أرق وأرهااق

المشكله ماني قادره اعدل جدولي

تدرين طوال الصيف جدولي كذا

حتى برمضان ماتغير كثير

نفس حالتك صرت ماقابل العالم
الكل زعلان مني

بعدين تطور الزعل الى حقد

وفعلا الشي الوحيد الحلو
بـ الدوامات هو النظام

تنامين مع اهلك وتصحين معهم

نومك مرتب
حياتك منظمه

حلاها سعودي
ولاتضيقين صدرك
يومين وبيجيك النظام لحد عندك

تعالي دايم هون
مثبت

متوحشهـ · 09-10-2008, 10:14 PM

اهلين بي بي
ماتعدل نظامك الى الان :(

كلنا اعوذ بالله كذا صرنا ننام وقت الصحوه ونصحي وقت
النوم وعلى هالحاله الله لايبلانا
بس اشو ليت الجامعه تجي ترتب نومنا واكلنا وعلى الاقل
هالراس اللي ذبحنا تعب وارهاق يخف الوجع منه :/

عاد انتي بي بي الله يعينك على نفسك لانك مصريه بنظامك
ومنتي متعوده على هالحوسه ابد ماشاء الله عليتس بس حنا
هذا حالنا بالعطل

أقتباس
/ أنت نظــامي وإلا لا..؟ قل الصـدق وقلنا كيف تعيش سواء
كذا وإلا كـذا..؟

لا تعرفينن بس بالدوام غصب علي اصير نظاميه غيررروه لاوالله
اكل ونوم ونت بس على هالمزاج

أقتباس
/ كيف تحس بطعم الحياه اذا منتم عايش بوسط نظام..؟ تظن
لك أهميـه بالحياه كذا..؟

ياربي استغفرالله عادي ماحس اني بي بلاء

انتي متعوده على النظام علشان كذا تشوفين اننا محنا عايشين
وبيني وبينك ابوي دايم يقول وش فرقتس عن الجدار؟

أقتباس
/ متى آخر مره صحيت ونمت وأكلت بوقت صح مثل العالم..؟

اخر مره شفتيني بالجامعه وهو اخر يوم من الدوام هو اخر يوم
تغديت فيه مع اهلي :(

أقتباس
طيب ماودكم تجربون عيشتي بالنظـام وتعيشون أشخاص نظاميين في
كل شيء في حياتكم..؟

ودي ياحيي بس ماش عجزت تبينن اصير مثل نظامتس؟
مستحيل اصلا ماعندي احد يشجعن اعيش بنظام :(

