اولا اشكرج روز على الطرح المميز
والغرض السامي من وراءه

بالنسبه لي وبكل امانه
اول ما تعرفت على النت كنت استخدمه في بحوثي ونادر ماكنت ادخل منتديات
لكن بعد ما اجتزنا الدراسه ولله الحمد
اتفرغنا للمنتديات


وعندي شغله بقولها
بعض الناس يعتقد ان النت شيئ منفصل عن المجتمع باعرافه وتقاليده واطباعه
وانا من هالمنبر اقول ان النت والمنتديات بالذات تشكل مجتمع ذو خصائص معينه
الغلط فيه غلط غلط والصح صح
ولا يسمح او نسمح باي تجاوز فيه لانه وطن بلا حدود علينا مراعاته ومراعات الاذواق التي ترده
فهو ليس ملك لنا وحدنا
بل هو شامل عام



اتمنه اني ماطولت
اخوكم حمزه

انا اول بداياتي في الكمبيوتر ما كنت اعرف شي بس اغير صور سطح المكتب

لكن بعدها تطورت بشوي وصرت ادخل الرسام

وبعدها دخلت عالم النت ويا له من عالم

كنتب ادخل الدردشه بس اوقات بسيطه وبعدها ما صرت احبها مره ومن اسمها كمان

ودخلت منتديات وتعرف على اعضاء زي العسل

وانا ما قد استفد ت من النت الا يوم المدارس طلبونا تعابير ودخلت النت واخذت تعبير

وعطتنيا الابله درجه كامله

لكن النت اللحين اهم شي في حياتي

اقوم واقعد عليه احبه مرررررررررررررررره

بكل صراحه ما قرأت الموضوع كامل بس عرفت المطلوب من اول كلمه <<

المهم انا واحد بدأ مشوار الالف ميل بخطوه <<

كنت اشغل الجهاز وطبعاً كان الاتصال دايل اب يعني اذا كنت ابي افتح قوقل اجلس ثلاثه ايام بلياليها << يسمع بالمبالغه

طبعاً كان شغلي الشاغل هو وشلون اجمع كل اغاني عبادي و انسخها على سي دي يعني كان اهتمامي غبي نسبياً

المهم استمريت وفي يوم من الايام كنت جالس مع احد الاخوان وطلع جواله وقال شوف هذا يشبه ياسر القحطاني ولا لا

وانقلب هذا السؤال الى تحدي و ما انكر ان التحدي كان على فلوس

فدخلت انا و هذا الشخص للمنتدى وبالاخص لقسم صور وفيديو القناص

وبصراحه اعجبني المنتدى وسجلت فيه و شاركت و كانت مشاركاتي كل ابوها مشكور - عوافي - لاهنت

وبعد كذا تعلمنا من اعضاء كبار طريقة التحدث في المنتديات و بعد كذا كرفت على وجهي في هالمنتدى

وبعد كذا اتجهت لمجال ثاني و اقل ما يقال انه مجال نصب

وبعدين حنيت لمنتدى القناص ورجعت وشوفني قدامك اكتب لك قصة حياتي

طبعاً كان فيه شات لمنتدى القناص وكان وناسه ولكن اختفى مع الاسف

على كل حال انا كتبت لك قصة حياتي و الله يصبرك علي

موفق

/...


بصرآحه بدايتي في النت كبداية أي مواطن سعودي

طـفه غير طبيعيه انام واحلم فيه .. أقوم وأهرج فيه .. أسهى وأفكر فيه ..

آتغدى وأتعشى عليه ..

اذا طلعت برا البيت أفرفر لين أرجع !

حاله لايعلم بها الا الله ..

وأفكر وش أنزل مواضيع واذا نزلت موضوع كل شوي أطل عليه ..

أشوف من رد ومن اللي مارد ..


وبصراحه ماارتحت نفسيا .. كرهت هالحال ..

صرت ماأتقهوى ولاأجلس مع أهلي ولاأحس بالعالم من حولي ..

مات فلان .. علآن جاه ولد ..!

أبد انعزال عن العالم ..

طبعا هذي الفتره يسمونها ( فترة الطفه ) .. << اخي الفاضل ارجع لقاموس القصمان


وبعدها احد الاشخاص الغالين اللي سحبت عليه والسبه ( النت ) ..

دعى الله بصدق انه يصرف قلبي عن هذا البحر العميق ..

والحمدلله بعد ماخفت الطفه جاني كره شديد له وتركته فتره ..


والحين رجعته لكن ع خفييييف ولله الحمد ..

وماأدخله اصلا الا مشان ( المسنجر ) ..

واحيانا ادخل منتدى ياسر ولا الزعيم فقط ..


ولله الحمد رااااااااااحه فظيعه ..



اللي تندمت عليه


ضياع الوقت ..

السحبه ع الاهل والاصدقاء..

المواضيع اللي ماله داعي ..

بعض الاخطاء اللي وقعت فيها ..


والحمدلله تبنا الى ربنا عساه يقبل توبتنا من أي تجاوز في ابحارنا بهالعالم ..




شكرا ع الموضوع الرائع ..

.
.
.





.

بإختصار..

الأنترنت ماده تهلوس بالشخص يعني بصراحه الي يقعد عليه ماوده يفج منه إلا لما يدوخ من النومه

أول بداياتي كانت على أيام الكمبيوتر الكبير حتى ماعرف من وين ابطله ماأخلى ولا زر إلا ماضغطت فيه بس ماأنفتح فجئه الا صوته عالي تبطل لي ماكنت أعرف ولا شي شوي شوي اشوف فالبيت يدشون وصرت اقعد يمهم واشوفهم واذا فضيت قعد عليه وكنت أحب القصص كل قصه جديده ادشها عقب أول ذكرياتي بالانترنت سنة 2003 منتديات الجوارح الله يذكرها بالخير كانت أجمل ذكرياتي بس أكثر شي كنت ادشه الايميل بس

][ الإنترنت جزء من حياتي الخاصه ][

شكـرآ موضوع مميز

كانت بدايتي اشتغل على البرامج
واطل على المنتديات
وبالتحديد منتدى القناص يوم كان لونه اخضرر



ولى الان وانا اتصفح <<<ومتى تخلص
..............................


يعطيك العافيه

بدايتي كانت في منتدى القناص
تقول مافيه الاهالمنتدى كل مدخل افتحه
يعني معظم الوقت عليه

الين تطورت الحين

بس مايمنع اني افتحه واتصفحه لكن الى متى!!

ادخل بالموضوع

انا كنت ادخل النت بدون ايميل

وكنت ادخل القناص واقرا وقرا واقرا واقرا واقرا واقرا

وسألة كيف ارد قالي واحد سجل قلت كيف اسجل

قال ادخل المنتدا واضغط تسجيل واختار الأسم وحط ايميلك

قلتلهو قف وش الإيميل

علمني كل السالفة وسجلني بمنتدى

وحاولت اسجل بمنتدى ثاني مانفع لاأني اغلط بالإيميل


المهم تطورت وعرفت ادخل المسن

وصرت اشارك وتركت القناص رحت منتدى ثاني اعجبني

ومليت منه حسيتهم بليدين

المهم رجعت القناص وهذاكم تشوفوني


خلاص هذي سالفتي


تحياتي .,ْْ}ْْْْْ ْ ْ ْ ْ

أذكر أول مادخلت النت كنت أبحث بقوقل عن مسجات للجوال وأسنتر عليها <<أبوك يالفضاوه