اسعد الله ايامكم بكل خير ، وصبحكم الله بالخير ومسيكم بالخير
...][][ حركات الاحماء ][][ ...
في يوم من الأيام صحيت كالعاده قبل صلاة العصر وتغديت وجبت الشاي للوالد وما فيه الا قووووه قرقعة بيالات المهم الوالد جاه اتصال مفاجئ من عامل المزرعه يقول ان (( مدري وش يسمونها ذي )) احنا نقول لها دينمو المويه ، يقول العامل انها طاحت في البير قرر الوالد انه يروح للمزرعه لـ يشاهد الحدث بام عينيه ، عطاني المفتاح اروح اغير زيت السياره وما خلصت من اغراض السياره الا مع اذان المغرب ، رجعت للبيت واخذت الوالد وصلينا في محطة النجمه اكيد معروفه اللي قبل القديه واصلانا السير مروراً بـ ضرما ومرات الطامه الكبرى بعد محافظة مرات الطريق بالعربي طريق مقطعه كله لفات وطلعات ويمينك ويسارك نفوووووود ومشينا ومشينا وكان الخوف بدا يداعب قلبي كل شوي يشتغل نور من جنب الخط يا ولد وش السالفه مدري هم جن او انهم قطاعين طرق وفي الاخير كانت الطامه الكبرى ، بينما انا اهم باخذ عزم للسياره لان قدامنا طلعه اول ما طلعتها الا وقدامي سيارتين ومطفين الانوار وكان واحد ع يمين الخط والثاني ع يسار الخط قربت منهم وانا امشي 100 طلع علي الاول وكاد ان يصدمني وتجاوزته وطلع لي الثاني وبـ فاصل مهاري ولا اروع كـ فن رونالدينو تجاوزتهم وكنت افكر اني خلاص سلمت منهم واشغل النور العالي الا والنور ينعكس ع الخط <<<<<<< الطريق كله زيت عشان اذا سحبت فرامل اروح ملح الصراحه بغيت اروح وطي لولا صيحة ابوي (( شيل رجلك عن الابنص ولا تلمس فرامل )) المهم عدت ع خير بغيت ارجع لهم ادوس بحوض بطونهم بس الوالد حلف علي ما اجيهم ، استمريت ع الخط وزدت السرعه لـ 140 وطول الطريق كبس يمين وكبس يسار ، يا ولد وش السالفه ، التفت علي الوالد وقال اقر المعوذات وانا ابوك
<<<<<< محمد راح ملح <<<<<< محمد راح شوربة دجاج <<<<<< محمد اصابته رجفه قويه <<<<<< محمد يقول في نفسه لا ابوها لا بو كلب هالمزرعه
واقرا المعوذات واجي باقرا آيت الكرسي وربي من قوة الخوووف ما قدرت اكملها وصلنا للمزرعه حدود الساعه ( 9.30 ) وعلى طوول الوالد سحب فراشه وناااااام ، محمد قعد يسب نفسه (( وفي رواية يشتمها )) دقت الساعه 12 وانا ما نمت ، وكان موجة الخوف التي اجتاحتني خفت واخذت لي غفوه الين الساعه 3 الفجر وع طول صحيت الوالد قلت (( يبه اذن المسجد )) الوالد ما شاء الله عليه طالع علي ذكي مثلي قام من النوم وداري اني بالع ام العافيه وافطرنا وجلسنا نتقهوي ونتمشى في ارجاء المزرعه المشؤومه << كلها نخلتين وشجرتين برتقال ومدري كم شجرة عنب وتسميها مزرعه <<<< الاخيره شطحه ترا
المهم كانت ذيك الليله من اسوئ ليالي عمري ، ورب البيت خووووف موب طبيعي واذا كنتم تعرفون نفود السر بتعذروني كلها جن وقطاعين طرق
^^^^^^^^^^^^^^^^ شرايكم في المقدمه بس ، والله ظلم اذا ما دخلت موسوعة اغسطس << ع قوله واحد من الشباب
وحثنا ديننا الاسلامي على عدم الخوف من الجن ، وذكر لنا ما نقي به انفسنا من شرورهم .
