الليله ليلتها .. زفوها يا مااحلى فرحتها ..(الرمس ) وداعا للمرض .. شاااااااااااات
 

رد: الليله ليلتها .. زفوها يا مااحلى فرحتها ..(الرمس ) وداعا للمرض ..
 

..
السلام عليكم :$


قالت لي بيلسان اكتبي عن مرحلة علاجك .. فقلت ( وش اقول وش اخلي ) :(
رحت وتغديت.. يوم فتحت الجهاز
لقيت ما بوه وورد .. دخلنا المفكرة .. p11
تعرفون العوائق دائما .. تواجه الكبار بس نهزمها ..,< تكتب بمفكرة ومسويه انتصار
..

نرجع سنة ..,
وبعد طلوع نتيجة ثالث ثانوي النص الاول ..,
كنت احس بكسول مو طبيعي ونوم مو طبيعي ..,
كان اي شيء يتعبني ..
كنت انسى كثير .. حتى توافه الاشياء
حتى اني بكيت يوم عجزت اتذكر اسم صديقتي ..,
كان اي شيء ندرسه ما افهمه .. ما يدخل مخي ابد وانا اللي كنت افهمها وهي طايرة ..
انحدر مستواي بالدراسة .. صرت بالحضيض .. ما ادرس الا يومين بالاسبوع
واذا حضرت .. بس اهز راشي اقول فاهمة وانا من جنبه ..,:(:
كنت احس بداخلي ان فيني شيء بس مو قادرة اترجمه ..
وكان هالشعور يقتلني ..
تخرجنا من ثالث ثانوي ..
بنسبة 89%
والله ابداً ما تمثل طموحي وقدراتي ..,:(:
وقابلت النسبة بأقصى درجات البرود ..
ما ادري وش كنت افكر فيه .. بس ما كان لي خلق احس ولا اتكلم ..,
مرت العطلة الطويلة وانا على هالمنوال ..,
والكل لاحظ التغير فيني .. نحفي .. سكوتي .. كنت ذابلة بمعنى الكلمة ..,


في رمضان ..
كنت اذا نمت احس اني اختنق ..
اي شيء اكله ما يعجبني لان الذوق ميح..
كان فيه ثقل دايم بالمعدة < اشربي داناو :d

باخر رمضان ..
ظهر انتفاخ بالرقبة عند عظمة الترقوة وفوق شوي ..
اقول لاهلي شوفوا يقولون .. ايه يطيب !

بعد عيد الفطر..,
اخذني اخوي للمستوصف..
وكان عمي مدير له .. واول ما لمس رقبتي ..
قال : ليش توك تجين ؟
انا هنا .. خفت :(:
سووا تحاليل .. قالوا .. كريات الدم البيضاء مرتفعة عندكم والحمراء منخفضة
لازم نحولك للمستشفى ..

رحنا للمستشفى
اللي هو التخرصي قصدي التخصصي اللي هو حق فهد اللي ببريدة .. ايه هذاك الخايسp7
دخلنا عند الدكتور ..
وكشف المنطقة .. ودخل ابرة طويلة ما ادري وش تبي برقبتي
بس ما توجع .., < يارا :$

قال الطبيب .. اللي فيك ورم مبتديء ..,
وعلاجه ممكن بإذن ..
اكذب اذا قلت ما خفت ..
بس لان اخوي معي ما ودي اصيح ..
يوم رحنا للبيت .. الا كلن داري
وكلن يصيح :(
وهالشيء زادني قوة ..
لان دمعتي ابوي وامي كانت غالية ..P9
كنت اضحك وافرفش بس علشان اسعدهم ..
..
سووا عملية واخذوا شوي من الورم
وكان تخدير موضعي ..
والدكتور يحفر بجسمي كنت احس ببرودة الدم وهي ينزل على كتفي
وطول هالوقت : وانا اصبر نفسي .. واحتسب

بدينا اول جلسات العلاج بالكيماوي ..
راحت معي امي اول جلسة وبعدين عييت عليه تروح :$
لاني بروحي بكون اقوى ..
كنت اكتفي بوجود اخوي
اخذ الكيماوي كل اسبوعين .. بعد ما اخذه اقعد ثلاث ايام ما ادري وين الدنيا بوه
هذا غير الاعراض والتعب اللي يسببه
مع ثاني جلسه بدأ شعري يتساقط..
حلفت ما يجدعه الكيماوي .. قمت وقصيته انا ..
وربي ارتحت..,
..
خلصنا نص الجلسات
قالوا بنسوي لك اشعة بس تعالي صايمة ..
رحت صايمة .. وسويت اشعة ..
وعطوني 6 ابر الوحده كبر خشم ابو طلال ..:$


وحنا بالطريق..
كنت احس ببرد قوي .. كانت اطرافي زرقاء
و احس ضيق بالتنفس كنت باليسارة ورى اخوي
وكان يسمع لي صوت ..
قال: مرام ما رديت ..
مد لي يده .. وقال امسكي يدي ..
اول ما حطيت يدي على يده ...
قعدت ابكي ..طلعت كبت 3 شهور ..,:(:


خلصنا كيماوي ..,
مرت ايامه تعب بس وناسة كانوا الاهل كلهم .. معي بكل مكان


حتى بالنت ..
وللحين ما انسى اول محادثة مع بيلسان وانا اقولها الخبر ..
وربي ارتحت يا بيلسان .. وما راح انسى لك هالمعروف ..,
..