بي بي ماني قايلتن لتس حلاها ماحبه ياملي
ابي بي بي احسن

ياعل هالايدين ماتمسهن النار
نشوفتس عقب اسبوع

09-10-2008, 08:31 AM	#1
حــ سعودي ــلاها . . : زعيم القناصين : . .	.. على وزن شـر النفـوس ..نحـن نعيش ( شـر الطقــوس )..! صبــاح الـخيـر والآحساس والطيبـه..~ صبـاح مايليق إلا فيكم.. مدخــل: {صبــاح يمحـو الآحـزان.. ... أشعـه شمس تبـث حيـاه جديدهـ .. ملل..شيء غير طبيعي.. كسـل..خمول..قل نــوم.. من الاخيــر : ( أفتقــد النظام في هاليومين ).. أنا وأعوذ بالله من كلمه أنا من عشاق النظام وأعتقد بل ومتأكده بأني لو أفتقد النظام شهرين سأمـوت,, تعـودت مثلاً أصحى الصبـاح أتحمم وأشرب قهوه وأطلع الجامعه اذا عندي محاضره بدري وبعد ماأرجع من الجامعه اذا طلعت الظهر أتغدى أنام وأصحى العصـر أو قريب المغرب مثلاً وأجلس مع أهلي أو أطلع اذا عندي مشـوار أرجع عقب صلاه العشاء أجلس على النت أو أتابع مباراه للهلال أو أذاكر اذا عندي شيء وعلى الساعه 9 تقريباً أتعشــى ومع أمي وأهلي والنت ومقالاتي لين12 وقبل أنام أمسك لي كتاب أقراه لين أنـااااااام.. وهكذا أصحى بدري من بكرا وعلى هالمـوال.. طبعاً بينها الصـلوات ماأنســاها بس ماحبيت أذكرها لانها مسلم فيها بدون ذكر آن شاء الله.. هـذا طبعاً جدولي بشكل عـام وأكيد يتغير اذا فيه أختبارات أو ظروف أو غيره بس بشكل عـام النظام شيء مهم في حيـاتي.. في الجامعـه برضـو وفي العمل وحتى في النت النظام شيء مهم في حياتي كذا ماحب شيء بدون نظـام لأني أشوف النظام مثل البيت اللي يضم كل شيء في حياتك.. بس من تالي تغيـر شيء عندي وخصـوصاً بعـد رمضـان..:/ صرت ماأصحى إلا عقب المغرب وماأنام إلا الضحـى يعني مر علي أسبـوع تصوروا ماشفت الظهر .. : \| ولاحتى تغديــت مع خوالي في هالأيام الحلــوه..:/ ولاجلست معهم الجلسـه العائليـه في العصــر..:/ صـرت أنام وأصحى أأكل وأجلس على النت وأرجع أنام وهكذا حتى صار مالي خلق أجلس مع أحد أو أتابع شيء..:/ مباراه الهلال ونجـران ماشفتـها :/ مع أني مستحيل تمر مباراه للهلال وماشوفها وأنا أقدر أشوفهـا..:( صـار في غـداء عند خوالي وكواجب أجتماعي المفروض أني صحيت ونزلت ولاصحيت ولانزلت ولاشيء نوم × نوم .. حتى الكتب اللي هي عشقي أمسك الكتاب أقرأ صفحتين وأرميـه.. طيب والحــل..؟ الحـل ( النظــام ) ولاغيـره..! أنا متأكده 100% أن السبب في كل ذا أني كارهه العيشـه ذي.. ماحب هالعيشه نوم الصدفه وأكل الصدفه وجلسه الصدفـه.. بس مادري كيف عشتـها وعجزت أغيرها وأتأقلم معها.. المهم أني أبي نظامي ذاك الأولي :( أبي أنام وقت مالله سبحانه وتعالى أمرنا بالنوم ووقت مالجسم يكون فعلاً محتاج للنـوم وأبي أكل مع أمي وأبوي وأخواني وأبي أجلس العصـر مع العالم وأبي أشوف التفي وأقرأ كتب وأرجع لحياتي صح..:( تصـدقون اذا قلت لكم أني أنمرضت نفسياً والسبب ذا العيشـه..؟ أحس أني ماأقدر أكل ولاأقدر أنام ولاأقدر حتى أناظر للناس..:( :( ~ الزبـده من كلامي: أن النظام شيء أساسي في حياتنا مانشعر فيه إلا لما نفقـده.. يمكن أنا أكون أكبر المتضررين من هالحاله الغريبه اللي مرت علي بس أنا أجزم أن الكل يتعب لما يعيش بدون نظـام :( بس أنا مستغربه شيء واحد دايم يقهرني.. أغلب الشعب السعودي يقولون لي نكره النظام ونحب الحريه..؟ طيب أحد قالك النظام مافيه حريـه..؟ النظام ترتيب جدوله تنسيق وقت تعيش فيه مع العالم بحريتك.. ليش ماتحبون النظام طيب وراه ماتنمرضون مثلي..؟ :( صدقوني جربوا تحطون جدول وتعيشون فيه نظام ترتبون في أوقاتكم بتلقون في وقت كبير ماكان موجود عندكم في الآساس.. النظــام فطره الله سبحانه وتعالى جعل الأرض والفلك تدور وفق نظام ودوره معينـه في السنه والشهر واليـوم وحتى في الساعه.. ~ بأختصــار: الشعب السعودي مب مايحب النظام لإنه يحب الحريه لا.. الشعب السعودي يحب يأخذ كل شيء أكثر من اللزوم وهذا شيء عدو للنظــام.. يعني يحب ينام أكثر من الوقت اللأزم ومع ذلك يصحى ماشبع نوم وذا شيء طبيعي ماحد يشبع من الراحـه.. يآخر وقت أكله ويقدمـه على حسب مزاجـه وظروفـه ولايرحم جسمه اللي تعود على نظـام معين ويتعب من الجوع أو الشبعـه .. يحب يشتغل بكيفه ويرتاح بكيفه بس الدنيا ماتجي كذا ..؟ تشتغل يوم كامل كرف كرف كرف وإلا تشتغل كل يوم بقدر معين ومضبوط أكيد بتقول الثاني نظرياً بس ماتطبقـه لأنك ترتاح أسبوع وفي يوم واحد من هالأسبوع تضغط على نفسك بكل أشغالك..:( لاحرام ياعالم كذا..:( من شخص مجرب خذوها مني أنـا جربوا النظام عيشوا لذتـه.. والله العيشه اللي أعيشها ذا اليومين ماتنطاق أبد قسم بالله أنها هلاااااااااك.. أنا شخصيه متعوده على الشغل والنظام وأحب نظامي ولاعمري كرهته بس مادري وش جاني هاليومين ومجرد ماعشت اللي هالعالم يعيشونه كرهت اليوم اللي أنولدت فيه..:/ تصـدقون أني حتى كارهه أناظر التفي ولاأبي أعيش أحس أني أقتل نفسي كذا..:/ مالومكم لو قلتوا طفش ملل زهق ياأكثر الشباب والبنات..:/ قسم بالله عقب هالعيشه اللي عشتها هاليومين مالومكم أبد أنتم تعيشون شيء عمره ماينطـاق أبد..:\| طيب جربتـوا تعيشتون النظـام..؟ لاتخلون النظام مدرسـه وجامعه ودوام وبس.. كذا بتكرهونه أكيد لإنه شيء أجباري والأنسان مايحب ينجبر على شيء في طبيعته في عيشـوه كرغبه في العيش صح.. عش النظام في أكلك ونومك وزياراتك وعملك ودارستك قسم بالله تذوق طعم الحياه صح.. كذا أنتم محروميــن..:/ \|\| \|\| بتقـول لي صعـب.. ماأقدر.. مرتاح كذا.. ماأحب أغير.. طبيعتـي..شيء خيالي.. لاأنت خل عندك أراده طـور ذاتك ترى بدايه تطوير الذات هو أنك تعيش صح تبني ذاتك على قاعده صح ومن خلال هاليومين قسم بالله أن الصح في جهه واللي عشتـه ويعيشونه معظم الشعب جهه ثانيـه.. تدرون وش المشكلـه..؟ يسألوني العالم بالمسـن وش فيك حلاها الحياه حلـوه..:\| طيب الحيـاه كيف حلـوه وأنتم أصلاً ماعشتوها صح..؟ مستغربين أني كارهه نظــام الراحـه..؟ بالله عليكم ذا نظام راحـه ذا نظام تعذيب والعيـاذ بالله.. طيب معقـوله ولاواحد منكم سآل نفسـه في يوم: ليش الملوك والوزراء والشخصيات الكبيره عايشه بنظام وتصحى بدري ولها مواعيد ودوامات وحاله ومع ذلك عايشين حياه صح..؟ طيب رجال الاعمال خلوا الملوك رجال الاعمال والمسؤولين الكبار اللي يداومون بدري ويعيشون النظام معقوله كلهم مايذوقون طعم الراحه..؟ طيب جربت تعيش مثلهم..؟ المشكله أن الشعب فاهم الراحـه غلـط..:/ تدرون ( الله يلعن اللي مفهم العالم أن الراحـه بالسيبـه ).. أنا ترى مرتاحـه ماأقول أني ماتجيني حالات يتلخبط نظام نومي لا بس عمري ماعشت اللي أنا أعيشـه الآن وهو اللي يعيشـه معظم الشعب..:\| يالله معقـوله في عالم تصبـر وتآكل وتنام بوسط هالنظــام..؟ أبسألكم بالله عليكم ماتشتـاقون لوقت العصريـه..؟ والظهريه..؟ والغداء مع أهلكم..؟ \|\| \|\| ماأقـدر أشرح بزيـاده أكثر بس اللي بقـوله قبل ماأختم.. أن الحيــاه فعلاً حلوه بس التسيـب فعلاً حيــاه بهائم أعزكم الله.. تخيلوا أنك تنام بالصدفـه..:/ وتآكل وبالصدفـه وتشوف أمك وأبوك بالصدفـه..:/ يعني والعيـاذ بالله صاروا هاللي يعيشـون النظام مثل اللي يعبدون الصدفـه..:\| كل شيء يجي بظروفـه في هالعالم أكل أو نوم أو شغل أو دارسـه مافيه شيء أسمـه مهم أبد أبد.. ياعالم أرجعـوا لصوابكم تكفى.. تراني راحمـه الحكومه تصرف مستشفيات ومدارس وجامعات على عالم يعيشون حياه مثل ذي..:/ ولإول مره أرحم الحكومـه بعد.. ~ قبـل الختــام: / أنت نظــامي وإلا لا..؟ قل الصـدق وقلنا كيف تعيش سواء كذا وإلا كـذا..؟ / كيف تحس بطعم الحياه اذا منتم عايش بوسط نظام..؟ تظن لك أهميـه بالحياه كذا..؟ / متى آخر مره صحيت ونمت وأكلت بوقت صح مثل العالم..؟ / ( السؤال ذا لي ) برأيكم وش اللي صابني ليش صرت كذا بين يوم وليلـه..:/ ياحبني لي من قبل..:/ طيب ماودكم تجربون عيشتي بالنظـام وتعيشون أشخاص نظاميين في كل شيء في حياتكم..؟ , , { مخــرج.. ضغـط العمل قاتل.. ......وكثره الراحــه سم.. ( وكان الأنســان أكثر شيء جدلاً).. حـ سعودي ـلاها.. التوقيع: . استغفر الله العلي العظيم وأتوب إليه !