دعاء الاستعاذه من الجن <<<< انصحكم تحفظوه في جوالاتكم
( اعوذ بالله من الشيطان الرجيم ، بسم الله الرحمن الرحيم ، رب اعوذ بك من همزات الشياطين ، واعوذ بك رب ان يحضرون ، اللهم اني اعوذ بك من الهم والحزن ، ، واعوذ بك من العجز والكسل ، واعوذ بك من الجبن والبخل ، واعوذ بك من غلبة الدين وقهر الرجال ، اللهم اني اعوذ بك من الفقر والعيّلة ، واعوذ بك من كل بلية ، اللهم اني اعوذ بك من الفقر الا اليك ، ومن الذل الا لك ، ومن الخوف الا منك ، واعوذ بك ان اقول زورا ، او اغشى فجورا ، او اكون بك مغرورا ، واعوذ بك من عضال الداء ، وخيبة الرجاء ، وشماتة الاعداء ، وزوال النعمة ، وفجأة النقمة ، اللهم اني اعوذ بك من شر الخلق وهم الرزق وسوء الخلق ، آمين آمين يا ارحم الراحمين . )
بالاضافة للمعوذتين و اية الكرسي ترديد الاذان
...][][ انتهاء الشوط الاول ][][...
فاصل إعلاني بين الشوطين
صور اشك في صحتها
الصوره الاولى << تبي الصور اضغط ع الرابط تراي ما اجبر احد ابد ابد
اكثر صوره انتشرت في النت على انها صورة جني لكن طلعت مو حقيقيه اضغط ع الارقام ( 1 ، 2) رقم واحد اهي اللي انتشرت ، ورقم اثنين الاثبات على انها دميه
مقاطع الفيديو << اضغطوا ع الرابط بعد
يقال بانه جني عند جسر الجمرات ثيابه قديمه كانها ثياب ابو دولامه
جني في قصر افراح
جني متجه إلى سيارة تحترق
جني في البر
... ][][ بداية الشوط الثاني ][][ ...
بـ اسرد بعض القصص اللي سمعت بها
[][][] القصه الاولى
شايب اعمى وولده كانوا في البر وضيعوا الطريق وكانوا في ليل ، وهو يمشي شاف له خياااااااام كثيره راح لها ووقف عندهم ونزلوا بيتقهوون عندهم الولد شاف عيونهم بالطول [ موب بالعرض مثلنا ] كلم ابوه قال يبه يالله بنمشي قال ابوه لا اجلس <<<<< الشايب اعجبته القهوه قام الولد وراح للسياره وقفل الابواب وجلس يطالعهم ويجيه واحد منهم يطق عليه الباب ورفض الولد يفتح له الجني قعد يضحك ورجع يجلس وتعشى الشايب ونادى ولده وراحوا وقال الولد لـ ابوه عن القصه وما صدقه اليوم اللي بعده كلم الولد اخوه وقال له كل الفتاصيل وكذبه اخوه بعد ركبوا السياره بيتأكدون من سالفة الجن راحوا لمكانهم امس وما حصلوا شي .
