ياسر
ممكن أقول لك أنك ( منسم )
ممكن أقول لك أنك ( مصرقع)
ممكن أقول لك أنك ( رهيب )
أجل مستواك مهب مثل المباريات اللي قبل
تستهبل انت يا أبو سعيد ;)
الا مستواك مثل و أزين بعد
يا اخي أنت مستواك حلو و رهيب دايم بس هالمره سجلت والمرات اللي راحت ماسجلت هذا الفرق بس :D
ياسر
كثيرون اللي ينتظرون سقوطك !!
كثيرون اللي ينتظرون ( فشلك )
بس ماعليك تراهم مساكين :(
مايدرون أنك يا ياسر ماتدري وش معنى ( فـ شـ لـ )
أجل ياسر فـاشـل !!
نكته جميلة أضحك الله سنكم وسن من قالها ياهؤلاء (<< بالله ياسر احلف انك ماتضحك الحين :D )
ياسر
كتبو الكثير عنك !!
وقالو الكثير !!
بس تدري وش يعجبني فيك !!
أنك ساكت (<< حشا أطرم خخخ :o <<< بيتوطاه ياسر :D )
ساكت مهب عشانك ماتعرف تتكلم مثلا !!
ولا ساكت عشانك ماتعرف ترد عليهم مثلا !!
ولا ساكت مثلا عشان ثقافتك فرنسيه (<< لا لا فعلا بيتصفق هالآدمي خخخ )
لا ياحبي لك
ساكت لا أن ردودك دائما ماتجي بالكلام !! والقيل والقال !!
ردود ياسر يا جماعه !!
با أفعال ( الرجال ) :o
( برايفت بن خوري : أنت رجال ؟ :D )
<<< يبي يمشيها على القافيه غصب خخخخخخ ;)
ياسر
ماراح أرجع بعيد بعيد
و أقلب با أوراق الماضي العتيد
ولا راح اجيب لك الهم والنكد
وانا أقلب بمجلة أهدافك عدد ورى عدد !!
لا ياصاحبي (<<< أحلى ياللي ياسر صديقه خخخخ :D )
أنا برجع شوي بس !!
برجع أقل من 12 ساعه (<< أخس ياللي لاعبين الساعه 1 الفجر خخخخ <<< أسئلو بن خوري وين كان الساعه وحده أمس خخخ )
<<<< فضيحة هالآدمي :D
برجع بس لمباراة أمس !!
وبشوف ردودك كيف كانت !!
الرد الأول
كوره توصل لعمر الغامدي (<< إلى هنا حلوين )
يعدي من عبد ربه بشكل حلو ويرفعها
بس وين يا اخي !! بعيده شوي !! (<< بعيدة مين يا روح أمك ماتشوف الرقم 20 في داخل منطقة الجزاء :mad: )
مين هذا اللي ( شقح ) فوق المدافع !!
من ذا رقم 20 !! :eek:
وش ذا ( الشقحه ) :eek:
يا اخي المدافع وصل إلى ركبتك :eek:
( ماجد عبدالله ) صار هلالي ؟ :D
هذا أبو سعيد ماغيره !!
و ( هوووووبااااا ) وش ذا الراااس :eek: (<<< بيصك ياسر عين :D )
أبو سعيد تعال على جنب شوي أبيك :D
أنت شايتها برجلك ولا براسك !! تكفى علمني :o
وبعدين يا اخي ماتدري ان الشبك غالي !! و ملعب الملز ماعندهم الا ( ياسر القحطاني ) كل يوم يبون يغيرون الشبك بسبتك !!
يا اخي ترفق حط الكور مرة ثانيه بشويش ارفق على الاتحاد السعودي مهب جالسين وراك كل يوم يغيرون شبك :rolleyes:
بعدين يا اخي مافيه احد قال لك أن ( المسيليم ) حارس الأهلي توه ناشئ !!
يا اخي وش هالعنف :o
حطمت المسيكين وجلس يتفرج على الكوره ولا له شغل في المباراة أبد :D
ياسر ( صوت موسيقى حزينه )
شوف الفيديو بالله :rolleyes:
شفت الأشكال الحزينه !!
شفت اللعيبه الجدد المكتئبه !!
شفت لعيبه الأهلي !!
شفت ( عنبر ) المدرب الوطني اللي شكلك بتقطع رزقه :D (<<< أصبر بكرة وتجي بعض الصحف الحائطيه وتقول ياسر يحارب المدربين الوطنين خخخخخخخخخ )
شفت رئيس الأهلي !!