09-10-2008, 08:52 AM	#2
{.. Z ـ Cــلية الجــور ~ قناص مميــز	رد: .. على وزن شـر النفـوس ..نحـن نعيش ( شـر الطقــوس )..! . يسـعد صبآحك حجزت أول رد عنآدك فيك ونتي تعرفين ليش وثآني شي أحب أكون الأول بكل شي موضوعك كـ القرصه بالنسبه لي ,, لأني من ركائز النظام لكن مجتمعنا للأسف هو الهادم <- كل تبن كبر رأسك أقتباس أنت نظــامي وإلا لا..؟ قل الصـدق وقلنا كيف تعيش سواء كذا وإلا كـذا..؟ النظام .. النظام .. النظام وما أدراك ما النظام أخبر أول أيام المتوسطه كنت في جماعه النظام وبعد حطوني رئيس النظام في عهد تلك الايام الزاهيه يآني كنت أوقف الطلاب واللي يتأخر عن الطابور الصبآحي أوديه للمدير مازن البسام أويلي يا مازن البسام .. أخاف منه أكثر من أبوي وقسم تجيني قشعرينيه منه " روبن هـود " أذا شفت ردي هذا أبيه تعقب عنه بأختصار .. وبالامآنه قد عطآك مجلس تأديبي ولا ^ طبعاً السالفه ماله دخل بس تذكرت جماعه النظام حقتي <- حقتي أجل نووخش بالعميق - والله ياحلاها أذا بغيتي الجـد فـ أنا أعشق شي أسمه النظا م يعني أقربها حزام الامان في السياره ؟ الكل يعرف أنه شي من ضروريات السلامه في القياده لكن اذا لبسته وركبو معي العيال يقومون يضحكون ويتريقون يعني بربك عالم زي ذولي كيف يعيش النظام معهم ؟ ونا عارف أني الصح وهم الغلط !! أو أذا جيت أوقف عند خطوط المشاه في الشارع عشان أسمح للواقفين بالمرور يقولون سواقتك سواقت شيبان ؟ يعني النظام أبد في مجتمعنا معدوم أذا هو عندهم ضحك وهزل !! - وتقريباً أيآم الثانويه كنت ما أمشي إلا بالدقيقه أول شي ضحيت بالنت وطلقته بالثلاث لأجل مستقبلي : ) كنت أعشق شي أسمه أوراق وأكتب على هذي وأكتب على ذيك كنت أحط نوته في جيبي وأن الموعد الفلاني عندي شغل أو طلعه وهيك شي من زود النظام عندي ههههه كنت أعلق ورا الباب حقي وأكتب أيأم الأسبوع وكل يوم وش أسوي فيها من أعمال والأعمال اللي ما خلصتها أحط لها ورق ثانيه ويلااا وكل شي أخلص أعقب عليه " بصح " وأكتب ملاحظالاتي عن كل طآري !! الوالد الله يعطيه العافيه يشغتل بـ أرامكور السعوديه !! ومتعودين عن الثآنيه يعني مب دقيقه ولاساعه !! وعكس الشي هذا على حياتنا اليوميه فـ أستفدتنا كثييير وقلايل من يعطي الوقت أهميه ,,, - بس للأسف !! حالياً كل شي عندي متلخبط !! صرت ما أوعي أي شي وحبي للنظام فقدته كثيير !! والسبب آسف مقدر أقوله !!! أقتباس / كيف تحس بطعم الحياه اذا منتم عايش بوسط نظام..؟ تظن لك أهميـه بالحياه كذا..؟ ذكريتي بقصه أخو نسيبي يقوول كان في اليابان وتعرفين اليابان أكثر وحده تحرص على النظام !! يقول أمشي بينهم زي الدلخ هههه اللي يتأخر عندهم ثآنيه مخصوم من راتبه اللي مايتبع الأرشادات الاعلانيه يخالف ويحجز وطعباً في دستور اليابان محُرم التدخين في الامكان العامه وأكتفو بنهايه كل شارع مكان مخصص للمدخنين !! ويحكي ويقوول أشياء ما تصدق العقل !! يقوول والله أني أمشي معهم وعلى الله وبله يقوول ما عرفت أعيش معهم نظامهم صعب نوم بالموعد أكل بالموعد شغل بالموعد لعب بالموعد !! ويحلف أنه الحمام بالموعد بعد !! زي هذا النظام معصي على السعوديين أن يطبق !! ض1 بس للأسف نطبق من نظام العالم أقل من 3 % من وجهه نظري !! - وبالنسبه لي أنا أذا عشت بمكان يملاه النظام يعمه الانظباط بتعود عليهم بكل أكييد !! بس لما يكون كل شي ع القانون والنظام !! هذا التعب بعينه ومن هنا يمكن الواحد يبدآ بالتخبط !! يعني أنا آخذ من التخبط حاجه ومن الانظابط حاجه !! يعني العباطه شي ملصوق فيني ض1 أقتباس/ متى آخر مره صحيت ونمت وأكلت بوقت صح مثل العالم..؟ تقربياً قبل سنتين وعليها بشوي وتحديدٍ أيام الثانويه أقتباس ( السؤال ذا لي ) برأيكم وش اللي صابني ليش صرت كذا بين يوم وليلـه..:/ ياحبني لي من قبل..:/ يمكن العامل النفسي !! أهتمامك بـ أشياء جعلتك تفقدين الأهم !! كثره الفراغ والتفكير !! الوسوسه ض1 أقتباس طيب ماودكم تجربون عيشتي بالنظـام وتعيشون أشخاص نظاميين في كل شيء في حياتكم..؟ جمعتها مع الفقره الأولى - أشكرك صراحه وأول مره أحس أني أتهاوش مع الكيبورد حقي وبعدين ليه تحطين بالعنوان شر النفوس ؟ وربي دخلت ونا مشحون مليون أول شي أبي أفضفض عن قهري من محمود وأمه ومن سيف أن ما جلدهم يوم فكو السحر عنه يلااا أنا كثير قرقر وما أنعطى وجه خخخخ آسف على الاطاله . التوقيع: اللهم أرحمنا برحمتك .. اللهم ثبتني وثبت جميع المسلمين الاحياء منهم والاموات عند السؤال .. http://www.youtube.com/watch?v=my1lrx0nmOw - التعديل الأخير تم بواسطة {.. Z ـ Cــلية الجــور ~ ; 09-10-2008 الساعة 10:07 AM

