السلام عليكم ورحمه الله وبركاته


إذا دخلت للمستشفى ولا بأس طهور لكل المرضى ستسمع اصوات صرااااخ
كلما اقتربت من قسم النساء والولادة وأفهم يالي عاق بأمك وبعد ابوك لايزعلون علينا
في الغالب يمنع الرجال من الدخول لهذا القسم لظروفه الخاصة .....

بعض الرجال ينصاع للأوامر والشكوى لله ونوع أخر فضولي وتوكلنا على الله ويدخل
طب نساء وولادة بغض النظر عن نيته هو دخل هالطب...


كنت اتضايق دايم واتمنى لو الدختورات يكثرن ونفتك من الدخاترة
لاني انا نفسي اخجل اذا جيت اتعالج عند دكتور بس وش نسوي ضرورة..
وكثير بنات من قبل الزواج تكون مخططة اذا اعرست وحملت تروح لدكتورة ولا تبي تنحرامزح ما تنتحر لا تصدقون

ولكني اكتشفت ان نظرتنا هذي خاطئة تماما

قبل 3 ايام تقريبا اختي كانت بالمستشفى علشان تجيب مولودة البكر
وهي اساسا صابه سكر حمل اثناء فترة الحمل بس والحمدلله
وطبيعي تكون خايفة تجربة جديدة وممكن تفارق الحياة والحمد لله ان الي تموت
بلحظة الولادة شهيدة والجنين ماعاد يتحرك ابد وخافت انه مات
وهي بقمة الخوف تقول جني(لا تخرعون من الكلمة جني = أتني أي جاءن من الفعل جاء)
اصلح ادرس عربي


جات الاستشارية ومعاه ثانية وللأسف كلهن سعوديات
وخوفن اختي زيادة وهي بحالة الله اعلم به
نفسه بخشمه صايرة الاستشارية هذي وتصارخ عليه (احمدي ربتس المولود حي وينبض)
قالت اختي انا بحمد ربي صار حي ولا ميت....


وبعدين اختي وش ذنبه تهوشين عليه وعلى كل الحريم الي معه
رجعت تقول ملل طفش .......ليه توظفين وتحملين هالامانة وانتي منتي قده
طفشانة اقعدي ببيت اهلتس مهو عند الحريم المساكين حالتهن صعبة وانتي تهوشين عليهن
وهن بحالة ولادة والاخت تقول طفشانه وبالاخير راحت وقعدت هي والي معه
واختي تعاني الامرين وطبعا تعرفون ان الي تولد هدية من ربي له دعوته بلحظات الولادة
مستجابة واختي من شدة ماهي منغثة وتعبانه وهذي تهوش عنده تقول قلت
(الله لا يوفقتس وين ما تروحين) وتحسفت اختي هالحين تقول ماودي لو دعيت عليه
ادري تبي تصيبه بس هي اجبرتن ادعي


وطبعا 8 ساعات السوالف هذي الى ان تعسرت الولادة وهن يتفرجن عليه
وهنا عساه ماينحرم من الجنه دخل الدكتور وشاف الوضع متأزم
وشاف اختي رايحتن به من الخوف والدموع و.....
تقول قال لي ( لا تخافين انتي حالياً أمانة برقبتي وبرقبة كل الموجودات وطالع للاختين الي يهوشن
طول اليوم بعين حاقد) والله ما الومه لقى المسيكينة رايحة وهن يسولفن
وتفزع الفلبينية صارت ارحم من السعوديات وخزياه بس
وتخم اختي (تخم يعني تضم) اختي تقول حسيت بالامان من حضر الدكتور والله يالرجال انكم كفو
ومن جت وجه الخير الفلبينية الحنونه الله يخلية لنا ويفكنا من السعوديات المغرورات
وطبعا تعسرت الولادة واحتاجت عملية جت عاد الهانم تقول يا دكتور تخدير تخدير وينقلونه
لغرفة العمليات وجابن المشارط وسكاكين ومقصات اختي بلغت من الخوف انه تقول لو تقطعين راسي
بكالحظات ماحسيت تبلدت بالمختصر الي حوله اجواء رعب وكفاية وجيه الدكتورات عابسة
حسسنه انه لن تنجو وان الوضع متأزم ويتكلمن ولازم ولازم و..و.. وهي تسمع
ليه يسون كذا مايراعن شعورة كفاية شافت الاغراض الي جابوهن
ومرة اخرى يفزع الدكتور يهدأ من روعه وأعطاه حق الاكسجين قال بس تنفسيه شوي
واول ما تنفست اغمي عليه هو بالصراحة ماكان اكسجين كان بنج بس حنكة الدكتور
لانه حس انه شارفت على الموت مو من الولادة الا من الخوف ولو قال بنج يمكن تموت خوف
قال اعطيه بخدعة بس ..
ولله الحمد والمنة رزقت بمولوده الاول ولد بسم الله عليه يزنن.



