* * * *
استديوا الفن فعلا كان حماس في بداياته على يدين المشرفة بلو الله يذكرها بالخير
بعدين جته فترة في أواخره صارت المواضيع مبتذلة خصوصا بعد اعتذار الأخت بلو
و ارتباطها ,, و غير كذا عشان الأغاني و روابط الأغاني الي كانت تنحط آثرنا إننا
نوقفه ,, و الحمدلله كانت خطوة موفقة انتعش الموقع و حافظ على قوته حتى بالرغم
من إيقاف قسم قوي مثل ستديو الفن ,, أما بانورما هو تقدر تقول يعتمد على برامج
التلفزيون أكثر من الموسيقى ,, صحيح فيه مواضيع عن فنانين و آخر ألبوماتهم لكن
غالب تغطياتنا على التلفزيون ,,,

وليه صار بانورما بهذي الفكرة ,, الآن الإعلام في طفرة و الكل يشوف تسابق القنوات على
كل جديد و الحصريات سواء من مسلسلات لقاءات و برامج ,, فصعب الشخص يتابع كل شي دفعه
وحده ,, لكن عن طريق بانوراما تقدر تدخل و تشوف التغطيات عن أي برنامج ,, و نفس الوقت
سمحنا للأعضاء إنهم يغطون برامجهم يعني كل عضو له رغبة يغطي برنامج يحبه القسم مفتوح
و غط البرنامج على راحتك ,, و الحمد لله القسم نشيط و قوي مرة و أعتقد في رمضان إن شاء الله
بيصير القسم الأكثر نشاطا مع التغطيات للمسلسلات رمضان ..

ان شاءالله

طيب محمد

الاستشاريين , فكرة سويتوها والغيتوها , ورجعتوا سويتوها وضميتوني والغيتوها , فـ هل في فرصه تكون مره ثالثه !؟

* * * *
لا أعتقد إننا بنرجع لفكرة الاستشاريين ,,
و السبب ببساطة إننا نبي أعضاء الموقع كلهم يصيرون استشاريين ,,
لما يكون فيه مجموعة تعطي اقتراحات و تقدمها أعتقد العضو راح يتكل
على المجموعة و يحتري الاقتراحات بس لما نخلي باب الاقتراحات مفتوح
هنا بيصير كل عضو مساهم في الموقع حتى لو بشي بسيط ,,,

يعني لما يجي عضو يشوف اقتراح أو فكرة له تنفذت هنا بيتكون رابط بينه وبين الموقع
و يحس بالانتماء للموقع ,,,

ان شاء الله ان الكل يساهم في تطوير الموقع من اقتراحات وافكار

،،

طيب محمد
ليه مايكون فيه مركز تحميل كـ موقع , بدل ما يكون قسم خاص للتحميل وحوسه وله مشاكل اتوقع بيكون
احلى وافضل ولا ؟

* * * *
فعلا و أسرع و أصرف من المرفقات ,, و هذي بتصير مع الشات إن شاء الله
ولا يهمكم ,,,

يله عزكم ياشباب

طيب محمد

لجنة الملتميديا فكرة من ؟ وليه الحين نفذتوها ؟
ليه ماكانت من اول يعني

* * * *

فكرة الملتي ميديا فكرة جماعية و تطورت ,, ما أقدر أقولك اسم محدد لأني ما أدري من
الي قال الفكرة بس طورناها و طلعناها بالشكل هذا مبدئيا و بعدين بتتطور ,,

الفكرة كانت هذا الوقت لإن عندنا الإمكانية و الطاقة ,, ما شاء الله المصممين موجودين
و كل واحد يقول الزود عندي ,, مسجلين فيديو ,, و ترتب الوضع بالنسبة للأقسام ولأنشطتها
و برامجها صح انهم مساكين ينكرفون بعض الأحيان و أكبر دليل بطولة أوربا لكنهم و الله
ما قصروا أبد أبد ,,

و الملتي ميديا أساسا هم يقدمون الدعم لبرامج الأقسام فكل قسم يرسل طلباته لهم و هم ينفذونها
على وجه السرعة و بأفضل طريقة ,, و توفر الوقت و الجهد أيضا ,,,

* * *
خخخخخخخخخخخخـ
تتعازمون على السؤال أنت و هشام

إنجزوا الله يعافيكم ههههههههههههههههههههههههههههههههههههههههههههه ههههه

روبن
تعازم نفسك على الجواب

* * * *

بالنسبة لأخبار ياسر ولجنة لأخبار ياسر صعبة ,, لسبب بسيط ,,
مهوب من كثر أخبار ياسر يعني من الأسبوعين للأسبوعين و بعض الأحيان
تمتد لأكثر ,, فـأي خبر لياسر يتم بالعادة عن طريق الاتصال به أو هو
يتصل علينا و يبلغنا ,,,

بالنسبة لأخبار الهلال يحتاج لها شخص متفرغ و يروح النادي يوميا و هذا صعب ,,
و صعوبة أيضا الحصول على الأخبار ,, و أيضا موبايلي الهلال الي يقدم الأخبار أول بأول ,,

و من سياسة الموقع إننا ما نحط الخبر إلا إذا هو موثوق و من مصادره الأصلية ,, يعني
سالفة مواضيع هذا خبر جايني عن طريق عضو شرف متصل عليه قبل شوي ذي ما تمشي ,,
و الا يجي يقول من مصادري الخاصة ,, أوكي لك الحق تحافظ على مصادرك بس أنا كإدارة
ما أبي اعرف مصادرك عشان أجي استولي عليها لكن أبس أعرف أن تعطيني خبر صادق
و الا تلعب علي ,,, و هنا الإشكالية الكبيرة

بالنسبة لأخبار نادي الهلال ,,

تيب روبن

قسم المجلس , بدون تقليل بالمشرفين كلهم على العين والراس ماقصروا , لكن ليه احتكار نسائي بالاستثناء عن مراقب الاقسام ابو يزيد , طبعا المشرفات ماقصروا , لكن هل فيه سبب خاص او شيء يميزه ؟