09-10-2008, 08:56 AM	#3
O X Y G E N . . : زعيم القناصين : . .	رد: .. على وزن شـر النفـوس ..نحـن نعيش ( شـر الطقــوس )..! حلاهآ سعودي موضوعك بالصميم يآبعدي وربي كلنا نعاني منه واحسني مثلك انا شخصيه ماكنت كذا ابد اللحين أصبح وقتي كله نوم ونت اهلي وهم أهلي تضايقو من هالشيء جايبين بنت ومايشوفونها بالله هذا واقع اعيشه انا حاولت كثير ارجع لنظامي وحياتي الطبيعيه ولاجدوى فيها ابد اول ماحس بتعب وقرف مثل اللي احسه هالفتره حتى اني ادخل النت مافيه شيء احيانا بس مع ذلك مااطلع ابي ارجع لوضعي الأول جلسه مع اهلي حتى صديقاتي صرت مقاطعتهم مو مثل اول الكل لاحظ هالتغير فيني .! نفسي انظم وقتي وكل شيء اعطيه حقه من الوقت عشان اسعد بحياتي صح الحياة حلوه لكن من يفهمها كووننا اخذنا طابع سلبي عليها والله ياحلاها انك ماقصرتي بسرد شر الطقوس اللي بجد عجزت اوفيك بوصف اللي اعيشه مقارب للي تعيشينه بكثير أنت نظــامي وإلا لا..؟ قل الصـدق وقلنا كيف تعيش سواء كذا وإلا كـذا..؟ قبل كنت نظاميه اللحين الله يخلف علي النظام معدوم اعيش والله بتعب إرهاق لانهايه افتقد من حولي .. جلسه .. فرحه .. طلعه والسبب عدم تنظيم وقت / كيف تحس بطعم الحياه اذا منتم عايش بوسط نظام..؟ تظن لك أهميـه بالحياه كذا..؟ ابد عدم اهميه لي مدري ليش عايشين .! بس احس لو بيكون فيه نظام بتكون اهميتي كبيره / متى آخر مره صحيت ونمت وأكلت بوقت صح مثل العالم..؟ اووووووووووووف ماتصدقين زمان حتى اني قلت يازين هاليوم ان شاءالله يعود / ( السؤال ذا لي ) برأيكم وش اللي صابني ليش صرت كذا بين يوم وليلـه..:/ ياحبني لي من قبل..:/ طيب ماودكم تجربون عيشتي بالنظـام وتعيشون أشخاص نظاميين في كل شيء في حياتكم..؟ حلاها الشيء اللي صار لك شيء معقول يصير لكل وحده فينا بس تعرفين جو الإجازه ورمضان مره مختلف وهو يقلب النظام بدون إحساس وصدقيني لو كانت فيه دراسه راح يتغير نظامك 90% لأن الدراسه تشغلك وتاخذ جزء من يومك وترجعك لنظامك شوي واللي تعانينه انا اعانيه مثلك يمكني جاوبتك ولاعرفت اجاوب نفسي ليش انا كذا او نظامي كذا لأن السبب مايبقى واحد كثير والله وان شاءالله ياحلاها ان وضعك بيرجع مثل أول بنتظام واحلى اعذريني على ردي البسيط كان بودي اكثر بس دخلته اقراء وكنت ناويه ارجع بعدين ولاقدرت موضوعك حيل جذبني وجبرني ارد عالسريع لقلبك يانقيه التوقيع: \| استودعكم الله الذي لاتضيع ودائعه ! ] ask.fm,flickr , twitter , tumblr , instagr.am