[][][] القصه الثانيه :
مجموعه رايحين للربع الخالي يصيدون ارانب هما 4 على سيارتين ، راعي الشاص صاد له 3 ارانب ورجع لـ اخوياه وقال لخويه الثاني اي وحده نذبحها الحين ردت الارنب قالت اذبحهم كلهم الا انا ، <<<<< وش بيكون موقفك لو كنت مكانهم
[][][] القصه الثالثه :
قالي عنها واحد من اقاربي وهي حاصله لهم
كل ما نزلوا في بيت يحوسهم جني عيشهم في عذاب ، حياتهم انقلبت فوق تحت ، قرروا انهم يطلعون من البيت ، راحوا للبيت الثاني وهو معاهم اذا ناموا يروح للمطبخ ويكب صابون التايد في السكر وكل شي يلعب فيه اذا صحوا من النوم وطلعوا من غرفهم يروح لغرفهم ويوسخها بكل انواع الوساخات ابوهم يشتغل مع الشيخ ابن باز الله يرحمه وسئله وش يسوون به ؟؟ قال له الشيخ لا تطلع من البيت لانكم اذا طلعتوا لبيت ثاني بيلاحقكم ، استمروا 3شهور في البيت وهو معاهم اذا شغلوا المسجل ( قرآن ) يرجعون ويحصلون الشريط مقطع ، لحد الان الجني مسالم مع كل اللي سواه وصل الامر انه يقول لهم اذا ما زوجتوا فلان بكسر رقبته وما زوجوه وفعلاً وهو نازل مع الدرج طاح وانكسرت رقبته رجع وقال لهم اذا ما زوجتوه بذبحه ، ومن اليوم الثاني وهم مملكين له واستمر في ازعاجهم الى ان طلع مره لزوجة الرجال وقال لهم (( اطلعوا من البيت )) قالت [ نطلع من البيت اذا ذبحتك ان شاء الله ] وصار يزعجها هي لحاله من دون الباقين الى ان دخل فيها كلموا شيخ يقرا ع المسحورين ، وقعد يقرا عليها الين ما تكلم الجني وقال له الشيخ وش اسمك قال [ دينار ] قال من وين قال [ من العراق ] قال وش تبي فيها قال [ هم ذابحين ولدي الصغير ] قال له الشيخ كيف ذبحوه قال [ انهم غاسلين دورة المياه بـ مويه حاره وكان ولدي فيها ] وكان الشيخ قوي في تعامله قال له لو ما تطلع بذبحك انت و اولادك واستمر يقرا عليها اكثر من اسبوعين وكان يجيب معاه ماء زمزم وعسل وحبه سوداء وكان اذا شربها الجني يقعد يصيح [ خلاص خلاص بطلع بطلع ] واذا وقفوا من تشريبه رجع يسب ويرفض انه يطلع الى ان استمر معاه الجني اكثر من ساعه وهو يقرا عليه قال الجني [ خلاص خلاص بطلع ] قال له الشيخ يالله بسرعه قال الجني [ بطلع بس بكسر رجلها وانا طالع ] قال الشيخ والله ما تكسر رجلها وقعد يقرا عليها الين طلع ورجعت حياتهم افضل من قبل ولله الحمد . ^^^^^
القصه ورب البيت حقيقيه واللي صارت لهم من اقاربي اما القصص الباقيه فـ انا مجرد ناقل لها
نهاية الشوط الثاني
الان مع قصص طريفه حصلت لي او سمعت بها
انا ولله الحمد ما اخاف من الجن ابد ابد واللي قال لكم اني اخاف من الجن تراه صادق واذا طلعنا ايام الامطار بعد العذابين اطلع واروح مواصل عشان اول ما اصلي العشاء اناااااااام على طول يما صارت لي مواقف وياما خانوني اخوياي اذكر مره كنا طالعين لـ روضة خريم وكنا الظهر جايبين معنا دجاج للعشاء وصار الدلخ ( عزوز ) ناسي لا يحط الدجاج في حافظة الثلج وحصلتها ذايبه فقررت اني اتكرم عليهم واروح اشتري لهم دجاج ركبت السياره وشغلت ( الكلام هذا بعد صلاة المغرب ) ومعاي ولد عمي ويوم انتصفنا في الطريق الا واللي متمسك في السياره من ورا ويصيح وكان لابس فروه انا تجمدت عروقي من الخوف والله ما وقفت الا لما وصلت المحلات [ اي محلات يابو الشباب كلها خيام وتخب ] وصار عزوز الاهبل وانا ابد ابد ما سويت له شي ما سويت الا اني حلفت ما يركب معي ومشيت وخليته ويوم وصلت للعيال قلت لهم روحوا جيبوا خويكم .
