* * * *

ايييه يا عرقوب الله يرحمك و يغفر لك ,,,

تعرفون عرقوب منهو هذا رجال ما يعطي مواعيد
يواعد ثمان يجيك وحده نص الليل يواعد بعد الفجر يجيك قبل المغرب ,,,

و طلعوا مثل عليه و قالوا مواعيد عرقوب ,,

أنا أقول الله يحلل عرقوب عند مشاري العمر ,, الشاعر العاطفي <-- أجحدها
الي يوقطر عاطفة يصب صب من العاطفة ,, مره من زود العاطفة الي عليه
رد علي السلام و هو يبتسي ,, وراك يا أبو تركي قال منعطف ( يقصد إني متأثر ) عادي شاعر
و الشعراء يتبعهم الغاوون ,,,

أعوذ بالله منك يا مشاري تبي تغويني وش بتزين فيني يا المليعين

بادئ ذي بدء <-- بدري المفروض تختم ,,,

وشلون تعرفت على مشاري العمر و شلون تعرف علي ,,,

أيام ما كان أبو تركي منورنا في الموقع و حال ضيف على الموقع ,,,
دقوا علي الشباب كالعادة جمعتنا في أحد الكوفيات ,, و رحت و ألقى الشباب
سليمان و صالح و مشاري ,, انا طبعا ما عرفته ولا شبهت عليه ولا طرا على بالي
إنه مشاري العمر ,, وهو طبعا ما يعرفني ,, المهم قال مشاري العمر قلت محمد الجهيم

و الوضع طبيعي عندي مرة ,, مر في بالي كل مشاري العمر الا مشاري العمر ضيف الموقع ,,
المهم و السوالف و كذا قال صالح هذا روبـن هـود مدير القناص ,, قام مشاري يضحك و قال
انا مشاري العمر قلت و نعم بس وين المشكلة تو صالح قايل لي اسمك ,, قالي أنا الي مسوي لقاء
في الموقع ,, أنا بجيح قلت من جدك ,, طبعا أبو تركي ظريف شوي قال تبي تشوف بطاقة
الأحوال ,, قلت إيه ما عندي فيه و أشوفها قلت بالله أنت قال إيه ,, سحبنا على العيال و قعدت اسولف
معه ,,,
على فكرة صورته في بطاقة الأحوال غريبة ,, كان قصير يومه صغير ,, و جلسوه على الكرسي
و ماش ما طلعت خشته ,, راحوا وركبوا على الكرسي خشبة حلاق كوده يطلع ,, و الحمد لله طلع شوي ,,

و حطوا سهم على الصورة و كاتبين على السهم المدعو هنا وجهه ,,, يعني لياكم ما انتبهتوا له ,,,

مشاري ما راح استرسل ,, أجل جنية هاهـ يا السقيم هههههههههههههههههههههههههههههههههه

رحت البقالة وشفت غزال سارح ,,
......................... جلست احتريه طلع مع الباب الثاني <--- كيف القصيدة يا ابو تركي

شباب يمتنع الرد الا لمشاري لين أشوف وش علته هو و مواعيده شاعر أثيثيه

مع تحيات ناقد الخرج تجميع شقراء <-- ذكرت شقراء عنادن لأبو تركي

* * * *

أبو تركي فيه واحد جنبي يقول وجهك كنه اليوم مهوب يومك

* * * *

معليه شباب بس يمكن تقولون وش يبي ذا بس فيني شي على ذا العصل

<-- وش عنده المتين

و أبي اشفي غلي فيه ,,

مابعد فتحت لك ابو ريالين ؟

آخر ذي اخر << طيب يعني ماتعرف تحكي زيه كل تراب وانطم ، المهم اني اول ماشفت ابوجهيم صراحه ماجا في بالي ولا واحد في الميه ان هذا مراقب ابد ولا حتى واحد يعرف الويندوز لان وجهه مايصلح ابد يعني اللي يشوف اقرب شي بيجي في باله بنشري

ابو جهيم يعني في اللقاء الاول وماتعرفني واستهبل عليك اقول لك تبي البطاقه وتقول ايه ؟ ولا هنا لك تمشي الموضوع الا تذب وقتها ؟ ههههههههههه تمون ؟؟ بلا والله من كبر راسك انا ودي اعرف بس وشلون تمشي متوازن ولا تطيح .. مركبّ يايات يامهنّد ؟؟

اخبار اليرقه اللي مريتني فيها البارح بس ؟


خلني لين استعيد هبالي ، خصوصا ان حرف الالف في كيبوردي عيا ينضغط << لا معليش ما تصرّف كذا !!