09-10-2008, 09:20 AM	#4
MeSh3aL ~ 20 . . : كبــار الكتـاب : . .	رد: .. على وزن شـر النفـوس ..نحـن نعيش ( شـر الطقــوس )..! * * هلا و غلا بـ ( حــلاهـا ) .. / موضـوع جميـل جـدا ً يحكى واقع نظامي لابد من الجميع التعايش معـاه وخصوصا ً الفتره المقبلـه .. الحيـاه من دون نظـام , كـ الأكل من دون ملـح هي تفسيرهـا ع السريع كذا , لإنك ما بتعيش طعمهـا وتتذوقهـا صح لما تكون مع الأكثريه من النـاس اللي ماشين ( على خط مستقيم ) في نظام يجمع وقت الصلـوات والوجبـات والجمعـات في وقت معيـن ومحدد , ووقت للراحـه وهو ليـلا ً .. / أنت نظــامي وإلا لا..؟ قل الصـدق وقلنا كيف تعيش سواء كذا وإلا كـذا..؟ بصراحـه , أي نظامي يمكن بس بدايه العطله كان الجدول ( متلخبط ) بس قدرت أعدلـه .. يعني نومي من الليل إلى الصباح أجلس أفطر مع الـوالد والـوالده مرات بروحنـا مرات مع اللي ( نظامين ) بالبيت .. ووقت الغداء ووقت تخليص الأشغال وأيضا ً العشاء والطلعه مع الشباب , يعني كل شئ يكون مضبوط معـاك .. / كيف تحس بطعم الحياه اذا منتم عايش بوسط نظام..؟ تظن لك أهميـه بالحياه كذا..؟ لا .. يعني وش فايـده اللي يصحى بالليل وينام الصباح طول وقته بالبيت ولا يفيد بشئ .. / متى آخر مره صحيت ونمت وأكلت بوقت صح مثل العالم..؟ اليـوم .. / ( السؤال ذا لي ) برأيكم وش اللي صابني ليش صرت كذا بين يوم وليلـه..:/ ياحبني لي من قبل..:/ طيب ماودكم تجربون عيشتي بالنظـام وتعيشون أشخاص نظاميين في كل شيء في حياتكم..؟ أممممممممم , يمكن العطله لها تأثير كبير وأكيد عشتي أو جربتي الجلسه مع ناس غير ( نظاميين ) يعني من خلال جلسه وحده جلستوا سهرتـوا نمتوا الصبـاح صحيتـوا المغرب أو بالليـل , هنا تلخبط الجـدول خلاص .. .. { حـلاهـا .. / إذا ما زلتي غير نظاميه , واصلي لبعد صلاه العشاء وجربي النظام صح .. موضوع أبطل البطليـن ..

09-10-2008, 09:28 AM	#5
سُموّ الأَميرَة ،..\|’ قلم المجلس الذهبي	رد: .. على وزن شـر النفـوس ..نحـن نعيش ( شـر الطقــوس )..! * * حــلاها انتي امي قايلتلك شيء عني!! قسم بالله جبتي الموضوع عالصميم .. ورب البيت عيشتي بتذبحني ... امي طفشت مني حيل حيل والمشكلة كاسرة خاطري بس احسني ادمنت على اللي انا فيه قسم بالله احس اني مب عايشة<<ايه ادري انك ميشو تخيلي رحت يجي خمس مرات المستشفى بالصيف وعندي موعد هالاسبوع<<دعواتكم وزني قبل الصيف كان 54 والاحظ الناس كل من شافني قال خير سلآمات الاخت بروفسورة !! شهالجسم !! تحطمت قلت اوزن طلع وزني 47للأسف يعني صحتي من سئ الى اسوأ للأسف.. كله من هالعيشة اللي اعيشها .. خربانه بالصيف وبغيره حتى بالجامعه.. نوم واكل ودوام بس.. والنت اخذ هالصيف بالذات حيز كبير من وقتي ولا فحياتي دخلت نت بهالكثره ماابي اطول بوصف حالتي المشينة بس ربي يعين ... بدخل بأسئلتك .. أقتباس/ أنت نظــامي وإلا لا..؟ قل الصـدق وقلنا كيف تعيش سواء كذا وإلا كـذا..؟ اوما نظامية .. نظامية وانا للحين مانمت للأسف النظام بوادي وانا بوادي ثاني خاصة هالصيف.. طبعا وصفت حالتي فوق ماابي اكرر لأني وربي شوي واصيح أقتباس/ كيف تحس بطعم الحياه اذا منتم عايش بوسط نظام..؟ تظن لك أهميـه بالحياه كذا..؟ وش اهميته وهذي عيشتي !!احس الناس تطلع تجي تروح ... وانا هذي حالتي ملل وقلة حيلة ... الحياة ابدا ابدا مالها طعم ... أقتباس/ متى آخر مره صحيت ونمت وأكلت بوقت صح مثل العالم..؟ قسم بالله ناسية متى بس اكيد من زماااااااااااااااااان أقتباس/ ( السؤال ذا لي ) برأيكم وش اللي صابني ليش صرت كذا بين يوم وليلـه..:/ ياحبني لي من قبل..:/ طيب ماودكم تجربون عيشتي بالنظـام وتعيشون أشخاص نظاميين في كل شيء في حياتكم..؟ عآد وش اللي صآبك اتمنى تكون كبوة جوآد نفس الهلال لأنه مب ازين لك هالعيشه..<<منحاسة ورب البيت ودي اجرب النظام بس محد بيخليني انظم نفسي الا الجامعه حتى مب ذاك النظام نص ونص.. حـــ سعودي ــــلاها شتبين فينا تفتحين جروح والله موضوعك على الجرح احسك دكتورة نفسانية واحد معطيك اسمي تسلم يدينك يالغلا على هيك موضوع ... بس داخلة على الله ثم عليك اذا لقيتي لك حل لاتنسيني..<<مصيبة التوقيع: وبسً خلُاصْ ! ماتًت أحلاُم الحرُووووفْ .. لا تحُاولْ ..يُاكًلامْ ! Ask