نصيحة لكل الحريم
فكل ما اشتدت الحال اطلبن دكتور بس وماعليكن وياما حريم اعرفهن
انقذوهن دكاترة ... ولو ابي اسولف بعد عن الحريم و ولاداتهن ما قضيت

الرجال أكفأ من الحريم بمجال الطب عموما ......لماذا؟؟
هالسؤال حطيته خفت موضوعي يكون مخالف


وبالختام مالها إلا رجالها

شكر وبارك الله فيك

وانتي الصادقه مالها الا رجالها

انا اعترض تماما
لان المراءه تحتاج الى النساء في مثل هذه المواقف
وما حصل لكم حفظكم الله هو حاله شاذه لا تعكس واقع الكل

اولا على البركه المولود وان شاء الله يتربى بعز اهله ........


ثانيا موب كل الدكتورات نفوسهم شينه وكذلك موب كل الدكاتره طيبين .......


ابقولك مثال اختي تعالج عند دكتور اسنان تقول نفسيته زفت ومره توافق موعدها مع موعد الامتحانات فقالت له يأجله فقام الاخ الكريم يصرخ عليها ويقولها انتي ماتعرفين المستشفى هذا له نظام غير المستشفيات الثانيه >>>> حشا ماعاد صار مستشفى ذا اول مره ادري ان المستشفيات لها نظام<<<<


ووووووووووبس مشكوره اختي وتقبلي مروري/

::ملكة الليل::

اهلين خيتو .. ~
والحمد للهـ على سلامة اختك ومبروك على المولود
والموضوع ذا تعبنا منه من كثر ما سمعنا عن شينة نفس وغرور الدكاتره السعوديات .. اعوذ بالله منهم بس
يعني حتى امانهـ ما عندهم ..
طيب موب لازم امانه شوية رحمه بس .
يعني ما يدرون انهم محاسبين على كل كلمه او فعل سووه بذا المساكين ..
انا امي صار لها نفس الموقف .. بس امي سقطت
وتقول دخلوني غرفة العمليات و ( دخل ذا المشرط وطلع ذا المشرط وهاتي ذا ....إلخ)
<<= يعني ما فيه اي احترام لحرمة المريض ...
* بس تصدقين ما ينشرهه عليهم دام الطب عندنا كذا ( من جرفهـ لدحديرهـ للاسف .. )..
وبالنسبه للسؤال :
الرجال أكفأ من الحريم بمجال الطب عموما ......لماذا؟؟
امممممممم ... باختصار شديد لانهم رجال
<< = آوت
&&&
عوافي على الموضوع ..
واللهـ ياخذ حق اختك من ذولي ..
<< = منقهره منهم .

ههههههههههه يعطيك العااافيه

,,,
,,
,
احم احم مالها الا رجاااالـها

ما شاء الله عاد انتي حاله وحده وعممتي

يا ما فيها بنات عن 20 رجل بس حظكم

طحتوا في هالغشيمات

اكره سوالف الولاده
مبرووووك يا خاااله

المهم

انا معااك ان الرجال كفو

بس ترى السالفه نفسيه لو سألتيالرجال قالو الحريم كفو

يعني في الوظاائف الرجال يقولو ن يا ليت مديرتنا حرمه

والحريم يقلون لو مديرنا رجال تسنعناااا


نفس الشي عند دكتور الاسنان انا مستحيل اروح لحرمه

واخوي يقول الحرمه احسن

والله انكـ صادقه موبس بمجال الطب لأبكل شي
اليوم وانامنغثه واصله معي عجزت اسجل بالكليه مادري وشفيه الزفت ؟؟؟؟؟؟؟
كلمت وحده بالقبول تقول مالنا دخل ؟؟؟؟؟؟؟؟؟؟؟؟مادري من له دخل
وكلمت رجال بالجامعه الله يوفقه ساعدني مع اني ماستفدت لكن ارحم منها
وبالأخير مالها إلا رجـــــــــــــــــــــــــــــــــــــالها
تقبلي مروريـ ــــــــــــــــــــــــــــــــــــ

الرجال أكفأ من الحريم بمجال الطب عموما ......لماذا؟؟
هالسؤال حطيته خفت موضوعي يكون مخالف

مبروووووووووك على البنوته الجديده
سلمي على اختك والله حزنت عليها كتير الحمد لله على سلامتها
بس مو دايما الرجال احسن من المرأه بالطب والله في دكاتره ماعندهم قلب بالمره
وتسلميCC احلى شي بالموضوع انك مترجمة الكلمات الغريبة
وتخم اختي (تخم يعني تضم والله لو شو ماكنت حفهمها