راجع يامهنّد

والله لو انك تكبس ؟

اجيب لك سلّم عشان تاصل للكيبورد يالطويل ؟

انصح بقراءة كتاب (أفكار الخفافيش ) باب ماجاء في مكيفات الحشيش

افكارك الجامده يابو جهيّم .. مشكلتك انك سعودي والا لو انك في اوروبا كان انت وبل قيتس تلعبون بلوت في جنادرية امريكيه ولا تقابل خششنا انا وبو خليل

ها ها ها ها ها ها ها ها <--- ضحكة واحد يجامل واحد اول مرة يشوفه

الحين جاوب على السؤال قبل همن تعال ذب ( وش شعورك )

شوفوا أبو تركي إنسان متواضع و من تواضع لله رفعه ,,

طبعا يوم جاني علم إنه شاعر و إنه مصور و انه كل شي نظام مصارية ما شاء الله
كل شي فاهم فيه

نعود لسالفة التواضع ,, تواعدنا أنه يمرني و نطلع على حسب توقعاتي
و على هالمواهب الي عنده قلت مهوب مارني الا برانج شي يعني متعود شعراء
لازم رانج حتى في فيديو كليباتهم ما يمشون الا برانج <-- تفكير ,,,

بس الشهادة لله أبو تركي متواضع ,, بس الله يجزاه خير زودها شوي ,,
جايني بسيارة تعرفون يا شباب سيارة أبو ريالين ,, السيارة الي تجلس تدفها تدفها
همن تطلقها و تمشي ,, أبد هي بس على كبير ,, حتى ركبت معه و قال ثواني لحظه ,,

و خذ يا دف دف همن ركب بسرعه و قال مشينا و على ذا الحالة ,,,

ولا و أزيدكم من الشعر قصيدة ,, كل ما وقفنا عند إشارة قام فتح الباب و حط رجله
قلت يمكنه بيسوي ان قوي و اني متهور ,, سألته و قال فرامل فرامل

نرجع و نعود مرة ثانية يا أبو تركي ,,
الحين من الساعة 9 و أنا احتريك و أدق ولا ترد همن ترد علي تقول شوي و بأدق عليك
همن تسحبها نصف ساعة و تجي تقولي بأجيكم على الوحدة ,, ما وراي الا انت و وجهك

المايك لك

أحلى قطرية مهوب الحين بعدين ,,

أتفاهم مع مشاري و جايك ,,

أحلى قطرية ,,

و أنا أخوتس كاتب في اول الموضوع لا أحد يرد الا مشاري ,,

بشويش ياراعي البنتلي ، خصوصا وحنا رايحين البارح وفاكين الكشف ، اول مره اشوف موتر ماله الا صطب واحد ..

بعدين على طاري بجيكم .. الخزان الارضي ما سيّر اليوم ؟

الا تعال .. محطوط على الهزاز انت وذا الرجفه تقل برصي ؟ ترى ماقلت اني اول ماشفتك مقبل فزيت وتليت زبيرية صالح ابصقعك بس قضبوني العيال قالوا مهبول ؟ هذا مراقب القناص ، قلت مراقبه والا مصاحبه << هاهاها شف بتذب زي الناس والا اطلع برى تكفى ، بس الشهاده لله ابو جهيّم طيّب بس لو يخف من ذا الرجفه شوي تقل ملحوق

ابو جهيم نبي نرقع لنا كفر بالله

* * * *

الحين احتريك نص ساعة و هذا ردك ,,

و متعب عمري و فاتح موضوع بأناقشك و هذا ردك

شف يا أبو تركي بيني وبينك و بمنتهى الصراحة ما فهمت الذبة هزاز و مدري وشو
همن أرقع لنا كفر ,,,

الحين بالله تقولي قزم يا الطويل مرة ,,,

الإنسان الطبيعي ياخذ له مركى و يتكي عليها لكن أنت يا القزم تكي على بوك صالح ,,
يزيك و يكفي

حتى ذاك اليوم و أنا جاي و أشوف صالح قلت ما شاء الله مبروك الجوال الجديد ,,
قال لا ذا مشاري متكي و نايم

أخلص يا أبو تركي و قلي لا هنت ,,
ليه ما تلتزم بالمواعيد ,, صراحة جاوبني هل أنت مال مني نكون صريحين و انا أتقبل
جاوبك بصدر رحب ,,

هههههههههههههههههههههههههههههههههه انا قزم ؟؟

صح يابرج بيزا ، المشكله اني اطول منك يعني كاني مرتكي على بوك صالح تراني ذاك اليوم واقف عند راعي دهن عود ويوم أشرت له على توله قال لا معليش اخوي هذا محمد بس جاي يشرب مويه<< ؟؟

اجل مراقب منتديات القناص وهذا شكلك ؟ اطلع منها تكفى

بعدين تراني ماجيت لاني نايم وماقمت الا الساعه ثنعش ونص وكما هو حال الشعراء مايقومون الا في الليول تقل جن

ايوه تقولي اخبار سيرفرات قوقل والياهو يالتقني انت ؟