09-10-2008, 09:46 AM	#6
متيمة الهلال . . : زعيم القناصين : . .	رد: .. على وزن شـر النفـوس ..نحـن نعيش ( شـر الطقــوس )..! <-- فيس متحطــّم صبحـك ِ بالخير و الرضى و السرور ... ع الجــرح احد قالك .. جد وقت النظام غير صدق والله تحسين شسمه يجيك وقت فااااضي ماعندك شيء .. بس وقت الزحمه هيك وع .. اقسم بالله ماش وقت المشكله مافي شيء تسوينه بس هيك الساعات تمشي تمشي يضيع وقتي بالنوم وبس .. لا اكل مع هلي لا طلعات لا اشوف احد والله اقولكم ابوي اوقات مااشوفه الا صدف .. نظامي تقريبا ً يشبه نظامك .. :/ انام 10 الصبح اصحى 9 الليل .. :\| <-- لا عصر لا مغرب لا عشاء ! و آكل معهم بالعشاء <-- واوقات ماالحق عليهم .. بعدين شوف وين اروح يا نت يا تيفي يا شسمه ارجع انااام .. :/ بس ايام الدوامات قسم بالله روعه روعه روعه ... الصبح دوام الظهـر نرجع انا وهلي و ش زيننا نتغداء مع بعض .. و انا من النوع اللي ماينام العصر اجلس ع النت ساعتين هيك اقوم اتصفح الجرايد كانهم جابوا و احب اقرا شعـر من الكتب اللي عندي .. شسمه مايجي العشاء الا وانا قاضيه من اشغالي وخلاص 9.30 او 10 اكون نمت .. وناسه هيييك فاضيه والله .. أقتباس/ أنت نظــامي وإلا لا..؟ قل الصـدق وقلنا كيف تعيش سواء كذا وإلا كـذا..؟ الحمد لله انتمي للنظاميين .. قلت فوق وعاد شوفي الفرق بس .. أقتباس/ كيف تحس بطعم الحياه اذا منتم عايش بوسط نظام..؟ تظن لك أهميـه بالحياه كذا..؟ وش حياته تخيلي بس طول الوقت نوم نووم نوووم وين الحياه بالله بالنووم !! لا طبعا ً ماش حياه بدون نظام حتى لو قالوا تعوّدنا وصار عادي بس تحسين طول الوقت مزحومين الوقت يمشي يمشي يمشي على غير سنع .. !! عكس المنظمين يقضون اشغالهم و كل شيء ويحسون للحين فيه فراغ وقتها للتسليه هيك الناس الصــح .. لنفسك عليك حق مو تهلكها وارهاق وهيك والله حراام .. المشكله لو الفوضويين يجربون النظام كان حنــّا وهم بخير .. أقتباس/ متى آخر مره صحيت ونمت وأكلت بوقت صح مثل العالم..؟ آخـر يوم بالدوامات شهـر 6 .. جد والله رمضان لخبط ابوحياتي اصحى بس اوقات الصلاه والباقي نايمه ! ماحسيت به مثل كل مره .. الله يعوده والعيد عيّدنا اصلا ً .. ؟! ماشفت عمامي الا مره بس اول يوم والباقي سحبات ان شاء الله افي بوعدي واروح لهم .. أقتباسبرأيكم وش اللي صابني ليش صرت كذا بين يوم وليلـه..:/ ياحبني لي من قبل..:/ طيب ماودكم تجربون عيشتي بالنظـام وتعيشون أشخاص نظاميين في كل شيء في حياتكم..؟ لأن جسمك و نفسيتك توّدت على نظام معيّن و مرتب فجـاءه انقلب الوضع انتي ما استحملتي وعشان هيك تحسين بإرهاق و تعب نفسي .. بس ماعليك ان شاء الله مايجي السبت الا كل الامور زااابطه .. حــلاها .. تدرين لو انه انمسح من جديد كان رديت بمشكوره .. <-- تنسيق عشان جد موضوع حلوو و ع الجـرح واعتقد كلنا عانينا هالشيء تسلم دياتك يا عسل هي إلك خذيها جنب كوب القهوه <-- آووت التوقيع: : Has a space inside me Not owned by one ! .................................... :

09-10-2008, 10:07 AM	#7
فريد زماني مطرود من الملعب	رد: .. على وزن شـر النفـوس ..نحـن نعيش ( شـر الطقــوس )..! : .. ( الحياه حلوه بس نفهمها ) أقتباس/ أنت نظــامي وإلا لا..؟ قل الصـدق وقلنا كيف تعيش سواء كذا وإلا كـذا..؟ لا و الله حاليا مو نظامي .. بس جربت النظام في الحياه و بصراحه ما فيه أحلىآ من النظام .. أقتباس/ كيف تحس بطعم الحياه اذا منتم عايش بوسط نظام..؟ تظن لك أهميـه بالحياه كذا..؟ لا و الله أحس إني علىآ هامش الحياه أقتباس/ متى آخر مره صحيت ونمت وأكلت بوقت صح مثل العالم..؟ في الأيـآم الأخيره هذي عشان انظم نومي للكليه .. حلاها سعودي تشكرات علىآ هذا الإبداع في الطرح سي يو