قعدنا شهرين ورجعت انسانة طبيعية تقريباً
اللهم شعري القصير :$


..
سوينا اشعة ثانية بس ما صار لي شي :d
قالوا فيه تكتل بين الرئتين يروح بالاشعاع وهالاشعاع بالرياض
استانست لاننا بنروح للرياض ..,
ويا حلوك يالرياض..,:$ P9


مستشفى الملك فيصل .. والنعم والله
لا بعملهم ولا وبتعاملهم .. راقيين
خوينا الاشعاع مو مثل الاخ كيماوي
اسهل شوي يعني بس يسبب تعب عام والم بالمعدة ..,
بس يستحمل ..
اخذته على مدار 3 اسابيع ..

خلصنا سوينا تحليل
قال سليمة مئة بالمئة وما بتس الا العافيه < دكتوري المصري اسمه (ياسر خفاجة):$ P9


..
وبكذا خلصت اجمل سنة بحياتي ..,
بتجربة افتخر فيها .. وبناس افتخر فيها
وبدموع وضحكة تستاهل ..
يمكن كلامي ما يجي ربع اللي انا حسيته ولا مريت فيه .. بس لان الوقت ضيق
ولان هذري كثير وما ودي اشغلكم ..:$
شكرا .. لكل اللي وقفوا معي ..
والله ولا شيء بهالدنيا يمكن يوصف الامتنان اللي بداخلي تجاهكم ..

اولهم
اخوي .. عزوتي
امي وابوي .. ترى دموعكم غالية
عهد.. مها .. أسماء.. لطيفة
عمي زيد ..
..
منتدى القناص ..
اذا دخلته .. يزول كل تعبي وهمي
بيلسان ..
وش اقول يا بيلسان .. خلي اللي بالقلب بالقلب .. بس مشكورة P9
ابراهيم القحطاني .. شاكرة لك يا اخوي اللي ما جابته امي ..P9
..

وترى ما نبي صياح
هيصوا .. واللي عنده لي عريس تراي مستعدة :$

..

وقبل كل ذا احمد ربي الف مرة
لاني مريت بتجربة بمثل هالتجربة ..
علشان اعرف قيمة وشلون الانسان يعيش بصحة وسلامة,,
وعلشان اعرف طعم (الحمد لله )
وشلون الدنيا رخيصة واهم شيء اعمالنا P9



..

اللي يبي يسألني ترى عادي .. ما انحرج انا :$

..
شااات

وبدون تواقيع

رد: الليله ليلتها .. زفوها يا مااحلى فرحتها ..(الرمس ) وداعا للمرض ..
 

^

منتب سهله اجل شات وبدون تواقيع P9 :d


برب P9

رد: الليله ليلتها .. زفوها يا مااحلى فرحتها ..(الرمس ) وداعا للمرض ..
 

7
اقلدتس
اصلا الناس نايمة بوه الشات العصر الله يهديك :$

رد: الليله ليلتها .. زفوها يا مااحلى فرحتها ..(الرمس ) وداعا للمرض ..
 

رد: الليله ليلتها .. زفوها يا مااحلى فرحتها ..(الرمس ) وداعا للمرض ..
 

الرمس يابعدهم
اهداء لكـ P9 P9



لاباس ياعمري من الباس لاباس..

ماصاب روحك يجعله بوسط روحي..

بفداك كلي من القدم لين هالراس..

وتفداك روحي من الألم والجروحي..

ليت الألم في وسط روحي بلا قياس..

وفي كل جسمي بس منك ياروحي..

ماصاب روحك صابني منك بالاحساس..

أقوى من أمراض البشر والذبوحي


P9 P9

رد: الليله ليلتها .. زفوها يا مااحلى فرحتها ..(الرمس ) وداعا للمرض ..
 

http://www.yaser20.com/vb/attachment...1&d=1215523570

P9 :$

..

GivenChy

الله يسلمك.. كله فضل من ربي P9

..

ملك روحي

:$ بسم الله عليتس..,
الله لا يخليني P9

رد: الليله ليلتها .. زفوها يا مااحلى فرحتها ..(الرمس ) وداعا للمرض ..
 

.
.


