السلام عليكم ورحمة الله وبركاته

صباح الخير لكل عجوز و شايب يقرا موضوعي وقت مسراح الغنم

مساء الخير لكل بنت و تمساح يقرا موضوعي على انغام عبادي الجوهر قبل منتصف الليل

المجلس ما اعرف من وين ابدأ ولكن ايش اقول غير اني اسف وايش اقول

بالفعل اشتقت لمنتدى القناص

^^^^^

قمت الحزن هالحين

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

الحين يبي لي لفتين على المجلس علشان استعيد لياقتي

المهم ندخل في الموضوع كما يدخل ماجد عبدالله الى الملعب في حفل اعتزاله

ولكم حرية التخيل

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -


موضوعنا يتحدث عن مشكلة العصر عن مشكلة لم تواكب عصور اجدادنا <<

بالفعل هالمشكله هي لميس ويحيى و مهند ونور و صيته ومعتوق << برا ياواطي

الشعب السعودي وقسم من جرف لدحديره

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

نتعمق اكثر في هذي الساالفه

ثلاث ارباع البزران اخذوا فكره سيئه عن الشعب التركي وانه شعب فاسد و من هذا الكلام

وماعندهم خبر ان الاتراك 99% منه مسلمين والعهده على الراوي

طيب قصة يحيى ولميس ايش هي باختصار

يعني لو يبوني بدال الــ 100 حلقه اللي سووها انا اسويها في حلقتين

القصه انه يصورون لك طرق ارتكاب الفاحشه والعياذ بالله بـ 6000 الاف طريقه

يعني مره تحمل من حبيبها ومره من صديقها ومره من مدري مين .... الخ

وبعد هذا كله تلاقي ان هالبنت هي بطلة الفلم

نصيحتي لكم لا تتابعون هالافلام الساقطه بس قولوا لي متى تجي الاعاده ؟؟ << جاب العيد

والان سنعرض قليلا من النتائج التي كسبناها من هذي الافلام


سجلت أدارة الأحوال المدنية بمنطقة الرياض في الشهور الأخيرة ما يقارب حوالي 700 طفله بأسم لميس وتم تغيير اسم 200 فتاة من اسمائهم الحقيقية الى اسم لميس كما سجلت ما يقارب 500 طفل بأسم يحيى و300 طفله بأسم نور و200 طفله بأسم رفيف
يأتي هذا بعد موجة المسلسلات التركية التي تبثها قناة Mbc في هذه الفترة مما ادى الى اعجاب المشاهدين بشخصيات المسلسل وتسمية ابنائهم بأسماء هذه الشخصيات


** جريدة الوطن **

الحين لميس اسم حلو ويحيى بعد اسم حلو ونور يمشي الحال بس رفيف

يااهل السعوديه اشهد انكم مع الخيل ياشقرا

ثاني شي السفاره التركيه سجلت 100000 الف تأشيره لتركيا

وكل هذا بسبب المسلسلات

يالله حسن الخاتمه

الحين بعد ما تكلمنا عن ذولا المخيسين ابي اسألكم حياة الفهد و سعاد عبدالله وايش ناقصهم عن نور و لميس

و غانم الصالح وايش ناقصه عن مهند وبعدين هذا اللي اسمه يحيى وقسما بالله يشبه الاتراك

اللي في محلات الشاورما هو وشنبه ذاك

اقول انتبهوا لاعماركم واتركوا عنكم هالسخافات

وبس خلاص


عبادي احبك وجع

أول شي مشكووور أخوي عزوز على هالموضوع السنع

وأنا والله هالمسلسلين مادخلوا مزاجي عشان الحلقات مرررة شوية هع هع هع

طبعاً المفروض محد يناظرة الا الكباار

وصراحة انا قاهريني ذولا اللي غيروا أساميهم

لميس عادي حلو ماقلنا شي
اما نور ويييييينا فيه شغالات
ولا عاد يحيى مدري وش يبي

المهم ما أقول ألا
\\|| يـآ بـلادي واصـلي الله يـحميـكـِ يـحميـكـِ إلـهـ الـعآلـمـين ||// ض1

اهلا فيك اخي عزوز
لك زمن مبطي عنا وحشتنا

نرجع للموضعك الرئيسي
انت قلتها وبلسانك نجومن وش فيهم نقص
عن ذولي والا ذولاك وش فيهم زود عن نجومنا
للاسف في والفرق واضح
صحيح ان نجومن بعالم الفن
اخطئوا لاكن وربي ماقدموا مايقدمون هاولا

