.
.


هلا بيلسان قصدي بالترميز للعاطفه ان العاطفه الساذجه مضره بالنت وببيئه العمل وحتى في البيت ..!

،

بعيدا عن اقتباس بيلسان

اذكر لكم اقتباس من برفسور فرنسي بجامعه جده
جمعتني فيه الصدفه بأحدى الاستراحات ..

وكان يضحك ويعلق على تصرفات البعض ..

يقول انتم يـ السعوديين تجهلون حاجتين وبدأ في ذكرها بترتيب عبقري وكان يقصد شي معين
اتمنى تفهموه وماتكون عقولكم متحجره زي بعض اللى كانوا واقفين معاه ..

يقول :
1- في كل انحاء العالم يهدي الرجل لحبيبته الورد بعدد فردي (1،3،5...الخ ) وهذا عرف عالمي
إلا السعوديه مجرده من هذا التعارف ..

كانت هذي مقدمه للشي الثاني اللى ذكره وهو

2-نادرا اشوف انسان سعودي عاش مرحل حياته بالكامل دون حرق اي مرحله ..!

وبعدها سأل وش اهم الحب او الاحترام ..!

،

اعطيكم مثال بسيط :

طبيبه تجلس بالساعات في غرف العمليات
لمده سنتين قبل زواجها وكان يظم الطاقم ذكور واناث

يتبادلون اطراف الكلام قبل كل عمليه ، ويبدؤن بألقاء السلام على بعضهم البعض
والسؤال عن الاحوال كل صباح..
تتعمق الاحاديث بينهم كأصداقاء ، الاحاديث يلفها الاحترام والتقدير ...

بعد سنتين تزوجت ..

التصرف السليم بعد الزواج هو انها تطبع منشوره وتوزعها بالمستشفى وتكتب فيها
( معليش والله يا شباب انا الحيين على ذمة رجال لاحد يكلمني ولا يقرب مني )
تعتقدون هذا الكلام صحيح ؟

،

في المثال ماكان فيه حرق مراحل ، لكنها للأسف ما احترمت اصداقائها

لان قبل الزواج كانت تجمعهم صداقه ، لابد من احترامها بعد الزواج
مع التحفظ .. ومع تقليل التعمق في " السوالف " مو لانها متزوج فقط ..!

بل لان هناك من هو احق بالفضفض و " السوالف " من هذا الصديق
لكن مب نجحدهم كأصدقاء

والاحترام دائما مايكون اهم من الحب

و اذا حرقت مراحل العمر و ماعاشت صداقاتها قبل الزواج بتعيشها بعد الزواج بصوره بشعه ..

ولا منين طلعت المراهقه المتأخره


ونصيحه لكل اللى على باب الارتباط بزواج :
لا نعتبر كل شي سوينها في حياتنا غلط لمجرد ان التقاليد تمنع هذا الشي بدون اي مبرر
بالعكس ناخذها على انها تجارب مرينها في بمرحله من حياتنا وتبقى الشخصيات اللى عاشت معنا هذي المراحل
لها منا كل احترام وتقدير ..
،
والشي الثاني ان الزواج مهو موقف على ماسنجر ..!
فكروا في اشياء اهم ، ووسعوا مدارككم ..

لانه زوجسخيف اللى بيقول لزوجته ( انتي كنتي مضيفه عيال قبل اتزوجك ؟ )



( اخيرا في كتاب اسمه ( ايقظ قواك الخفيه ) للكاتب انتوني روبنز
كتاب رائع اتمنى الكل يقراه بتشوفون ان الحياه ابسط من كذا
والزواج علاقه اكبر من ماسنجر او غيره ..!)


كثير منكم ناقض نفسه بردوده
لكن الحيا يمنعني اقتبس كلامهم

موفقين


.
.

مساكم بالخير أثريكم تلاقطون فيذا وانا مادريت..
بالبدايـه بعيداً عن رجل أو أمرآه خلونا نتكلم في علاقتنـا بين بعضنا
كجنسين مختلفيـن ومجتمع فرض علينا الحساسيه في التعامل..

التعامل المبني على الأحترام والعمل ترى أوب حرام أبد يعني مثلاً
في المنتدى بضرب مثال انا انسانه مرتبطه بعمل في المنتدى هل علاقتي
مع مدير المنتدى او مع زملائي المشرفين تعتبر خيانه..؟؟؟!
انا اكلمهم سواء بالبرايفت او المسن او الشات او اي مكان او اي خاصيه المهم
اني اتواصل معاهم لظروف العمل وغيرها هل ذي خيانه ؟؟!