القصه الثانيه
كان فيه شباب كلهم من حارة وحده وكان كل خميس يطلعون للبر ويوم من الايام طلعوا من دون ما يقولون لـ احمد ( احمد اسم مستعار ترا ) قام احمد من النوم دق على اخوياه ما احد يرد طلع وقابل واحد يعرفهم وسئله عنهم قال له انهم طلعوا للبر، فكر فكر احمد كيف ينتقم منهم واخيراً جاب الفكر اليهوديه طلع لهم ووقف السياره بعيد وراح للبير اللي قريب منهم ، ونزل كل ملابسه وجلس ورا البير الين غابت الشمس تقريباً وصار يطلع راسه ويصيح لهم وينقز فوق بسرعه ويصيح لهم (( اهم يفكرون انه من جوا البير وهو لا من برا البير )) وكل واحد منهم ركب سيارة من دون ما يشيلون اغراضهم وانحاشوا ورجعوا لبيوتهم وقابلهم احمد وسئلهم وين راحوا وقالوا انهم راحوا للبر وطلع لهم جني من البير انتهت القصه .
كثيره القصص اللي في بالي لكن والله متعيجز اكتبها كلها لكن اعيد وازيد المقدمه لازم تكون في موسوعة أغسطس لـ الشطحات الغبيه . <===# موسوعة جينس يا الدلخ
فمن مبدا انك اذا شطحت شطحه غبيه في المقدمه لابد من انك تشطح شطحه غبيه في الاخير
الختام
<<<<<<<< يفكر ان اشراف المجلس بيسوي مسابقه لـ اجمل شطحه في موضوعي واللي بيصوت لي ماني معطيه شي واللي موب مصوت لي بفك عليه جني صغير
جد عاد وش افضل شطحة اللي في البدايه ولا اللي في النهايه .
ايه نسيت اقول ان الرد الاول لـ ادارة الموقع تقول لي باي باي حميدوووووووووه عاد الرد الثاني ما اقدر اشوفه الا كـ زائر [ يرد علي ابليس ويقول ايه تستاهل قاعد تتريق علي وعلى عيالي ]
ما ودي اخلص من كتابة الموضوع احس اني مستانس وياليت كل يوم تجونا <<< هذه الشطحه برعاية شهر اغسطس
اخيراً ان غبت عن المنتدى فـ ادعوا لي
نسيت اقول لكم : ان المباره الغيت بعد ما وصلت النتيجه لـ 99-0 تدرون ليش علق وفي روايه خرب البلايستيشن
هلآآآآآآآآآ والله بـــ محمديشن <-- على وزن سلآميشن
حيّا الله بطل المغآمرات الجنيّه
أقول محمد قبل لآ أعلّق على قصتكـ بأقول لكـ نصيحه تدآعب قلبي
لآ عآد تتعود تتكلمـ بالفصحى الله يرحم وآلديكـ
أحس أنكـ كسرت أبو جد قوآعد اللغه العربيه
أقسم بالله خربت اللي سواه سيبويه كله
نجي الحين لقصتكـ
<-- تربّع وجب القهوه البنت رآعية طويله
أف أف يآ خطيييييييييير انت ... محترف سوآقه
تصدق لو أنكـ مصوّر ذآ اللقطه كآن تصير في
موسوعة أغسطس وتصير بعد من نجوم هوليود
أثركـ عصبي والله ما ينمزح معكـ
<-- يابردهآ بتنجلد
والله تبي الجد ... الله يلوم اللي يلومكـ
والله اللي جاكـ مب هيّن .... جعل مآ جآكـ تكفير لذنوبكـ
إذا ما دخلت أكبر ظلم ... خلاص بنجيب حكم أجنبي
ولا تزعل بس داخله داخله الله لا يعوق بشر
بالله سلمني على ذا اللي سماها موسوعة أغسطس
أبغى ألقى وجه شبه وآحد بس بينهم عجزت ألقى
تدري أنا مآ أخاف منهم يخسون والله يخوفوني
ما عاد الا هي أنا الشجاعه كلها
والدليل أنني مآ شفت ولآ صوره
