مساء الورد والمسك والعنبر والجوري والكادي والياسمين والارجوان والنرجس.......
اعضاء وعضوات مشرفين ومشرفات مراقبين ومراقبات>>خلصينا

اول شي ابقولكم السالفه هذي كمقدمه......
ابوي الله يحفظه جاله جوال هديه وقرر انه يعطيه اخوي لانه مو بحاجته عاد انا ثارت الغيره الفطريه عندي>>
وقلت وش معنى انا طيب قال هذا اخوك واكبر منك ومن هالكلام............
عاد انا سويت قنعوعه ومحترمه وسمعت الكلام...
شوي ويدق ابوي على اخوي عشان يجي
اول مادق ونسمع صوت دوريات في البيت<<ويو ويو ويو
اثر اخونا في الله ناسي جواله فوق التلفزيون ومخصص نغمة الشرطه لبوي لاوبعد مسجل ابوي عنده الدوريات!!
عــــــــــأد انا بغيتها من الله
وحسيت بذيك اللحظه بونــــــــــاسه غامره وسويت البنت الباره يعني وبديت وش هذا معقوله توصل فيك ياخوي انك تسوي ببوي كذا ليش كذا ياخوي افا والله ماهقيتها بس شفت يبه شفت اللي انت تبي تعطيه هالجوال والله مايستاهل.........
حسيت ان ابوي ثار غضبوه <<منين طلعت ذي
وقال لالا هذي اخرت التربيه يعني لهدرجه انا اخوف!! هذا جزى الي يخاف على عياله ويتابعهم و يحرص عليهم و.....و....و................يصير كابوس يطلع دوريات لاوابعطيه جوال بعد والله لو اجدعه بالزباله ماعطيه اياه
هنا عاد جيت بكل ادب وؤولفه <<ساعه عشان اكتبها ترى
وقلت يابوي بدال ماتجدعه عطني اياه انفع
قال اخاف انتي تصرين مسميتني الحكومه بعد قلت افااااااااا هذا لاصرت انا ذاك الي مايتسمى >>يعني واثقه
قال خلاص انا ابدق عليك وابشوف وش اسمي وان طلع شي منا والا منا بتصيرين زي نهاية صدامّ!!
وشوي وجوالي يرن ومانسمع الا اصيل ابوبكر<<ياتاج راسي وياقلبي وياعيني ماعاش منهو يكدر خاطرك ساعه.........
ويناظر ابوي الجوال الا} تاج راسي{ يتصل بك
عــــاد اناظرابوي ماشوف الا الكشره الى الاذان وعيونه شوي ويضمني
قال بعدي والله هذي البنت والا بلاش
ماقول الا ياليت الخلفه كله بنات بس
عأد انا مسويه خجوله وبقلبي اقول هات الجوال بس خلصنا
عـــاد بالاخير عطاني الجوال وفوقه بطاقه شحن
واخوي اخذ من ابوي عقبها اللي يكفيه لين يموت
ومصائب قوم عند قوم فوائد
عـــــــــــــــــــأد اللحين ابي كل واحد منكم يقول وش مسمي ابوه وامه بالجوال؟ واغرب اسم اولقب مسميه بجواله وليش ؟وعلى دربكم ابي اساميكم بالبلوتوث؟
ابداء انا " ابوي: الظاهر عقب القصه العريضه اللي فوق عرفتوه
امي:ست الحبايب
اغرب اسم:اسم خالتي "القطره"يعني القطره هذي اللي الشيبان يستخدمونه لعيونهم غالبا
وليش:لانه قصيره ودوبا زي القطره!!!
وعندي بعد:حمـــــــار الـــقايله
لان فيه واحد كان مزعجني بعز الظهر
اسمي بالبلوتوث:عاقله لفتره محدوده!!..

يالله عــــاد نبي نشوف ابداعاتكم...

ههههههههههه

الموضوع كوميديا رائعه

اما انا اسم الوالده الغاليه

واسم بلوتوثي فرشي التراب
وتره كل يوم يتغير

ههههههه
والله أخوك خطير بعد الدوريات

أنا مسميه أبوي : تاج راسي
وأمي : أغلى الحبايب
ومافيه عندي أسم غريب الحمدلله
وأسمي بالبلوتوث : البرنسيسه <<<عاد كل يوم يتغير بس هذا اللي حاليا

عوااافي خيتو ع الموضوع

^
أسمي بلوتوثي
عآشق الكرت الاحمر خخخخخ
راجعي الدستور : )

تتوقع ممنوع ياااهلالي؟

ما اظنه ممنوع....

انا بصرحه ما احب البلوتوث ابد من ربي

اما الاسماء على حسب المزاج
فيه ناس اطيرها فوق وتنبسط اذا شافت اسمها
وناس احطمها في الاسماء

ميغسي على الموضوع

اسمك تلاقيه بالكرت الاحمر