بعيداً عن المنتدى الان انتي مديره مدرسه أو طالبه بالجامعه بما ان الاغلبيه
طلاب ماعندك دكتور بالجامعه يشرح لك وتناقشينه وكثير منا الان معاه ايميلات
الدكاتره ؟؟
هل ذي خيانه ترى يعني نفسها لو بتقولين لأمك أو لأبوك انتي اكلم الدكتور فلان
وناقشته بيقول كيف تكلمين الرجال..!
زمن أهلنا مختلف جداً عن زمنا مثل ماأحنا نشوف هالتصرفات والتقيد منهم بأنها
أعمال جاهليه هم يشوفون أعمالنا خيانه ومن هالكلام,,
خيانه مسمى كبير جداً على التعامل بين الجنسين المجتمع السعودي بشكله يريد العلاقه
بين الرجل والمرآه علاقه مقطوعه تماماً اللهم مع المحارم فقط,,
غير ذلك يعتبر أجرام أو خيانه والأغلبيه هنا أشوف كلامهم يوحي بذلك,,

وهذا مهب ديـن ابداً..
الله سبحانه وتعالى يقول [ من وراء حجاب ] يعني ذلك انو فيه أصول تعامل أنك
تتعاملين لكن بقيـود وهنا كل الكلام,,
أنا أكلم زميلي المشرف أو دكتوري أو بائع أو مسؤول المهم أني أكلمه بأحترام
وبقيود معينـه اذا هذا شيء لاهو حرام ولاعيب,,
لو كان هالتعامل حرام ظنكم تعتقدون المشايخ سمحوا للحريم أنهم يكلمونهم
بالجوالات او في المقابلات بالتفي علشان أسئلـه او استشارات,,
البعض بيقول والله ذا دين او حياه او انا مجبـور طيب انا مااسأل عن الحاجه أنا اسألك
عن الأصل في التعامل الأصل في التعامل مافيه حرام لكن كيفيه التعامل هي
اللي مطروحه للحلال والحرام,,

الزوج او الزوجه لما يبدأ حياه جديده مو معناته يتخلى عن ماضيه ويرميه وراء
ظهره وينسى تاريخـه...
أنا انسـانه بكامل قواي العقليه واقولها لو أيميل زوجي فيه الف بنت ماراح أطلب منه
يحذفهم طالما أنهم لما يتجاوزوا الخطوط الحمراء ولاحظوا الخطوط الحمراء,,
طالما فيه ثقـه واحترام بين الزوجين معناته هنالك حب اذن ماله داعي مسميات الخيانه
والأخلال بالثقـه ومادري كيف,,

لو كل شيء سلموه أهلك لك وأنتي ماتعاملتي معاه كما هم يريدون ماكان وجد
شيء أسمـه حريه أو ثقـه بتكون كل الدنيا خيانه في خيانه..
هذي أحنا نأخذ فلوس من أهلنا ونشري أشرطه أغاني أو سيدهات أو البعض من الشباب
يشري دخان والأغلبيه بدون علم الاهل أو مثل ماقال روبن السياره هل ذلك خيانه ؟؟!

اذا أنتي ماعندك ثقـه في زوجك وهو ماأعطاك الثقه وماكان بينكم الأحترام ترى مهب
مسن أو ايميل خالي من البنات بيوقفـه عند حده :/
ياكثر البنات اللي بالأسواق والشوارع والتفي وياكثر المقاهي والأيمييلات ووووو,,,
ونفس الكلام للشباب لو مافيه ثقه بزوجتك وبنيتها عليها عمرك ماراح تبني حياه او
حب او تعتقد ان هذي غيـرهالغيره تخاف عليها قبل ماتشك فيها او في أخلاقياتها
بمجرد التعامل مع الجنس الثاني لأغراض مختلفـه..

بنات عندهم شباب بالمسن لأجل عمل أو استشاره أو أخوه أو شغل
أو أي كان هذي علاقه خاليه من الشوائب وبحدود ماأظن فيها خيانه
لأن الأهل بمفهومهم رافضين حتى تتعاملين مع إي أنسان جنسـه ذكر
حتى لو وصل الامر لبعضهم لحياه أو موت,,
العادات والتقاليد حلوه وثرات وتاريخ لكن التعصب في التقيد ببعض العادات
المتخلفه واللي يمشون عليها أهالينا وكبارنا بجهل منهم هذي أحنا ننلام عليها
اوب هم لانهم مادخلوا جامعات ونت ودرسوا وصار أصحاب شهادات وفكر..



وزي ماقالت أصولـه في ناس كثير يدعون ويلبسون قناع [ المثاليـه ]..




شكراً أوب..

.
.

ســلام ياأعضاء منتدى القناص

<<-------- تشوف كل الأعضاء ردوا بترد مثلهم


:::::::

أسمعوا وجه نظري

((( مو تصرف سليم ان البنت تحط في ايميلها ولد ,
يعني.... ولد نااس غريب عنها تكلمه...!! .. وتقول علاقتي معه اخويه ))
بالأول والأخير حنا عااايشين بالسعوديه , وبالأخير أنتي بتتزوجين سعودي...!
لو يدري عن علاقتك .. او سمعها من النااس ...بتصيرين عاايشه بشك طول عمرك !!