أجل أرآنب في الربع الخالي هآهـ
تصدق أن هاذي هي اللي بتدخل موسوعة اغسطس
أحس ان الأرانب جت عندي بغرفتي ماشيه مليون
الروآيه اللي عندي تقول أنهم يصيدون ضبآن وهي الأقرب للصحه
هو عادي بس يمكن لاحظ يمكن
يغمى علي شهر !!! بس أول ما أصحى بأذبحه هو أولهم <-- ايه هيييين
وأنا أأيدكـ وأنا اتمتع بكآمل قوآي العقليه
أصير مبدأ يا شييييييييييخ
ما يمديني على اللي يمشون على المبادئ
ترآني وش حليلي ... والله بأصوت
وبأكتب تنآزل عن حضآنة الجني الصغير لكـ
تبي الجد والا ولد عمه
أيه أدري تبيه هو عارفه رآيكـ تحب الجد وتقدره لأنه رجال طيّب تنشرى خوّته <-- انتقلت العدوى
والله شطحة الأرآنب اللي بالربع الخالي ما مثلهآ
تصدق حتى أنّا ما ودنا لان حتى أنّا متسانسين بقوه
لآآآ عاد رد الزيآره ... أنت اللي لزم تجينآ المره الجايه
ما يصلح اننا دايم نجيكم بعدين تقولن وش ذولي نشبه <-- تعزيز للشطحه
تصدق حلو كذا تحس أن فيه شي مميز لأن
9 و 9 يتشآبهون ما تلاحظ !!! سبحان الله يخلق من الشبه أربعين
أيه صح بغيت أنسى باقي شي ...
(( 9 - 9 = 0 ))
بآآآآآآآآآييشن
شفته هنآ وهنآكـ <-- لزقه بقوه
يعطيكـ العافيهيشن محمديشن
موضوعكـ بطل وربي ويوسع الصدر الله يوسع صدركـ بالعآفيهيشن
تقبل مروريشن
<-- أنقلب لسآنهآ
لـإلـآـآآآآآكـــ ... <-- وحده لكـ ووحده للجني الصغير
جن وظلمة ومدري آيش ../ آنا والله شاكة فيك آنك جني ,
~> ترآهاآ مزحة
يصدمني وتجاوزته وطلع لي الثاني وبـ فاصل مهاري ولا اروع كـ فن رونالدينو تجاوزتهم وكنت افكر اني خلاص سلمت منهم واشغل النور العالي الا والنور ينعكس ع الخط <<<<<<< الطريق كله زيت عشان اذا سحبت فرامل اروح ملح
13-08-2008, 04:30 PM
.. || .. اكــشــن × اكــشــن يـا عـالـم الـجـن ..||.. في موسوعة اغسطس ..||..
رد: .. || .. اكــشــن × اكــشــن يـا عـالـم الـجـن ..||.. في موسوعة اغسطس ..||..
رد: .. || .. اكــشــن × اكــشــن يـا عـالـم الـجـن ..||.. في موسوعة اغسطس ..||..
)) احنا نقول لها دينمو المويه ، يقول العامل انها طاحت في البير 
قرر الوالد انه يروح للمزرعه لـ يشاهد الحدث بام عينيه ، عطاني المفتاح اروح اغير زيت السياره وما خلصت من اغراض السياره الا مع اذان المغرب ، رجعت للبيت واخذت الوالد وصلينا في محطة النجمه 
)) المهم عدت ع خير بغيت ارجع لهم ادوس بحوض بطونهم بس الوالد حلف علي ما اجيهم 
، محمد قعد يسب نفسه (( وفي رواية يشتمها )) دقت الساعه 12 وانا ما نمت ، وكان موجة الخوف التي اجتاحتني خفت 
وحصلتها ذايبه 
فقررت اني اتكرم عليهم واروح اشتري لهم دجاج ركبت السياره وشغلت ( الكلام هذا بعد صلاة المغرب ) ومعاي ولد عمي ويوم انتصفنا في الطريق الا واللي متمسك في السياره من ورا ويصيح وكان لابس فروه انا تجمدت عروقي من الخوف والله ما وقفت الا لما وصلت المحلات [ اي محلات يابو الشباب كلها خيام وتخب 
هههـ .. 
العرض العادي