الحمــد لله على السلامـــه ..P9 P9 P9
ماشالله عليــك .. اقسم بالله ماشفت ايمآن بقضآء الله مثل كذا
..


الرمــس .. مدري شقولك .. بس الله يحفظك ويخليك لأهلك يآرب
..


الله يذهب عنك البآس وعن جميع المسلمين
..


بصرآحــه انا ولـد عمي الحين بالتخصصي .. بس هذآك يقولون مولّي
اقسم بالله حسستيني انه ليش لا .. فيه امل P9 P9
..


الرمــس .. انتي كثيره وربّي
..P9

رد: الليله ليلتها .. زفوها يا مااحلى فرحتها ..(الرمس ) وداعا للمرض ..
 

رد: الليله ليلتها .. زفوها يا مااحلى فرحتها ..(الرمس ) وداعا للمرض ..
 

وش عليك انتي :d

الشات مفتوح لمدة 24 ساعه ..تستاهلين اكثرP9

رد: الليله ليلتها .. زفوها يا مااحلى فرحتها ..(الرمس ) وداعا للمرض ..
 

..

توتة
يسلم لي راسك .. الله يديم العافية على الجميع

رد: الليله ليلتها .. زفوها يا مااحلى فرحتها ..(الرمس ) وداعا للمرض ..
 

رد: الليله ليلتها .. زفوها يا مااحلى فرحتها ..(الرمس ) وداعا للمرض ..
 

^


ليش وش معنى (الرمس) ؟!

مقترن عندي بـكلام اهل الامارات (الرمسة) بس مـدري صح أو لأ :d

رد: الليله ليلتها .. زفوها يا مااحلى فرحتها ..(الرمس ) وداعا للمرض ..
 

فضيحه انتي :d

رد: الليله ليلتها .. زفوها يا مااحلى فرحتها ..(الرمس ) وداعا للمرض ..
 

رد: الليله ليلتها .. زفوها يا مااحلى فرحتها ..(الرمس ) وداعا للمرض ..
 

رد: الليله ليلتها .. زفوها يا مااحلى فرحتها ..(الرمس ) وداعا للمرض ..
 

ايه فيه نآس العصر .. طيب وش ذنبهم اللي يدآومون
يعني شلون عشآني ما اكون موجود بالليل مايمديني اتحمد لك ع السلامـه :d P9
..


يعلــم انك فرحتيني فرح .. P9

رد: الليله ليلتها .. زفوها يا مااحلى فرحتها ..(الرمس ) وداعا للمرض ..
 

..

هلالي ..

تسلم لي والله يا اخويpb189

أقتباس

بصرآحــه انا ولـد عمي الحين بالتخصصي .. بس هذآك يقولون مولّي
اقسم بالله حسستيني انه ليش لا .. فيه امل pb189 pb189

ما في شيء اسمه مولي
اهم شيء راضي بهالشيء .. لا تقطعون الامل
والله الله بالقرآان..pb189pb189
الله يرفع عنه ويكتب له الشفاء .. الله قادر على كل شيء

رد: الليله ليلتها .. زفوها يا مااحلى فرحتها ..(الرمس ) وداعا للمرض ..
 

.
.


برب P9

رد: الليله ليلتها .. زفوها يا مااحلى فرحتها ..(الرمس ) وداعا للمرض ..
 

أقتباس

ليش وش معنى (الرمس) ؟!

مقترن عندي بـكلام اهل الامارات (الرمسة) بس مـدري صح أو لأ :d

معناه القبـر : (

رد: الليله ليلتها .. زفوها يا مااحلى فرحتها ..(الرمس ) وداعا للمرض ..
 

تيت .. P9

رد: الليله ليلتها .. زفوها يا مااحلى فرحتها ..(الرمس ) وداعا للمرض ..
 

جـد الرمـس .. تمزحيـن

p6

رد: الليله ليلتها .. زفوها يا مااحلى فرحتها ..(الرمس ) وداعا للمرض ..
 

ايامي

يا حبي لك تسلمين بس وراك فضيحة
تصدقين بغير اليوزر احسه نحس :(

..

ابو ملاك
تسلم لي يا اخوي

أقتباس

ولأم الرمس وأبوهـا وأهلها
قرت عينكم برجعتهـا سالمه غانمه .. (F) pp11

وصل :$


..

الوطن غالي .. مشكور وربي ما ادري وش اقول

رد: الليله ليلتها .. زفوها يا مااحلى فرحتها ..(الرمس ) وداعا للمرض ..
 

الف الف الف الف الحمدلله على السلامة أختي الرمس
خطاك السؤ و إن شاء الله إنه آخر الأحزان

يقولون ربك ما يختبر إلا عباده الصالحين
و هذا كان إختبار من رب العالمين

الله يوفقك و يسعدك إن شاء الله
و بلا شك التجربة هذي فادتك و قوت إيمانك

واحد من أخوياي كان عنده المرض في الغدد اللمفاوية
والله إني أذكر إنها ما كانت سهلة أبد خصوصا العلاج الكيميائي
بس الحمدلله تشافى و راح الشر ..