يبينون ان اللي يرتكب الجرايم كلها
يصبح بالنهاية بطل
مثل اشرطة السوني
يوم تكسر السيارات وتقتل الناس وتذبح العالم
انت كذا تصير البطل
بطل بوشو بتعلم امور سيئه

ياعالم والله تعبنا من اللي حنا فيه
كل مالنا ننزل هاذا الجيل اللي نبيه
جيل لميس ونور
وين نبي نكون وين نبي نوصل
امور كثيره عدتنا وراحت وللاسف مرت بجنبنا
لاكن تغاضينا والسبب معروف
الخوف من انفسنا لانتغير

الله مايغير بعبد الا اذا هو خير بنفسه
ومايغير قوم ولاينزل عليهم الخير
الا اذا شافهم تمسكوا بكتاب الله وسنته
مو بلميس ونور

والله ياحنا بغفله بغفله بغفله
ماادري وش مصيرها
والا وين جالسين نجر انفسنا

عاد من زين المناظر اللي تشفونها
والمشكله منتم زي بعض الناس وبعض المجتمعات بالخصوص
يتفرج ومايتاثر يوووووووووو كيف تاثيركم
مجنوووووووون ماقد شفتم بحياتكم خير من احد

راجعوا انفسكم كل اللي احنا فيه من سبة ماجنيناه بايدينا
اصبحنا نشوف الرذيله وعادي والمنكر وعادي
والذنوب ههههههه تقول شربة مويه وعادي

لاكن لاتلومون انفسكم
اذا ماشفتم بحياتكم غير الشر والنكد والهم
وقتها اعرفوا ربكم لااوصيكم

عزوز
اخوي غبت فترررررررره طويله
بس رجعت بشي شيق
لو تتركلي المساحه
بتقفل الموضوع اظاهر من الزهق
هههههههههههههههه
الله يعطيك الف عافيه ماقصرت

مساء الخير لكل بنت و تمساح يقرا موضوعي على انغام عبادي الجوهر قبل منتصف الليل

ياقدمك حركات شيبان وعجايز اللحين ماجد المهندس واليسا

الحين يبي لي لفتين على المجلس علشان استعيد لياقتي

انا ودي اسال من زمان ليه مسمينه المجلس كل ماشفت مجلسنا ولا المقلط تذكرتكم ؟؟؟؟؟؟؟؟؟؟؟؟؟؟؟
نصيحتي لكم لا تتابعون هالافلام الساقطه بس قولوا لي متى تجي الاعاده ؟؟ << جاب العيد
تبي تتابع لميس بعد ماينامون اخوانك الوراعين هاه
و غانم الصالح وايش ناقصه عن مهند وبعدين هذا اللي اسمه يحيى وقسما بالله يشبه الاتراك

اللي في محلات الشاورما هو وشنبه ذاك

اما غانم الصالح ومهند اوووووووووووووووووووووووووف ياكبرها بس يحيى انا معك احلى مافيه نضراته اما الباقي شين

صح انا اقولك اسم لميس حلو ومهند وفيه ناس اساميهم كذا قبل لا نعرفهم بس زادت الاسامي بعد المسلسل لانهم حلوين

حتى اسم دالي ماطلع الابعد المطربه دالي علشانها طلقه

والمسلسلات المصريه بعد بعضها انها تتزوج من ورى اهلها وعرفي وتحمل انا اقول الناس زودوها على التراك
بس فتره وبتروح

تقبل مرور ي الممل

اي والله انك صادق
وحتى ولد اخوي الصغير اقوله عيب تتابعهم ذولي حركاتهم مو حلوه يقول عاتي
هم مو مسلمين يالعنبوك كيف مو مسلمين ونص شعبهم مسلم
مشكور خيو

اهلن عزوز ياهلا والله

من زمان عنك...

ياحبك لعبادي انا احب له اغنيتين بس

قالو ترى -عيونك

لميس ويحيى ونور ومهند

الشعب متأثرين فيهم

حتى الاطفال متأثرين لدرجة كبيرة

يشوفون الحلقه الاساسيه والاعادة مرتين

وكمان اعادة جميييع الحلقات

لالا كمان مو بس الاطفال

حتى الشياب انا اعرف وحدة عمرها 50 سنه تتابعها

وعلى قولتك الشعب السعودي مع الخيل ياشقره

تحياتي

نونة