09-10-2008, 10:17 AM	#8
p r i d e . . : زعيـــم قناصيـــن : . .	رد: .. على وزن شـر النفـوس ..نحـن نعيش ( شـر الطقــوس )..! حلاها طرحتى الموضوع بوقته والله تذكرينى بكلامك عن النظام واهميته بالوالده تهاوشنى على طريقه نومى ، موعاجبتها تقول مبحياه ذى نوم ونت حتى الناس متقابيلنهم بس كنت اطفش كثير بس ذا كله عشان احس بطعم الاجازه واكسر حاجز نظام الدراسه .... لايكثر كلامى اجاوبتس على اسئلتك سلمك الله أقتباس/ أنت نظــامي وإلا لا..؟ قل الصـدق وقلنا كيف تعيش سواء كذا وإلا كـذا..؟ لا والله ماعندى نظام ،يعنى على حسب مزاجى بحكم انى مزاجيه الطبع وبما انى تونى انهيت مسيرتى التعليميه ولله الحمد غيرت طريقه نومى الى في لاجازه صرت انام في العصر وطبعا اقوم اوقات الصلاه واصحصح على الساعه 10 ليلاً بتوقيت السعوديه احلفي انك بالسعوديه واجلس الى العصر الثانى ،يعنى بذا النوم اول مره في حياتى اسويه بس عشان احس بالاجازه الامنتهيه يحزنون الطلاب والطالبات الله يقويكم على الدوام السبت ان شاء الله مستعدين :: داخله عرض بس اقهرهم شوي يداومون وانا فاضيه أقتباس/ كيف تحس بطعم الحياه اذا منتم عايش بوسط نظام..؟ تظن لك أهميـه بالحياه كذا..؟ والله مللل وطفش وكثير احس انى بلا اهميه من زمان انتظر لحظه تخرجى عشان مااروح الجامعه لكن الحين اتمنى ارجع ادرس صح انى تونى خريجه ومامضى على التخرج الا اربعه شهور لكن قسم بالله طفش أقتباس/ متى آخر مره صحيت ونمت وأكلت بوقت صح مثل العالم..؟ ماافتكر لكن قريب اعتقد حلاهــــــــ ــــا شكر لك تقبلى مرورى

09-10-2008, 11:56 AM	#9
تــرف ! قناص مميــز	رد: .. على وزن شـر النفـوس ..نحـن نعيش ( شـر الطقــوس )..! حلاها،،، والله موضوعك يجذب ولااااااابد من التعمق فيه بس إعذريني أنا جيت على عجالة عشان أسجل إعجااابي بموضوعك وقلمك ،،، ولي رجعة مع نشرة مفصلة إن شاء الله،،، عوااااااااافي،، والله إنك خطييييييييييييرة يا..{نظامية... لي رجعة بإذن الله،،،

09-10-2008, 02:36 PM	#10
هلال وافتخر قناص جديد	رد: .. على وزن شـر النفـوس ..نحـن نعيش ( شـر الطقــوس )..! انا ماعندي نضام والله مدري اشلون اعيش التوقيع: coffe-20@hotmail.com مدري كيف ارضيك

09-10-2008, 03:46 PM	#11
الشرقيه قلم المجلس النشيط	رد: .. على وزن شـر النفـوس ..نحـن نعيش ( شـر الطقــوس )..! اول شي موضوع حلو مثلكCC / أنت نظــامي وإلا لا..؟ قل الصـدق وقلنا كيف تعيش سواء كذا وإلا كـذا..؟ انا بصراحه من عشااااق النظام حتى في البيت والبيت اللي مافيه نظام فيه فتور في علاقتهم مع بعض.. النظام شي اساسي في حياتي فوق مايتصور الواحد الوحوسه ما احبها ابد واحب كل شي مثل ما انا مرتبه له والورقه والقلم دايم معاي واسجل كل شي منسمه نجي لحياتي انا الكبيره والمسؤله عن كل شي في البيت اقوم الصبح حول الساعه 10 وافطر واسوي قهوة ابوي واجلس انا وياااه لحد صلاة الظهر وبعدها اشوف وش راح اسوي غداء وابتدي احوس فيه ويجون اخواني من المدارس ونتغداء سوا وبعدين يروحون ينامون وانا اجلس احوس في البيت اما في المطبخ او اخلص اشغال عندي وعلى اذان المغرب اسوي قهوه وحلا ونجتمع ونتقهوا سوا وبعدها نتعشى واطلع اشوف وش ناقص للبيت اجيبه وبعدها اتفرغ لحالي شوي امااقرا او ارتب لشي ابيه والنت شغال متى مالقي وقت دخلت للقناص واحب اطلع على الاخبار احيانا / كيف تحس بطعم الحياه اذا منتم عايش بوسط نظام..؟ تظن لك أهميـه بالحياه كذا..؟ ما اظن للحياه اي اهميه من نظري بدون نظااام / متى آخر مره صحيت ونمت وأكلت بوقت صح مثل العالم..؟ انا مثل العالم يمكن عشان انا المسؤله الظرف تجبرني اكون نظاااميه / ( السؤال ذا لي ) برأيكم وش اللي صابني ليش صرت كذا بين يوم وليلـه..:/ ياحبني لي من قبل..:/ طيب ماودكم تجربون عيشتي بالنظـام وتعيشون أشخاص نظاميين في كل شيء في حياتكم.. جاوبت عليه في الاول هذرت وااااجد مغيسي حلاها موضوعك شدني حيل

09-10-2008, 05:24 PM	#12
HAMZAH قلم واعد	رد: .. على وزن شـر النفـوس ..نحـن نعيش ( شـر الطقــوس )..! هلا فيج اختي اولا بجاوب ع الاسئله / أنت نظــامي وإلا لا..؟ قل الصـدق وقلنا كيف تعيش سواء كذا وإلا كـذا..؟ انا نظامي درجه اولى ولله الحمد لكن في الاونه الاخيره اتخلبطت بسبب ظروف امر بها حاليا غيرت مجرى روتين جدولي اليومي بالكامل / كيف تحس بطعم الحياه اذا منتم عايش بوسط نظام..؟ تظن لك أهميـه بالحياه كذا..؟ النظام شي مهم طبعا لكن في حالة اصبح وسواس لا والله ارفضه ولا مانع من المرونه في تطبيقه اما بالنسبه للاهميه لكل شخص مرحله من حياته يحس انه فقد اهميته ولكن في النهايه وساويس / متى آخر مره صحيت ونمت وأكلت بوقت صح مثل العالم..؟ من رمضان ومن هديت لكويت وسافرت / ( السؤال ذا لي ) برأيكم وش اللي صابني ليش صرت كذا بين يوم وليلـه..:/ ياحبني لي من قبل..:/ طيب ماودكم تجربون عيشتي بالنظـام وتعيشون أشخاص نظاميين في كل شيء في حياتكم..؟ اولا الي صار لج مرحله وتعدي وبتردين زي اول واحسن بعد لا تفكرين انج تخربطتي لا لا انتي بس قرري تردين وراح تردين باذن الله في النهايه بارك الله فيج جدولج ممتاز حقيقه حمزه التوقيع: . . حتى لا اكون مختلف