ماحسيت أنك ( مجرم ) ؟؟ :D
أضغط هنا يا ياسر ولا تعودها تسجل هالأهداف ترفق على العالم يا اخي ترى عندهم عيال و وراهم مستقبل :o
الرد الثاني
بدأت القصة من كماتشو ! لجيلسون !! اللي لعبها وصدها (المسيليم ) ورجعت للشلهوب والشلهوب هذا يبي له جلسه ثانيه بعد مباراة أمس يا اخي انا ماني قادر اتخيل شكلي ولد لواحد من لعيبه الأهلي واشوف الشلهوب يسوي لهم كذا وقسم من بكرة في الأحوال المدنيه أغير أسمي عيب عليك يالشلهوب مهما صار ترانا كلنا سعوديين ههههههههه :D والشلهوب لعبها عاليه خياليه متقنه بالمسطره وبالفرجار وبالقلم وبكلش ولو تبوني انا اشيل الكوره واوديها لياسر بنفسي ماجبتها زي مايجيبها الشلهوب (<< راح فيها الشلهوب :rolleyes: ) و توصل لمين !!
مرة ثانيه رقم 20
لاحول ولا قوة الا بالله
ليه كذا !!
ليه كذا مافيه الا رقم عشرين هو اللي يستلم الكوره !!
ولسان جماهير الأهلي تقول ( لا يا ابوووياا معاه حسين عبدالغني )
ولساني أنا أقول ( ياياسر تراه حسين عبدالغني تراه لعيب وحريف وكل شي يعني تكفى ترفق شتها فيه وخلها تطلع كورنر أزين شي )
ولسان ياسر يقول ( :cool: )
وتوصل لياسر ويثبتها برجله اليمين !!
وتروح لرجله اليسار !!
و يشوتها !!
والسيليم :(
ولا شي !! :(
وكالعادة !! رقم عشرين ثاني مرة يجيب قول :mad:
وكالعاده المسيليم متحطم :mad:
وحسين عبدالغني رافع يده لحكم الرايه لحد الحين مدري ليه !!
الظاهر بيقول له أن ياسر يستهبل مثبت برجل ويشوت بالرجل الثانيه ومفروض يعطيه كرت أحمر :D
و ياسر يركض فرحان بالهدف (<< لا ياشيخ خخخخخ :D )
برايفت ياسر : وش جالس تسوي أنت يوم سجلت الهدف وراك تزين شعرك يا اخي تدري ان الكاميرا قربت (<< لا لا فعلا اليوم بيتصفق با اذن الله )
والبرقان يطلب من ياسر حركه ( الرامي ) ( روبن هود )
و ياسر بكل كرم (قحطاني ) (<< بدت العنصريه الطائفيه خخخخخ )
مايرد للبرقان طلب ;)
ويسويها ;)
ياسر حرام عليك وش جالس تسوي أنت تبي تشوف ( إجرامك ) أضغط هنا :D
<<<<< لاحظو انه يوري ياسر الأهداف بزعمه ياسر ماشافها ههههههههه بالله ماتحسون اني يبي لي كورسات تقوية بالتفكير :D
للكبار وقفتهم و لياسر وقفته الخاصه
بعد المباراة وفي تصريح ياسر عن المباراة !!
و كعادة ( الكبار ) و ( الكبار ) فقط
كان تصريح ياسر متزنا وشكر الله على الفوز
وتكلم بكل واقعيه عن وضعه في الهلال
و رد على جميع من أنتقد ياسر !!
والقناص ( قناص ) زي مايقولون ;)
كيدهم كيــدهم و أن قدرت تـزيدهم يا (ياسر) زيدهم !!
قالو أن ( ياسر ) لين ينجح
قالو أن ( ياسر ) مايستحق الملايين
قالو أن ( ياسر ) مقلب أكله الهلال
قالو أن ( ياسر ) لاعب مصنوع و إعلامي بحت
ماراح أرد !!
ولا راح أتعب نفسي !!
ومايحتاج أنت ترد (<< لا لا تكفى طلق عليه :D )
لا أن ردودك دائما في الميدان
ياسر تبي نصيحتي ;)
كــــيدهم ... كيــــــدهم ..... و أن .... قـــدرت ..... تـــــزيدهم .... يا ..... ياسر ..... زيـــــــدهم
وترى بالحيل أشتقنا لها الفرحه ;)
برايفت ياسر أنت بلحالك :
شف تراني أحبك وجالس أمدحك با أيديني ورجولي :o
وتراني ( ولد عمك ) :D
يعني عشاني يعني :(
ترفق علينا يوم الجمعه الجاي :(
وترى اللي بيحرس مرمى النصر حارس ناشئ جديد :(
أرجوك يكفي ألم يكفي مأساه يكفي اللي سويته ب ( المسيليم )
حاول أنك تسجل قول واحد بس ولا قولين لاتكثر الأقوال :rolleyes:
اذا مهب عشاني عشان ابن خوري طيب هههههههههه :D
ياسر لاتضطرني أحذف موضوعي ذا و أكتب فيك قصيدة هجائيه هههههههه <<< ياسرع مايقلب :D
ياسر
الكبير كبير ;)
27-11-2005, 01:52 PM
كـيدهم كـيدهم و أن قدرت تزيدهم يا ياسر وش عليك يا أخي (( زيــدهم )) !!
العرض الشجري