و الله إني فرحان لك لأني قد شفت شخص قريب في مكانك و أدري كيف إنه مهيب سهلة
إن شاء الله إنها بلا رجعة و الله يسعدك


بيلسان الله لا يهينك على البادرة الحلوة جزاك الله عننا ألف خير
و الرمس تستاهل

(F)

رد: الليله ليلتها .. زفوها يا مااحلى فرحتها ..(الرمس ) وداعا للمرض ..
 

هلا فيك الرمس

الف حمدالله على سلامتك

منوره المنتدى

مو عارفه شقول

الحمدالله انك معنا احين وانسي الي صار

والا يضيق خلقك

احلى سلام لك

اختك حلومه

رد: الليله ليلتها .. زفوها يا مااحلى فرحتها ..(الرمس ) وداعا للمرض ..
 

بيسو ( الاحمر
وانا الوردي

رد: الليله ليلتها .. زفوها يا مااحلى فرحتها ..(الرمس ) وداعا للمرض ..
 

..

شوفوا ترى سالفة اليوزر
لقيت الاسم بكتب الادب حق ثاني ثانوي
واعجبني الاسم
بس ما ادريت انه قبر الا يوم حبيته وش اسوي انا ..!

بس اذا جاء ابو طلال بغيره خلاص
ابغير كل شيء

رد: الليله ليلتها .. زفوها يا مااحلى فرحتها ..(الرمس ) وداعا للمرض ..
 

^


القبر :(: الله المستعان


دنياك .. عاش من شافك :)

رد: الليله ليلتها .. زفوها يا مااحلى فرحتها ..(الرمس ) وداعا للمرض ..
 

وربي خنقتني العبره ومدري وش اكتب
الحمد لله على سلامتك وماشاء الله عليك

رد: الليله ليلتها .. زفوها يا مااحلى فرحتها ..(الرمس ) وداعا للمرض ..
 

(F)

لو مايجي من هالموضوع الا شوفة يوزر الامريكي :d P9

حياك الله فهد (F)
اخبارك ؟

رد: الليله ليلتها .. زفوها يا مااحلى فرحتها ..(الرمس ) وداعا للمرض ..
 

أقتباس

يا حبي لك تسلمين بس وراك فضيحة
تصدقين بغير اليوزر احسه نحس :(

:$

أجل غيريـه قبل يقفل الشات عشان نحتفل فيه ض1

رد: الليله ليلتها .. زفوها يا مااحلى فرحتها ..(الرمس ) وداعا للمرض ..
 

دنياك ..

(F)

تسلم لي يا اخوي .. ممتنة لك

أقتباس

واحد من أخوياي كان عنده المرض في الغدد اللمفاوية
والله إني أذكر إنها ما كانت سهلة أبد خصوصا العلاج الكيميائي
بس الحمدلله تشافى و راح الشر ..

وانا بعد بالغدة اللمفاوية.. بس الحمد لله :$

..

ملك ..
كلن شبك يبي اخوي

رد: الليله ليلتها .. زفوها يا مااحلى فرحتها ..(الرمس ) وداعا للمرض ..
 

أقتباس

pp11

أجل غيريـه قبل يقفل الشات عشان نحتفل فيه ض1

الشات بيقعد شهر :$

رد: الليله ليلتها .. زفوها يا مااحلى فرحتها ..(الرمس ) وداعا للمرض ..
 

رد: الليله ليلتها .. زفوها يا مااحلى فرحتها ..(الرمس ) وداعا للمرض ..
 

رد: الليله ليلتها .. زفوها يا مااحلى فرحتها ..(الرمس ) وداعا للمرض ..
 

الرمس ايش رايك بالمحادثه
واحنا نتهاوش على اخوك:d :d



..

رد: الليله ليلتها .. زفوها يا مااحلى فرحتها ..(الرمس ) وداعا للمرض ..
 

شهـر ولا 24 ساعـه .. p6

رد: الليله ليلتها .. زفوها يا مااحلى فرحتها ..(الرمس ) وداعا للمرض ..
 

جيفنشي

عاشت أيامك
الله يسلمك



بيلسان


النور نورك الله يسلمك و يخليك
أبشرك بخير أنا الحمدلله مهاجر :d

إنتي وش علومك من زمان عنكم يا أهل المجلس

رد: الليله ليلتها .. زفوها يا مااحلى فرحتها ..(الرمس ) وداعا للمرض ..
 

حلم الحقيقة .. (القمر) ترى اسميك القمر عجزه اقرى اسمك بالانجليزي

تسلمون