09-10-2008, 06:16 PM	#13
مرعب الحراس سامي مشرف قسم الرياضه السعودية والمركز الاول في قروبات المملكه	رد: .. على وزن شـر النفـوس ..نحـن نعيش ( شـر الطقــوس )..! أقتباس/ أنت نظــامي وإلا لا..؟ قل الصـدق وقلنا كيف تعيش سواء كذا وإلا كـذا..؟ في بعض الاحيان اصير نظامي اذا شفت انه الدعوه تستحق النظام وإذا فيه فوضى اصير فوضاوي ايامي خلال العطله اصحي قبل صلاه العصر اتغدى ثم اقوم اللبس ملابس الكوره العصر اروح للعب كوره مع الشباب بعد ا لمغرب ارجع للبيت اخذ شور ثم اجلس مع الوالده اسولف انا وياها لحد ماتطفش مني ثم اصلي العشاء واطلع لشباب اخذ معهم ساعه او اكثر بعدها ارجع للبيت اشوف شنو ناقصهم من اغراض البيت وبعدها تكيه على النت لحد الساعه 6او 7 االصباح ثم نووومه وهذا جدولي خلال العطله اما في الايام الدراسه يختلف الوضع انه انوم الساعه 12 او 1 بليل إذا كانت عندي محاضراه بدري لكن اذا محاضرتي العصر ماانوم اللي الفجر << الله يهديني أقتباس/ كيف تحس بطعم الحياه اذا منتم عايش بوسط نظام..؟ تظن لك أهميـه بالحياه كذا..؟ النظام حلو لكن في بعض الاحيان لابد من الفوضى والنظام ينطبق على ناس وعلى ناس ماينطبق أقتباس/ متى آخر مره صحيت ونمت وأكلت بوقت صح مثل العالم..؟ ماني متذكر أقتباسطيب ماودكم تجربون عيشتي بالنظـام وتعيشون أشخاص نظاميين في كل شيء في حياتكم..؟ ودنا لكن من الصعب انه من يوم وليله يتغير كل شي يعني لابد من الفوضه CC حــ سعودي ــلاها موضوع في قمه الروعه

09-10-2008, 06:23 PM	#14
ملك روحي . . : زعيم القناصين : . .	رد: .. على وزن شـر النفـوس ..نحـن نعيش ( شـر الطقــوس )..! حلاها سعودي مساء البنفسج طله غير منورتنا موضوعك على الجرح وربي كثير تعبت من نوم النهار وسهر الليل حاسه بـ أرق وأرهااق المشكله ماني قادره اعدل جدولي تدرين طوال الصيف جدولي كذا حتى برمضان ماتغير كثير نفس حالتك صرت ماقابل العالم الكل زعلان مني بعدين تطور الزعل الى حقد وفعلا الشي الوحيد الحلو بـ الدوامات هو النظام تنامين مع اهلك وتصحين معهم نومك مرتب حياتك منظمه حلاها سعودي ولاتضيقين صدرك يومين وبيجيك النظام لحد عندك تعالي دايم هون مثبت التوقيع: - التعديل الأخير تم بواسطة ملك روحي ; 09-10-2008 الساعة 06:55 PM

09-10-2008, 10:14 PM	#15
متوحشهـ قناص جديد	رد: .. على وزن شـر النفـوس ..نحـن نعيش ( شـر الطقــوس )..! اهلين بي بي ماتعدل نظامك الى الان :( كلنا اعوذ بالله كذا صرنا ننام وقت الصحوه ونصحي وقت النوم وعلى هالحاله الله لايبلانا بس اشو ليت الجامعه تجي ترتب نومنا واكلنا وعلى الاقل هالراس اللي ذبحنا تعب وارهاق يخف الوجع منه :/ عاد انتي بي بي الله يعينك على نفسك لانك مصريه بنظامك ومنتي متعوده على هالحوسه ابد ماشاء الله عليتس بس حنا هذا حالنا بالعطل أقتباس / أنت نظــامي وإلا لا..؟ قل الصـدق وقلنا كيف تعيش سواء كذا وإلا كـذا..؟ لا تعرفينن بس بالدوام غصب علي اصير نظاميه غيررروه لاوالله اكل ونوم ونت بس على هالمزاج أقتباس / كيف تحس بطعم الحياه اذا منتم عايش بوسط نظام..؟ تظن لك أهميـه بالحياه كذا..؟ ياربي استغفرالله عادي ماحس اني بي بلاء انتي متعوده على النظام علشان كذا تشوفين اننا محنا عايشين وبيني وبينك ابوي دايم يقول وش فرقتس عن الجدار؟ أقتباس / متى آخر مره صحيت ونمت وأكلت بوقت صح مثل العالم..؟ اخر مره شفتيني بالجامعه وهو اخر يوم من الدوام هو اخر يوم تغديت فيه مع اهلي :( أقتباس طيب ماودكم تجربون عيشتي بالنظـام وتعيشون أشخاص نظاميين في كل شيء في حياتكم..؟ ودي ياحيي بس ماش عجزت تبينن اصير مثل نظامتس؟ مستحيل اصلا ماعندي احد يشجعن اعيش بنظام :( بي بي ماني قايلتن لتس حلاها ماحبه ياملي ابي بي بي احسن ياعل هالايدين ماتمسهن النار نشوفتس عقب اسبوع