لأن بالأول والأخيييير ... لاتقولون أتكلم مع واحد مثل أخوي ...!
قلي أنا أتكلم مع " صديق " مثل أخوي ....!!
و"الصديق" .... ماله وجود عند البنات في مجتمعنا السعودي ...!

طبعاً بأستثناء أذا كان الشغل يتطلب ذلك ......!
مثل مشرفاتنا أو الموظفات اللي وظيفتهم تتطلب ذلك ..

.....


أما تجي بنت عااديه مثلي ومثل اي عضوه تضيف ولد عندها بالمسن
وعذرها ....

أعتبره مثل أخوي - أو صديق محترم - أو امي ماجابتلي اخوان
هذا صراااحه تصرف ماايخش العقل ولا صحيح , أصلاً أنتي من نفسك شلون ترضين كذا
وأتحدى إذا كنتي تتكلمين معه برضاء أهلك وهذا دليل ان تصرفك مو صحيح ..!

تضيفين غريب مااعمرك شفتيه وتقولين اخوي...!
ياماما صحصحوا زين ...........!!

وبعدين يااعضوات وشتبون بالأولاد ولله الحمد في هالزمن
بناات عندهم خبره وعقليه في شغالات الكمبيوتر أو اي شغل ....!
وسواليفهم بالمسن ماشاء الله توسع الصدر

وبالنسبه للأولاد .......
اللي عاادي الوضع عندهم ان البنت تضيف طالما العلاقه " محترمه " ...!!
أبسألهم شي وياليت يجاوبون على سؤالي ........؟!!
أنتم ترضون على أختكم تضيف ولد ......!
إذا انتم تشوفونه عاادي بناات القناص يضيفون
أنتم ترضون على أهلكم ...........؟!!

..........

اما وضع البنت بعد الزواج
مو صعبه بس إلأ عيييب وقله أدب ...!! على ذمه رجال وتتكلم مع صديق ..!
هااذي مايصلح إلا الطلاق لأنها خاينه بيتها وفوق هذا كله زوجها ..!

ويمكن حتى.. بتقارن بين زوجها والولد اللي كاانت تكلمه
وهالشي كفييييل بزياده المشاكل بينهم ....!
لأنها من دااخلها معجبه بهالشخصيه وتتمنى مثله ...!


أوووب صاحيه
شكراً


..

*
*


أنا أول ماقريت موضوعك طمرت الردود الثانية
عشان اتكلم عن رأيي بموضوعك بصراحة وبدون ماتتشابه الردود !

بدايـة .. الموضوع حساس وفكرة طرحة حلوة
من زمان هالموضوع كان لازم ينطرح

أنا ماراح أكون مثالية وأقول ماعندي شباب
ولا راح اقول ان اهلي يدرون وراضين !
لأ أنا عندي أكيد .. و الاهل طبعا بيرفضون علاقات النت مع الجنس الثاني

لكن أنا ماأضفت ناس إلا لأني واثقه فيهم وعارفه أخلاقهم
وسوالفينا راح تكون داخل نطاق معين .. مثل المنتدى وغيرهـ !

يمكن الأهل ماراح يتفهمون هالنقطة أو بيرفضونها أكيد.. لكن إذا أنا مقتنعة بإني ماأسوي شي غلط ليش لا؟

صحيح أحيانا يحز بخاطري إني أتكلم مع أحد بدون علم أهلي أو رضاهم !
لكن هالشي يحفزني ويدفعني إني احاول أحدّ من علاقاتي
واخلي لعلاقاتي خطوط حمراء ماأتعداها .. ،
وبالعكس هالشي بينفعني اني اقدر اتحكم بعلاقاتي بعقلانية مع أي شخص
سواء داخل النت .. أو برا النت مستقبلا بالوظايف او غيرها !

أنا ماأقول كلن راح يسوي نفس الشي .. ،
هاذي نفوس .. فيها الصالح وفيها الطالح

مثلا لو انا أضفت أشخاص وتعاملت معهم مثل أخواني لااكثر ولا اقل
ليش يقارنوني بناس تضيف عشان لعب وغيرهـ !

أكيد الأراء بتختلف
وبيصير فيه شد وجذب من الطرفين

لكن هذا رأيي .. واختلاف الرأي لايفسد للود قضية !

اتمنى اكون وصلت رأيي بشكل واضح

رنـا .. فكرة حلوة ياعسل : $
وطرح ولا أروع
بس مرهـ ثانية لاتقعدين تصارخين

تسلم هالديـات .. ،


*
*

والله انا اقول

كلامك

% صووووووووووووووووووووووووووح %

والله موضوع مررررررره حلو

مشكوووره يالغلا

ويعطيك الف عافيه

أنا منقطعه عن العالم
عشان المايك وتعليقة الموقع

بس راجعه للموضوع
ولاتخافين مجرده من المثاليه اجوبتي واقعيه جدا

.